Ebre 11:7 - A SƐB-SÕW

⁷ A sàw-deb zũú n'a Nowe tɩ bɛr wõ a lɛ Naaŋmɩn na tɩ yel kʋ̀ ʋ, yele bɛ na bɛ tɩ nyɛ̃ sɛr a ƴãw. Ʋ bɛ tɩ de dɩ̃ɛnʋ ƴãw a lɛ a Naaŋmɩn na tɩ yel a ƴãw ɛ, ɛ́ tɩ maalɩ gbor-kpɛ̃ɛ ʋlɛ nɩ a ʋ yir dem faafʋ ƴãw. À ŋá n'a ʋ tɩ wul a tẽ-daa sãwna, ɛ́ a Naaŋmɩn nyɛ̃ ʋ ɩ nɩ-mɩŋa, a ʋ sàw-deb zũú.

Ebre 11:7 ပူးပေါင်းရင်းမြစ်များ

Yele-za-pɛr-tib 19:14

A Lɔtɩ tɩ cen na tɩ páw a ʋ dɩɛmbɛ, a bɛl nãà wa kul a ʋ pɔwyaar a, yel bɛ: «Nyɩ ìr! Nyɩ yi zaa a tẽw ŋa pʋɔ, a Sore na sãw ʋ na bɛr.» Ɛcɛ bɛ tɩ manɛ k'ʋʋ dɩ̃ɛnɛ na.

Yele-za-pɛr-tib 6:13

Lɛ n'a a Naaŋmɩn tɩ yel a Nowe: «Mãa zie a, a nɩsaalbɛ yele baar'a. Bɛlɛ nɛbɛ so a po-to-fãw-ɩb paalɩ a tẽ-daa. A na ɩ lɛ a, ɩ̃ na sãw bɛ na bɛr lãwnɩ a tẽw.

Yele-za-pɛr-tib 6:22

A lɛ n'a a Nowe tɩ ɩ. Ʋ tɩ ɩ n a lɛ tɔr za a Naaŋmɩn na yel kʋ̀ ʋ a.

Yele-za-pɛr-tib 6:9

A Nowe yele n'ɩ á ŋá: A Nowe tɩ ɩ n nɩ-mɩŋa nɩ nɩr na ɩrɛ a pɛlɛ a Naaŋmɩn pʋɔ a ʋ daar nɩbɛ pʋɔ a. Ʋ tɩ maalɛ nɩ a Naaŋmɩn pʋ-tɩɛrʋ.

Yele-za-pɛr-tib 7:23

À ŋá n'a a Sore tɩ ɩ bʋ̃-vʋʋra za bɔr a tẽw zu, a nɩsaal, a dʋ̃-bɛrɛ, a dʋ̃-pʋrmɛ nɩ a lili. A tɩ bɔr'ɩ a tẽw zu. A Nowe yõ n'ʋ tɩ cɛ, ʋlɛ nɩ a bɛlɩ dem na tɩ be a gbor-kpɛ̃ɛ pʋɔ a.

Yele-za-pɛr-tib 7:5

A Nowe tɩ ɩ n a lɛ za a Sore na yel kʋ̀ ʋ a.

Yele-za-pɛr-tib 8:16

«Yi a gbor-kpɛ̃ɛ pʋɔ, a fʋ̃ʋ, a fʋ pɔw, a fʋ bidɛbr nɩ a fʋ biir-pɔwbɛ.

2 Na-mɩnɛ 4:5

A pɔw tɩ bɛr'ɩ a Elize ɛ́ cen. Ʋ na tɩ be a ʋ yir ʋlɛ nɩ a ʋ bibiir a, ʋ pàw nɩ a pan. A bibiir tɩ dier'ɩ a bome kʋ̀rɛ ʋ, ʋ cire a kãá paalɛ.

A Zɔb sɛbɛ 35:8

A fʋ nɩsaal-taabɛ nɛbɛ a fʋ nɩ-fa-ɩb malɛ, bɛl tɛwr nɛbɛ nyɛrɛ tɔnɛ a fʋ nɩ-mɩŋa ɩb pʋɔ.

Zʋkpaɩ 22:3

A kpɩɛrʋ wa waar a, a nɩr na bãw maal-ɩb a mɩ́ sɔwl'a. Ɛcɛ a bɛlɩ dem na bɛ bãw bom a mɩ́ cãà na lo a bɛ sɔ́r tɩ páw a tuo.

Zʋkpaɩ 27:12

A kpɩɛrʋ wa waar a, a nɩr na bãw maal-ɩb a mɩ́ sɔwl'a. Ɛcɛ a bɛlɩ dem na bɛ bãw bom a mɩ́ cãà na lo a bɛ sɔ́r, tɩ páw a tuo.

Ezekɩɛl 14:14

A ɩ mɛ̃ nɩbɛ ata na ŋmɛ̃ taa nɩ Nowe, Danɩɛl nɩ Zɔb a be n a tẽw ŋa nɩbɛ pʋɔ. A nɩbɛ ata bɛ ŋa tɛwr nɛbɛ na tʋ̃ɔ́ faa a bɛl mɩŋa nyɔ-vʋʋrʋ a bɛ pùor-bɛ-lɛbrʋ zũú. A mãa Sore n'ʋ yel à ŋá.

Ezekɩɛl 14:20

A ɩ mɛ̃ a nɩbɛ ata bɛ ŋa na ŋmɛ̃ taa nɩ a Nowe, a Danɩɛl nɩ a Zɔb a be n a nɩ-bʋʋrɛ bɛ ŋa pʋɔ a, bɛl tɛwr nɛbɛ a bɛ pùor-bɛ-lɛbrʋ na tʋ̃ɔ́ faa. A mãa Sore n'ʋ yere, ɩ̃ pɔ n nɩ a ɩ̃ nyɔ-vʋʋrʋ, bɛ kʋ̃ tʋ̃ɔ́ faa a bɛl mɩŋa bibiir ɛ.»

Ezekɩɛl 33:5

Ʋ wõ n a wɩ́ɛ kon ɛ́ bɛ cɛlɩ be ɩ. À ŋá a, ʋlɛ so a ʋ kũu. Ʋlɛ tɩ cɛlɩ be a, ʋ nãà tɩ vʋʋrɛ na.

Matie 2:12

Al pùorí, a Naaŋmɩn tɩ yel'a kʋ̀ bɛ zánʋ pʋɔ kɛ́ bɛ ta lɛb cen a Erɔdɩ zie ɩ, lɛ so bɛ tɩ tu sɔr-yũo lɛb kul a bɛ tẽw.

Matie 24:15

«Lɛ so, a Faalʋ-na-bɛ-maal'ɩ-wob'a ƴɛ̀rʋ a naaŋmɩn-ƴɛ̀r-manɛ Danɩɛl na tɩ dãw ƴɛ̀r a, nyɩmɛ wa nyɛ̃ ʋ, ʋ be a zi-sõw pʋɔ a, a kã-kanɛ, ʋ bãw a pɛr.

Matie 24:25

Nyɩ nyɛ̃, ɩ̃ de nɩ niwn yel kʋ̀ nyɩ.

Matie 24:38

A kʋ̃ɔ-paalʋ-kpɛ̃ɛ na bɛ tɩ ta sɛr a, a nɩbɛ tɩ dɩrɛ na, ɛ́ nyúur, ɛ́ kule pɔwbɛ, ɛ́ tɩrɛ a bɛ pɔwyaar bɛ kule, tɩ ta n a ʋlɩ bibir a Nowe na kpɛ a gbor-kpɛ̃ɛ pʋɔ a.

Matie 3:7

A Zã na tɩ nyɛ̃ Faarizɩ̃ɛ mɩnɛ nɩ Sadiseyɛ̃ mɩnɛ yaga bɛ waar a suob deb a ʋ zie a, ʋ yel bɛ na: «Dɔpan bʋʋrɛ bɛ ŋa! Ãa n'ʋ wul nyɩ a lɛ nyɩ na na ɩ nɩɩrɩ a Naaŋmɩn ƴɛ̀rʋ-maalʋ suur na waar a bɛr?

Luka 17:26

A lɛ a yele na tɩ ɩ a Nowe daar a, lɛ n'a a mɩ̀ na ɩ a Nɩsaal Bie daar.

Ʋrɔm 1:17

A Yel-nʋ̃ɔ̀ mɩ́ sɩrɩ na wule a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a: a sàw-deb yõ zũú n'a, a tib daar tɩ ta n a baarʋ daar, mɛ̃ a lɛ a Sɛb-sõw na yel a: «Sob nɛ na ɩ nɩ-mɩŋa a sàw-deb zũú a na vʋʋrɛ na.»

Ʋrɔm 10:6

Ɛcɛ à ŋá n'a a ƴɛ̀rʋ na ƴɛ̀r càar'ɩ a mɩnʋ na na tʋ̃ɔ́ yi a sàw-deb pʋɔ a ƴɛ̀r: «Taa tɩɛrɛ fʋ pʋɔ yere: Ãa n'ʋ na do a salom zu?» (A pɛr lɛ k'ʋʋ tɩ ɩ a Kɩrɩta ʋ siw).

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

Ʋrɔm 4:11

A pùorí n'a ʋ tɩ páw a yʋɔr-ŋmãafʋ ʋ ɩ bãwfʋ na wule k'aa Naaŋmɩn tɩ sàw na kʋ̀ ʋ k'ʋʋ ɩ n nɩ-mɩŋa a sàw-deb zũú, ʋ na saa bɛ tɩ ŋmãa a yʋ̀ɔr sɛr a. À ŋá n'a a Abraham lɩɛbɩ a bɛlɩ dem za na sàw de, ɛ́ bɛ ŋma a yɛɛ a sãà, k'aa Naaŋmɩn tʋ̃ɔ́ sàw kʋ̀ bɛ kɛ́ bɛ mɩ́ ɩ n nɩ-mɩn.

Ʋrɔm 4:13

Naaŋmɩn yel'ɩ a Abraham nɩ a ʋ bʋʋrɛ kɛ́ bɛ na so nɩ a tẽ-daa. A Wulu a Abraham na tɩ sàw a ƴãw bɛ n'a a Naaŋmɩn tɩ yel à à ŋá kʋ̀ ʋ ɛ, a Naaŋmɩn na tɩ sàw kʋ̀ ʋ k'ʋʋ ɩ n nɩ-mɩŋa a ʋ sàw-deb zũú a, al ƴãw n'a.

Ʋrɔm 9:30

Tɩ na yel'a kɛ́ bo? À ŋá n'a tɩ na yel: nɩ-bʋʋr-yoru nɩbɛ na bɛ tɩ bɔbr a mɩnʋ a páw nɩ a mɩnʋ a Naaŋmɩn zie, a mɩnʋ ʋl na yi a sàw-deb zie a n'ʋ ɩ̃ yere.

Galasi 5:5

Ɛcɛ a tɩɩm a, tɩ ƴãw nɩ a tɩ tɩɛrʋ a Naaŋmɩn ƴãw, ʋl na na ɩ tɩ ɩ nɩ-mɩn a ʋ niŋé a. A yel ŋa n'ʋ tɩ gùre nɩ a Vʋʋrʋ Sõw fãw, ʋl na tone a tɩ naaŋmɩn-sàw-deb pʋɔ a.

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

Ebre 11:1

A naaŋmɩn-sàw-deb n'ɩ fʋ na bɛ bʋ́nɛ kɛ́ fʋ na páw nɩ a bom ʋl fʋ na tɩɛrɛ a, ʋ mɩ́ wul'a kɛ́ a yele fʋ na bɛ mɩ́ nyɛ̃ a be na.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Ebre 5:7

A ʋ tẽw zu ka nyɔ-vʋʋrʋ daar a, a Kɩrɩta tɩ ŋmɛ n cɛlsɩ cir'ɩ mʋta-kʋ̃ɔ, ɛ́ puori lɔb'ɩ nuru zɛlɩ nɩ a Naaŋmɩn yãayãa, ʋl na na tʋ̃ɔ́ faa ʋ a kũu pʋɔ a. A Naaŋmɩn tɩ sàw na de a ʋ puoru, a Kɩrɩta na ƴãwnɛ ʋ a zũú.

Ebre 8:5

Ɛcɛ a bɛ bàwr-maal-ton ɩ n a saa-zu yele ŋmɛ̃-taalʋ, a saa-zu yele dasule, mɛ̃ a lɛ a Moyiir na tɩ bɔbr a pɛn-sɛw maalʋ a Naaŋmɩn yel kʋ̀ ʋ a. Ʋ tɩ yel ʋ na: «Nyɛ̃, fʋ na maal'ɩ a yele za a ŋmɛ̃ taa nɩ a al ɩ̃ na wul fʋ a tãw zu a.»

1 Pɩɛr 3:20

a pɛr lɛ kɛ́ a bɛlɩ dem na tɩ dãw zawrɩ a Naaŋmɩn ƴɛ̀rʋ sàwfʋ a lɛn daar ʋ na tɩ nyɔw a ʋ suur, a bibie al a Nowe na tɩ maalɛ a gbor-kpɛ̃ɛ a. Nɩbɛ blãlelɛ tɛwr nɛbɛ, bɛ za tɩ ɩ n nɩbɛ ani, bɛlɛ nɛbɛ tɩ kpɛ a gbor-kpɛ̃ɛ pʋɔ a kʋ̃ɔ fáa bɛ.

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.

2 Pɩɛr 2:5

Ʋ mɩ̀ bɛ bɛr a dãwdãw tẽ-daa ɩ, ʋ ƴãw na kʋ̃ɔ paalɩ pàw a nɩ-faar tẽw ŋa. Ɛcɛ ʋ tɩ piw nɩ a Nowe na tɩ hiere a yel-mɩnʋ a tɛr, lãwnɩ nɩbɛ ayopõi kãw.

2 Pɩɛr 3:6

A kʋ̃ɔ-paalʋ kpɛ̃ɛ daar, kʋ̃ɔ n'a mɩ̀ sãw a dãwdãw tẽ-daa.