Ebre 12:1 - A SƐB-SÕW

¹ A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

Ebre 12:1 ပူးပေါင်းရင်းမြစ်များ

A Zɔb sɛbɛ 8:10

Ɛcɛ bɛl a, bɛ na wul fʋ nɩ yã, bɛ na ƴɛ̀r'ɩ fʋ na, bɛ na lɛb'a tɩɛrɩ zʋkpaɩ á ŋá lɔb kʋ̀ b:

Sɛb-sõw yielu 18:23

Ɩ̃ tuur'ɩ a lɛ za ʋ na yel a, a lɛ-na-tu-sɔr ʋ yel a, ɩ̃ bɛ zawrɩ bɛr ɛ.

Ɩzayi 60:8

Tẽbowle n'ɩ a nɩbɛ bɛ ŋa na mɩ́ ƴáw mɛ̃ zũzuwr a, mɛ̃ naŋmamɛ na ƴáwr cere a kpɛb zie a?

Ezekɩɛl 38:16

Fʋ na wa na wa zɛb'ɩ a ɩ̃ nɩ-bʋʋrɛ Ɩsɩrayɛl, ɛ́ fʋ na pàw nɩ a ʋ tẽw mɛ̃ zũzuwr na pàw a tẽw a. A na cɛlɩ nɩ yaga ɛ́ à á ŋá wa bãw ɩ. Ɩ̃ na ƴãw nɩ a fʋ̃ʋ Gɔgɩ fʋ cen tɩ zɛb'ɩ a ɩ̃ tẽw, a nɩ-bʋʋr-yoru tʋ̃ɔ́ bãw mɛ̃ a lɛn daar ɩ̃ nãà wa wul a ɩ̃ sonu a bɛ mimirí a fʋ̃ʋ Gɔgɩ zũú a.

Ezekɩɛl 38:9

A fʋ̃ʋ, a fʋ zɛbr-nɩbɛ nɩ a fʋ bárɩ yaga a, nyɩ na zɛb'ɩ bɛ na. Nyɩ na lo n a bɛ zu mɛ̃ saa-sɛsɛb a, nyɩ na yɛ́r'a pàw a bɛ tẽw mɛ̃ zũzuwe tãw a.

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

Matie 24:13

Ɛcɛ sob nɛ na na ƴãw fãw tɩ ta a baarʋ daar a, na nyɛ̃ nɩ a faafʋ.

Markɩ 10:50

Ʋ tɩ lɔb'ɩ a ʋ kpar-kpɛ̃ɛ bɛr, ɛ́ vaa ìr cen a Yeezu zie.

Luka 12:15

Al pùorí, a Yeezu tɩ yel'ɩ a nɩbɛ zie: «Nyɩ gùre nyɩ tʋɔra a libi-nɔ̃w yaga ƴãw. A nɩsaal saa tɛr a zɛ̃ ŋmɩn a, ɛcɛ a ʋ nyɔ-vʋʋrʋ bɛ yi a naalʋ ʋ na kpɛ a pʋɔ ɩ.»

Luka 16:28

Ɩ̃ tɛr'ɩ yɛbr anũu. Ʋ tɩ yel kʋ̀ bɛ kɛ́ bɛ maal ɩrɛ, taa wa nanɩ waar a tuo-wob zie ka ɩ.”

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Zã 3:32

ʋ dɩrɛ nɩ a bom nɛ ʋ na nyɛ̃ ɛ́ wõ a dãsɩɛ, ɛ́ nɩr za bɛ sàwr dier a ʋ dãsɩɛ ɩ.

Zã 4:39

Samaari tẽw nɩbɛ yaga, a tẽw ʋl pʋɔ, tɩ sàw na de a Yeezu yele a pɔw ƴɛ̀rʋ zũú, ʋ na tɩ dɩ a dãsɩɛ ŋa a ƴãw: «Ʋ manɩ nɩ a alɩ bome nɛ za ɩ̃ na ɩ a kʋ̀ m.»

Zã 4:44

Ʋl tɔr za n'ʋ tɩ háa nʋɔr yel kɛ́ naaŋmɩn-ƴɛ̀r-manɛ bɛ nyɛrɛ ƴãwfʋ a ʋ tẽ-dɔwra tɔr za pʋɔ ɩ.

Ʋrɔm 12:12

Nyɩ cɩlɛ a nyɩ tɩɛrʋ nyɩ na ƴãw a Sore ƴãw a zũú. Nyɩ nyɔw nyɩ tʋɔra a kpɩɛrʋ pʋɔ, nyɩ puore kʋralɛ.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Galasi 2:2

Yel-wula Naaŋmɩn na ɩ ɩ̃ bãw a n'a so ɩ̃ tɩ do. Ɩ̃ tɩ man nɩ a Yel-nʋ̃ɔ̀ ɩ̃ na hiere a nɩ-bʋʋr-yoru sɔgɔ a kʋ̀ a kɩrɩta-nɩbɛ, al pùorí, ɩ̃ man ʋ kʋ̀ a nɩ-bɛrɛ, bɛ tɛwr zie. Ɩ̃ bɛ tɩ bɔbr k'aa tome ɩ̃ na tõ ɛ́ cãà tone a ɩ zawla ɩ.

Galasi 5:7

Nyɩ tɩ tĩ na zɔrɛ vla za! Ãa n'ʋ wa piw nyɩ a sɔ́r, bɛ bɔbr kɛ́ nyɩ tuur a yel-mɩŋa?

Efɛɛzɩ 4:25

A na ɩ à ŋá a, nyɩ bɛr a ziri: ŋa za mɩ́ yel a yel-mɩŋa kʋ̀ a ʋ tɔ sob, tɩ za na ɩ ƴã-gã-been ɓɛrmɛ a ƴãw.

Filib 1:30

zɛbr'ɩ a zɛb-been nɛ nyɩ na nyɛ̃ ɩ̃ zɛb, ɛ́ nyɩ bãwnɩ ɩ̃ cãà zɛbr a.

Filib 2:16

nyɩɩm na tɛr a nyɔ-vʋʋrʋ ƴɛ̀rʋ a: à ŋá n'a nyɩ na zɛw a ɩ̃ yúor a Kɩrɩta waa bibir, bʋ̃ʋ n'ʋ vɛ̃, a ɩ̃ tome nɩ a ɩ̃ hanʋ kʋ̃ ɩ zawla ɩ.

2 Timote 2:4

Nɩr za na kpɛ sojarɩ tome pʋɔ a mɩ́ bɛr'ɩ a nɩ-zawlɛ nyɔ-vʋʋrʋ yele, ʋlɛ wa bɔbr k'ʋʋ pɛlɩ a ʋ nɩ-kpɛ̃ɛ pʋɔ a.

2 Timote 4:7

Ɩ̃ zɛb'ɩ a zɛb-vla, ɩ̃ zɔ na ta a dãw-taa zɔ-tab zie, ɩ̃ maal'a tɛr a naaŋmɩn-sàw-deb.

Ebre 6:15

A Abraham na tɩ dɩ kanyir ɛ́ gù a, ʋ nyɛ̃ nɩ a Naaŋmɩn nʋɔr ʋ tu.

Zakɩ 1:3

Nyɩ bãwnɩ a na, a nyɩ naaŋmɩn-sàw-deb wa tʋ̃ɔ́ a kpɩɛrʋ a, a kpɩɛrʋ mɩ́ wa n nɩ kanyir.

1 Pɩɛr 2:1

A na ɩ lɛ a, a po-tuolu bʋʋrɛ za nɩ a ziri za, a libelibe bʋʋrɛ za, a nyuur nɩ a tɔ yel-faar manʋ a, nyɩ bɛr a za a lo.

1 Pɩɛr 4:2

k'aa tẽw zu ka nyɔ-vʋʋrʋ na cãà cɛ ʋ a, ʋ tʋ̃ɔ́ vʋʋrɛ mɛ̃ a lɛ a Naaŋmɩn na bɔbr a, ʋ ta vʋʋrɛ tu n a nɩsaal tɛra vʋla ɩ.

1 Pɩɛr 5:1

Mãa mɩ̀ na pʋɔ a nɩ-kore pʋɔ ɛ́ dɩ a Kɩrɩta tuo-wob dãsɩɛ a, mãa mɩ̀ na na páw a yúor-vɩɛlʋ-danʋ na waar na sãá a, ɩ̃ zɛlɛ nɩ a nɩ-kore na be a nyɩ pʋɔ a:

1 Pɩɛr 5:12

A Sɩlvɛ̃ na ɩ yɛb na bɛ lɛbr pùor a mãa zie a, ʋlɛ n'ʋ ɩ̃ ƴãw ʋ sɛb a sɛb-ŋmale ŋa kʋ̀ nyɩ, k'ɩ̃ɩ kpaalɩ nyɩ ɛ́ yel kʋ̀ nyɩ kɛ́ a Naaŋmɩn maalʋ sɩza pùor'a nyɩ tu.

2 Pɩɛr 1:6

Nyɩ tɛr tʋɔra-nyɔwfʋ ƴãw pʋɔ a Naaŋmɩn bãwfʋ ƴãw. Nyɩ tɛr a kanyir ƴãw pʋɔ a tʋɔra-nyɔwfʋ ƴãw, ɛ́ ƴãwnɛ a Naaŋmɩn ƴãw pʋɔ a kanyir ƴãw.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 13:10

Nɩr wa be a gaso kpɛb ƴãw a, ʋ na kpɛ n a gaso. Nɩr wa be a sʋɔ-kũu ƴãw a, ʋ na kpi n a sʋɔ-kũu. A Naaŋmɩn nɩ-bʋʋrɛ kanyir dɩb nɩ a bɛ naaŋmɩn-sàw-deb daar'ɩ à à ŋá.»

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.