Ebre 12:25 - A SƐB-SÕW

²⁵ Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Ebre 12:25 ပူးပေါင်းရင်းမြစ်များ

1 Na-mɩnɛ 12:16

A Saa-pɛrɩ́-gʋba-lowr Ɩsɩrayɛl nɩbɛ na tɩ nyɛ̃ k'aa nãà bɛ bɛr wõ a bɛ ƴɛ̀rʋ a, bɛ yel ʋ na: «Tɩ bɛ pʋɔ Daviir yele pʋɔ ɩ, tɩɩm nɩ Zese bidɛb bɛ lãw bom za ɩ! Ɩsɩrayɛl nɩbɛ ɛ, nyɩ ɩ tɩ lɛb kul a tɩ yie pʋɔ. Ɛ́ fʋ̃ʋ, Daviir bʋʋrɛ ɛ, pãa kaarɛ a fʋ naalʋ-tẽw zie!» Lɛ n'a bɛ tɩ lɛb kul a bɛ yie pʋɔ.

2 Bibie za yel-manɩ 7:19

Ɛcɛ nyɩmɛ wa gùr pùor cɔw mɛ̃ a, nyɩmɛ bɛ wa sàwr a nɛ-ƴãwnɩ nɩ a wulu ɩ̃ na kʋ̀ nyɩ a, nyɩmɛ wa puore ŋmɩn-yoru ɛ́ mɩ́ gbĩ dume gũu tɩ tɔ tẽw a niŋé a,

Eziptɩ tẽw yib 16:29

Nyɩ bãwnɩ a, ɩ̃ kʋ̀ nyɩ nɩ a pɩ̃ɛnʋ-bibir kɛ́ nyɩ mɩ́ pɩ̃ɛnɩ, ɛ́ a al ƴãw n'a ɩ̃ mɩ́ kʋ̀ nyɩ bibie ayi bʋ̃-dɩrɩ a bibie ayʋɔb sob. A na ɩ lɛ a, ŋa za ʋ mɩ́ be a ʋ yir a bibie ayopõi sob, nɩr za ta yi a ʋ yir ɛ.»

Eziptɩ tẽw yib 20:22

A Sore tɩ yel'ɩ a Moyiir: «Tɩ ƴɛ̀r à ŋá kʋ̀ a Ɩsɩrayɛl nɩbɛ: “Nyɩ nyɛ̃ a na, salom zu n'a ɩ̃ be ɛ́ ƴɛ̀r a nyɩ zie.

Zʋkpaɩ 1:24

Ɩ̃ bʋɔlɛ nyɩ na ɛ́ nyɩ bɛ sàwr ɛ, ɩ̃ ture nyɩ nɩ a nũu ɛ́ nɩr za bɛ cɛlɛ be ɩ.

Zʋkpaɩ 1:32

Bʋ̃ʋ n'ʋ vɛ̃, a bɛlɩ dem na bɛ bãw bom a zuru mɩ́ kpɛmɛ na, ɛ́ bɛ mɩ́ kpi a bɛ zu-kpɛ̃w kũu. A dãbole mɩ́ vʋʋrɛ na ɛ́ bɛ tɛr tɩɛrʋ ɛ, a mɩ́ wa n a bɛ loba.

Zʋkpaɩ 13:18

Bɛlɩ dem na bɛ sàwr a wulu a, bɛlɛ so nã́w nɩ vĩ, ɛcɛ bɛlɩ dem na sàwr a kpãàfʋ a, bɛ na nyɛ̃ nɩ ƴãwfʋ.

Zʋkpaɩ 15:32

Nɩr na zawrɛ a wulu bɛrɛ a ɩrɛ nɩ ʋ tʋɔra laar, ɛcɛ nɩr na sàwr a wulu a zanɛ nɩ a yã tɛrʋ.

Zʋkpaɩ 8:33

Nyɩ bɛrɛ wone a ɩ̃ wulu, tʋ̃ɔ́ ɩ yã-bãwnbɛ. Nyɩ taa zawrɛ a bɛrɛ ɩ.

Ɩzayi 48:6

Nyɩ wõ n a ʋlɩ bom nɛ ɩ̃ na tɩ yel a, ɛ́ nyɩ nyɛ̃ na k'ʋʋ maal'a. Nyɩ mɩ̀ kʋ̃ nyɛ̃ ʋ bãw ɛ? A na tĩ a ƴɛrɛŋa a, ɩ̃ yere nɩ yel-paalɛ na na ɩ a. Ɩ̃ bɛr a nɩ sɛr ɛ́ nyɩ bɛ bãw a ɩ.

Ɩzayi 64:9

A fʋ tẽ-bɛr-son bɛ cãà tɛr nɩbɛ ɩ. A Zerizalɛm lɩɛb'ɩ wɛja-kpalɛ, a Sɩyɔ̃ ɩ n tẽw na kpal gã a.

Zeremi 11:10

Bɛ lɛb'a lo a bɛ sãàkʋm-kore na tɩ zawrɩ na bɛr wõ a ɩ̃ ƴɛ̀rʋ a yel-bebe pʋɔ. Bɛ tu n ŋmɩn-yoru pùor maalɛ a. A Ɩsɩrayɛl nɩbɛ nɩ a Zuda nɩbɛ sãw nɩ a wõ-taa ɩ̃ na tɩ maal'ɩ a bɛ sãàkʋm-kore a bɛr.

Ezekɩɛl 5:6

A ʋ kpɩɛrbɛ zawr'ɩ a tub nɩ a wulu ɩ̃ na tɩ kʋ̀ bɛ a. Bɛ maal'ɩ faa zuo a nɩ-bʋʋr-yoru a ten al na viiri koli bɛ a pʋɔ. Bʋ̃ʋ n'ʋ vɛ̃, bɛ zawr'ɩ a ɩ̃ tub nɩ a ɩ̃ wulu bɛr, bɛ bɛ tu a ɩ.

Zakari 7:11

Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.

Sɔr-nɛ́ɛ 32:15

A nyɩɩm, Urubɛn nɩ Gadɩ nɩbɛ, nyɩmɛ bɛ wa tu a Sore pùor a, ʋ na cãà na bɛr a tɩ nɩbɛ a wɛja-kpalɛ pʋɔ, ɛ́ nyɩmɛ nɛbɛ na so a bɛ bɔrʋ.»

Matie 17:5

Ʋ na tɩ cãà ƴɛ̀rɛ a, zũzuwr na nyɩwrɛ a, tɩ pili na pàw bɛ, ɛ́ kɔkɔr tɩ ƴɛ̀rɛ a zũzuwr pʋɔ yere: «A ɩ̃ Bi-nɔna n'ɩ à ŋà, ɩ̃ na pɛlɩ pʋɔ kaa ír a, nyɩ bɛrɛ wone a ʋ ƴɛ̀rʋ.»

Matie 8:4

Al pùorí, a Yeezu tɩ yel ʋ na: «Taa wa nanɩ manɛ a yel ŋa kʋ̀rɛ nɩr za ɩ. Ɛcɛ cen a bàwr-maalɛ tɩ jɩ́r fʋ kaa, ɛ́ fʋ tɩr a bàwr-maal-bom ʋl a Moyiir na yel kɛ́ bɛ mɩ́ tɩr a, a wul bɛ za kɛ́ fʋ lɛb'a vɩɛl.»

Nɩ-toni 7:35

A Moyiir ŋa a Ɩsɩrayɛl nɩbɛ na tɩ jɛ bɛr a, a ʋl bɛ na tɩ sowri: “Ãa n'ʋ ƴãw fʋ fʋ ɩ nɩ-kpɛ̃ɛ nɩ ƴɛ̀r-maalɛ a?” Ʋlɛ n'ʋ a Naaŋmɩn tõ a bɛ zie, k'ʋʋ ɩ a bɛ nɩ-kpɛ̃ɛ nɩ a bɛ faarɛ. A tõ-nʋɔr ŋa n'ʋ a Naaŋmɩn tɩ tõ a malkɩ k'ʋʋ tɩ kʋ̀ a Moyiir, a lɛn daar ʋ na tɩ wul ʋ tʋɔra a tuw pʋɔ a.

Wulu-ayi-sob 18:19

Nɩr bɛ wa bɛrɛ wone a ƴɛ̀rʋ, a naaŋmɩn-ƴɛ̀r-manɛ ŋa na na ƴɛ̀rɛ a ɩ̃ yúor ƴãw a, mãa mɩŋa na sowri ʋ nɩ bom.

Wulu-ayi-sob 30:17

Ɛcɛ nyɩmɛ wa gùr pùor cɔw ʋ, nyɩmɛ bɛ wa sàwr a ʋ nʋɔr, nyɩmɛ wa bɛr bɛ tɛr nyɩ tu n ŋmɩn-yoru puoru nɩ a maalʋ a,

Wulu-ayi-sob 4:36

Ʋ tɩ be n a salom zu ɛ́ ɩ nyɩ wõ a ʋ kɔkɔr a nyɩ wulu ƴãw. A tẽw zu a, ʋ tɩ ɩ na nyɩ nyɛ̃ a ʋ vũu-kpɛ̃ɛ, ɛ́ nyɩ wõ ʋ ƴɛ̀r a vũu sɔwlɩsɔw.

1 Tesalonikɩ 5:15

Nyɩ gù vla nɩr za taa mɩ́ wa maalɛ faa yaarɛ nɩ a faa san ɛ. Ɛcɛ nyɩ nɩ̃ɛ mɩ́ ƴãw fãw maalɛ a vla kʋralɛ, a nyɩ cara pʋɔ nɩ a nɩbɛ za zie.

2 Timote 4:4

Bɛ na fur'ɩ a bɛ tobe a yel-mɩŋa ƴãw, ɛ́ tu suolu pùor.

Ebre 1:1

A dãwdãw a, Naaŋmɩn tɩ ƴãw na a ʋ ƴɛ̀r-manbɛ ƴɛ̀r ƴɛ̀r-pɛ-bʋʋrɛ za, gb'aa ŋmɩn za a tɩ sãàkʋm-kore zie.

Ebre 11:7

A sàw-deb zũú n'a Nowe tɩ bɛr wõ a lɛ Naaŋmɩn na tɩ yel kʋ̀ ʋ, yele bɛ na bɛ tɩ nyɛ̃ sɛr a ƴãw. Ʋ bɛ tɩ de dɩ̃ɛnʋ ƴãw a lɛ a Naaŋmɩn na tɩ yel a ƴãw ɛ, ɛ́ tɩ maalɩ gbor-kpɛ̃ɛ ʋlɛ nɩ a ʋ yir dem faafʋ ƴãw. À ŋá n'a ʋ tɩ wul a tẽ-daa sãwna, ɛ́ a Naaŋmɩn nyɛ̃ ʋ ɩ nɩ-mɩŋa, a ʋ sàw-deb zũú.

Ebre 12:19

wɩ́ɛ kɔkɔr nɩ nɩr kɔkɔr ɛ. A Ɩsɩrayɛl bibiir na tɩ wõ a kɔkɔr ŋa a, bɛ tɩ zɛlɛ na kɛ́ ƴɛ̀rʋ ta lɛb ƴɛ̀r dɔwlɩ ɛ.

Ebre 3:12

Yɛbr i, nyɩ gù vla k'aa nyɩ kãw za taa wa tɛr soci-faa na bɛ sàw de a, ʋ wa bʋ́r ʋlɛ nɩ a Naaŋmɩn na vʋʋrɛ a ɩ.

Ebre 3:17

Ɛ́ ã-mɩnɛ nɛbɛ a Naaŋmɩn tɩ nyɛ̃ nɩ suur yome lɩz'a ayi? A bɛlɩ dem na tɩ maalɩ a yel-bier ɛ́ lo kpi a wɛja-kpalɛ pʋɔ a bɛ nɛbɛ ɩ?

Ebre 8:5

Ɛcɛ a bɛ bàwr-maal-ton ɩ n a saa-zu yele ŋmɛ̃-taalʋ, a saa-zu yele dasule, mɛ̃ a lɛ a Moyiir na tɩ bɔbr a pɛn-sɛw maalʋ a Naaŋmɩn yel kʋ̀ ʋ a. Ʋ tɩ yel ʋ na: «Nyɛ̃, fʋ na maal'ɩ a yele za a ŋmɛ̃ taa nɩ a al ɩ̃ na wul fʋ a tãw zu a.»

Zozue 22:15

Bɛ tɩ cen nɩ a Galaadɩ tẽw, a Urubɛn dɔwlʋ nɩbɛ, a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ zie, tɩ ƴɛ̀r a bɛ zie à ŋá:

Zozue 22:16

À ŋá n'a a Sore lãw za ƴɛ̀rɛ: «Bʋ̃ʋ n'ʋ so nyɩ maalɩ a ɩ-faa ŋa tɔ càar'ɩ a Ɩsɩrayɛl Naaŋmɩn? Bʋ̃ʋ n'ʋ so nyɩ bɛ sàwr a Sore nʋɔr a dɩ̃a, ɛ́ mɛ nyɩ mɩŋa bàwr-maal-kuur lɩɛbɩ nɩ-gaarɩ a Sore zie?

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 22:9

Ɛcɛ, ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ a fʋ̃ʋ nɩ a fʋ yɛbr naaŋmɩn-ƴɛ̀r-manbɛ a, nɩ a bɛlɩ dem za na maal tɛr a sɛbɛ ŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru!»