Ebre 12:9 - A SƐB-SÕW

⁹ Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.

Ebre 12:9 ပူးပေါင်းရင်းမြစ်များ

A Zɔb sɛbɛ 12:10

Ʋlɛ n'ʋ tɛr a bʋ̃-íri za nyɔ-vʋʋrʋ a ʋ nũú, nɩ a pɩɛlʋ na kʋ̀rɛ a vʋʋrʋ a nɩsaalbɛ a.

Eziptɩ tẽw yib 20:12

«Ƴãwnɛ a fʋ sãà nɩ a fʋ mã, tʋ̃ɔ́ kpɛ a tẽw a mãa, a Sore fʋ Naaŋmɩn na kʋ̀rɛ fʋ a, cɛlɩ.»

Zʋkpaɩ 30:17

Nɩr wa ɩrɛ a ʋ sãà laar ɛ́ bɛ sàwr a ʋ mã nʋɔr a, bàa nʋɔr gbagbarɩ na kpol ʋ nɩ a mimie, ɛ́ a sɩlɩ dɩ a ʋ ƴã-gan.

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

Ɩzayi 38:16

Sore e, fʋ tɩ bãw nɩ a ʋlɩ bom nɛ na ɩrɛ mɛ̃ a, ɛ́ ɩ ɩ̃ lɛb vʋʋrɛ. Fʋ lɛb'a kʋ̀ m fãw, fʋ bɛr mɛ̃ na ɩ̃ vʋʋrɛ.

Ɩzayi 42:5

A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Ɩzayi 45:10

Baw-bio n'a, a nɩr fʋ na nyɛ̃ ʋ sʋ̃ɔmɩ yere sãà kãw zie: «Bi-bʋ̃ʋ n'ɩ à ŋà fʋ na dɔw a?» Ɛ́ yere mã kãw zie: «Bʋ̃ʋ n'ʋ fʋ dɔw?»

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Ezekɩɛl 22:7

A fʋ pʋɔ a, nɩbɛ ɩrɛ nɩ a bɛ sãà nɩ a bɛ mã laar, bɛ dɔwrɛ nɩ a nʋʋrɩ, bɛ nɛbr'ɩ a bi-kpebe nɩ a pɔw-kɔbɛ.

Levitɩ mɩnɛ 19:3

«A nyɩ kãw za na ƴãwnɛ nɩ a ʋ sãà nɩ a ʋ mã, ɛ́ ƴãwnɛ a pɩ̃ɛnʋ-bibir. Mãa n'ɩ a Sore nyɩ Naaŋmɩn.»

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Sɔr-nɛ́ɛ 16:22

Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Sɔr-nɛ́ɛ 27:16

«Sore Naaŋmɩn i, fʋ̃ʋ na kʋ̀ a nyɔ-vʋʋrʋ a bʋ̃-íri za a, ƴãw nɩr ʋ de a lãw nɩbɛ niwn,

Luka 18:2

Ʋ tɩ yel bɛ na: «Ƴɛ̀r-maalɛ kãw tɩ be n tẽw kãw pʋɔ. Ʋ bɛ tɩ zɔrɛ Naaŋmɩn ɛ, ʋʋ tobr bɛ tɩ ka nɩr za ƴãw ɛ.

Luka 18:4

A ƴɛ̀r-maalɛ tɩ zawr'a, a tɩ cɛlɩ. Al pùorí, ʋ wa yel ʋ tʋɔra: “Mãa saa bɛ zɔrɛ Naaŋmɩn, ɩ̃ɩ tobr bɛ ka nɩr za ƴãw a,

Zã 3:6

A nɩsaal bʋ̃-dɔwra mɩ́ ɩ n nɩsaal, ɛ́ a Vʋʋrʋ Sõw bʋ̃-dɔwra ɩ vʋʋrʋ.

Nɩ-toni 2:30

Ɛcɛ, ʋ tɩ ɩ n naaŋmɩn-ƴɛ̀r-manɛ, ɛ́ tɩ bãwnɩ a kɛ́ Naaŋmɩn tɩ pɔ na yel k'ʋʋ na zɩɩlɩ nɩ a ʋ bʋ̃-dɔwra kãw a ʋ naalʋ-dà-kɔw zu.

Ʋrɔm 1:3

Ʋ càar'ɩ a ʋ Bie, a tɩ Sore Yeezu Kɩrɩta: Daviir bʋʋrɛ nɩr tɩ n'ʋ a ʋ nɩsaalɛ dɔwlʋ pʋɔ,

Ʋrɔm 9:3

Yel-mɩŋa, a ɩ na mɛ̃ ɩ̃ nãá ɩ nɩr bɛ na ŋmɛ ƴãw a, ɛ́ mãa nɩ a Kɩrɩta bʋ́r taa ɩ̃ lɩɛrɩ a ɩ̃ yɛbr a, a bɛl na ɩ a ɩ̃ bʋʋrɛ a.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

Wulu-ayi-sob 27:16

«Ŋmɛ-ƴãw, a páw sob nɛ na bɛ ƴãwnɛ a ʋ sãà nɩ a ʋ mã a.» Ɛ́ a nɩbɛ za na sɔw na: «Amɛn!»

Zakɩ 4:10

Nyɩ siwre nyɩ tʋɔra a Sore niŋé, ʋʋ na zɛw nyɩ na.

Zakɩ 4:7

A na ɩ lɛ a, nyɩ mɩ́ bɛr nyɩ tʋɔra kʋ̀ a Naaŋmɩn. Nyɩ mɩ́ bà gbɛ́r a Gɛgɛra niŋé, ʋʋ na zɔ na zãá nɩ nyɩ.

1 Pɩɛr 5:6

A na ɩ à ŋá a, nyɩ siwri nyɩ tʋɔra a Naaŋmɩn kpɛnʋ-za-sob zie, ʋ tʋ̃ɔ́ zɛw nyɩ a daar ʋl ʋ na ƴãw a nãà wa ta a.

Yel-wula 22:6

Al pùorí, a malkɩ tɩ yel mɛ̃ na: «A ƴɛ̀rʋ á ŋá ɩ n sɩza ɛ́ bɛ tɛr bʋnʋ ɛ. A Sore Naaŋmɩn na mɩ́ kʋ̀ a tɩɛrʋ a ʋ ƴɛ̀r-manbɛ a, ʋlɛ n'ʋ tõ a ʋ malkɩ ʋ wa wul a ʋ tõ-tõ-biir a yele na kʋ̃ yaa kɛ́ ta a.»