Ebre 2:14 - A SƐB-SÕW

¹⁴ A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

Ebre 2:14 ပူးပေါင်းရင်းမြစ်များ

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

A naaŋmɩn-ƴèr-manɛ Oze sɛbɛ 13:14

Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

Matie 16:17

Lɛ n'a a Yeezu tɩ lɛb de a ƴɛ̀rʋ yel ʋ: «Zu-nʋ̃ɔ̀ sob nɛ b, Zonasɩ bidɛb Sɩmʋ̃ ʋ, nɩsaal bɛ n'ʋ wul fʋ a yel ŋa ɩ, a ɩ̃ Sãà na be a tẽ-vla pʋɔ a n'ʋ.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Zã 12:24

Yel-mɩŋa sɩza sɩza n'a ɩ̃ yere kʋ̀rɛ nyɩ: a ka-bir wa lo a tẽw bɛ wɛ a, ʋ mɩ́ gã nɩ ʋ yõ. Ɛcɛ ʋlɛ wa wɛ a, ʋ mɩ́ wɔ̃ n wɔmɛ yaga.

Ʋrɔm 14:9

Bʋ̃ʋ n'ʋ vɛ̃, a Kɩrɩta kpi na ɛ́ lɛb vʋʋrɛ, k'ʋʋ ɩ a nɩ-kũuni nɩ a nɩ-vʋʋrɩ za Sore.

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

1 Korɛ̃tɩ 1:28

A alɩ bome nɛ na bɛ tɛr yúor a tẽ-daa zie a, a al bɛ na jewre a, a al na bɛ ɩ bom a, alɛ n'a a Naaŋmɩn kaa ír k'ʋʋ sãw nɩ a al na ɩ bʋ̃-sɩza a bɛr,

1 Korɛ̃tɩ 15:50

Yel ŋa n'ʋ ɩ̃ bɔbr k'ɩ̃ɩ yel, yɛbr i: nɩsaal na ɩ ƴã-gan nɩ zɩ̃ɩ tɛwr'a kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ, ɛ́ bʋ̃-kpiira kʋ̃ tʋ̃ɔ́ pʋɔ bʋ̃-bɛ-kpiira yele pʋɔ ɩ.

Galasi 4:4

Ɛcɛ a daar ʋl a Naaŋmɩn na ƴãw a na wa ta a, ʋ tõ n a ʋ Bie, pɔw dɔw ʋ, ɛ́ a Naaŋmɩn wulu sàwfʋ fɛrɛ ʋ,

Kɔlɔsɩ 2:15

Ʋ zɛb'a tʋ̃ɔ́ a naalʋ-dɩb bʋʋrɛ za nɩ a fãw za, ʋ ɩ na a lɩɛbɩ bʋ̃-ɩ-laarɩ a nɩbɛ niŋé, a ɩ a gbãgbaar a ʋ Bie na zɛb tʋ̃ɔ́ bɛ cɔrɩ tuur ʋ a.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

2 Timote 1:10

Ƴɛrɛŋa a, a maalʋ ŋa pãa sãá na, a tɩ Faarɛ Kɩrɩta Yeezu na wul ʋ tʋɔra a zũú. Ʋlɛ n'ʋ ɩ a kũu kpɛnʋ baarɩ, ɛ́ ɩ a nyɔ-vʋʋrʋ na bɛ tɛr kũu a, ʋ sãá a Yel-nʋ̃ɔ̀ manʋ pʋɔ.

Ebre 10:10

A Naaŋmɩn pʋ-tɩɛrʋ ŋa na maalɩ a ƴãw n'a tɩ páw a sonu, a Yeezu Kɩrɩta na de a ʋ ƴã-gan maal'ɩ bàwr gb'a been daadaa a zũú.

Ebre 10:5

A lɛ n'a so, a Kɩrɩta na wa waar a tẽ-daa zu a lɛn daar a, ʋ yel a Naaŋmɩn: «Fʋ bɛ sàw de bàwr nɩ de-kʋ̀b bom ɛ, ɛcɛ fʋ cɔbr'ɩ ƴã-gan kʋ̀ m.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 2:18

Ʋ na wõ tuo ɛ́ nyɛ̃ bɛlʋ a, ʋ na tʋ̃ɔ́ na mɩ́ sõw a bɛlɩ dem na nyɛrɛ a bɛlʋ a.

Ebre 4:15

Bàwr-maal-kara na kʋ̃ tʋ̃ɔ́ lãw nɩ tɩ gú a tɩ bãbàalʋ pʋɔ a bɛ n'ʋ tɩ tɛr ɛ. Bɛ nɩ̃ɛ na ɩ ʋ kaa a za pʋɔ mɛ̃ a tɩɩm a, ʋʋ bɛ maalɩ yel-bier ɛ.

Ebre 9:15

À ŋá n'a a Kɩrɩta ɩ Wõ-ta-paala lɔ̃lʋɔrɛ. Ʋ na kpi k'ʋʋ ír a wõ-ta-dãw-niwn sob daar nʋɔr zawrʋ sãwna bɛr a, a bɛlɩ dem a Naaŋmɩn na bʋɔlɩ a na tʋ̃ɔ́ na mɩ́ páw a yel-vɩɛlɩ na be kʋralɛ a Naaŋmɩn na yel k'ʋʋ na kʋ̀ n a ʋ nɩbɛ a.

1 Pɩɛr 1:20

Ʋlɛ n'ʋ a Naaŋmɩn tɩ dãw bãwnɩ, ʋ na bɛ tɩ ír a tẽ-daa sɛr a, ɛ́ pãa wa wul ʋ sãá a nyɩɩm ƴãw, a vuo ŋa pʋɔ na ɩ a vo-pɛ-baara a.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Yel-wula 20:2

Ʋ tɩ nyɔw nɩ a wa-bɩɛ, a tẽ-kor waab, a pɛr lɛ k'aa Gɛgɛra bɩɩ Sɩtaana, ʋ tɩ nyɔw ʋ na 'lẽ nɩ a bãzɔl-tɩbrʋ ʋl, ɛ́ gù yome túr (1 000).