Ebre 13:5 - A SƐB-SÕW

⁵ A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

Ebre 13:5 ပူးပေါင်းရင်းမြစ်များ

Yele-za-pɛr-tib 28:15

Ɩ̃ be n a fʋ zie, ɩ̃ na gùre fʋ nɩ zie nɛ za fʋ na cere a, ɩ̃ɩ na lɛb'a tɛr fʋ wa n a tẽw ŋa pʋɔ. Ɩ̃ kʋ̃ zawrɩ fʋ bɛr ɛ, ɛ́ gù ɩ̃ tɩ maalɩ a lɛ za ɩ̃ na yel kʋ̀ b a.»

Yele-za-pɛr-tib 30:31

A Labã yel: «Bʋ̃ʋ n'ʋ ɩ̃ na kʋ̀ b?» A Zakɔb sɔw: «Fʋ bɛ kʋ̀rɛ mɛ̃ bom za ɩ. Fʋ̃ʋ wa sàw a lɛ ɩ̃ na na yel kʋ̀ b a, ɩ̃ na cɩ̃ɩnɛ na ɛ́ kaarɛ a fʋ dʋn zie mɛ̃ a dãwdãw a.

Yele-za-pɛr-tib 31:5

ʋ wa yel bɛ: «Ɩ̃ nyɛ̃ na k'aa nyɩ sãà bɛ cãà ɩrɛ a ɩ̃ zie mɛ̃ a koro za a ɩ, ɛcɛ a ɩ̃ sãà Naaŋmɩn bɛ bɛr mɛ̃ ɩ.

1 Na-mɩnɛ 6:13

Ɩ̃ na wa na wa kpɩɛr a yir ŋa a Ɩsɩrayɛl nɩbɛ sɔgɔ, ɩ̃ɩ bɛ zawrɛ a ɩ̃ nɩ-bʋʋrɛ Ɩsɩrayɛl bɛrɛ towtow ɛ.»

1 Na-mɩnɛ 8:57

Ƴɛrɛŋa a, ɩ̃ zɛlɛ nɩ a Sore tɩ Naaŋmɩn, k'ʋʋ be a tɩ zie, mɛ̃ a lɛ ʋ na tɩ be a tɩ sãàkʋm-kore zie a, k'ʋʋ taa zawrɛ tɩ bɛrɛ ɩ, k'ʋʋ taa jɛrɛ tɩ bɛrɛ ɩ,

1 Bibie za yel-manɩ 28:20

Ʋ tɩ cãà na yel ƴãw pʋɔ: «Ɩ̃ bie e, dɩ kanyir ɛ́ kpɛmɛ, bɛr dɛ̃bɩ̃ɛ ɛ́ ìr tĩ a tome. Ta sàw bom za vʋ̃ɔ fʋ pʋ̀lá ɩ! A Sore ɩ̃ Naaŋmɩn kʋ̃ zawrɩ fʋ bɛr ɛ. Ʋ be n a fʋ zie, ʋ na tɩɛ fʋ na tɛr ɛ́ gù a ʋ yir tome tɩ tõ baarɩ.

Sɛb-sõw yielu 10:3

A nɩ-faa nyɛ̃ nɩ a ʋ pʋ-tɩɛr-faar a vɩɛl! A mɔl-bɔbrɛ ŋa daarʋ da na, ʋ tʋʋr a Sore, ɛ́ ɩrɛ ʋ laar.

Sɛb-sõw yielu 119:36

Ɩ a ɩ̃ socir nɔ̃w a lɛ fʋ na mɩ́ yel a, ʋ ta nɔ̃w a tɔnɛ ɩ.

Sɛb-sõw yielu 37:25

Ɩ̃ tɩ dãw na ɩ pɔlbile, ɛ́ mãa n'ɩ ŋan kor. Ɛcɛ ɩ̃ bɛ dãw nyɛ̃ bɛ zawrɩ a nɩ-mɩŋa bɛr ɛ, mɩ̀ bɛ dãw nyɛ̃ a ʋ bibiir bɛ zɛlɛ dɩrɛ ɩ.

Sɛb-sõw yielu 37:28

bʋ̃ʋ n'ʋ vɛ̃, a Sore nɔnɛ na kɛ́ bɛ ɩrɛ mɛ̃ a lɛ-na-tu-sɔr-a, ɛ́ bɛ zawrɛ a ʋ nɩbɛ na sàw de ʋ a bɛrɛ ɩ. Ʋ gùre bɛ nɩ kʋralɛ, ɛcɛ bɛ na ír'ɩ a nɩ-faar bʋʋrɛ bʋʋrɛ bɛr.

Eziptɩ tẽw yib 2:21

A Moyiir tɩ sàw na be a Erewuyɛl zie, ʋ kʋ̀ ʋ a ʋ pɔwyaa Sefora ʋ kul.

Eziptɩ tẽw yib 20:17

«Fʋ kʋ̃ bɔbr kɛ́ fʋ̃ʋ nãá so a fʋ tɔ sob yir ɛ. Fʋ kʋ̃ bɔbr kɛ́ fʋ̃ʋ nãá so a ʋ pɔw, a ʋ tõ-tõ-bi-dɛb, a ʋ tõ-tõ-bi-pɔw, a ʋ náab, a ʋ bõw nɩ a ʋ bʋ̃-sora kãw za ɩ.»

Zʋkpaɩ 23:4

Ta bàlɛ fʋ tʋɔra a naalʋ kpɛb ƴãw ɛ, ta cãà tɛr a tɩ́ɛrʋ mɩ̀ ɛ.

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 41:17

A nan dem nɩ a kpɩɛrʋ dem bɔbr'ɩ kʋ̃ɔ ɛ́ a bɛ ka be ɩ. A kʋ̃ɔ-nyúur kpɛ bɛ na a kɔkɔr kò. Ɛcɛ mãa, a Sore, ɩ̃ na sɔw bɛ na, mãa, a Ɩsɩrayɛl Naaŋmɩn, ɩ̃ kʋ̃ zawrɩ bɛ bɛr ɛ.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Zeremi 6:13

Bʋ̃ʋ n'ʋ vɛ̃, a na tĩ a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Ezekɩɛl 33:31

Lɛ n'a bɛ tɩ wa yaga wa zɩ̃ a fʋ niŋé. Bɛ bɛrɛ na wone a fʋ ƴɛ̀rʋ, ɛcɛ bɛ bɛ tuur a pùor ɛ. Bɛ ɩrɛ nɩ a lɛ bɛ na nɔ̃w a, ɛ́ bɔbr a bɛ tɔnɛ tɛwr.

Matie 6:19

«Nyɩ ta bɔbr na-bome gbone taa a tẽw zu ka, mɔwr nɩ zãzule na mɩ́ sãwnɛ bɛrɛ, ɛ́ a nyãnyuwr mɩ́ kar a pamɛ ɛ́ kpɛ zu a ɩ.

Matie 6:25

«Lɛ so ɩ̃ yere kʋ̀rɛ nyɩ: a nyɩ nyɔ-vʋʋrʋ ƴãw a, nyɩ ta tɩɛrɛ bʋ̃ʋ n'ʋ nyɩ na dɩ ɛ, ɛ́ a nyɩ ƴã-gan ƴãw a, nyɩ ta tɩɛrɛ bʋ̃ʋ n'ʋ nyɩ na su ɛ. A nyɔ-vʋʋrʋ bɛ zuo a bʋ̃-dɩrɩ ɛ? Ɛ́ a ƴã-gan bɛ zuo a bʋ̃-suuri ɛ?

Matie 6:34

A na ɩ lɛ a, nyɩ ta zɔrɛ dɛ̃bɩ̃ɛ a bio ƴãw ɛ, a bio na tɛr'ɩ a ʋ mɩŋa tɩɛrʋ. Bibir za nɩ ʋ bàlʋ.»

Markɩ 7:22

a pɔw-gaa-yel-bier, a tɛra nɔ̃w-zuo, a po-tuolu, a nɩsaal-libelibe ɩb, a pɩ̃ɔ-yele, a nyuur, a zʋmɛ, a pɔ̀lʋ, a dãbolu.

Luka 3:14

Sojarɩ mɩ̀ tɩ sowri ʋ na: «Ɛ́ tɩɩm, bʋ̃ʋ n'ʋ a fɛr kɛ́ tɩ ɩrɛ?» Ʋ tɩ sɔw bɛ na: «Nyɩ ta farɛ bɩɩ ŋmarɛ ziri dier nɩr libir ɛ, nyɩ mɩ́ de a nyɩ yar tɛwr.»

Luka 8:14

A bʋ̃-bie al na lo a gʋʋr pʋɔ a, n'ɩ a bɛlɩ dem na mɩ́ wõ a Naaŋmɩn ƴɛ̀rʋ ɛ́ bɛr a yel-bɔbrɩ, a naalʋ nɩ a tẽw zu nʋ̃ɔ̀ fɩɩrɩ bɛ kʋ a bɛ cenu pʋɔ, ɛ̀ bɛ bɛ tʋ̃ɔ́ wɔ̃ wɔmɛ a.

Ʋrɔm 1:29

Ɩ-bʋʋrɛ za na bɛ tu sɔ́r a, nɩ faalʋ, nɩ tɛra vʋla, nɩ po-tuolu nɩbɛ nɛbɛ. Bɛ ɩ n nyuur tɛwr, nɩ nɩ-kʋrbɛ, nɩ nɔhaarʋ, nɩ nyãnyu-yã, nɩ nɩ-fa-ɩb tɛwr. Bɛ mɩ́ sãwnɛ nɩ a bɛ taabɛ yee,

1 Korɛ̃tɩ 5:11

Ɩ̃ sɛb nyɩ na kɛ́ nyɩ ta pɩɛlɛ nɩr na dɩ kɛ́ kɩrɩta-nɩr a, ʋlɛ wa ɩ pɩ̃ɔ-yel-maalɛ, nɩr na mɩ́ nyɛ̃ a ʋ tɔ bom a mimir zaalɛ a, bɩɩ ʋlɛ wa maalɛ tɩbɛ bɩɩ ɩ gɛgɛra, dã-kuole nɩ nyãnyuge a. Nyɩ mɩ̀ ta mɩ́ lãw nɩ a nɩr ŋa tɔ dɩ bom ɛ.

1 Korɛ̃tɩ 6:10

a nyãnyuwr, a bɛl na mɩ́ nyɛ̃ a bɛ tɔ bom a mimir zaalɛ a, a dã-kuolbɛ, a gɛgɛrɩ, lãwnɩ a bɛl na farɛ a bɛ taabɛ bome a, bɛ kʋ̃ kpɛ a Naaŋmɩn Naalʋ pʋɔ ɩ.

2 Korɛ̃tɩ 4:9

Bɛ diw tɩ na gʋɔr'ɩ, ɛ́ bɛ páw tɩ ɛ. bɛ lɔb tɩ nɩ tẽw, ɛcɛ bɛ kʋ tɩ ɛ.

Efɛɛzɩ 5:3

Nyɩ pʋɔ nɩ a Naaŋmɩn nɩ-bʋʋrɛ pʋɔ, lɛ so a bɛ sɛw kɛ́ bɛ lɛb por pɩ̃ɔ-yele nɩ nɩ-fa-ɩb bʋʋrɛ kãw za lãwnɩ nyuur yúor a nyɩ pʋɔ ɩ.

Efɛɛzɩ 5:5

Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.

Wulu-ayi-sob 31:6

Nyɩ kpɛ socir ɛ́ kpɛmɛ, nyɩ taa wa zɔrɛ dɛ̃bɩ̃ɛ màwr a bɛ niŋé ɩ. Bʋ̃ʋ n'ʋ vɛ̃, a Sore nyɩ Naaŋmɩn na de nyɩ nɩ niwn. Ʋ bɛ tɩ̀ɛrɛ nyɩ bɛrɛ ɩ, ʋ bɛ zawrɛ nyɩ bɛrɛ ɩ.»

Wulu-ayi-sob 31:8

A Sore na de fʋ nɩ niwn, ʋ na be n a fʋ zie. Ʋ bɛ tɩ̀ɛrɛ fʋ bɛrɛ ɩ, ʋ bɛ zawrɛ fʋ bɛrɛ ɩ. A na ɩ à ŋá a, ta zɔrɛ dɛ̃bɩ̃ɛ ɩ, ta sàw bom za tʋ̃ɔ́ fʋ ɛ.»

Wulu-ayi-sob 4:31

Bʋ̃ʋ n'ʋ vɛ̃, a Sore nyɩ Naaŋmɩn ɩ n Naaŋmɩn na ɩ nɔ̃wfʋ tɛwr a. Ʋ bɛ zawrɛ nyɩ bɛrɛ ɩ, bɛ kʋrɛ nyɩ pàwr pɛr ɛ. Ʋ bɛ be za na yiiri a wõ-taa ʋ na maal'ɩ a nyɩ sãàkʋm-kore a bɛr ɛ.

Kɔlɔsɩ 3:5

A na ɩ à ŋá a, nyɩ kʋ bom nɛ za na ɩ tẽw zu yele a, a nyɩ pʋ̃ɔmɩ: a pɩ̃ɔ-yele, a faalʋ, a ƴã-gan nʋ̃ɔ̀-faar, a yel-faar vʋla, nɩ a mimir na ɩ tɩbɛ ƴãwfʋ a.

1 Timote 3:3

ʋ ta ɩ dã-nyúure ɩ, ɛ́ ta ɩ nɔ-haa-bɔbrɛ ɩ. Ʋ ɩ nɩsaal-bàalʋ, ʋ ta ɩ zɛb-ŋmarɛ nɩ libi-nɔ̃wnɛ ɩ.

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Zozue 7:21

A bome tɩ na zɛb de a pʋɔ a, ɩ̃ tɩ nyɛ̃ nɩ Mezopotami tẽw kpar-kpɛ̃ɛ kãw na vɩɛl bɛ tɛr ʋ tɔ a, nɩ salm-pla libie kɔbr ayi nɩ salm-zɩɛ gbil na tɩbrɛ cɛ blã na ta kilo põ-zɛ̃-taa a. A vʋla tɩ faar'a na kʋ m, ɩ̃ de a, alɛ n'ɩ á ŋá ɩ̃ na tuw ũù a ɩ̃ pɛn-sɛw sɔwlɩsɔw a, a libie be n a pile.»

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:11

Baw-bio dem nɛbɛ, bʋ̃ʋ n'ʋ vɛ̃, bɛ tu n a Kayɛ̃ sɔ́r. Bɛ kpɛ n tulu pʋɔ mɛ̃ a Balaam a, libie ƴãw. Bɛ na tɩ zɛbr mɛ̃ a Koore na tɩ zɛb'ɩ a Moyiir a, bɛ kpi na.

1 Samɩɛl 10:7

A yele á ŋá wa ɩrɛ a, fʋ̃ʋ ɩrɛ bom nɛ za fʋ na nyɛ̃ a, bʋ̃ʋ n'ʋ vɛ̃, Naaŋmɩn be n a fʋ zie.

1 Samɩɛl 12:22

Yel-mɩŋa n'a, a Sore bɛ be za na zawrɩ a ʋ nɩ-bʋʋrɛ bɛr ɛ, a ʋ yúor na ɩ kpɛ̃ɛ a ƴãw, bʋ̃ʋ n'ʋ vɛ̃, ʋl mɩŋa n'ʋ bɔbr sàw nyɩ ɩ a ʋ nɩ-bʋʋrɛ.