Ebre 10:6 - A SƐB-SÕW

⁶ Nyɩw-a-za-bàwr nɩ yel-bebe suur-dɩ-kʋ̀b bàwr bɛ pɛlɩ a fʋ pʋɔ ɩ.

Ebre 10:6 ပူးပေါင်းရင်းမြစ်များ

Sɛb-sõw yielu 147:11

a Sore pʋɔ mɩ́ pɛlɩ nɩ a bɛlɩ dem na zɔrɛ ʋ a ƴãw, a bɛlɩ dem na mɩ́ tɩɛrɛ a ʋ nɔ̃wfʋ a.

Sɛb-sõw yielu 40:6

Sore ɩ̃ Naaŋmɩn i, a fʋ nɔ-ɓãa-yele tɛr'ɩ tɛwr ɩ? Fʋ bɛ tɛr fʋ tɔ ɩ! A yele fʋ na tɩɛrɩ ɛ́ maalɩ a tɩ ƴãw a, tɛr'ɩ tɛwr ɩ? A yãwmɛ na zuo ɩ̃ na na tʋ̃ɔ́ manɩ a za a, ɩ̃ na na tʋ̃ɔ́ yel a za a!

Malasɩ 1:10

Bʋ̃ʋ pãa ɩ, a nyɩ kãw kʋ̃ tʋ̃ɔ́ nyɔw a ɩ̃ yir-kpɛ̃ɛ pamɛ pàw, kɛ̀ nyɩ ta gbɔwr vũu a ɩ̃ bàwr-maal-kuur zu zawlalɛ a? Bʋ̃ʋ n'ʋ vɛ̃, a ɩ̃ pʋɔ bɛ pɛlɩ a nyɩ ƴãw ɛ, kʋraa! Ɛ́ a nyɩ de-kʋ̀b bome nyɩ na ture cɔwr mɛ̃ a, bɛ nʋmɛ a ɩ̃ zie ɩ, mãa n'ʋ yere kʋ̀rɛ nyɩ, mãa, a Sore Kpɛnʋ-za-sob.

Matie 3:17

ɛ́ kɔkɔr kãw tɩ yi a salom zu yere: «A sob ŋa n'ɩ a ɩ̃ Bi-nɔna za, a ɩ̃ pʋɔ za pɛlɩ nɩ a ʋ ƴãw.»

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

Ebre 10:4

Bʋ̃ʋ n'ʋ vɛ̃, nadɛɛ nɩ bʋrɩ zɩ̃ɩ kʋ̃ tʋ̃ɔ́ ír yel-bebe bɛr towtow ɛ.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.