Ebre 12:2 - A SƐB-SÕW

² Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 12:2 ပူးပေါင်းရင်းမြစ်များ

Sɛb-sõw yielu 110:1

Daviir yielu. Sɛb-sõw yielu. A Sore Naaŋmɩn yel'ɩ a nãà ɩ̃ sore: «Wa zɩ̃ a ɩ̃ dʋrʋ lowr, ɛ́ gù ɩ̃ tɩ ɩ a fʋ dɔ̃ dem bɛ lɩɛbɩ a fʋ gbɛ́ɛ dɔwlʋ zie.»

Sɛb-sõw yielu 138:8

Sore e, a bom nɛ fʋ na tĩ a ɩ̃ ƴãw a, fʋ na maal'ʋ na tɩ baarɩ. Sore e, a fʋ nɔ̃wfʋ be n kʋralɛ, taa zawrɛ a fʋ nuru tome bɛrɛ ɩ.

Ɩzayi 31:1

Baw-bio wɛ! A nɩbɛ bɛ ŋa siwr'ɩ Eziptɩ tẽw kɛ́ bɛ tɩ bɔ sõwfʋ. Bɛ bɛr'ɩ tɩɛrʋ a wie ƴãw, a zɛbr-torkori ƴãw n'a bɛ ƴãw a bɛ tɩɛrʋ, a na yãwmɛ a ƴãw, nɩ a bɛ wi-zɔmnbɛ ƴãw, bɛ na tɛr fãw yaga a ƴãw. Ɛcɛ bɛ bɛ jɩ́rɛ a Ɩsɩrayɛl Naaŋmɩn na ɩ sõw a lowr ɛ. Bɛ bɛ bɔbr a Sore ɩ.

Ɩzayi 45:22

Nyɩɩm na wɩɛr tɩ kpɩɛr a tẽw baarʋ zie a, nyɩ lɩɛbɩ cɔw mɛ̃, ɛ́ nyɩ na nyɛ̃ nɩ a faafʋ. Bʋ̃ʋ n'ʋ vɛ̃, mãa n'ɩ a Naaŋmɩn, kãw bɛ lɛb ka be ɩ.

Ɩzayi 53:3

A nɩbɛ za tɩ jewr'ʋ na ɛ́ zawr'ʋ bɛr. Nɩr na wone tuo a tɩ n'ʋ, nɩr na mili nɩ a 'wɔbrʋ a. Ʋ tɩ ɩ na mɛ̃ nɩr nɩr za na bɛ bɔbr k'ʋʋ jɩ́r kaa a. Tɩ tɩ jewr'ʋ na, tɩ tɩ nyɛ̃ ʋ na ʋ bɛ ɩ bom za ɩ.

Ɩzayi 8:17

Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.

Mise 7:7

Ɛcɛ mãa a, a Sore n'ʋ ɩ̃ jɩ́rɛ, a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ, a Naaŋmɩn na wõ n a ɩ̃ bʋɔlʋ.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Sɔr-nɛ́ɛ 21:9

A Moyiir tɩ maal'ɩ waab nɩ kur-zɩɛ, ƴãw dàa ƴãw. Lɛ n'a, waab na mɩ́ tɩ dʋ̃ nɩr, ʋ jɩ́r a kur-zɩɛ waab kaa a, ʋ mɩ́ tɩ baa na.

Matie 16:21

A ʋlɩ daar nɛ n'a a Yeezu tɩ tĩ yere kʋ̀rɛ a ʋ po-tuurbɛ, k'aa fɛr'a k'ʋʋ cen a Zerizalɛm, tɩ wõ tuo yaga a nɩ-kore nɩ a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ, bɛ kʋ ʋ, ɛ́ a bibie ata sob ʋ lɛb yi a kũu pʋɔ.

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Markɩ 14:36

Ʋ tɩ yere na: «Aba, ɩ̃ Sãà a, fʋ tʋ̃ɔ́ nɩ bom za. Ɩ a tuo koli-nyúura ŋa taw zãá nɩ mɛ̃. Ɛcɛ a ta ɩ lɛ a mãa na bɔbr a ɩ, a ɩ lɛ fʋ̃ʋ na bɔbr a.»

Markɩ 15:28

Lɛ n'a a Sɛb-sõw ƴɛ̀r-bir ŋa tɩ tu: «Bɛ sɔ́r ʋ na ƴãw nɩ-faar pʋɔ.»]

Markɩ 16:19

A Sore Yeezu na wa ƴɛ̀r a bɛ zie à à ŋá baar'a, bɛ ír ʋ na do n a tẽ-vla pʋɔ, ʋ tɩ zɩ̃ a Naaŋmɩn dʋrʋ lowr.

Markɩ 9:12

Ʋ tɩ sɔw bɛ na: «Yel-mɩŋa n'a, a fɛr'a kɛ́ a Eli de niwn wa, wa maalɩ bom za ƴãw. Ɛcɛ, bʋ̃ʋ ƴãw n'a bɛ sɛb kɛ́ a ɩ n fɛrʋ kɛ́ a Nɩsaal Bie wõ tuo yaga, ɛ́ bɛ ɩ ʋ la?

Markɩ 9:24

Daadaalɛ, a bie sãà ŋmɛ cɛl yel: «Ɩ̃ sàw na de! Ɛcɛ sõw mɛ̃ ɩ̃ na bɛ tʋɔr sàwr dier vla a!»

Luka 17:5

A nɩ-toni tɩ yel'ɩ a Sore: «Ɩ a tɩ naaŋmɩn-sàw-deb ʋ bɛrmɛ dɔwlɩ.»

Luka 23:11

A Erɔdɩ nɩ a sojarɩ bɛl na gùre ʋ a, tɩ jewr'ɩ a Yeezu, ɛ́ ɩ ʋ la. Bɛ tɩ de nɩ dɛpaal-kparʋ su ʋ, ɛ́ lɛb dáa ʋ bɛr a Pɩlatɩ zie.

Luka 24:26

A bɛ tɩ fɛr kɛ́ a Kɩrɩta wõ tuo ɛ́ bãw nyɛ̃ a yúor-vɩɛlʋ-danʋ bɩɩ?»

Zã 1:29

A dãw-bio daarɩ́, a Zã tɩ nyɛ̃ nɩ a Yeezu na waar a ʋ zie a, ɛ́ tɩ yel: «Nyɩ nyɛ̃ a Naaŋmɩn pele na íre a tẽ-daa yel-bier bɛrɛ a.

Zã 12:24

Yel-mɩŋa sɩza sɩza n'a ɩ̃ yere kʋ̀rɛ nyɩ: a ka-bir wa lo a tẽw bɛ wɛ a, ʋ mɩ́ gã nɩ ʋ yõ. Ɛcɛ ʋlɛ wa wɛ a, ʋ mɩ́ wɔ̃ n wɔmɛ yaga.

Zã 12:32

Ɛ́ a mãa a, bɛlɛ wa bà m a tẽsɔw k'ɩ̃ zɛw do a, ɩ̃ na taw nɩ a nɩsaalbɛ za wa n a ɩ̃ zie.»

Zã 13:3

ɛ́ a Yeezu mɩ̀ tɩ bãw kɛ́ a ʋ Sãà de nɩ bom za ƴãw a ʋ nuru pʋɔ a, k'ʋʋ yi n a Naaŋmɩn zie wa ɛ́ lɛb cere a Naaŋmɩn zie a,

Zã 6:40

A ɩ̃ Sãà pʋ-tɩɛrʋ sɩrɩ n'ɩ ŋa: kɛ́ sob ŋa za na nyɛrɛ a Bie ɛ́ sàwr dier ʋ a, ʋ tɛr a nyɔ-vʋʋrʋ na be kʋralɛ a, ɛ́ a mãa a, ɩ̃ na ɩ na ʋ lɛb yi a kũu pʋɔ a bibi-pɛ-baara wa vɩɛ a.»

Zã 8:56

A nyɩ sãà Abraham tɩ cɩlɩ na, ʋ na tɩ tɩɛr k'ʋʋ na nyɛ̃ nɩ a ɩ̃ waa bibir a: ʋ nyɛ̃ ʋ na, ɛ́ nʋ̃ɔ̀ kpɛ ʋ bɛ dɩ vuo ɩ.»

Nɩ-toni 2:36

A Ɩsɩrayɛl bʋʋrɛ za, bɛ bãwnɩ a vla: a Yeezu ŋa tɔr za nyɩ na kpa a da-gara zu a, Naaŋmɩn ɩ na ʋ ɩ Sore nɩ Kɩrɩta.»

Nɩ-toni 3:15

À ŋá n'a nyɩ ɩ kʋ a nyɔ-vʋʋrʋ za sob. Ɛcɛ Naaŋmɩn ɩ na ʋ lɛb yi a kũuni pʋɔ, tɩ ɩ n a ʋ dãsɩɛ dem.

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Nɩ-toni 5:41

A nɩ-toni tɩ lɛb'a yi a ƴɛ̀rʋ-dɩb-lãw zie, ɛ́ nʋ̃ɔ̀ ɩrɛ bɛ yaga, a Naaŋmɩn na tɩ nyɛ̃ bɛ, bɛ sɛwnɩ zʋmɛ a Yeezu yúor ƴãw a.

1 Korɛ̃tɩ 1:18

A Kɩrɩta da-gara zu kũu tɩ na hiere a, a ɩ n gẽgẽ-ɩb a bɛlɩ dem na bɔrɛ a zie. Ɛcɛ a bɛlɩ dem na lo a faafʋ sɔ́r a, a tɩɩm zie, a ɩ n Naaŋmɩn kpɛnʋ.

1 Korɛ̃tɩ 1:23

Ɛcɛ tɩɩm a, Kɩrɩta bɛ na kpa da-gara zu a n'ʋ tɩ hiere: ʋ ɩ n yel-faa na bɛ sɛw taa nɩ a, a Zifʋ mɩnɛ zie, ɛ́ ɩ gẽgemi a nɩ-bʋʋr-yoru zie.

Efɛɛzɩ 2:16

Ʋ tɩ bɔbr'a kɛ́ bɛlɛ nɩ a Naaŋmɩn lɛb kpɛ taa, a ʋ da-gara zu kũu ƴãw, ɛ́ k'aa bʋʋrɛ bɛ za ayi tʋ̃ɔ́ lãw taa ɩ ƴãw-been. A ʋl mɩŋa pʋɔ n'a ʋ kʋ a dɔ̀nʋ.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Filib 1:6

Ɩ̃ bɛ bʋ́nɛ nɩ a yel ŋa ɩ: a Naaŋmɩn na tĩ a tõ-vla ʋl a nyɩ zie a, ʋ na cãà na cow ʋ tɩ baarɩ a Yeezu Kɩrɩta lɛb-waa bibir.

Filib 3:20

Ɛ́ a tɩɩm a, a tɩ tẽ-kpɩɛra n'ɩ a tẽ-vla, be n'a tɩ gùre k'aa Sore Yeezu Kɩrɩta yi wa mɛ̃ a faarɛ a,

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

Ebre 1:13

Ɛ́ malkɩ buor sob'ʋ a Naaŋmɩn dãw yel: «Zɩ̃ a ɩ̃ dʋrʋ lowr, ɛ́ gù ɩ̃ wa tɩ fɛr a fʋ dɔ̃ dem ƴãw bɛ lɩɛbɩ a fʋ gbɛ́ɛ dɔwlʋ zie?»

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

Ebre 10:14

A na ɩ à ŋá a, bàwr-been n'ʋ ʋ ɩ n a bɛlɩ dem ʋ na kʋ̀rɛ a sonu a bɛ vɩɛl kʋralɛ bɛ cɛ ɩ.

Ebre 10:33

Nyɩ mɩnɛ tɩ nyɛ̃ nɩ zʋmɛ nɩ dɔwrʋ a nɩbɛ za niŋé, ɛ́ a nyɩ ŋmaarɛ tɩ lãw nɩ a bɛl bɛ na tɩ dɔwrɛ à à ŋá a.

Ebre 11:36

Bɛ mɩ̀ tɩ ɩ n bɛ mɩnɛ la ɛ́ fɔb bɛ, ɛ́ ƴãw bɛ mɩnɛ bamɛ lɔb ƴãw gaso pʋɔ.

Ebre 12:3

Nyɩ lɛb tɩɛrɩ a ʋ yele, a lɛ a yel-bebe dem na bɛ tɩ de a ʋ yele towtow, ʋʋ dɩ kanyir a. Lɛ n'a nyɩ kʋ̃ sàw a bàlʋ tʋ̃ɔ́ nyɩ ɛ.

Ebre 13:13

A na ɩ à ŋá a, nyɩ ɩ tɩ yi a laɩ pʋɔ tuor ʋ, ɛ́ sàw de a ʋlɩ vĩ-been nɛ.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Ebre 7:19

Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.

Ebre 8:1

A ƴɛ̀rʋ tɩ na ƴɛ̀rɛ a ƴɛ̀r-zu-kpɛ̃ɛ sɩrɩ n'ɩ à ŋà: a bàwr-maal-kara ŋa tɔ n'ʋ tɩ tɛr, ʋl na zɩ̃ a Naaŋmɩn na ɩ kpɛ̃ɛ kpɛ̃ɛ za a naalʋ-dà-kɔw dʋrʋ lowr a saa-zu a.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Zakɩ 2:1

Ɩ̃ yɛbr i, nyɩɩm na sàw de a tɩ Sore Yeezu Kɩrɩta na tɛr danʋ a, nyɩ ta owre taa ɩ.

1 Pɩɛr 1:11

Bɛ tɩ ƴãw nɩ fãw jɛlɛ kɛ́ bɛ bãw debor daar'a, nɩ yele abobe n'a a Kɩrɩta Vʋʋrʋ na be a bɛ pʋɔ a, tɩ bɔbr k'ʋʋ yel, a lɛn daar ʋ na tɩ de niwn yel a tuo na gùre a Kɩrɩta a yele, nɩ a yúor-vɩɛlʋ-danʋ ʋ na na páw a tuo wob pùorí a.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

1 Pɩɛr 3:22

ʋl na do a tẽ-vla pʋɔ tɩ be a Naaŋmɩn dʋrʋ lowr dɩrɛ naalʋ a malkɩ mɩnɛ zu, a salom zu kpɛnʋ dem nɩ a fãw dem zu a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:21

Nyɩ be a Naaŋmɩn nɔ̃wfʋ pʋɔ gùre nɩ kɛ́ a tɩ Sore Yeezu Kɩrɩta wa kʋ̀ nyɩ a nyɔ-vʋʋrʋ na be kʋralɛ a, a ʋ su-ɓaarʋ pʋɔ.

Yel-wula 1:11

Ʋ tɩ yere na: «Sɛb a ʋlɩ bom fʋ na nyɛrɛ a ƴãw sɛbɛ pʋɔ tɩr kʋ̀ a Lãw-yie ayopõi á ŋá: Efɛɛzɩ, Sɩmɩɩr, Pɛrgam, Tɩatɩɩr, Sardɩ, Fɩladɛlfɩ nɩ Lawdise.»

Yel-wula 1:17

Ɩ̃ na tɩ nyɛ̃ ʋ a, ɩ̃ lo na gã a ʋ gbɛ́ɛ ƴãw mɛ̃ ɩ̃ kpi na a. Ɛcɛ, ʋ tɩ dɔwl'ɩ a ʋ dʋrʋ nũu a ɩ̃ zu ɛ́ yel: «Ta zɔrɛ dɛ̃bɩ̃ɛ ɩ: mãa n'ɩ a niw-diere nɩ a po-pàwrɛ,

Yel-wula 1:8

A Sore Naaŋmɩn yere na: «Mãa n'ɩ a Alfa nɩ a Omega, a sob nɛ na be, dãw be, ɛ́ waar a, a Kpɛnʋ-za-sob.»

Yel-wula 2:8

«Sɛb yel a Sɩmɩɩr tẽw Lãw-yir malkɩ: À ŋá n'a a niw-diere nɩ a po-pàwrɛ yere, a sob nɛ na tɩ kpi ɛ́ lɛb vʋʋrɛ a: