Ebre 11:12 - A SƐB-SÕW

¹² À à ŋá n'a nɩ-been yõ na tɩ kpi ʋ za baar'a, tɩ dɔw nɩbɛ bɛ yãwmɛ mɛ̃ a salom zu ŋmar-bie a, bɛ bɛ tɛr nʋɔr ɛ, mɛ̃ a kʋ̃ɔ-kpɛ̃ɛ nʋɔr biire a.

Ebre 11:12 ပူးပေါင်းရင်းမြစ်များ

Yele-za-pɛr-tib 15:5

Ʋ tɩ tɛr'ɩ a Abram yi n yẽw tɩ yel ʋ: «Jɩ́r a salom kaa, ɛ́ sɔ́r a ŋmar-bie bãw a nʋɔr fʋ̃ʋ wa tʋ̃ɔ́ a.» Al pùorí ʋ yel ʋ: «À ŋá n'a a fʋ bʋʋrɛ nãà yãwmɛ sɛw.»

Yele-za-pɛr-tib 22:17

k'ɩ̃ɩ na maalɩ fʋ nɩ yaga za, ɩ a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie nɩ a kʋ̃ɔ-kpɛ̃ɛ nʋɔr biire a. A fʋ bʋʋrɛ na mɩ́ zɛb'a de a bɛ dɔ̃ dem tẽ-bɛrɛ.

Yele-za-pɛr-tib 26:4

Ɩ̃ na ɩ n a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie a, ɩ̃ɩ na kʋ̀ bɛ nɩ a ziir á ŋá za. Ɩ̃ na maal'ɩ a nɩ-bʋʋrɛ za a bɛ zũú.

Yele-za-pɛr-tib 32:12

Yãayãa, faa mɛ̃ a ɩ̃ yɛb Ezawu nũú, ɩ̃ zɔrɛ ʋ na, ɩ̃ zɔrɛ nɩ dɛ̃bɩ̃ɛ ʋ na na wa wa kʋ m, lãwnɩ a pɔwbɛ nɩ a bibiir a.

2 Samɩɛl 17:11

Yã ŋa n'ʋ mãa wule: ɓã a Ɩsɩrayɛl sojarɩ za taa a fʋ zie, a Dan tɩ tɔ a Bɛɛr-Seva, bɛ yãwmɛ mɛ̃ a kʋ̃ɔ-kpɛ̃ɛ nʋɔr biire a, ɛ́ fʋ̃ʋ tɔr za a, lãw nɩ bɛ cen a zɛbr zie.

1 Na-mɩnɛ 4:20

A Zuda naalʋ-tẽw nɩbɛ nɩ a Ɩsɩrayɛl naalʋ-tẽw nɩbɛ tɩ yãwmɛ na mɛ̃ a kʋ̃ɔ-kpɛ̃ɛ nʋɔr biire a. Bɛ tɩ tɛr a na dɩrɛ kɛ́ nyuur, ɛ́ nʋ̃ɔ̀ ɩrɛ bɛ.

1 Bibie za yel-manɩ 27:23

A Daviir bɛ tɩ ƴãw bɛ sɔ́r a yome lɩzɛr pɔlbili nɩ a bɛl na bɛ ta a yome lɩzɛr a ɩ, bʋ̃ʋ n'ʋ vɛ̃, a Sore tɩ yel'a k'ʋʋ na ɩ na a Ɩsɩrayɛl nɩbɛ yãwmɛ mɛ̃ a saa ŋmar-bie a.

Neemi 9:23

Fʋ kʋ̀ bɛ nɩ bʋʋrɛ bɛ yãwmɛ mɛ̃ a saa ŋmar-bie a. Fʋ tɛr bɛ na kpɛ n a Kanãa tẽw, fʋ na tɩ yel a bɛ sãàkʋm-kore kɛ́ bɛ cen tɩ zɛb de a.

Eziptɩ tẽw yib 32:13

Lɛb tɩɛrɩ a fʋ tõ-tõ-biir Abraham, Ɩzaakɩ nɩ Zakɔb yele, a bɛl zie fʋ na pɔ n a fʋ̃ʋ mɩŋa yel: “Ɩ̃ na ɩ n a nyɩ bʋʋrɛ bɛ yãwmɛ sɛw a ŋmar-bie. Ɩ̃ na kʋ̀ bɛ nɩ a tẽw ɩ̃ na yel a, ɛ́ bɛ na so ʋ nɩ kʋralɛ”.»

Ɩzayi 10:22

Ɛcɛ, Ɩsɩrayɛl i, a fʋ nɩbɛ saa tɩ yãwmɛ sɛw a kʋ̃ɔ-kpɛ̃ɛ nʋɔr biire a, nɩbɛ ŋmãa na cɛ a tɛwr nɛbɛ na lɛb wa a Sore zie. Bɛ yel'ɩ a kʋ-pàw-pɛr baarɩ, na na ɩ a mɩnʋ paalɩ a tẽw mɛ̃ man na paalɩ yi nɛ́ɛ a.

Ɩzayi 48:19

A fʋ bʋʋrɛ nãà yãwmɛ na mɛ̃ a kʋ̃ɔ-kpɛ̃ɛ nʋɔr biir-bie a. A bɛ yúor bɛ be za nãà bɔr a ɩ̃ niŋé ɩ!»

Zeremi 33:22

Mɛ̃ a lɛ bɛ na kʋ̃ tʋ̃ɔ́ sɔ́r a ŋmar-bie na be a salom zu, nɩ a kʋ̃ɔ-kpɛ̃ɛ nʋɔr biire na bɛ dɩ vuo a, lɛ n'a ɩ̃ na ɩ a ɩ̃ tõ-tõ-bie Daviir bʋʋrɛ nɩ a Levi bʋʋrɛ na ɩ bàwr-maalbɛ tone a ɩ̃ tome a, bɛ yãwmɛ.»

Habakukɩ 1:9

Bɛ waar'ɩ bɛ za a po-to-fãw-ɩb ƴãw, a bɛ niŋe tori nɩ nidaa, bɛ nyɔwr'ɩ a nɩ-pàwrɩ ɓanɛ taa, bɛ́ yãwmɛ mɛ̃ biire a.

Ʋrɔm 9:27

Naaŋmɩn-ƴɛ̀r-manɛ Ɩzayi n'ɩ ŋan ka lowr mɩ̀ yere kpɛ̃w za a Ɩsɩrayɛl nɩbɛ ƴãw: «A Ɩsɩrayɛl bibiir mɩ̀ saa tɩ yãwmɛ man a kʋ̃ɔ-kpɛ̃ɛ nʋɔr biire a, a bɛ ŋmãa na cɛ a tɛwr'a nãá nyɛ̃ a faafʋ.

Wulu-ayi-sob 1:10

A Sore nyɩ Naaŋmɩn ɩ na nyɩ yɛ̀r. A dɩ̃a a, nyɩ yãwmɛ na man a saa ŋmar-bie.

Wulu-ayi-sob 28:62

Nɩbɛ blã lɛ tɛwr'a na cɛ a nyɩ pʋɔ, nyɩɩm na tɩ yãwmɛ mɛ̃ a saa ŋmar-bie a. Bʋ̃ʋ n'ʋ vɛ̃, a nyɩ na kʋ̃ bɛr wõ a Sore nyɩ Naaŋmɩn ƴɛ̀rʋ a ƴãw n'a.

Zozue 11:4

A na-mɩnɛ za tɩ yi na lo a sɔ́r, bɛlɛ nɩ a bɛ sojarɩ na yãwmɛ sɛw kʋ̃ɔ-kpɛ̃ɛ nʋɔr biire a, nɩ wie nɩ zɛbr-torkori na yãwmɛ bɛ dɩ vuo a.

Yel-wula 20:8

ʋʋ na cen na tɩ bɛ̀lɛ a ten ten na be a tẽ-daa za zu a, a pɛr lɛ k'aa Gɔgɩ nɩ Magɔgɩ. Ʋ na bʋɔlɩ bɛ na ɓã taa a zɛbr ƴãw, ɛ́ bɛ na yãwmɛ na mɛ̃ a kʋ̃ɔ-kpɛ̃ɛ nʋɔr biire a.

Ƴɛ̀r-dɩrbɛ 7:12

A Madian tẽw dem, a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ yɛ́r'a pàw a tɩ̃tal, yãwmɛ mɛ̃ sãsowe a. A bɛ nyɔ̃wmɩ tɩ yãwmɛ na mɛ̃ kʋ̃ɔ-kpɛ̃ɛ nʋɔr biire a, bɛ tɛr sɔ́rʋ ɛ.

1 Samɩɛl 12:5

A Samɩɛl lɛb yel: «A na ɩ à ŋá a, a Sore nɩ a nãà dɩ n a dãsɩɛ a dɩ̃a bibir, kɛ́ nyɩ bɛ nyɛ̃ sãwna a ɩ̃ zie ɩ.» Bɛ tɩ sɔw na: «A lɛ n'a.»