Ebre 13:6 - A SƐB-SÕW

⁶ Lɛ so tɩ na tʋ̃ɔ́ bɛr tɩɛrʋ ɛ́ yel: «A Sore n'ɩ a ɩ̃ sõwne, ɩ̃ kʋ̃ zɔrɛ bom za dɛ̃bɩ̃ɛ ɩ. Bʋ̃ʋ n'ʋ nɩsaal na tʋ̃ɔ́ ɩ m?»

Ebre 13:6 ပူးပေါင်းရင်းမြစ်များ

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

1 Na-mɩnɛ 17:8

A lɛ n'a a Sore tɩ ƴɛ̀r a Eli zie, yel ʋ à ŋá:

Sɛb-sõw yielu 124:8

A Sore mɩŋa n'ɩ a tɩ sõwfʋ, ʋl na ír a salom nɩ a tẽw a.

Sɛb-sõw yielu 146:3

Nyɩ ta ƴãw a nyɩ tɩɛrʋ a tẽw ŋa zu nɩ-yée ƴãw ɛ: nɩsaalbɛ tɛwr nɛbɛ, bɛ kʋ̃ tʋ̃ɔ́ faa nɩr ɛ.

Sɛb-sõw yielu 27:9

Ta lɩɛbɩ kpaar cɔw mɛ̃ ɩ, ta dáa a mãa fʋ tõ-tõ-bie bɛr'ɩ suur ɛ, fʋ̃ʋ na ɩ a ɩ̃ sõwne a. Ta jɛ m bɛr ɛ, ta zawrɩ mɛ̃ bɛr ɛ, fʋ̃ʋ Naaŋmɩn na ɩ a ɩ̃ faarɛ a.

Sɛb-sõw yielu 33:20

Tɩɩm ƴãw a, a Sore n'ʋ tɩ gùre, ʋlɛ n'ɩ a tɩ sõwne nɩ a tɩ zɛbr-kur-pãgala.

Sɛb-sõw yielu 40:17

Bɛlɩ dem za na bɔbr fʋ a, nʋ̃ɔ̀ nɩ cɩlʋ, a tɛr bɛ a fʋ ƴãw, ɛ́ a bɛlɩ dem za na nɔnɛ fʋ, fʋ̃ʋ na ɩ a Faarɛ a, bɛ yere kʋralɛ: «A Sore ɩ n kpɛ̃ɛ!»

Sɛb-sõw yielu 54:4

Naaŋmɩn i, wõ a ɩ̃ puoru, ƴãw tobr bɛr wõ a ɩ̃ nʋɔr ƴɛ̀rʋ.

Sɛb-sõw yielu 56:4

Ɛcɛ dɛ̃bɩ̃ɛ mɩ́ wa ɩrɛ mɛ̃ a, fʋ̃ʋ zie n'a ɩ̃ mɩ́ ƴãw a ɩ̃ tɩɛrʋ.

Sɛb-sõw yielu 63:7

Mãa wa gã a, ɩ̃ mɩ́ lɛb'a tɩɛrɛ a fʋ yele, ɩ̃ mɩ́ tɛr fʋ na tɩɛrɛ a tɩ̃ɩsɔw tɛm gbele pʋɔ:

Sɛb-sõw yielu 94:17

A Sore bɛ tɩ sõw mɛ̃ a, ɩ̃ kʋ̃ʋ yaa kɛ́ ta a gbili tẽw ɛ.

Eziptɩ tẽw yib 18:4

Ʋ tɩ por'ɩ a bidɛbr ayi sob kɛ́ Eliezɛɛr, a pɛr lɛ kɛ́ “A ɩ̃ Naaŋmɩn sõwne mɛ̃ na”. Ʋ tɩ yel'a: «A ɩ̃ sãà Naaŋmɩn sõw mɛ̃ na. Ʋ faa mɛ̃ nɩ a Faarawɔ̃ na zɛbr'ɩ mɛ̃ a nuru pʋɔ.»

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Matie 10:28

Nyɩ ta zɔrɛ a bɛlɩ dem na mɩ́ tʋ̃ɔ́ kʋ a ƴã-gan yõ ɛ́ kʋ̃ tʋ̃ɔ́ a sɩ́ɛ kʋ a ɩ, ɛcɛ nyɩ nɩ̃ɛ zɔrɛ a Naaŋmɩn na na tʋ̃ɔ́ kʋ a ƴã-gan nɩ a sɩ́ɛ za a tẽ-faa pʋɔ a.

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Efɛɛzɩ 3:12

A Kɩrɩta tɩ na sàw de ɛ́ lãw nɩ a ƴãw n'a tɩ mɩ́ sʋ̃ɔmɩ sàw bɛr dɛ̃bɩ̃ɛ ɛ́ àr a Naaŋmɩn niŋé.

Wulu-ayi-sob 33:26

A Moyiir tɩ cãà na lɛb yel: «Yesurun i, ŋmɩn kãw za bɛ ŋmɛ̃ taa nɩ a fʋ Naaŋmɩn ɛ! Ʋ tʋ̃ɔ̀nɛ nɩ nɩ fãw a salom zu, waar a fʋ sõwfʋ, ɛ́ zɔm a zũzuwe.

Wulu-ayi-sob 33:29

Zu-nʋ̃ɔ̀ dem'ɩ nyɩ, Ɩsɩrayɛl nɩbɛ ɛ! A Sore faa nɩ nɩ-bʋʋrɛ kãw mɛ̃ a nyɩɩm a? A Sore ɩ na mɛ̃ zɛbr bom na piw nyɩ tɛr a, zɛbr-sɔ-kpɛ̃ɛ nyɩ na zɛb'ɩ tʋ̃ɔ́ a. A nyɩ dɔ̃ dem na bɔr'ɩ a nyɩ niŋé, ɛ́ a nyɩɩm a, nyɩ na so bɛ na.»

Ebre 10:19

A na ɩ à ŋá a, yɛbr i, tɩ mɩ́ ɓãá nɩ ƴãw kpɛ a zi-sõw-za-zi-sõw pʋɔ a Yeezu zɩ̃ɩ zũú.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

1 Samɩɛl 23:17

Ʋ tɩ yel ʋ na: «Ta zɔrɛ dɛ̃bɩ̃ɛ ɩ, a ɩ̃ sãà Sawul bɛ páwr fʋ ɛ. Fʋ̃ʋ n'ʋ na ɩ a Ɩsɩrayɛl nãà, ɛ́ mãa ɩ a fʋ tuure, a ɩ̃ sãà Sawul mɩŋa za bãwnɩ a nɩ vla.»