Ebre 13:4 - A SƐB-SÕW

⁴ A nɩbɛ za, bɛ tɛr maal-ɩrɛ a kul-taa ƴãw. A dɛbr nɩ a pɔwbɛ na kul taa a, bɛ be taa bɛl tɛwr ƴãw. Bʋ̃ʋ n'ʋ vɛ̃, Naaŋmɩn na maal'ɩ nɩ a ɩ-fa-maalbɛ nɩ a pɔw-gaa-yel-bier-maalbɛ ƴɛ̀rʋ.

Ebre 13:4 ပူးပေါင်းရင်းမြစ်များ

Yele-za-pɛr-tib 2:21

Lɛ n'a a Sore Naaŋmɩn tɩ ɩ a dɛb ʋ gúr kpalɩtam gã. Ʋ tɩ ír'ɩ a dɛb nyabikɔbr kãw, ɛ́ lɛb tal a ƴã-gã-nɛn pàw a bɔw.

Yele-za-pɛr-tib 2:24

Alɛ n'a so a dɛb na mɩ́ bɛr a ʋ sãà nɩ a ʋ mã, ɛ́ lãw nɩ a ʋ pɔw bɛ ɩ nɩ-been.

2 Na-mɩnɛ 22:14

A lɛ n'a a bàwr-maal-kara Hɩlkɩahu, a Ahikam, a Akɩbɔɔr, a Safan nɩ a Asaya tɩ cen a pɔw-naaŋmɩn-ƴɛ̀r-manɛ Hulida na tɩ kpɩɛr a Zerizalɛm Lowr-Paala pʋɔ a zie. A ʋ sɩr Salum, na ɩ Tikɩwa bidɛb, ɛ́ ɩ Harasɩ yãw a, tɩ n'ɩ a Ŋmɩn-yir-kpɛ̃ɛ kpar-son kaarɛ. A nɩbɛ bɛ ŋa tɩ manɩ nɩ a yel kʋ̀ a pɔw-naaŋmɩn-ƴɛ̀r-manɛ.

A Zɔb sɛbɛ 31:12

A nãá ɩ n vũu dɩ m tɩ baarɩ, ɛ́ dɩ a ɩ̃ bom za sãw bɛr.

Ɩzayi 8:3

Al pùorí, ɩ̃ tɩ páw nɩ a pɔw-naaŋmɩn-ƴɛ̀r-manɛ, a ɩ̃ pɔw. Ʋ tɩ tɛr'ɩ pʋɔ dɔw dɛb. Lɛ n'a a Sore tɩ yel mɛ̃: «Por ʋ “Fɔ̃wlɛ-a-zɛbr-na-bome-ƴãw-Zɔ-a-zab-ƴãw”.

Levitɩ mɩnɛ 15:18

«Dɛb nɩ pɔw wa páw taa a, a fɛr'a kɛ́ bɛ za ayi so kʋ̃ɔ. Bɛ na ɩ n dɛwr dem tɩ ta a zaanʋɔra.»

Levitɩ mɩnɛ 18:20

«Fʋ bɛ ganɛ nɩ a fʋ tẽ-bi-tɔ kãw pɔw ɛ, a na ɩ na fʋ tɛr dɛwr.»

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

1 Korɛ̃tɩ 5:13

A bɛl na bɛ ɩ kɩrɩta-nɩbɛ a, Naaŋmɩn n'ʋ na bãw a bɛ yele. «Nyɩ ír a nɩ-faa bɛr a nyɩ sɔgɔ», mɛ̃ a lɛ a Sɛb-sõw na yel a.

1 Korɛ̃tɩ 6:18

Nyɩ zɔrɛ dɛrɛ a pɩ̃ɔ-yele. Yel-bier kãw za nɩsaal na mɩ́ maalɩ a bɛ ɓanɛ a ʋ ƴã-gan ɛ, ɛcɛ a pɩ̃ɔ-yel-bier-maalɛ a, a ʋ ƴã-gan tɔr za n'ʋ ʋ mɩ́ maalɩ a yel-bier kʋ̀.

1 Korɛ̃tɩ 6:9

Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a,

1 Korɛ̃tɩ 7:38

A na ɩ lɛ a, nɩr na kul a ʋ ƴãwnɩ-yúor a maal'ɩ vla, ɛ́ nɩr na bɛ kul ʋ a maal'ɩ vla zuo lɛ.

1 Korɛ̃tɩ 9:5

Tɩ bɛ tɛr sɔ́r na tɛr pɔw na ɩ kɩrɩta-nɩr a, ʋ bɩɛlɛ tɩ mɛ̃ a lɛ a nɩ-toni ŋmaarɛ, a Sore yɛbr nɩ a Pɩɛr na ɩrɛ a bɩɩ?

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Galasi 5:19

A nɩsaalʋ tõ-toni sãá nɩ nyɩraalɛ, alɛ n'ɩ á ŋá: pɩ̃ɔ-yele, dɛwr, faalʋ,

Galasi 5:21

nyɛ̃ a fʋ tɔ bom bɔbr, dãa kuolu, dɩ tɩ gãw nɩ taa, nɩ a yele á ŋá taabɛ. Nyɩ páw bãwnɩ a, mɛ̃ a lɛ ɩ̃ na tɩ dãw yel kʋ̀ nyɩ a, a bɛlɩ dem na tɛr a ɩ-ɩrɩ á ŋá taabɛ a kʋ̃ nyɛ̃ zie a Naaŋmɩn Naalʋ pʋɔ ɩ.

Efɛɛzɩ 5:5

Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.

Wulu-ayi-sob 22:22

Bɛlɛ wa nyɔw dɛb ʋ gã nɩ pɔw na kul sɩr a, bɛ na kʋ n bɛ za ayi, a dɛb nɩ a pɔw za. Nyɩ na ír'ɩ a yel-faa bɛr à à ŋá a Ɩsɩrayɛl nɩbɛ sɔgɔ.

1 Tesalonikɩ 4:6

A yel ŋa ƴãw a, nɩr za taa wa sãwnɛ a ʋ yɛb bɩɩ nɛbr ʋ ɛ, bʋ̃ʋ n'ʋ vɛ̃, mɛ̃ a lɛ tɩ na yel kʋ̀ nyɩ ɛ́ kpãa nyɩ a, a Sore na dɔwr'ɩ a bɛlɩ dem na ɩrɛ a ɩ-faar á ŋá taabɛ a.

1 Timote 3:12

A dɩakɩr mɩnɛ, bɛ kul pɔw beƴeni ɛ́ kaarɛ a bɛ bibiir nɩ a bɛ yir zie vla.

1 Timote 3:2

A lɛ ƴãw a, a fɛr'a kɛ́ a Lãw-yir-kaarɛ ta tɛr sãwna bɛ yere ɩ, ʋ kul pɔw been yõ, ɛ́ mɩ́ nyɔw ʋ tʋɔra a dɩb nɩ a nyub ƴãw, ʋ bãw yã, ɛ́ bãw ʋ tʋɔra maal-tɛrʋ, ʋ nɔnɛ a sãanbɛ tɛrʋ, ɛ́ ɩ nɩr na na tʋ̃ɔ́ wule a nɩbɛ a,

1 Timote 3:4

Ʋ bãw a ʋ mɩŋa yir kaafʋ, ɛ́ ɩ a ʋ bibiir bɛ ɩ nɔ-sàwrbɛ na ƴãwnɛ ʋ yaga za a.

1 Timote 4:3

A nɩbɛ bɛ ŋa na diwr'ɩ a kul-taa bɛrɛ, ɛ́ yel kɛ́ a bʋ̃-dɩrɩ a mɩnɛ ciir'a. Ɛcɛ Naaŋmɩn ír a na, kɛ́ a bɛlɩ dem na sàw de ʋ a, bɛl na bãw a yel-mɩŋa a, bɛ mɩ́ dɩrɛ a puore nɩ ʋ barka.

1 Timote 5:14

A na ɩ à ŋá a, ɩ̃ bɔbr'a kɛ́ a pɔw-kɔ-pɔ́lɛ́ mɩ́ lɛb kul sɩrbɛ dɔw bibiir, kɛ́ bɛ kaarɛ a bɛ yir zie, a tɩ dɔ̃ dem ta tʋ̃ɔ́ nyɛ̃ yel-faa kãw za yel ɛ.

Títɩ̀ 1:6

A fɛr'a kɛ́ bɛ za been been ta tɛr sãwna bɛ yere ɩ, bɛ kul pɔw beƴeni, tɛr bibiir na tɛr naaŋmɩn-sàw-deb, ɛ́ nɩr kʋ̃ tʋ̃ɔ́ yel kɛ́ bɛ bɛ ɩrɛ vla, bɩɩ bɛ ɩ n bɛ-wonbɛ a.

Ebre 12:16

Nyɩ gù vla kãw za taa wa ɩ pɩ̃ɔ-yel-maalɛ ɩ, bɩɩ ɩrɛ a bʋ̃-son laar mɛ̃ a Ezawu a ɩ. Ʋ tɩ de nɩ a ʋ kpɛ̃ɛnʋ tɛw nɩ bʋ̃-dɩrɩ daƴen yõ ƴãw.

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!