Ebre 12:22 - A SƐB-SÕW

²² Sɩyɔ̃ tãw n'ʋ nyɩ taw pɩɛlɩ, nɩ a Naaŋmɩn na vʋʋrɛ a tẽ-kpɛ̃ɛ, a tẽ-vla pʋɔ Zerizalɛm nɩ a ʋ malkɩ tu-tu-túr.

Ebre 12:22 ပူးပေါင်းရင်းမြစ်များ

2 Na-mɩnɛ 19:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwrɩ ʋ a ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.»

Sɛb-sõw yielu 2:6

ʋ yere na: «Mãa n'ʋ cir a kãá ƴãw a ɩ̃ nãà, a Sɩyɔ̃ na ɩ a ɩ̃ tãw-sõw a zu.»

Sɛb-sõw yielu 42:2

Mɛ̃ a lɛ wala na mɩ́ kone bɔbr'ɩ bàrʋ kʋ̃ɔ a, lɛ n'a ɩ̃ mɩ́ kone bɔbr'ɩ fʋ, Naaŋmɩn i.

Sɛb-sõw yielu 48:2

A Sore ɩ n kpɛ̃ɛ, a tɩ Naaŋmɩn sɛwnɩ nɩ danʋ yaga za a ʋ tẽ-kpɛ̃ɛ pʋɔ. A ʋ tãw-sõw

Sɛb-sõw yielu 68:17

Tã-cowe e, bʋnʋ ƴãw n'a nyɩ nyuur'ɩ a tãw a Naaŋmɩn na kaa ír kpɩɛr a? Yel-mɩŋa za, be n'a a Sore na kpɩɛr kʋralɛ.

Sɛb-sõw yielu 84:2

Sore kpɛnʋ-za-sob i, nɔ̃wfʋ bɛ n'a ɩ̃ nɔ̃w a fʋ yir ɛ!

Sɛb-sõw yielu 87:3

Naaŋmɩn tẽ-kpɛ̃ɛ ɛ, yel-vɩɛlɩ n'a ʋ manɛ a fʋ ƴãw: Tɛw-àrʋ

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 14:32

Bɛ sɔw kɛ́ bʋnʋ kʋ̀ a nɩbɛ a Filisɩtɛ̃ mɩnɛ na tõ a? K'aa Sore mɩŋa n'ʋ mɛ a Sɩyɔ̃ tẽw. Be n'a a ʋ nɩ-bʋʋrɛ bãbàalbɛ kʋ̃ bãw damnʋ ɛ.

Ɩzayi 24:23

Vĩ na ɩrɛ nɩ a cuw, a mʋ̃tɔ̃w na nyɛ̃ nɩ vĩ. Bʋ̃ʋ n'ʋ vɛ̃, a Sore, a kpɛnʋ-za-sob, na dɩrɛ nɩ naalʋ a Zerizalɛm nɩ a Sɩyɔ̃ tãw zu. A ʋ yúor-vɩɛlʋ-danʋ na nyɩwrɛ nɩ a nɩ-kore niŋé.

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Ɩzayi 28:16

Ɛcɛ à ŋá n'a a Sore Naaŋmɩn yere: Ɩ̃ ƴãwnɛ nɩ yir pɛr kʋsɩɛr na kpɛmɛ kpɛmɛ a, a Sɩyɔ̃ tẽw pʋɔ, dacĩ-goraa kʋsɩɛr na vɩɛl vɩɛl a, kʋsɩɛr na be be a yir pɛr binu ƴãw a. Sob nɛ na tɩɛ a kʋsɩɛr ŋa ƴãw a bɛ lore ɩ.

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 51:16

Ɩ̃ lɛb'a dɔlɛ a salom, ɩ̃ lɛb'a bine a tẽw pɛr ɛ́ yere a Sɩyɔ̃ tẽw: “Fʋ̃ʋ n'ɩ a ɩ̃ nɩ-bʋʋrɛ, ɩ̃ ƴãwnɛ nɩ a ɩ̃ ƴɛ̀rʋ a fʋ nʋɔrɩ́, ɩ̃ piwr fʋ na tɛrɛ nɩ a ɩ̃ nũu ɓaarʋ.”»

Ɩzayi 59:20

A Sore na wa na k'ʋʋ wa ya de a Zerizalɛm nɩ a Ɩsɩrayɛl nɩbɛ bɛl na bɛr a bɛ nɩ-gaarɩ ɩb a. A Sore n'ʋ yere.

Ɩzayi 60:14

A bɛlɩ dem na tɩ dɔwrɛ fʋ a na su n zuru taw pɩɛl'ɩ fʋ, a bɛlɩ dem za na tɩ ɩ b la a na lo na vɔblɩ muru a fʋ pile. Bɛ na bʋɔlɛ fʋ nɩ “A Sore tẽ-kpɛ̃ɛ”, “A Ɩsɩrayɛl Naaŋmɩn na ɩ sõw a Sɩyɔ̃”.

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 17:25

A lɛn daar a, a na-mɩnɛ na zɩnɛ a Daviir naalʋ-dà-kɔw zu, ɛ́ mɩ́ zɔm a wur bɩɩ zɩ̃ a zɛbr-torko zu a, na tuur'a yire a tẽ-kpɛ̃ɛ ŋa dɩ̃dɛɛ ƴãw kʋralɛ. A bɛ tõ-tõ-bi-bɛrɛ, a Zuda tẽw nɩbɛ nɩ a bɛlɩ dem na kpɩɛr a Zerizalɛm a mɩ̀ na tuur'a yire a be, ɛ́ a tẽ-kpɛ̃ɛ ŋa na tɛr'ɩ nɩbɛ kʋralɛ.

Matie 16:16

Sɩmʋ̃ Pɩɛr tɩ sɔw na: «Fʋ̃ʋ n'ɩ a Nɩ-kabra, a Naaŋmɩn na vʋʋrɛ a Bie.»

Matie 5:35

Nyɩ ta mɩ́ pɔ n a tẽsɔw ɛ, a ʋ gbɛ́ɛ dɔwlʋ zie n'a. Nyɩ ta mɩ́ pɔ n a Zerizalɛm ɛ, a Na-kpɛ̃ɛ tẽ-kpɛ̃ɛ n'ʋ.

Ʋrɔm 11:26

Ɛ́ à à ŋá n'a a Ɩsɩrayɛl nɩbɛ za na nyɛ̃ a faafʋ, mɛ̃ à ŋá a Sɛb-sõw na yere a: «Sɩyɔ̃ tẽw n'a a Faarɛ na yi wa, ʋ na ɩ na a Naaŋmɩn bɛ-ƴãwfʋ ɩ-ɩrɩ baarɩ a Zakɔb bʋʋrɛ zie.

Ʋrɔm 9:26

Ɛ́ a be tɔr za bɛ na tɩ yel bɛ: “Nyɩ bɛ ɩ ɩ̃ nɩbɛ a”, bɛ na bʋɔlɛ bɛ nɩ a be: “Naaŋmɩn na vʋʋrɛ a bibiir.”»

Galasi 4:26

Ɛcɛ a Zerizalɛm na be a saa-zu a bɛ ɩ gbãgbaa ɩ, ɛ́ ʋlɛ n'ɩ a tɩ mã.

Efɛɛzɩ 2:19

A na ɩ à ŋá a, a nyɩɩm nɩ-bʋʋr-yoru bɛ cãà ɩ nɩ-sãanbɛ nɩ nʋʋrɩ ɛ, nyɩ ɩ n a Naaŋmɩn nɩ-bʋʋrɛ tẽ-bi-taabɛ, nyɩ pʋɔ nɩ a ʋ yir nɩbɛ pʋɔ.

Wulu-ayi-sob 33:2

«A Sore yi n a Sinayi tãw zu wa. Ʋ pur'ɩ a Seyiir tẽw, mɛ̃ mʋ̃tɔ̃w a, a ʋ nɩbɛ ƴãw. A ʋ cãà yi n a Paran tãw zu, ɛ́ caalɩ. Ʋ wa n a ʋ nɩbɛ zie, ʋlɛ n'ɩ malkɩ túre túre, ɛ́ tɛr a wulu a ʋ nũú, ʋ 'lere mɛ̃ vũu a.

Wulu-ayi-sob 5:26

Bʋ̃ʋ n'ʋ vɛ̃, nɩsaal kãw dãw na wõ a Naaŋmɩn na vʋʋrɛ a, ʋ be vũu sɔwlɩsɔw ɛ́ ƴɛ̀rɛ a ʋ zie, mɛ̃ a tɩɩm a, ʋʋ cãà vʋʋrɛ ɛ?

Filib 3:20

Ɛ́ a tɩɩm a, a tɩ tẽ-kpɩɛra n'ɩ a tẽ-vla, be n'a tɩ gùre k'aa Sore Yeezu Kɩrɩta yi wa mɛ̃ a faarɛ a,

1 Tesalonikɩ 1:9

A nɩbɛ za na ƴɛ̀rɛ a tɩ ƴɛ̀rʋ a mɩ́ manɛ nɩ a lɛ nyɩ na de tɩ a sãanʋ, a lɛn daar tɩ na tɩ wa a nyɩ zie a, nɩ a lɛ nyɩ na tɩ zawrɩ a tɩbɛ bɛr ɛ́ tu a Naaŋmɩn kɛ́ nyɩ tone ʋ, ʋl na ɩ Naaŋmɩn-vʋʋra nɩ Naaŋmɩn-sɩza a.

2 Timote 4:18

A Sore na cãà na lɛb faa mɛ̃ yel-faa za pʋɔ. Ʋ na faa mɛ̃ na ɛ́ ƴãw ɩ̃ kpɛ a ʋ tẽ-vla Naalʋ pʋɔ. Ʋlɛ so yúor-vɩɛlʋ-danʋ a yome yome za. Amɛn.

Ebre 10:31

A Naaŋmɩn na vʋʋrɛ a na na ƴãw fʋ nũú a, a ɩrɛ nɩ dɛ̃bɩ̃ɛ bɛ dɩ vuo ɩ!

Ebre 11:10

Bʋ̃ʋ n'ʋ vɛ̃, a Abraham tɩ gùre nɩ tẽ-kpɛ̃ɛ bɛ na sʋ̃ɔ́ a pɛr ʋ kpɛmɛ a, ɛ́ a Naaŋmɩn ɩ a sob nɛ na tɩɛrɩ a mɩɛrʋ, ɛ́ lɛb ɩ a mɩɛrɛ a.

Ebre 11:16

Ɛcɛ alɛ ɩrɛ mɛ̃ bom'ʋ a, sãà-tẽw na vɩɛl zuo a n'ʋ bɛ tɩ bɔbr, a pɛr lɛ k'aa tẽ-vla pʋɔ dem. Lɛ so a bɛ ɩrɛ a Naaŋmɩn vĩ bɛ na bʋɔlɛ ʋ a bɛ Naaŋmɩn a ɩ, bʋ̃ʋ n'ʋ vɛ̃, ʋ cɔbr'ɩ tẽ-kpɛ̃ɛ a bɛ ƴãw.

Ebre 13:14

Bʋ̃ʋ n'ʋ vɛ̃, a tẽw zu ka a, tɩ bɛ tɛr tẽ-kpɛ̃ɛ ʋ be be kʋralɛ ɩ. A tẽ-kpɛ̃ɛ ʋl na waar a n'ʋ tɩ bɔbr.

Ebre 3:12

Yɛbr i, nyɩ gù vla k'aa nyɩ kãw za taa wa tɛr soci-faa na bɛ sàw de a, ʋ wa bʋ́r ʋlɛ nɩ a Naaŋmɩn na vʋʋrɛ a ɩ.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Zozue 3:10

Al pùorí, ʋ tɩ yel'a: À ŋá n'a nyɩ na bãw k'aa Naaŋmɩn na vʋʋrɛ a be n a nyɩ sɔgɔ, nɩ k'ʋʋ na diw nɩ a Kanãa tẽw dem bɛr a nyɩ niŋé, lãwnɩ a Hititɩ mɩnɛ, a Hivitɩ mɩnɛ, a Perizitɩ mɩnɛ, a Gɩrgasitɩ, a Amoritɩ nɩ a Zebizitɩ mɩnɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:14

A bɛl ƴãw mɩ̀ n'a a Enɔkɩ, na ɩ a tɩ sãàkʋm-suwle ayopõi sob na tu a Adama zu a, tɩ ƴɛ̀r a naaŋmɩn-ƴɛ̀r-manɛ ƴɛ̀r-bie á ŋá: «A Sore n'ɩ ŋan waar, ʋlɛ nɩ a ʋ malkɩ-son tùr-piir piir,

Yel-wula 14:1

Ɩ̃ tɩ nyɛ̃ nɩ a Pele ʋ àr a Sɩyɔ̃ tãw zu, ʋlɛ nɩ a nɩbɛ tùr-lɩz'a ayopõi dɔwlɩ túr anaar (144 000), a ʋ yúor nɩ a ʋ Sãà yúor na tɩ sɛb a bɛ gbẽé a.

Yel-wula 21:10

A Naaŋmɩn Vʋʋrʋ tɩ siw mɛ̃ na, ɛ́ a malkɩ tɩ tɛr mɛ̃ do n tã-kpɛ̃ɛ na kɛrɩ a zu, tɩ wul mɛ̃ a tẽ-sõw-kpɛ̃ɛ, a Zerizalɛm, na tɩ yi a Naaŋmɩn zie a salom zu siwr a.

Yel-wula 21:2

Ɩ̃ɩ tɩ nyɛ̃ nɩ a tẽ-sõw, a Zerizalɛm paala, na yi a Naaŋmɩn zie a salom zu siwr a, ʋ ɩ mɛ̃ pɔw-sãan na ƴãw ʋ pɩ̃ɛmɛ a ʋ sɩr ƴãw a.

Yel-wula 22:19

Ɛ́ nɩr wa ír bom bɛr a naaŋmɩn-ƴɛ̀r-manɛ ƴɛ̀rʋ pʋɔ na be a sɛbɛ ŋa pʋɔ a, a nyɔ-vʋʋrʋ tɩɛ wɔmɛ nɩ a tẽ-sõw yele bɛ na manɩ a sɛbɛ ŋa pʋɔ a, Naaŋmɩn mɩ̀ na ír'ɩ a ʋ dem bɛr.

Yel-wula 3:12

Sob nɛ na na zɛb tʋ̃ɔ́ a, ɩ̃ na ɩ na ʋ ɩ kpul a ɩ̃ Naaŋmɩn yir pʋɔ, ʋʋ kʋ̃ yi zaa a ʋ pʋɔ towtow ɛ. Ɩ̃ na sɛb'ɩ a ɩ̃ Naaŋmɩn yúor ƴãw a ʋ zu, nɩ a ɩ̃ Naaŋmɩn tẽ-kpɛ̃ɛ yúor, a Zerizalɛm paala na yi a ɩ̃ Naaŋmɩn zie a salom zu siwr a. Ɩ̃ mɩ̀ na sɛb'ɩ a ɩ̃ yo-paala ƴãw a ʋ zu.

Yel-wula 7:2

Ɩ̃ɩ tɩ nyɛ̃ nɩ malkɩ yũo, ʋ yi a mʋ̃tɔ̃w puru zie dúor waar, ɛ́ tɛr a Naaŋmɩn na vʋʋrɛ a bãwfʋ bʋ̃-ƴãwna. Ʋ tɩ cɩɩr'ɩ kpɛ̃w za yel a malkɩ anaar bɛl bɛ na tɩ kʋ̀ fãw a tẽw nɩ a kʋ̃ɔ-kpɛ̃ɛ sãwfʋ ƴãw a: