Ebre 13:15 - A SƐB-SÕW

¹⁵ Tɩ tu a Yeezu maalɛ danʋ bàwr kʋralɛ kʋ̀rɛ a Naaŋmɩn, a pɛr lɛ kɛ́ danʋ na yire nɛ́ɛ na íre a ʋ yúor a pʋɔ.

Ebre 13:15 ပူးပေါင်းရင်းမြစ်များ

2 Bibie za yel-manɩ 29:31

A nãà Ezekɩasɩ tɩ de nɩ a ƴɛ̀rʋ yel a nɩbɛ à ŋá: «Ƴɛrɛŋa a, nyɩɩm na tɛr de-kʋ̀b bome yaga a Sore ƴãw a, nyɩ wa n a nyɩ lãw-taa bagɛ nɩ a nyɩ danʋ bagɛ a Ŋmɩn-yir-kpɛ̃ɛ pʋɔ.» Lɛ n'a a nɩbɛ tɩ wa n dʋn a bagɛ á ŋá ƴãw. A bɛlɩ dem na tɩ sʋ̃ɔmɩ bul bɔbr a tɩ wa n nɩ nyɩw-a-za-bagɛ.

2 Bibie za yel-manɩ 33:16

Ʋ tɩ lɛb'a mɛ a Sore bàwr-maal-kuur, maalɩ lãw-taa nɩ danʋ bàwr a ʋ zu, ɛ́ yel k'aa Zuda nɩbɛ puore a Sore, a Ɩsɩrayɛl Naaŋmɩn.

2 Bibie za yel-manɩ 7:6

A bàwr-maalbɛ tɩ be n a bɛ tome zie. A levitɩ mɩnɛ tɩ tɛr'ɩ a Sore yielu bome a nãà Daviir na tɩ maalɩ a Sore danʋ ƴãw a. Bɛ mɩ́ tɩ danɛ nɩ a Sore yere nɩ a ƴɛ̀r-bie á ŋá a Daviir na tɩ kʋ̀ bɛ a: «A ʋ nɔ̃wfʋ be n kʋralɛ.» A bàwr-maalbɛ tɩ àr'a tori bɛ, pɛblɛ wɩɩr, ɛ́ a nɩbɛ za tɩ àr saaƴẽwn.

Ɛsɩdɩrasɩ 3:11

Bɛ tɩ cáarɛ na ɛ́ danɛ a Sore yiele nɩ a sɔwfʋ ŋa lɩɛrɛ taa: «A Sore vɩɛl'a, ɛ́ a ʋ nɔ̃wfʋ a Ɩsɩrayɛl ƴãw bɛ tɛr baarʋ ɛ!» A nɩbɛ za mɩ̀ tɩ ŋmɩɛr'ɩ kuryii danɛ nɩ a Sore bɛ na tɩ bine a ʋ yir-pɛr a ƴãw.

Neemi 12:40

A yiel-yielbɛ lãw a za ayi tɩ tɛw na àr a Ŋmɩn-yir-kpɛ̃ɛ pɛr. Ɩ̃ mɩ̀ tɩ tɛw na àr, mãa nɩ a nɩ-bɛrɛ na tɩ bɩɛlɛ mɛ̃ a.

Neemi 12:43

A nɩbɛ tɩ maal'ɩ bagɛ yaga a ʋlɩ bibir nɛ, ɛ́ nʋ̃ɔ̀ ɩrɛ. Bʋ̃ʋ n'ʋ vɛ̃, a Naaŋmɩn tɩ paal'ɩ a ʋ nɩ-bʋʋrɛ nɩ nʋ̃ɔ̀ yaga. A Zerizalɛm tẽw pʋɔ a, nʋ̃ɔ̀ tɩ ɩrɛ nɩ a pɔwbɛ nɩ a bibiir bɛ cɩɩrɛ ɩrɛ gɔmɛ, a cuw gɔmɛ tɩ yire a zi-zãána.

Sɛb-sõw yielu 118:19

Nyɩ yuo a nɩ-mɩn dɩ̃dɛɛ kʋ̀ m, ɩ̃ kpɛ puori a Sore yãanɩ.

Sɛb-sõw yielu 119:108

Sore e, sàw de a ɩ̃ puoru mɛ̃ de-kʋ̀b bom a, ɛ́ zanɩ nɩ mɛ̃ a lɛ fʋ na dɩ a ƴɛ̀rʋ yel a.

Sɛb-sõw yielu 18:49

Sore e, fʋ mɩ́ sɔwlɩ mɛ̃ nɩ a ɩ̃ dɔ̃ dem niŋé, mɔ̃ mɩ̀, fʋ mɩ́ ɩ na ɩ̃ tʋ̃ɔ́ a ɩ̃ fɛr-fɛrbɛ. Fʋ mɩ́ faa mɛ̃ nɩ a po-to-fãw dem nuru pʋɔ.

Sɛb-sõw yielu 50:14

Nɩ̃ɛ ɩ a fʋ barka puoru ɩ bàwr fʋ maalɩ kʋ̀ m, a mãa fʋ Naaŋmɩn, ír a nɛ́ɛ fʋ na kõ a ɩ̃ zie a, mãa na ɩ Naaŋmɩn-na-do-saa-bɛ-pɩɛl-a.

Sɛb-sõw yielu 50:23

Sob nɛ barka puoru na ɩ bàwr ʋ maalɛ kʋ̀rɛ mɛ̃ a, ʋlɛ n'ʋ ƴãwnɛ mɛ̃. Sob nɛ ɩb na vɩɛl a, ɩ̃ na ɩ na k'ʋ nyɛ̃ mãa na n'ɩ a Faarɛ a.

Ɩzayi 57:19

ɩ̃ na ƴãw nɩ danʋ yielu a bɛ nɛ̃ɛ́.» A Sore yel a: «Ƴã-ɓaarʋ, ʋ be a sob nɛ na zãá a zie, ƴã-ɓaarʋ, ʋ be a sob nɛ na pɩɛlɩ a zie! Sɩza n'a, ɩ̃ na sanɩ nɩ a ɩ̃ nɩbɛ.»

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Zeremi 33:18

Lɛ mɩ̀ n'a a bàwr-maalbɛ na mɩ́ yi a Levi dɔwlʋ pʋɔ a ƴãw: bɛ na mɩ́ be n be kʋralɛ maalɛ a nyɩw-a-za-bagɛ, ɩrɛ a de-kʋ̀b bome zʋ̀ʋ́r dúor waar a ɩ̃ zie, ɛ́ maalɛ a lãw-taa bagɛ bibie za.»

A naaŋmɩn-ƴèr-manɛ Oze sɛbɛ 14:2

Ɩsɩrayɛl i, lɛb wa a Sore fʋ Naaŋmɩn zie. Bʋ̃ʋ n'ʋ vɛ̃, a fʋ sãwna n'a ɩ fʋ ŋmɛ gbɛ́r lo.

Levitɩ mɩnɛ 7:12

Nɩr wa maalɛ lãw-taa bàwr k'ʋʋ lãwnɩ danʋ yielu a, ʋ na wa n nɩ gato na maal'ɩ kãá ɛ́ bɛ ƴãw dãbɩl a, nɩ sɛ̃sɛ̃ na bɛ ƴãw dãbɩl ɛ́ bɛ waarɩ kãá a, nɩ gato bɛ na maal'ɩ zɔ̃ na naw nɩ kãá a, ƴãw pʋɔ a bàwr-maal dʋ̃w ƴãw.

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

Luka 10:21

A pɛr nɛ pʋɔ, a Vʋʋrʋ Sõw tɩ ɩ na nʋ̃ɔ̀ ɩrɛ a Yeezu yaga za ʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a bɛlɩ dem na tɛr yã a zie, nɩ a bɛlɩ dem na zànɩ bãw a zie, ɛ́ wul a a bibi-pʋrmɛ a. Ʋ̃ʋ, ɩ̃ Sãà a, fʋ na nɔnɛ a n'a fʋ ɩ à à ŋá.»

Zã 10:9

Mãa n'ɩ a dɩ̃dɔr. Nɩr wa tuur a ɩ̃ zie kpɩɛr a, ʋ na nyɛ̃ nɩ faafʋ. Ʋ na mɩ́ kpɛ na ɛ́ yi, ʋʋ na nyɛ̃ nɩ bʋ̃-dɩrɩ.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 6:19

Nɩsaalʋ n'a ɩ̃ ƴɛ̀rɛ, a nyɩ bãbàalʋ zũú. Mɛ̃ a lɛ nyɩ na tɩ de nyɩ mɩŋa za tu n a faalʋ nɩ a Wulu zawrʋ pùor, ɩ mɛ̃ gbãgbaar a, ɛ́ a ɩ nyɩ ɩ nɩ-gaarɩ a Naaŋmɩn zie a, a ƴɛrɛŋa a, nyɩ mɩ̀ de nyɩ mɩŋa za tu n a mɩnʋ ɩ mɛ̃ gbãgbaar a, kɛ́ nyɩ tʋ̃ɔ́ vʋʋrɛ nyɔ-vʋʋrʋ na ɩ sõw a.

Efɛɛzɩ 2:18

Ɛ́ ʋlɛ n'ʋ so a tɩ bʋʋrɛ bɛ ŋa ayi mɩ́ tʋ̃ɔ́ taw pɩɛlɩ a Naaŋmɩn Sãà, a Vʋʋrʋ been yõ ƴãw.

Kɔlɔsɩ 1:12

Nyɩ puore a Naaŋmɩn Sãà yãanɩ nɩ nʋ̃ɔ̀, ʋl na ɩ nyɩ na tʋ̃ɔ́ páw a na-bʋ̃-vɩɛlɩ ʋ na cɔbrɩ bin a tẽ-vla cãà pʋɔ cɛlɛ nɩ a ʋ nɩ-sori a.

Ebre 12:28

A na ɩ à ŋá tɩ páwr naalʋ-tẽw na bɛ tɛr damnʋ a, nyɩ ɩ tɩ tɛr a maalʋ ŋa vla, tʋ̃ɔ́ puore nɩ a Naaŋmɩn mɛ̃ a lɛ a na nʋmɛ a ʋ zie a, tɛr'ɩ a ʋ ƴãwfʋ nɩ a ʋ zɔba.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.