Ebre 11:37 - A SƐB-SÕW

³⁷ Bɛ tɩ lɔb'ɩ bɛ mɩnɛ nɩ kʋsɛbɛ kʋ, fɔw bɛ mɩnɛ ŋma ziir ayiri nɩ sɔ-nyɩmɛ, kʋ bɛ mɩnɛ nɩ zɛbr-sɔ-kpɛ̃ɛ. Bɩɩ bɛ mɩ́ tɩ cɔlɛ na gʋɔr, su píir bɩɩ bʋʋr gamɛ kparɩ. Bɛ bɛ tɩ tɛr bom ɛ, ɛ́ bɛ ɩrɛ a kpɩɛr bɛ, dɔwrɛ nɩ bɛ.

Ebre 11:37 ပူးပေါင်းရင်းမြစ်များ

2 Samɩɛl 12:31

A Daviir tɩ diw nɩ a tẽw nɩbɛ cen nɩ tɩ ƴãw bɛ tone tõ-kpɛn: dàar fɔwfʋ, kʋsɛbɛ pɛnʋ, tɩɩr cɛb, birkiri ŋmab. Lɛ n'a ʋ mɩ̀ tɩ ɩ a Amɔ̃ tẽw dem tẽ-bɛrɛ za. Al pùorí, a Daviir nɩ a ʋ zɛbr-nɩbɛ za tɩ lɛb'a kul a Zerizalɛm.

1 Na-mɩnɛ 18:13

Ɩ̃ sore e, bɛ bɛ manɩ kʋ̀ b a lɛ ɩ̃ na ɩ, a lɛn daar a Zezabɛl na tɩ ƴãw bɛ kʋrɛ a Sore ƴɛ̀r-manbɛ a ɩ? A lɛ ɩ̃ na tɩ sɔwlɩ nɩbɛ kʋba (100) a bɛ pʋɔ, bʋ́r bɛ lɩz'a ayiri nɩ piir tãw bɔwrɩ pʋɔ ɛ́ kʋ̀rɛ bɛ a bʋ̃-dɩrɩ nɩ a kʋ̃ɔ a ɩ?

1 Na-mɩnɛ 18:4

a lɛn daar a Zezabɛl na tɩ ƴãw bɛ kʋ a Sore ƴɛ̀r-manbɛ a, a Ovadɩa tɩ sɔwl'ɩ nɩbɛ kʋba (100) a bɛ pʋɔ. Ʋ tɩ bʋ́r bɛ nɩ lɩz'a ayiri nɩ piir, ƴãw tãw bɔwrɩ pʋɔ, ɛ́ ƴãw bɛ kʋ̀rɛ bɛ a bʋ̃-dɩrɩ nɩ a kʋ̃ɔ.

1 Na-mɩnɛ 19:1

A nãà Akab tɩ man nɩ a lɛ za a Eli na ɩ a, kʋ̀ a ʋ pɔw Zezabɛl, nɩ a lɛ ʋ na tɩ ƴãw bɛ kʋ a Báàl ƴɛ̀r-manbɛ za a.

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 19:13

A Eli na tɩ wõ a sɛsɛble damnʋ a, ʋ nyɔw nɩ a ʋ kpar-kpɛ̃ɛ pàw nɩ a niwn, ɛ́ yi àr a tãw bɔw nʋɔr. Lɛ n'a ʋ tɩ wõ kɔkɔr ʋ ƴɛ̀r a ʋ zie yel à ŋá: «Eli i, bʋnʋ ƴãw n'a fʋ be a ka?»

1 Na-mɩnɛ 19:14

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 19:19

A Eli tɩ yi n a be cen tɩ nyɛ̃ a Safatɩ bidɛb, Elize, ʋ kʋɔr. Nɛ́ɛ pie nɩ ayi n'a ʋ tɩ tɛr na kɔ, ɛ́ tɩ be a pie nɩ ayi sob zu. A Eli na tɩ tɔlɛ pɩɛlɩ a Elize a, ʋ lɔb'ɩ a ʋ kpar-kpɛ̃ɛ dɔwlɩ a ʋ zu.

1 Na-mɩnɛ 21:10

Nyɩ ƴãw nɩbɛ ayi, nɩbɛ na bɛ tɛr bir a, àr a ʋ niŋé ɛ́ dɩ a ʋ sãwna dãsɩɛ à ŋá: “Fʋ tʋ n a Naaŋmɩn nɩ a nãà!” Al pùorí, nyɩ tɛr ʋ yi zaa nɩ a tẽw pʋɔ, tɩ lɔb'ɩ ʋ kʋsɛbɛ kʋ!»

2 Na-mɩnɛ 1:8

Bɛ tɩ sɔw na: «Ʋ tɩ su n dʋn kɔblʋ kparʋ, ɛ́ 'lẽ nɩ gán kpàwr.» Lɛ n'a a nãà tɩ yel: «A Eli na yi Tisibe a n'ʋ!»

2 Na-mɩnɛ 2:13

Al pùorí, ʋ ɓáw a Eli kpar-kpɛ̃ɛ na tɩ yi a ʋ bawŋmamɛ zu lo a, lɛb wa n wa àr'ɩ a Zurdɛ̃ nʋɔr.

2 Na-mɩnɛ 2:8

A Eli tɩ yaa nɩ a ʋ kpar-kpɛ̃ɛ, puuli, ɛ́ ŋmɛ n a man kʋ̃ɔ, a bʋ́r be dʋrʋ nɩ gʋba, bɛ za ayi gãw nɩ gbɛ-kon.

1 Bibie za yel-manɩ 20:3

A Daviir tɩ ƴãw na bɛ diw a tẽw nɩbɛ cen nɩ tɩ ƴãw bɛ pɔ̃tɔrɩ tome: daar fɔwfʋ, kʋsɛbɛ pɛnʋ nɩ tɩɩr cɛb. À ŋá n'a ʋ mɩ̀ tɩ ɩ a Amɔ̃ tẽw tẽ-bɛrɛ na cɛ a. Al pùorí, a Daviir nɩ a ʋ zɛbr-nɩbɛ za tɩ lɛb'a kul a Zerizalɛm.

2 Bibie za yel-manɩ 24:21

Lɛ n'a a nɩbɛ tɩ bʋ taa a Zekarɩa ƴãw, ɛ́ a nãà ƴãw bɛ lɔb'ɩ ʋ kʋsɛbɛ a Sore yir-kpɛ̃ɛ davʋra pʋɔ.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 26:23

Bɛ tɩ tɛr'ɩ a Uuriyahu a Eziptɩ tẽw lɛb wa n wa kʋ̀ a nãà. A Yoyakim tɩ ƴãw na bɛ kʋ ʋ, ɛ́ lɔb a ʋ kũu ƴãw bɔw-lãw pʋɔ.

Zakari 13:4

A lɛn daar a, vĩ na ɩrɛ nɩ a naaŋmɩn-ƴɛ̀r-manbɛ a naaŋmɩn-ƴɛ̀r-manɛ ƴɛ̀rʋ ƴãw, nɩ a bɛ bʋ̃-nyɛrɩ manʋ ƴãw, bɛ kʋ̃ mɩ́ lɛb sàw su a kɔblʋ kpar-bɛrɛ, a naaŋmɩn-ƴɛ̀r-manbɛ na suur a, bɛ̀lɛ nɩ a nɩbɛ ɩ.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Matie 21:35

Ɛcɛ a divɛ̃ tɩɩr po-kʋ́ɔrbɛ tɩ nyɔw nɩ a ʋ tõ-tõ-biir, pɔb a kãw, kʋ a ƴen sob, ɛ́ lɔb a kãw nɩ kʋsɛbɛ kʋ.

Matie 3:4

A Zã mɩ́ tɩ su n nyɔ̃wmɛ kɔblʋ kparʋ ɛ́ 'lẽ nɩ gán-kpawr a sɩɛmɩ́. Ʋ tɩ 'wɔbr'ɩ sãsoge dɩrɛ nɩ mʋ̃ɔ pʋɔ sɩwr.

Matie 8:20

A Yeezu tɩ sɔw ʋ na: «A tʋrbaar tɛr'ɩ bɔwrɩ kpɩɛr, ɛ́ a mʋ̃ɔ pʋɔ lili tɛr cowr, ɛcɛ a Nɩsaal Bie ʋl bɛ tɛr zie na mɩ́ gã pɩ̃ɛnɩ ɛ.»

Luka 13:34

Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Nɩ-toni 14:19

Ɛcɛ a Ãtɩɔsɩ nɩ a Ɩkonɩɔm tẽw Zifʋ mɩnɛ tɩ wa na wa lɩɛbɩ a zu-sɛbla tɩɛrʋ, ƴãw bɛ tu bɛ, ɛ́ lɔb a Pol nɩ kʋsɛbɛ, ɛ́ nyɔw ʋ vu yi n bɛr a tẽw pʋɔ, ɛ́ tɩɛrɛ k'ʋʋ kpi na.

Nɩ-toni 7:52

Naaŋmɩn-ƴɛ̀r-man-buor sob'ʋ a nyɩ sãàkʋm-kore bɛ dɔwrɩ? Bɛ kʋ n a bɛl na tɩ dãw hiere a nɩ-mɩŋa waa a. A Nɩ-mɩŋa ŋa tɔr za nyɩ na pãa mɩl kʋ a,

2 Korɛ̃tɩ 12:10

Lɛ zũú n'a nʋ̃ɔ̀ cãà kpɩɛr mɛ̃ a bãbàalʋ, a zʋmɛ nɩ a yel-fɛrɩ pʋɔ, a dɔwrʋ nɩ a pʋl-vʋ̃ɔ pʋɔ, ɩ̃ na sàw de a Kɩrɩta a ƴãw. Bʋ̃ʋ n'ʋ vɛ̃, a lɛn daar ɩ̃ na mɩ́ ɩ bãbàal a, lɛn daar a, ɩ̃ mɩ́ kpɛmɛ.

Ebre 11:25

Ʋ tɩ nyɛ̃ na bɛ na na dɔwrɩ ʋ lãwnɩ a Naaŋmɩn nɩ-bʋʋrɛ a, a sa a yel-bier nʋ̃ɔ̀ ʋ na na wõ blã a.

Ebre 13:3

Nyɩ tɛr a gaso pʋɔ dem tɩɛrʋ mɛ̃ nyɩ lãw nɩ bɛ na be a gaso pʋɔ a. Nyɩ tɛr a bɛlɩ dem bɛ na dɔwrɛ a tɩɛrʋ, nyɩ mɩ̀ na tɛr ƴã-gamɛ a.

Yel-wula 11:3

Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»