Ebre 13:7 - A SƐB-SÕW

⁷ Nyɩ lɛb tɩɛrɩ a nyɩ niw-dierbɛ yele, bɛl na tɩ manɩ a Naaŋmɩn ƴɛ̀rʋ kʋ̀ nyɩ a. Nyɩ nyɛ̃ a lɛ bɛ na vʋʋrɩ tɩ kpi n a, nyɩ cɔwrɛ a bɛ naaŋmɩn-sàw-deb.

Ebre 13:7 ပူးပေါင်းရင်းမြစ်များ

A Yielu za pʋɔ yiel-vla vla 1:8

Fʋ̃ʋ na pɔl zuo a pɔwbɛ za a, fʋ̃ʋ bɛ wa bãw a, fʋ̃ʋ yi tuur a píir gbɛ́ɛ, ɛ́ kpa a fʋ bʋli pɩɛl'ɩ a dʋ̃-cɩ̃ɩnbɛ kpɛb ziir.

Matie 24:45

«A tõ-tõ-bi-vla nɩ yã-bãwnɛ pãa n'ɩ buor a? A kãw n'ɩ ŋan a ʋ zu-sob na de a ʋ yir nɩbɛ kʋ̀, k'ʋʋ mɩ́ kʋ̀ bɛ a bʋ̃-dɩrɩ a daar wa ta a.

Luka 12:42

A Sore tɩ sɔw na: «Bʋ̃-kaarɛ vla buor sob'ʋ, bãw yã, a zu-sob na ƴãw k'ʋ dɩ nɩ-kpɛ̃ɛnʋ a ʋ yir nɩbɛ zu, kɛ́ a daar mɩ́ wa ta a, ʋ̃ʋ manɩ a ble kʋ̀ bɛ?

Luka 5:1

Bibir kãw, a zu-sɛbla tɩ nɛbr'ɩ taa a Yeezu zie a Naaŋmɩn ƴɛ̀rʋ bɛr-wob ƴãw, ɛ́ a Yeezu tɔr za tɩ àr a Zenezarɛtɩ kʋ̃ɔ-kpɛ̃ɛ nʋɔr.

Luka 8:11

«Nyɩ nyɛ̃ a zʋkpar ŋa pɛr: a Naaŋmɩn ƴɛ̀rʋ n'ɩ a bʋ̃-bʋʋrɛ.

Nɩ-toni 13:46

Lɛ n'a a Pol nɩ a Banabasɩ pãa tɩ nyar bɛ za ɛ́ yel bɛ: «Nyɩmɛ nɛbɛ a tɩ fɛr kɛ́ tɩ de niwn manɩ a Naaŋmɩn ƴɛ̀rʋ kʋ̀, ɛcɛ nyɩ na bɛ sàwr dier a, ɛ́ nyɛ̃ nyɩ bɛ sɛwnɩ a nyɔ-vʋʋrʋ na be kʋralɛ a, tɩ cere nɩ a nɩ-bʋʋr-yoru zie.

Nɩ-toni 14:23

Bɛ tɩ kaa na ír nɩ-kore a Lãw-yie been been kaafʋ ƴãw, ɛ́ bɛ na tɩ puori tɛr'ɩ mʋta-tuo wa baar'a, bɛ de nɩ a nɩbɛ bɛ ŋa, na tɩ ƴãw a bɛ tɩɛrʋ a Sore ƴãw a, kʋ̀ ʋ.

Nɩ-toni 4:31

Bɛ na tɩ puori baar'a, a dĩó nɛ pʋɔ bɛ na tɩ ɓã taa a, tɩ dam'a: a Vʋʋrʋ Sõw tɩ paal'ɩ bɛ za, bɛ ɓãá ƴãw hiere a Naaŋmɩn ƴɛ̀rʋ.

Ʋrɔm 10:17

A na ɩ à ŋá a, a sàw-deb mɩ́ yi n a yel fʋ na wõ a zie, ɛ́ a yel fʋ na wõ a ɩ a Kɩrɩta ƴɛ̀rʋ.

1 Korɛ̃tɩ 10:13

A bɛlʋ al za na ta nyɩ a, ɩ n a al na tarɛ a nɩsaalbɛ a. A lɛ a Naaŋmɩn na yel k'ʋʋ na ɩ na a, ʋ bɛ mɩ́ lɩɛb'a bɛr ɛ, ɛ́ bɛ mɩ́ lɛb sàw kɛ̀ bɛ̀lʋ na zuo a nyɩ fãw a ta nyɩ ɛ. A bɛ̀lʋ wa ta nyɩ a, ʋ na kʋ̀ nyɩ nɩ a fãw nyɩ tʋ̃ɔ́ a bɛ̀lʋ, ɛ́ yi zaa a bɛ̀lʋ pʋɔ.

1 Korɛ̃tɩ 11:1

Nyɩ cɔwrɛ mɛ̃, mɛ̃ a lɛ mãa mɩŋa na cɔwrɛ a Kɩrɩta a.

1 Korɛ̃tɩ 4:16

Lɛ so ɩ̃ zɛlɛ nyɩ: nyɩ cɔwrɛ mɛ̃.

Filib 3:17

Yɛbr i, nyɩ za nyɩ cɔwrɛ mɛ̃, ɛ́ tori niwn jɩ́rɛ a bɛlɩ dem na ɩrɛ mɛ̃ a lɛ tɩ na ɩ wul nyɩ a.

1 Tesalonikɩ 1:6

Ɛ́ a nyɩɩm a, nyɩ cɔwrɩ tɩ na, tɩɩm nɩ a Sore. Nyɩ tɩ be n kpɩɛrʋ na bɛ dɩ vuo a pʋɔ, ɛ́ sàw de a Naaŋmɩn ƴɛ̀rʋ nɩ nʋ̃ɔ̀ na yi a Vʋʋrʋ Sõw zie a.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

2 Tesalonikɩ 3:7

A nyɩɩm a, nyɩ bãw nɩ a lɛ a na fɛr kɛ́ nyɩ cɔwrɛ tɩ a: bʋ̃ʋ n'ʋ vɛ̃, tɩ bɛ ɩ ƴã-to-ɩb a nyɩ sɔgɔ ɩ.

2 Tesalonikɩ 3:9

A bɛ kaar mɛ̃ tɩ bɛ tɛr sɔ́r a nyɩ sõwfʋ bom ƴãw ɛ, ɛcɛ tɩ tɩ bɔbr'a kɛ́ tɩ ɩ a lɛ wul nyɩ kɛ̀ nyɩ cɔwrɛ tɩ.

1 Timote 3:5

Bʋ̃ʋ n'ʋ vɛ̃, nɩr na bɛ bãw a ʋ mɩŋa yir kaafʋ a, ŋmɩŋmɩn za n'a ʋ na tʋ̃ɔ́ kaa Naaŋmɩn Lãw-yir zie?

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

Ebre 13:24

Nyɩ puori a nyɩ niw-dierbɛ za nɩ a kɩrɩta-nɩbɛ za. A bɛl na yi a Ɩtali tẽw a puore nyɩ na.

Ebre 6:12

A na ɩ lɛ a, nyɩ taa kpɩɛr ʋnʋnʋ ɛ, ɛcɛ nyɩ cɔwrɛ a bɛlɩ dem na mɩ́ dɩ kanyir sàw de, ɛ́ mɩ́ páw a ʋlɩ bom nɛ a Naaŋmɩn na ƴãw nʋɔr k'ʋʋ na tɩr a a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

Yel-wula 6:9

A Pele na wa 'law a sɩ-suur anũu sob a, a bɛlɩ dem bɛ na kʋ a Naaŋmɩn ƴɛ̀rʋ ƴãw nɩ a dãsɩɛ bɛ na dɩ a ƴãw a, ɩ̃ nyɛ̃ nɩ a bɛ sɩ́ɩr a bàwr-maal-kuur pile.