Ebre 11:32 - A SƐB-SÕW

³² Bʋ̃ʋ n'ʋ ɩ̃ na lɛb yel? Vuo bɛ ka be ɩ̃ na ƴɛ̀r a Zedeɔ̃, Barakɩ, Samsɔ̃, Zɛfɩte, Daviir, Samɩɛl nɩ a naaŋmɩn-ƴɛ̀r-manbɛ ƴɛ̀rʋ ɛ.

Ebre 11:32 ပူးပေါင်းရင်းမြစ်များ

Sɛb-sõw yielu 99:6

Moyiir nɩ Aarɔ̃ tɩ pʋɔ nɩ a ʋ bàwr-maalbɛ pʋɔ, ɛ́ Samɩɛl pʋɔ a bɛlɩ dem na bʋɔlɛ a ʋ yúor a pʋɔ, bɛ mɩ́ tɩ bʋɔl'ɩ a Sore, ʋ sɔw bɛ.

Zeremi 15:1

A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!

Matie 5:12

Nyɩ cɩlɛ ɛ́ ŋmɩɛr nʋ̃ɔ̀ cɛlsɩ, a nyɩ sã-ya ɩ n kpɛ̃ɛ a tẽ-vla pʋɔ. À ŋá tɔr za n'a bɛ tɩ dãw dɔwrɩ a naaŋmɩn-ƴɛ̀r-manbɛ na de nyɩ niwn a.»

Luka 13:28

Nyɩ na kone na 'wɔbr'ɩ nyɩmɛ, a lɛn daar nyɩ nãà wa nyɛ̃ a Abraham nɩ a Ɩzaakɩ nɩ a Zakɔb nɩ a naaŋmɩn-ƴɛ̀r-manbɛ za bɛ be a Naaŋmɩn Naalʋ pʋɔ, ɛ́ bɛ diw a nyɩɩm bɛr yẽw a.

Luka 16:31

Ɛcɛ a Abraham tɩ sɔw ʋ na: “Bɛlɛ bɛ wa wone a Moyiir nɩ a naaŋmɩn-ƴɛ̀r-manbɛ ƴɛ̀rʋ a, ɛ́ nɩr saa yi a kũuni pʋɔ cen a, bɛ cãà kʋ̃ sàw ɛ.”»

Zã 21:25

A Yeezu cãà na lɛb maalɩ yel-yaga yaga: bɛlɛ tɩ sɛbr a za been been a, ɩ̃ tɩɛrɛ k'aa tẽ-daa za kʋ̃ʋ tʋ̃ɔ́ de a sɛbr bɛ nãá sɛb a ɩ.

Nɩ-toni 10:43

A naaŋmɩn-ƴɛ̀r-manbɛ za dɩ n a dãsɩɛ ŋa a ʋ ƴãw: nɩr za, na sàw de a ʋ yele a, na páw nɩ a yel-bebe suur a ʋ yúor ƴãw.»

Nɩ-toni 13:20

tɩ ta mɛ̃ yome kɔbr anaar dɔwlɩ lɩz'a ayi nɩ pie (450) a. A yele á ŋá pùorí, ʋ tɩ kʋ̀ bɛ nɩ ƴɛ̀r-dɩrbɛ tɩ ta n a naaŋmɩn-ƴɛ̀r-manɛ Samɩɛl daar.

Nɩ-toni 3:24

A naaŋmɩn-ƴɛ̀r-manbɛ za, a na tĩ a Samɩɛl nɩ a ʋ lɩɛrbɛ za a, mɩ̀ ƴɛ̀r'a por a bibie á ŋá yúor.

Ʋrɔm 3:5

Ɛcɛ a tɩ yel-mɩŋa bɛ-tɛrʋ mɩ́ wa ɩ a Naaŋmɩn yel-mɩŋa sãá a, tɩ lɛb yel kɛ́ bo? A wul'a kɛ́ a Naaŋmɩn bɛ tɛr yel-mɩŋa ʋ na mɩ́ nyɛ̃ nɩ tɩ suur a bɩɩ? (Ɩ̃ ƴɛ̀rɛ na mɛ̃ nɩsaalbɛ a.)

Ʋrɔm 4:1

A na ɩ à ŋá a, bʋ̃ʋ n'ʋ tɩ na yel a tɩ sãàkʋm-kʋra Abraham ƴãw? Bʋ̃ʋ n'ʋ ʋ páw, ʋ na ɩ nɩsaal a?

Ʋrɔm 6:1

A na ɩ à ŋá a, tɩ na yel'a kɛ́ bo? Kɛ́ tɩ cãà be a yel-bier pʋɔ a Naaŋmɩn maalʋ tʋ̃ɔ́ ʋr bɩɩ?

Ʋrɔm 7:7

Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ.

Zakɩ 5:10

Yɛbr i, a naaŋmɩn-ƴɛ̀r-manbɛ na ƴɛ̀r a Sore yúor ƴãw a, nyɩ cɔwrɛ bɛ a kanyir bɛ na dɩ a kpɩɛrʋ pʋɔ a ƴãw.

2 Pɩɛr 1:21

Bʋ̃ʋ n'ʋ vɛ̃, naaŋmɩn-ƴɛ̀r-manɛ ƴɛ̀rʋ kãw za bɛ dãw yi nɩsaal yõ na bɔbr a zie ɩ, Vʋʋrʋ Sõw n'ʋ tɩ ƴãw nɩbɛ ƴɛ̀r a Naaŋmɩn yúor ƴãw.

2 Pɩɛr 3:2

Nyɩ lɛb tɩɛrɩ a ƴɛ̀rʋ al a naaŋmɩn-ƴɛ̀r-man-son na tɩ dãw ƴɛ̀r a, nɩ a Sore nɩ a Faarɛ nɔ-ƴãwna a nyɩ nɩ-toni na lʋɔrɩ kʋ̀ nyɩ a.

Ƴɛ̀r-dɩrbɛ 13:24

A pɔw tɩ dɔw nɩ dɛble, por a yúor kɛ́ Samsɔ̃. A dɛble tɩ baa na, ɛ́ a Sore maal'ʋ.

Ƴɛ̀r-dɩrbɛ 15:20

Yome lɩzɛr'a a Samsɔ̃ tɩ ɩ a Ɩsɩrayɛl nɩbɛ ƴɛ̀r-dɩrɛ a Filisɩtɛ̃ mɩnɛ daar.

Ƴɛ̀r-dɩrbɛ 4:1

A Ehudɩ kũu pùorí a, a Ɩsɩrayɛl nɩbɛ tɩ lɛb'a maal ɩrɛ a bɛ pɛlɛ a Sore pʋɔ ɩ.

Ƴɛ̀r-dɩrbɛ 6:1

A Ɩsɩrayɛl nɩbɛ tɩ lɛb'a maal ɩrɛ a bɛ pɛlɛ a Sore pʋɔ ɩ, a Sore de bɛ ƴãw a Madian tẽw dem nuru pʋɔ, yome ayopõi.

Ƴɛ̀r-dɩrbɛ 6:11

A Sore malkɩ tɩ wa na wa zɩ̃ a Yowasɩ terebɛ̃tɩ tɩɛ pile, a Ofɩra tẽw. A Yowasɩ tɩ ɩ n Aviezɛɛr dɔwlʋ nɩr. A ʋ bidɛb Zedeɔ̃ tɩ vàrɛ nɩ a ble a tɩ-wɔmɛ nɛbrʋ zie, k'aa Madian tẽw dem ta nyɛ̃ ʋ ɛ.

Ƴɛ̀r-dɩrbɛ 6:14

A Sore tɩ lɩɛb'ɩ a Zedeɔ̃ zie yel ʋ: «Cen nɩ a fãw fʋ na tɛr a, tɩ faa nɩ a Ɩsɩrayɛl a Madian tẽw dem nuru pʋɔ. Sɩza, mãa n'ʋ tone fʋ.»

1 Samɩɛl 1:20

A Ana tɩ tɛr'ɩ pʋɔ, ɛ́ a daar na wa ta a, ʋ dɔw nɩ dɛble, ɛ́ yel à ŋá: «Ɩ̃ na zɛlɩ ʋ a Sore zie a, ɩ̃ na por ʋ na kɛ́ Samɩɛl.»

1 Samɩɛl 12:11

Lɛ n'a a Sore tɩ tõ Zedeɔ̃ nɩ Bedan nɩ Zɛfɩte nɩ a mãa Samɩɛl, kɛ́ tɩ wa faa nyɩ a nyɩ dɔ̃ dem na jil koli nyɩ a nuru pʋɔ. À ŋá n'a nyɩ tʋ̃ɔ́ kpɛ a tẽw zoom.

1 Samɩɛl 16:1

A Sore tɩ yel'ɩ a Samɩɛl à ŋá: «Debor'a fʋ na kõ a Sawul tɩ ta? Mãa zawr'ʋ na bɛr, ʋ bɛ cãà ɩ a Ɩsɩrayɛl nãà ɩ. De a fʋ ɩɩl, ɩ kãá paalɩ yi lo n a sɔ́r. Ɩ̃ tone fʋ nɩ Bɛtɩlɛm tẽw, Zese zie, bʋ̃ʋ n'ʋ vɛ̃, ɩ̃ nyɛ̃ nɩ a nãà ʋl na pɛlɩ a ɩ̃ pʋɔ a, a ʋ bidɛbr pʋɔ.»

1 Samɩɛl 16:13

A Samɩɛl tɩ de nɩ a kãá nɩ a ɩɩl cir ƴãw Daviir zũú, a ʋ yɛbr sɔgɔ, ɛ́ a Sore vʋʋrʋ tɩ siw ʋ, ɛ́ tĩ a ʋlɩ bibir nɛ ɛ́ be a ʋ zie. A Samɩɛl tɩ ìr'a lɛb lo a sɔ́r kul a Arama.

1 Samɩɛl 17:45

A Daviir tɩ sɔw ʋ na: «Fʋ̃ʋ a, zɛbr-sɔ-kpɛ̃ɛ, kafin-wogo nɩ kafin-ŋmale n'a fʋ tɛr waar'ɩ a ɩ̃ ƴãw, ɛcɛ mãa a, a Sore, a Kpɛnʋ-za-sob, a Ɩsɩrayɛl zɛbr-nɩbɛ Naaŋmɩn yúor'ʋ ɩ̃ tɛr waar'ɩ a fʋ ƴãw, a ʋl fʋ na tʋ a.

1 Samɩɛl 2:11

A yele á ŋá pùorí, a Ɛlkana tɩ lɛb'a kul a ʋ yir a Arama. Ɛcɛ a bie tɩ tone nɩ a Sore tome a bàwr-maalɛ Eli niŋé.

1 Samɩɛl 2:18

A Samɩɛl na tɩ cãà ɩ pɔlbile a tɩ tone nɩ a ʋ tome a Sore niŋé. Lɛ̃ pɛn kparʋ n'ʋ ʋ mɩ́ tɩ su.

1 Samɩɛl 2:4

A gãdaar tamɛ kár'a, ɛ́ a bãbàalbɛ sɛ a kpɛnʋ mɛ̃ kpàwr a.