Ebre 11:6 - A SƐB-SÕW

⁶ Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Ebre 11:6 ပူးပေါင်းရင်းမြစ်များ

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

A Zɔb sɛbɛ 21:14

Ɛcɛ bɛ tɩ yel'ɩ a Naaŋmɩn: «Taw zaa a tɩ zie, tɩ tobr bɛ ka a fʋ pʋ-tɩɛrʋ maalʋ ƴãw ɛ.

Sɛb-sõw yielu 106:24

Bɛ tɩ zawr'ɩ tẽw na ɩ tẽw a bɛr, bɛ bɛ tɩ sàw de a Sore ƴɛ̀rʋ ɛ.

Sɛb-sõw yielu 119:10

Ɩ̃ bɔbr fʋ na nɩ ɩ̃ pʋɔ za, ta sàw k'ɩ̃ wa bɔr zãá nɩ a fʋ nɛ-ƴãwnɩ ɛ.

Sɛb-sõw yielu 58:11

A nɩ-mɩŋa na nyɛ̃ nɩ a san a Naaŋmɩn na yáa a, ɛ́ cɩlɛ, ʋ na 'lɔr'ɩ a ʋ gbɛ́ɛ a nɩ-faa zɩ̃ɩ pʋɔ.

Sɛb-sõw yielu 73:28

Ɛcɛ mãa a, a ɩ̃ nʋ̃ɔ̀ n'ɩ ɩ̃ na pɩɛlɩ fʋ a. Sore Naaŋmɩn i, a fʋ zie n'a ɩ̃ ƴãw a ɩ̃ tɩɛrʋ, ɛ́ ɩ̃ na manɛ nɩ a fʋ tome za.

Sɛb-sõw yielu 78:22

Bʋ̃ʋ n'ʋ vɛ̃, a ʋ nɩbɛ bɛ tɩ ƴãw a bɛ tɩɛrʋ a ʋ ƴãw ɛ, bɛ bɛ tɩ sàw k'ʋʋ na tʋ̃ɔ́ na faa bɛ ɩ.

Sɛb-sõw yielu 78:32

A na saa tɩ ɩ à à ŋá a, bɛ tɩ cãà na maalɛ a yel-bebe, bɛ cãà bɛ tɩ sàw tɩɛrɛ a nɔ-ɓãa-yele a Naaŋmɩn na maalɩ a ɩ.

Zʋkpaɩ 11:18

A nɩ-faa sã-ya bɛ mɩ́ tɛr pɛr ɛ, ɛcɛ sob nɛ na ɩrɛ a mɩnʋ bere be a na nyɛ̃ nɩ maalʋ, bʋnʋ bɛ ka be ɩ.

Zʋkpaɩ 8:17

A mãa a, ɩ̃ nɔnɛ nɩ a bɛlɩ dem na nɔnɛ mɛ̃ a, ɛ́ a bɛlɩ dem na bɔbr mɛ̃ a na mɩ́ nyɛ̃ m'a.

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Sɔr-nɛ́ɛ 14:11

A Sore tɩ yel'ɩ a Moyiir: «Debor daar'a a nɩbɛ bɛ ŋa na jɛ m bɛr tɩ ta? Debor daar'a bɛ na zawrɩ a ɩ̃ sàw-deb tɩ ta, bɛ na saa nyɛ̃ a ɩ̃ fãw bãwfʋ ɩ̃ na maalɩ a bɛ sɔgɔ a?

Sɔr-nɛ́ɛ 20:12

Ɛcɛ a Sore tɩ yel'ɩ a Moyiir nɩ a Aarɔ̃ à ŋá: «Nyɩ bɛ sàw de m ɛ, nyɩ bɛ wul a ɩ̃ sonu a Ɩsɩrayɛl nɩbɛ ɩ, à à ŋá ƴãw a, nyɩmɛ bɛ nɛbɛ na tɛr a nɩbɛ bɛ ŋa kpɛ n a tẽw ɩ̃ na kʋ̀rɛ bɛ a pʋɔ ɩ.»

Matie 11:26

Ɩ̃ Sãà a, à ŋá n'a fʋ nɔnɛ k'aa ɩ.»

Matie 5:12

Nyɩ cɩlɛ ɛ́ ŋmɩɛr nʋ̃ɔ̀ cɛlsɩ, a nyɩ sã-ya ɩ n kpɛ̃ɛ a tẽ-vla pʋɔ. À ŋá tɔr za n'a bɛ tɩ dãw dɔwrɩ a naaŋmɩn-ƴɛ̀r-manbɛ na de nyɩ niwn a.»

Matie 6:16

«Nyɩmɛ mɩ́ wa tɛr a mʋta-tuo a, nyɩ ta mɩ́ kʋɔlɛ mɛ̃ a nɩsaal-libelibe a ɩ, bɛ mɩ́ sãw nɩ niwn k'aa nɩbɛ za nyɛ̃ bɛ na tɛr a mʋta-tuo a. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Matie 6:5

«Nyɩmɛ wa puore a, nyɩ ta mɩ́ ɩrɛ mɛ̃ a nɩsaal-libelibe a ɩ: bɛ mɩ́ nɔnɛ na kɛ́ bɛ àr saaƴẽwn a puoru-diru pʋɔ nɩ a sɔ-carɩ pʋɔ puore, k'aa nɩbɛ za tʋ̃ɔ́ nyɛ̃ bɛ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Markɩ 16:17

Ɛ́ bãwfʋ á ŋá n'a na tuur a bɛlɩ dem na sàw de a: a ɩ̃ yúor ƴãw, bɛ na diwr'ɩ kɔ̃tɔmɛ, bɛ na ƴɛ̀rɛ nɩ ƴɛ̀r-paalɛ.

Luka 12:31

Nyɩ nɩ̃ɛ bɔbr a Naaŋmɩn Naalʋ, ʋʋ na kʋ̀ nyɩ nɩ à á ŋá za dɔwlɩ.»

Luka 6:35

A nyɩɩm n'a, nyɩ nɔnɛ a nyɩ dɔ̃ dem, nyɩ maalɛ bɛ vla ɛ́ pɛ̃wn bɛ a nyɩ bome, ɛ́ ta gùre kɛ́ bɛ mɩ̀ mɩ́ wa ɩ nyɩ a lɛ yáa a san ɛ. Lɛn daar'a a nyɩ sã-ya na ɩ bɛ́rʋ, ɛ́ nyɩ mɩ̀ ɩ a Naaŋmɩn-na-do-saa-bɛ-pɩɛl-a bibiir, ʋl na ɩ nɩ-vla a po-to-dem zie, nɩ a bɛlɩ dem zie fʋ na mɩ́ maalɩ vla ɛ́ bɛ bɛ ŋmɛlɛ kaar fʋ a.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 8:24

Lɛ so ɩ̃ yel kʋ̀ nyɩ kɛ́ nyɩ na kpi n nɩ a nyɩ yel-bebe. Nyɩmɛ bɛ wa sɩrɩ sàw k'ɩ̃ɩ “ɩ n a sob nɛ ɩ̃ na ɩ a”, nyɩ na kpi n nɩ a nyɩ yel-bebe.»

Ʋrɔm 10:14

Ɛcɛ ŋmɩŋmɩn n'a bɛ na bʋɔlɩ ʋ, ɛ́ bɛ sàw de ʋ? Ɛ́ ŋmɩŋmɩn n'a bɛ na sàw de ʋ, ɛ́ bɛ wõ a ʋ yele? Ɛ́ ŋmɩŋmɩn n'a bɛ na ɩ wõ a ʋ yele, nɩr bɛ wa be be hiere a ʋ yele a?

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Ebre 11:26

Ʋ mɩ̀ tɩ nyɛ̃ na bɛ na na ɩ ʋ la mɛ̃ a Kɩrɩta bɛ na ɩ la a, a vɩɛl zuo a Eziptɩ tẽw na-bome, bʋ̃ʋ n'ʋ vɛ̃, a maalʋ na waar a n'a ʋ tɩ tori niwn jɩ́rɛ.

Ebre 3:12

Yɛbr i, nyɩ gù vla k'aa nyɩ kãw za taa wa tɛr soci-faa na bɛ sàw de a, ʋ wa bʋ́r ʋlɛ nɩ a Naaŋmɩn na vʋʋrɛ a ɩ.

Ebre 4:2

Bʋ̃ʋ n'ʋ vɛ̃, a Yel-nʋ̃ɔ̀ ƴɛ̀rʋ ta tɩ na, mɛ̃ a lɛn tɔr za ʋ na tɩ ta a nɩbɛ bɛl na tɩ be a wɛja-kpalɛ pʋɔ a. Ɛcɛ a ƴɛ̀rʋ bɛ na tɩ wõ a bɛ tɩ maalɩ bɛ towtow za ɩ, bɛ na tɩ wõ ɛ́ bɛ sàw de a ƴãw.

Ebre 4:6

A bɛlɩ dem na tɩ de niwn wõ a Yel-nʋ̃ɔ̀ a bɛ tɩ ta a pɩ̃ɛnʋ zie ɩ, a bɛ bɛ-wonu zũú. A na ɩ à ŋá a, nɩbɛ bɛ mɩnɛ na tʋ̃ɔ́ na cãà ta a pɩ̃ɛnʋ zie.

Ebre 7:19

Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

2 Pɩɛr 1:10

Alɛ n'a so, yɛbr i, nyɩ lɛb bãw ƴãw fãw ɩ a bʋɔlʋ a Naaŋmɩn na bʋɔlɩ nyɩ, ɛ́ kaa ír nyɩ a, ʋ kpɛmɛ dɔwlɩ, lɛ n'a nyɩ bɛ be za nãà faa lo ɩ.

2 Pɩɛr 1:5

Alɛ n'a mɩ̀ cãà lɛb so nyɩ ƴãw a nyɩ fãw za tɛr'ɩ vɩɛlʋ ƴãw pʋɔ a nyɩ naaŋmɩn-sàw-deb ƴãw, ɛ́ tɛr Naaŋmɩn bãwfʋ sɩza ƴãw pʋɔ a vɩɛlʋ ƴãw.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Urutɩ 2:12

A Sore, ʋ ya fʋ à á ŋá za fʋ na maalɩ a! A fʋ sã-ya, ʋ ɩ ɓil ʋ za a Sore Ɩsɩrayɛl Naaŋmɩn zie, ʋl naayir fʋ na zɔ wa kpɛ a.»