Ebre 12:14 - A SƐB-SÕW

¹⁴ Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

Ebre 12:14 ပူးပေါင်းရင်းမြစ်များ

Yele-za-pɛr-tib 32:30

A Zakɔb tɩ yel ʋ na: «Yãayãa, yel a fʋ yúor kʋ̀ m.» Ʋ sɔw: «Bʋnʋ ƴãw n'a fʋ sowre mɛ̃ a ɩ̃ yúor?» Ɛ́ tɩ maal'ʋ a be.

A Zɔb sɛbɛ 19:26

Bɛlɛ wa sãw a ɩ̃ gán ŋa bɛr a, a mãa tɔr za a, ɩ̃ na nyɛ̃ nɩ a Naaŋmɩn!

A Zɔb sɛbɛ 33:26

Ʋ mɩ́ puor'ɩ a Naaŋmɩn, ʋ pɛlɩ pʋɔ de a ʋ puoru. Nʋ̃ɔ̀ cɛlsɩ n'a ʋ mɩ́ ŋmɛ wa n a Naaŋmɩn niŋé, ʋl na mɩ́ ɩ a nɩsaal ʋ lɛb ŋmɛ̃ ʋ ŋmɛ̃a a.

Sɛb-sõw yielu 120:6

Ɩ̃ kpɛ n a bɛlɩ dem na bɛ nɔnɛ a ƴã-ɓaarʋ a sɔgɔ cɛlɩ tɩ zuo.

Sɛb-sõw yielu 133:1

Zerizalɛm dob daar yielu. Daviir so ʋ. Nyɛ̃ a yɛbr lãw-kpɛb na vɩɛl ɛ́ nʋmɛ a!

Sɛb-sõw yielu 34:14

Ʋ gùre ʋ tʋɔra a ƴɛ̀r-faar ƴãw, nɩ a ziri ƴãw.

Sɛb-sõw yielu 38:20

A ɩ̃ dɔ̃ dem vʋʋrɛ nɩ vla ɛ́ kpɛmɛ, bɛ yãwmɛ na na hɩ̃ɛn mɛ̃ zawla a.

Sɛb-sõw yielu 94:15

A ƴɛ̀rʋ na mɩ́ lɛb'a dɩ a tu a yel-mɩŋa, ɛ́ a soci-dẽdẽ dem za na mɩ́ sàw na.

Zʋkpaɩ 15:1

Sɔwfʋ na sɔw bàalʋ bàalʋ a diwr'ɩ a suur, ɛcɛ po-to-ƴɛ̀rʋ mɩ́ dam'ɩ a nɩr suur.

Zʋkpaɩ 16:7

A Sore wa nɔnɛ nɩr ɩb a, ʋ mɩ́ ɩ na a sob nɛ nɩ a ʋ dɔ̃ dem tɛɛ za lɛb kpɛ taa.

Zʋkpaɩ 17:14

A zɛbr tib ɩ na mɛ̃ kʋ̃ɔ-bɩwra bɛ na yuo bɛr a. A zɛbr na bɛ úr sɛr a, taw yi pùor!

Ɩzayi 51:1

A Sore yere na: «Nyɩ bɛrɛ wone a ɩ̃ ƴɛ̀rʋ, nyɩɩm na bɔbr a faafʋ a, nyɩɩm na bɔbr kɛ́ nyɩ bãw mɛ̃ a. Nyɩ bɛl nyɛ̃ a pìir ʋl pʋɔ bɛ na cɩ̀ nyɩ ír a, a kʋsɛ-bɔw ʋl pʋɔ bɛ na tuw nyɩ ír a.

Markɩ 9:50

A nyaarʋ ɩ n bʋ̃-nʋ̃ɔ̀, ɛcɛ a nyaarʋ nʋ̃ɔ̀ wa yi a, bʋ̃ʋ n'a nyɩ na ƴãw a lɛb nʋmɛ? Nyɩ tɛr nyaarʋ a nyɩ pʋ̃ɔmɩ, ɛ́ ɩrɛ ƴã-ɓaarʋ ɩb kʋ̀rɛ taa.»

Luka 1:75

tʋ̃ɔ́ ɩ nɩ-son nɩ nɩ-mɩn a ʋ niŋé, a tɩ bibi-vɩɛrɩ za a.

Ʋrɔm 12:18

Alɛ na na tʋ̃ɔ́ a, nɩ a lɛ a na yi a nyɩ zie mɩ̀ a, nyɩ ɩ ƴã-ɓaarʋ be nyɩɩm nɩ a nɩsaalbɛ za cara pʋɔ.

Ʋrɔm 14:19

A na ɩ à ŋá a, nyɩ ɩ tɩ bɔbr a yele al na waar'ɩ a ƴã-ɓaarʋ a, nɩ a al na mɩ́ ɩ tɩ lãw kɛrɛ a sàw-deb pʋɔ a.

Ʋrɔm 6:22

Ɛcɛ ƴɛrɛŋa a, bɛ faa nyɩ nɩ a yel-bier nuru pʋɔ, nyɩ lɩɛbɩ Naaŋmɩn gbãgbaar tɛr ɩ-ɩrɩ na tɩrɛ sonu a, ɛ́ a baarʋ daar a waar'ɩ nyɔ-vʋʋrʋ na be kʋralɛ a.

1 Korɛ̃tɩ 1:10

Yɛbr i, ɩ̃ zɛlɛ nyɩ nɩ yãayãa a tɩ Sore Yeezu Kɩrɩta yúor ƴãw, nyɩ za nyɩ lãw nʋɔr, nyɩ ta ɩ bʋ́r-taa be a nyɩ cara pʋɔ ɩ. Nyɩ lãw yã ɛ́ tɛr tɩɛr-been.

1 Korɛ̃tɩ 13:12

Ƴɛrɛŋa a, caala pʋɔ n'a tɩ jɩ́rɛ mɩ́ nyɛ̃ a bom ʋ bɛ maal sãá ɩ, ɛcɛ a nɩdaar a, tɩ na mɩ́ càar'a nyɛ̃. A ƴɛrɛŋa a, a ɩ̃ bãwfʋ tɛr'ɩ tɛwfʋ zie, nɩdaar a, ɩ̃ na bãw nɩ a Naaŋmɩn vla mɛ̃ a lɛ ʋ na bãw mɛ̃ a.

2 Korɛ̃tɩ 6:17

Alɛ so a Sore yere: «Nyɩ yi zaa a nɩbɛ bɛ ŋa pʋɔ, nyɩ taw zãá nɩ bɛ. Nyɩ taa tʋɔr bom za na tɛr dɛwr a ɩ, ɩ̃ɩ na de nyɩ na.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Galasi 3:21

A pãa ɩ lɛ a Wulu diwr a maalʋ nɛ́ɛ a Naaŋmɩn na ƴãw a bɛrɛ bɩɩ? Lɛ bɛ n'a towtow ɛ! Alɛ tɩ ɩ mɛ̃ bɛ tɩr'ɩ wulu kãw na na kʋ̀ a nɩsaalbɛ a nyɔ-vʋʋrʋ a, wulu sàwfʋ pʋɔ sɩrɩ n'a a nɩsaal nãá mɩ́ ɩ nɩ-mɩŋa a Naaŋmɩn niŋé.

Efɛɛzɩ 5:5

Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.

Filib 3:12

Ɩ̃ bɛ ta a tab zie sɛr ɛ, ɛ́ mɩ̀ bɛ lɛb vɩɛl baarɩ sɛr ɛ, ɛcɛ, ɩ̃ cãà na ƴãw fãw zɔrɛ k'ɩ̃ɩ tɩ páw a ɩ̃ zɔba bom nyɔw, bʋ̃ʋ n'ʋ vɛ̃, a Yeezu Kɩrɩta tɔr za n'ʋ nyɔw a mãa mɩŋa.

1 Tesalonikɩ 3:13

A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.

1 Tesalonikɩ 4:7

Naaŋmɩn bɛ bʋɔlɩ tɩ faalʋ ƴãw ɛ, sonu ƴãw n'a ʋ bʋɔlɩ tɩ.

1 Tesalonikɩ 5:15

Nyɩ gù vla nɩr za taa mɩ́ wa maalɛ faa yaarɛ nɩ a faa san ɛ. Ɛcɛ nyɩ nɩ̃ɛ mɩ́ ƴãw fãw maalɛ a vla kʋralɛ, a nyɩ cara pʋɔ nɩ a nɩbɛ za zie.

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Ebre 12:10

A tɩ sãà mɩnɛ mɩ́ tɩ kpãà tɩ nɩ blãlɛ ƴãw, mɛ̃ a lɛ bɛ na mɩ́ tɩ nyɛ̃ a sɛw taa nɩ a. Ɛcɛ a Naaŋmɩn ʋl a, a tɩ vla ƴãw n'a ʋ mɩ́ kpãànɛ tɩ, kɛ́ tɩ tʋ̃ɔ́ pʋɔ a ʋ sonu pʋɔ.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

1 Pɩɛr 3:11

k'ʋʋ gùr pùor cɔw a yel-faa ɛ́ ɩrɛ a vla, k'ʋʋ mɩ́ bɔbr a ƴã-ɓaarʋ ɛ́ tuur a ʋ pùor.»

1 Pɩɛr 3:13

Nyɩmɛ wa tʋlɛ a vla ƴãw a, ãa n'ʋ na ɩ nyɩ faa?

2 Pɩɛr 3:11

A bome á ŋá na na sãw à ŋá a, nyɩ bãw lɛ a na fɛr kɛ́ nyɩ ɩrɛ a. A fɛr'a kɛ́ a nyɩ cenu vɩɛl, ɛ́ nyɩ tu a Naaŋmɩn pùor,

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.

3 Zã 1:11

Ɩ̃ bá-nɔna a, ta cɔwrɛ a yel-faa ɩ, cɔwrɛ a yel-vla. Sob nɛ na ɩrɛ vla a ɩ n Naaŋmɩn nɩ-sora, ɛ́ sob nɛ na maalɛ faa a bɛ bãw a Naaŋmɩn ɛ.

Ƴɛ̀r-dɩrbɛ 11:14

A Zɛfɩte tɩ lɛb'a tõ nɩbɛ a Amɔ̃ tẽw dem nãà zie