Ebre 11:8 - A SƐB-SÕW

⁸ A sàw-deb zũú, a Naaŋmɩn na tɩ bʋɔlɩ a Abraham a, ʋ sàw na ɛ́ yi cen tẽw a Naaŋmɩn na na kʋ̀ ʋ k'ʋ so ʋ a. Ʋ tɩ yi na cere, ɛ́ bɛ bãw be ʋ na cere a ɩ.

Ebre 11:8 ပူးပေါင်းရင်းမြစ်များ

Yele-za-pɛr-tib 11:31

A Tera tɩ tɛr'ɩ a ʋ bidɛb Abram nɩ a ʋ yãw Lɔtɩ na ɩ a Haran bidɛb a. Ʋ mɩ̀ tɩ tɛr'ɩ a ʋ bie-pɔw Saraɩ na ɩ a Abram pɔw a. Ʋ tɩ tɛr bɛ na yi n a Uur na be a Kalde tẽw a, k'ʋʋ cen nɩ Kanãa tẽw. Bɛ tɩ cen na tɩ ta Haran kpɩɛr a be.

Yele-za-pɛr-tib 12:5

A Abram tɩ tɛr'ɩ a ʋ pɔw Saraɩ nɩ a ʋ yɛb bidɛb Lɔtɩ. Bɛ tɩ de nɩ a bɛ bʋ̃-tɛrɩ za nɩ a gbãgbaar bɛ na da a Haran a, lo n a Kanãa tẽw sɔ́r. Bɛ tɩ ta n a Kanãa tẽw.

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 15:5

Ʋ tɩ tɛr'ɩ a Abram yi n yẽw tɩ yel ʋ: «Jɩ́r a salom kaa, ɛ́ sɔ́r a ŋmar-bie bãw a nʋɔr fʋ̃ʋ wa tʋ̃ɔ́ a.» Al pùorí ʋ yel ʋ: «À ŋá n'a a fʋ bʋʋrɛ nãà yãwmɛ sɛw.»

Yele-za-pɛr-tib 17:8

A tẽw fʋ na kpɩɛr ɩ nʋʋra a, a Kanãa tẽw za, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ. Bɛ na so ʋ nɩ kʋralɛ, ɩ̃ɩ ɩ a bɛ Naaŋmɩn.»

Yele-za-pɛr-tib 20:13

A lɛ a Naaŋmɩn na tɩ ƴãw ɩ̃ yi ɛ́ bɛr a ɩ̃ Sãà yir a, ɩ̃ yel'ɩ a Saara: “Maalʋ ŋa n'ʋ ɩ̃ zɛlɛ a fʋ zie: zie za tɩ na tarɛ a, mɩ́ yel k'ɩ̃ɩ ɩ n a fʋ yɛ-dɛb.”»

Yele-za-pɛr-tib 22:18

Ɩ̃ na maal'ɩ a tẽw zu nɩ-bʋʋrɛ za a fʋ bʋʋrɛ zũú, fʋ na sàw a ɩ̃ nʋɔr a ƴãw.»

Yele-za-pɛr-tib 26:3

Kpɩɛr a ʋlɩ tẽw nɛ, ɩ̃ na be n a fʋ zie, ɩ̃ɩ na maalɩ fʋ na. Bʋ̃ʋ n'ʋ vɛ̃, fʋ̃ʋ nɩ a fʋ bʋʋrɛ nɛbɛ ɩ̃ na kʋ̀ a ziir á ŋá. Ɛ́ à à ŋá n'a ɩ̃ na tu a nʋɔr ɩ̃ na ƴãw kʋ̀ a fʋ sãà Abraham a.

Ɩzayi 41:2

Nɩr yi na lo a sɔ́r a saa-pɛrɩ́. Ʋ zɛbr'a tʋ̃ɔ́nɛ zie za ʋ na tɔlɛ a. Ãa n'ʋ ƴãw ʋ yi lo a sɔ́r? Ãa n'ʋ ƴãwnɛ a nɩ-bʋʋrɛ a ʋ nuru pʋɔ? Ãa n'ʋ ɩrɛ k'ʋ sore a na-mɩnɛ? A ʋ zɛbr-sɔ-kpɛ̃ɛ mɩ́ ɩ na bɛ lɩɛbɩ tã-buulu, a ʋ pime mɩ́ diw bɛ na yaarɩ mɛ̃ sɛsɛb na ɓáw sàwr cen nɩ a.

Ɩzayi 51:2

Nyɩ bɛl nyɛ̃ a nyɩ sãà Abraham a, nɩ a Saara na dɔw nyɩ a. A Abraham bɛ tɩ tɛr bie a lɛn daar ɩ̃ na tɩ bʋɔl'ʋ a ɩ. Ɛcɛ ɩ̃ maal'ʋ na, ɛ́ ɩ k'ʋ ɩ nɩ-bʋʋr-yaga sãà.»

Ezekɩɛl 36:24

Bʋ̃ʋ n'ʋ vɛ̃, mãa wa tɛr nyɩ yi n a nɩ-bʋʋrɛ sɔgɔ nɩ a ten al pʋɔ nyɩ na be a, ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw pʋɔ.

Sɔr-nɛ́ɛ 10:30

A Hobab tɩ sɔw na: «Ɩ̃ bɛ waar ɛ, ɩ̃ na lɛb'a kul a ɩ̃ tẽw nɩ a ɩ̃ yir.»

Matie 2:21

A Zuzɛb tɩ ìr'a tɛr a bie nɩ a ʋ mã lɛb cen nɩ a Ɩsɩrayɛl tẽw.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Ʋrɔm 10:16

Ɛcɛ a nɩbɛ za bɛ nɛbɛ sàw de a Yel-nʋ̃ɔ̀ ɩ. Bʋ̃ʋ n'ʋ vɛ̃, Ɩzayi yere nɩ à ŋá: «Sore e, ãa n'ʋ sàw de a yel tɩ na hieri a?»

Ʋrɔm 6:17

Ɛcɛ Naaŋmɩn so puoru: nyɩ tɩ dãw na ɩ a yel-bier gbãgbaar, ƴɛrɛŋa a, a wulu bɛ na wul nyɩ a sɛw kɛ́ nɩbɛ za tuur a, nyɩ sàw na de ʋ nɩ nyɩ pʋɔ za.

2 Korɛ̃tɩ 10:5

tɩ mɩ́ tʋ̃ɔ́ nɩ fãw za na zɛwr ʋ tʋɔra bɛ sàwr kɛ́ bɛ bãw a Naaŋmɩn a ɩ. Tɩ mɩ́ tʋ̃ɔ́ nɩ nɩsaal tɩɛrʋ za, a ɩ mɛ̃ gaso pʋɔ n'a tɩ nyɔw ʋ ƴãw a, kɛ́ tɩ ɩ ʋ sàwr a Kɩrɩta nʋɔr.

Wulu-ayi-sob 9:5

ɛ́ nyɩ tʋ̃ɔ́ de a bɛ tẽw. Nyɩ na ɩ nɩ-mɩn a bɛ n'a ɩ, bɩɩ a nyɩ tɩɛrʋ na vɩɛl a ƴãw bɛ n'a ɩ. A Sore na diw nɩ a nɩ-bʋʋrɛ bɛ ŋa, a bɛ ɩb na bɛ vɩɛl a ƴãw, nɩ a lɛ ʋ na pɔ yel kʋ̀ a nyɩ sãàkʋm-kore Abraham, Ɩzaakɩ nɩ Zakɔb a, tub ƴãw.

Ebre 11:33

A sàw-deb zũú, bɛ tɩ zɛb'a tʋ̃ɔ́ na-mɩnɛ ten, ɛ́ tɩ tu a mɩnʋ pùor, ɛ́ páw a alɩ bome nɛ a Naaŋmɩn na yel k'ʋʋ na tɩr a a. Bɛ tɩ pàw nɩ gben nɛ́ɛ,

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Zozue 24:3

Ɩ̃ tɩ ƴãw nɩ a nyɩ sãàkʋm-kʋra Abraham yi a Efaratɩ gãwn, ɩ̃ɩ tɛr ʋ tɔl'ɩ a Kanãa tẽw za pʋɔ. Ɩ̃ tɩ kʋ̀ ʋ nɩ bʋʋrɛ yaga, ɛ́ kʋ̀ ʋ Ɩzaakɩ.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 3:1

Lɛ mɩ̀ n'a, a nyɩɩm pɔwbɛ, nyɩ sàwr a nyɩ sɩrbɛ nʋɔr, kɛ̀ bɛ mɩnɛ saa wa zawrɩ a Naaŋmɩn ƴɛ̀rʋ sàw deb a, bɛ̃ɛ sàw de ɛ́ nɩr bɛ ƴɛ̀r ƴɛ̀rʋ ɛ, a bɛ pɔwbɛ na ɩrɛ vla a ƴãw.

1 Pɩɛr 4:17

Sɩza n'a, a ƴɛ̀rʋ-maalʋ na tine a daar ta na. Ɛ́ a Naaŋmɩn nɩ-bʋʋrɛ nɛbɛ bɛ de niwn maal'ɩ a ƴɛ̀rʋ. Ɛcɛ alɛ wa tine a tɩ zie a, ŋmɩŋmɩn n'a a baarʋ daar a na ŋmɛ̃ a bɛlɩ dem na zawrɩ na sàw de a Naaŋmɩn Yel-nʋ̃ɔ̀ a zie?