Ebre 2:17 - A SƐB-SÕW

¹⁷ Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 2:17 ပူးပေါင်းရင်းမြစ်များ

2 Bibie za yel-manɩ 29:24

A bàwr-maalbɛ tɩ ŋma n a kɔkɛɛ a Ɩsɩrayɛl za yel-bier ír-bɛrʋ ƴãw, ɛ́ de a zɩ̃ɩ cir ƴãw a bàwr-maal-kuur zu.

Ɩzayi 11:5

A mɩnʋ nɩ a yel-mɩŋa na ɩ n a ʋ zie mɛ̃ kpàwr bɛ na mɩ́ sɛ a sɩɛmɩ́ kʋralɛ a.

Ezekɩɛl 45:15

A Ɩsɩrayɛl tẽw dʋn mʋ̃ɔ 'wɔbrʋ ziir a, nyɩ na mɩ́ nyɔw nɩ dʋ̃-been píir bɩɩ bʋʋr kɔbr ayi (200) pʋɔ. Nyɩ na mɩ́ de ʋ na tɩr a de-kʋ̀b bome ƴãw, a nyɩw-a-za-bàwr bɩɩ a ƴã-ɓaarʋ bàwr ƴãw. Lɛ n'a nyɩ na mɩ́ páw a nyɩ yel-bebe suur-dɩ-kʋ̀b. A mãa Sore Naaŋmɩn n'ʋ yere.

Ezekɩɛl 45:17

Bʋ̃ʋ n'ʋ vɛ̃, a nãà n'ʋ a na fɛr ʋ mɩ́ tɩr a bom nɛ na sɛw a a nyɩw-a-za-bagɛ nɩ a zɔ̃ de-tɩrʋ nɩ a divɛ̃ de-tɩrʋ ƴãw a cuwr daar: baa zuo a za a cuw-paala cuw, a pɩ̃ɛnʋ-bibie nɩ a Ɩsɩrayɛl nɩ-bʋʋrɛ tub za. A nãà na mɩ́ so a sãwna bagɛ maalʋ, a de-kʋ̀b bome tɩrʋ, a nyɩw-a-za-bagɛ nɩ a ƴã-ɓaarʋ bagɛ maalʋ. Lɛ n'a ʋ na mɩ́ páw a Ɩsɩrayɛl nɩ-bʋʋrɛ yel-bebe suur-dɩ-kʋ̀b.»

Ezekɩɛl 45:20

A cuw bibie ayopõi sob a, nyɩ na lɛb'a ɩ a lɛ tɔr za a sob nɛ na bɛ sʋ̃ɔmɩ sãw bɩɩ sãw ɛ́ bɛ bãw nɩ a a ƴãw. À à ŋá n'a nyɩ na ɩ a Ŋmɩn-yir-kpɛ̃ɛ ʋ vɩɛl.

Levitɩ mɩnɛ 14:18

Ʋ na cir'ɩ a kãá na cɛ a ʋ nũú a ƴãw a sob nɛ zũú, ɛ́ tu a dɛwr-so-bɛrʋ tub a ʋ ƴãw a Sore niŋé.

Levitɩ mɩnɛ 16:16

Ʋ na tu n a dɛwr-so-bɛrʋ tub a zi-sõw-za-zi-sõw zu, ír a dɛwr bɛr a Ɩsɩrayɛl nɩbɛ na ƴãw ʋ nɩ a bɛ nɛ́ɛ-zawrʋ nɩ a bɛ yel-sãwnɩ a. Ʋ mɩ̀ na ɩ n a lɛ a pùorí a tuor-taa pɛn-sɛw zie ʋl na cɛ a ƴãw, ʋ na àr nɩbɛ na tɛr dɛwr a sɔgɔ a ƴãw.

Levitɩ mɩnɛ 8:15

A Moyiir tɩ ŋmãa nɩ a dʋ̃w kɔkɔr, ɛ́ ɩ a zɩ̃ɩ nɩ nobir ƴãw a bàwr-maal-kuur ɩ́lɛ́ ƴãw, k'ʋʋ ɩ ʋ vɩɛl. Al pùorí, ʋ cir a zɩ̃ɩ na cɛ a ƴãw a bàwr-maal-kuur sɩɛ ƴãw. À ŋá n'a ʋ tɩ maalɩ ʋ, kɛ́ bɛ mɩ́ wa tʋ̃ɔ́ tu a yel-bebe suur-dɩ-kʋ̀b tub a ʋ zu.

Sɔr-nɛ́ɛ 15:25

Al pùorí, a bàwr-maalɛ na tu n a yel-bebe suur-dɩ-kʋ̀b tub a Ɩsɩrayɛl nɩbɛ za na ɓã taa a ƴãw, ɛ́ bɛ na páw nɩ a yel-bebe suur. Bʋ̃ʋ n'ʋ vɛ̃, a na ɩ n sãwna nyɩ na bɛ bãwnɩ kɛ́ sãw a ƴãw, nyɩ na wa n dʋ̃w wa maal'ɩ bàwr nyɩw bɛr a, nɩ yel-bier ír-bɛrʋ bàwr nyɩ na maalɩ a ƴãw.

Ʋrɔm 15:17

A na ɩ lɛ a, mãa nɩ a Yeezu Kɩrɩta na lãw taa a, ɩ̃ na tʋ̃ɔ́ na nyʋʋr a ɩ̃ ton ƴãw ɩ̃ na tone a Naaŋmɩn ƴãw a.

Ʋrɔm 5:10

Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Efɛɛzɩ 2:16

Ʋ tɩ bɔbr'a kɛ́ bɛlɛ nɩ a Naaŋmɩn lɛb kpɛ taa, a ʋ da-gara zu kũu ƴãw, ɛ́ k'aa bʋʋrɛ bɛ za ayi tʋ̃ɔ́ lãw taa ɩ ƴãw-been. A ʋl mɩŋa pʋɔ n'a ʋ kʋ a dɔ̀nʋ.

Kɔlɔsɩ 1:21

Ɛ́ nyɩɩm na tɩ dãw zãá nɩ a Naaŋmɩn a, nyɩɩm na tɩ dãw ɩ a ʋ dɔ̃ nɩbɛ a nyɩ ɩ-faar zũú a,

Ebre 10:21

Tɩ tɛr'ɩ bàwr-maal-kara na kaarɛ a Naaŋmɩn yir zie a.

Ebre 2:11

Bʋ̃ʋ n'ʋ vɛ̃, a Yeezu na tɩrɛ a sonu a, nɩ a bɛlɩ dem na páwr a sonu a, bɛ za lãw nɩ Sãà, alɛ so vĩ bɛ ɩrɛ ʋ, ʋ na na bʋɔlɛ bɛ a ʋ yɛbr a ɩ.

Ebre 2:14

A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

Ebre 2:16

Malkɩ mɩnɛ sõwfʋ ƴãw sɩrɩ bɛ n'a ʋ waar ɛ, Abraham bʋʋrɛ sõwfʋ ƴãw n'a.

Ebre 3:1

Yɛbr kɩrɩta-nɩbɛ ɛ, a Naaŋmɩn so nyɩ, ʋl na bʋɔlɩ nyɩ a. A na ɩ lɛ a, nyɩ jɩ́rɛ a Yeezu na ɩ a naaŋmɩn-sàw-deb tɩ na hiere a nɩ-tona nɩ abàwr-maal-kara a.

Ebre 3:2

Sɩza n'a, a Naaŋmɩn na kʋ̀ ʋ a tõ-nʋɔr ŋa a de nɩ a ʋ yele, mɛ̃ a lɛ tɔr za ʋ na tɩ de a Moyiir yele a ʋ yir za pʋɔ a.

Ebre 3:5

A Moyiir a, a Naaŋmɩn tɩ de nɩ a ʋ yele a ʋ yir za pʋɔ mɛ̃ tõ-tõ-bie na na dɩ a ƴɛ̀rʋ a Naaŋmɩn na na ƴɛ̀r a dãsɩɛ a.

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

Ebre 4:15

Bàwr-maal-kara na kʋ̃ tʋ̃ɔ́ lãw nɩ tɩ gú a tɩ bãbàalʋ pʋɔ a bɛ n'ʋ tɩ tɛr ɛ. Bɛ nɩ̃ɛ na ɩ ʋ kaa a za pʋɔ mɛ̃ a tɩɩm a, ʋʋ bɛ maalɩ yel-bier ɛ.

Ebre 5:1

Naaŋmɩn bàwr-maal-kara za a, a nɩsaalbɛ pʋɔ n'a bɛ mɩ́ kaa ír ʋ a nɩsaalbɛ ƴãw, a bɛ Naaŋmɩn yele kaafʋ pʋɔ, k'ʋʋ mɩ́ tɩr a de-kʋ̀b bome ɛ́ maalɩ bàwr a yel-bebe suur páwfʋ ƴãw.

Ebre 5:10

Bʋ̃ʋ n'ʋ vɛ̃, a Naaŋmɩn yel'a k'ʋʋ ɩ n bàwr-maal-kara a Mɛlkɩsedɛkɩ pal pʋɔ.

Ebre 5:2

Ʋ na tʋ̃ɔ́ na mɩ́ bãw a pɛr kʋ̀ a bɛlɩ dem na ɩ zɔn a, nɩ a bɛlɩ dem na mɩ́ tule a, ʋl mɩŋa a bãbàalʋ na fɛrɛ a ƴãw.

Ebre 5:5

À ŋá n'a a Kɩrɩta mɩ̀ bɛ kʋ̀ ʋ tʋɔra a bàwr-maal-kara ƴãwfʋ ɛ. A Naaŋmɩn na ƴɛ̀r à à ŋá a ʋ zie a, ʋlɛ n'ʋ kʋ̀ ʋ: «Ɩ̃ bie nɛ b, ɩ̃ dɔw fʋ nɩ a dɩ̃a.»

Ebre 6:20

be a Yeezu na de tɩ niwn tɩ kpɛ a tɩɩm ƴãw a, ʋl na lɩɛbɩ bàwr-maal-kara na be kʋralɛ a Mɛlkɩsedɛkɩ pal pʋɔ a.

Ebre 7:26

A bàwr-maal-kara tɔr za n'ɩ à ŋà a na tɩ fɛr kɛ́ tɩ tɛr a: ʋ ɩ n sõw, ʋ bɛ tɛr sãwna ɩ, ʋ vɩɛl'ɩ ʋ za. Bɛ bʋ́r ʋ na ʋ bɛ pʋɔ a yel-bebe dem pʋɔ ɩ, ɛ́ zɛw ʋ k'ʋ do gãw a salom.

Ebre 7:28

A Naaŋmɩn wulu mɩ́ ƴãw nɩ nɩbɛ na tɛr bãbàalʋ a bɛ ɩ a bàwr-maal-karɩ. Ɛcɛ a pɔb a Naaŋmɩn na ƴɛ̀r pɔ n a Wulu pùorí a ɩ na a ʋ Bie na páw vɩɛlʋ za a nʋɔr kʋ̀ a, ʋ ɩ bàwr-maal-kara na be kʋralɛ a.

Ebre 8:1

A ƴɛ̀rʋ tɩ na ƴɛ̀rɛ a ƴɛ̀r-zu-kpɛ̃ɛ sɩrɩ n'ɩ à ŋà: a bàwr-maal-kara ŋa tɔ n'ʋ tɩ tɛr, ʋl na zɩ̃ a Naaŋmɩn na ɩ kpɛ̃ɛ kpɛ̃ɛ za a naalʋ-dà-kɔw dʋrʋ lowr a saa-zu a.

Ebre 8:3

Bàwr-maal-kara za a, de-kʋ̀b bome tɩrʋ nɩ bàwr maalʋ ƴãw n'a bɛ mɩ́ ka nũu ƴãw ʋ: lɛ n'a a fɛr k'aa tɩ bàwr-maal-kara ŋa mɩ̀ mɩ́ tɛr bom na de tɩr.

Ebre 9:11

Ɛcɛ a Kɩrɩta wa na mɛ̃ a yel-vɩɛlɩ na waar a bàwr-maal-kara. Pɛn-sɛw na ɩ kpɛ̃ɛ ɛ́ vɩɛl zuo a pʋɔ n'a ʋ kpɛ, pɛn-sɛw na bɛ ɩ nɩsaalbɛ nuru bʋ̃-maala a, a pɛr lɛ kɛ́ na bɛ ɩ tẽw zu ka bʋ̃-íra a.