Ebre 13:9 - A SƐB-SÕW

⁹ Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

Ebre 13:9 ပူးပေါင်းရင်းမြစ်များ

Sɛb-sõw yielu 112:8

Ʋ kpɛmɛ nɩ socir, ʋ bɛ zɔrɛ bom za ɩ, ɛ́ gù ʋ wa tɩ nyɛ̃ a ʋ dɔ̃ dem vĩ.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Matie 24:4

A Yeezu tɩ sɔw na yel bɛ: «Nyɩ gù nyɩ tʋɔra vla nɩr za taa wa tule nyɩ ɛ.

Luka 5:38

Bɛ mɩ́ ƴãw nɩ divɛ̃-paala wɔ-gbã-paalɛ pʋɔ.

Nɩ-toni 20:30

Mɔ̃ mɩ̀, zir-ŋmarbɛ na yi n a nyɩ pʋɔ bɛ̀lɩ a po-tuurbɛ bɛ tu a bɛ pùor.

Nɩ-toni 20:32

Ƴɛrɛŋa a, ɩ̃ dier nyɩ na kʋ̀rɛ a Naaŋmɩn, ɛ́ dier nyɩ kʋ̀rɛ a Naaŋmɩn ƴɛ̀rʋ na tɩrɛ maalʋ a. A Naaŋmɩn tɛr'ɩ fãw na tʋ̃ɔ́ mɛ a yir, ɛ́ ɩ a bɛlɩ dem za na ɩ nɩ-son a bɛ páw a gbã-dɩ-bom.

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

Ʋrɔm 14:2

Mɛ̃ à ŋá a, kãw tɩɛrɛ na k'ʋʋ na tʋ̃ɔ́ na dɩrɛ bom za, ɛ́ kãw na bɛ tɛr fãw a ʋ sàw-deb pʋɔ a, dɩrɛ zɛ-vaar tɛwr.

Ʋrɔm 14:6

Sob nɛ na mɩ́ bãwnɩ bibir kãw a, a Sore ƴãw n'a ʋ mɩ́ ɩ a lɛ, sob nɛ na dɩrɛ a za a, a Sore ƴãw mɩ̀ n'a ʋ ɩrɛ a lɛ, bʋ̃ʋ n'ʋ vɛ̃, ʋ mɩ́ puor'ɩ a Sore yãanɩ. Sob nɛ na bɛ dɩrɛ a za a, ʋ ɩrɛ nɩ a lɛ a Sore ƴãw, ɛ́ a ʋl mɩ̀ a, ʋ mɩ́ puor'ɩ a Sore yãanɩ.

1 Korɛ̃tɩ 6:13

Nyɩ mɩ̀ mɩ́ yel'a: «Púor ƴãw n'a a bʋ̃-dɩrɩ be, ɛ́ bʋ̃-dɩrɩ ƴãw n'a a púor mɩ̀ be.» Ɛ́ Naaŋmɩn na sãw nɩ a bʋ̃-dɩrɩ bɛr, ɛ́ sãw a púor bɛr. Ɛcɛ a ƴã-gan bɛ be a pɩ̃ɔ-yele maalʋ ƴãw ɛ, a Sore ƴãw n'a ʋ be, ɛ́ a Sore mɩ̀ be a ƴã-gan ƴãw.

1 Korɛ̃tɩ 8:8

Bʋ̃-dɩra bɛ n'ʋ na taw tɩ pɩɛl'ɩ a Naaŋmɩn ɛ. Tɩmɛ bɛ wa dɩ a, a kʋ̃ ɩ tɩ bom za ɩ, ɛ́ tɩmɛ saa wa dɩ a, tɩ kʋ̃ páw bom za dɔwlɩ ɛ.

2 Korɛ̃tɩ 1:21

A sob nɛ na mɩ́ ɩ tɩ kpɛmɛ lãwnɩ nyɩ ɛ́ lãwnɩ a Kɩrɩta, ʋʋ zɛ tɩ a kãá-sõw a, a Naaŋmɩn n'ʋ,

Galasi 6:1

Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ?

Efɛɛzɩ 4:14

Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

Efɛɛzɩ 5:6

Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw.

Kɔlɔsɩ 2:4

Ɩ̃ yere nɩ à ŋá kɛ́ nɩr za ta tʋ̃ɔ́ bɛlɩ nyɩ nɩ nɔ-kãá ƴɛ̀rʋ ɛ.

2 Tesalonikɩ 2:17

bɛ mɔwlɛ nyɩ ɛ́ kʋ̀rɛ nyɩ fãw a vla maalʋ ƴãw kʋralɛ a nyɩ ɩ-ɩrɩ pʋɔ, nɩ a nyɩ nʋɔr ƴɛ̀rʋ pʋɔ.

2 Tesalonikɩ 2:2

nɩr wa yel k'aa Sore bibir ta na a, nyɩ ta sàw a nyɩ tɩɛrʋ dam nyɩ fɔ̃wlɛ ɩ, ɛ́ nyɩ ta zɔrɛ dɛ̃bɩ̃ɛ ɩ. Bɛlɛ saa yel kɛ́ tɩmɛ nɛbɛ ƴɛ̀r naaŋmɩn-ƴɛ̀r-manɛ ƴɛ̀rʋ bɩɩ ƴɛ̀r ƴɛ̀rʋ kãw bɩɩ tɩr sɛbɛ a, nyɩ taa sàwr ɛ.

1 Timote 6:20

Fʋ̃ʋ Timote e, maal tɛr a bom bɛ na kʋ̀ b a, gùr pùor cɔw a ƴɛ̀r-zawlɛ na bɛ tu naaŋmɩn-sàw-deb a, mɩ̀ gùr pùor cɔw a nɔkpɛn, a bɛlɩ dem na yel kɛ́ bɛ bãw na a na mɩ́ ŋmɩɛr a.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:12

Bɛlɛ sɩrɩ nɛbɛ mɩ́ sãwnɛ a nyɩ yɛbr lãw-dɩb bɛrɛ, a lɛn daar bɛ na mɩ́ su zu dɩrɛ bɛ zɔrɛ nɩ vĩ a. Bɛ ŋmɛ̃ na mɛ̃ zũzuwe sɛsɛb na mɩ́ darɛ, ɛ́ a bɛ mɩ́ mĩ saa a. Bɛ ŋmɛ̃ na mɛ̃ tɩrʋ na bɛ wɔnɛ a, a wɔb daar saa n'a a, ɛ́ bɛlɛ wa vɔ̃ a bɛr a, ãa kpi gb'a ayi a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:3

Ɩ̃ bá mɩnɛ ɛ, ɩ̃ tɩ bɔbr'a nɩ ɩ̃ pʋɔ za, k'ɩ̃ɩ sɛb nyɩ manɩ a faafʋ tɩ za na lãw a yele kʋ̀ nyɩ. Ɛcɛ a wa ɩ fɛrʋ k'ɩ̃ɩ tɩr a sɛbɛ ŋa kʋ̀ nyɩ, yel kʋ̀ nyɩ kɛ́ nyɩ ƴãw fãw mʋɔr a sàw-deb a Naaŋmɩn na kʋ̀ a ʋ nɩbɛ daƴen daadaa a ƴãw.