Ebre 10:5 - A SƐB-SÕW

⁵ A lɛ n'a so, a Kɩrɩta na wa waar a tẽ-daa zu a lɛn daar a, ʋ yel a Naaŋmɩn: «Fʋ bɛ sàw de bàwr nɩ de-kʋ̀b bom ɛ, ɛcɛ fʋ cɔbr'ɩ ƴã-gan kʋ̀ m.

Ebre 10:5 ပူးပေါင်းရင်းမြစ်များ

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Ɩzayi 1:11

A Sore yere na: “Bʋ̃ʋ n'ʋ a nyɩ bàwr-yaga yaga ɩrɛ mɛ̃? Ɩ̃ sɛw na nɩ a pʋ́rɩ nyɩw-a-za-bagɛ nɩ a náli nɛn-kãánɩ! A nadɛɛ, a péli nɩ a bʋrali zɩ̃ɩ a, ɩ̃ bɛ cãà bɔbr a ɩ.

Ɩzayi 40:16

A Libã tẽw dʋn bɛ saalɩ bɛ na maal'ɩ nyɩw-a-za-bàwr kʋ̀ a Sore ɩ, a ʋ tɩɩr za bɛ saalɩ a vũu gbɔwfʋ ƴãw ɛ.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Zeremi 31:22

Pɔwli-gaara a, debor'a fʋ na cere a ziir za tɩ ta? Bʋ̃ʋ n'ʋ vɛ̃, a Sore ír'ɩ yel-sãw a tẽw zu: a pɔw n'ʋ na bɔ a dɛb.

Zeremi 6:20

Bʋ̃ʋ n'ʋ ɩ̃ ɩrɛ nɩ a Saba tẽw tɩ-suur-zɔ̃-na-nyùur-vla-vla-a? nɩ a tẽ-zãána bàa-kɛkɛr na nyuur vla a? A bɛ nyɩw-a-za-bagɛ a, ɩ̃ bɛ bɔbr a ɩ, a bɛ bàwr-maal-bome bɛ nʋmɛ a ɩ̃ zie ɩ.

Matie 11:3

«Fʋ̃ʋ n'ɩ a Nɩ-kabra na na wa a, bɩɩ tɩ cãà cɛlɛ nɩ-yũo?»

Luka 1:35

A malkɩ tɩ sɔw ʋ na: «Vʋʋrʋ Sõw na siw nɩ a fʋ zu, ɛ́ a Naaŋmɩn-na-do-saa-bɛ-pɩɛl-a fãw na piw fʋ na nɩ a ʋ ɓaarʋ. Lɛ so a bie na na dɔw a, na ɩ sõw, ɛ́ bɛ bʋɔlɛ ʋ Naaŋmɩn Bie.

Luka 7:19

wa tõ bɛ a Sore zie, kɛ́ bɛ tɩ sowr'ʋ: «Fʋ̃ʋ n'ɩ a Kɩrɩta na na wa a, bɩɩ tɩ cãà cɛlɛ nɩ-yũo?»

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Galasi 4:4

Ɛcɛ a daar ʋl a Naaŋmɩn na ƴãw a na wa ta a, ʋ tõ n a ʋ Bie, pɔw dɔw ʋ, ɛ́ a Naaŋmɩn wulu sàwfʋ fɛrɛ ʋ,

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Ebre 1:6

Ɛcɛ a lɛn daar a Naaŋmɩn na tɩ ƴãw a ʋ Bi-dãw-dɔwra ʋ waar a tẽ-daa zu a, ʋ tɩ yere na: «A Naaŋmɩn malkɩ mɩnɛ za, bɛ gbine dume a ʋ niŋé.»

Ebre 10:10

A Naaŋmɩn pʋ-tɩɛrʋ ŋa na maalɩ a ƴãw n'a tɩ páw a sonu, a Yeezu Kɩrɩta na de a ʋ ƴã-gan maal'ɩ bàwr gb'a been daadaa a zũú.

Ebre 10:7

Lɛ n'a ɩ̃ yel: “Mãa n'ɩ ŋan waar Naaŋmɩn i, k'ɩ̃ɩ wa maalɩ a fʋ pʋ-tɩɛrʋ mɛ̃ a lɛ bɛ na sɛb a ɩ̃ ƴãw a Wulu sɛbɛ pʋɔ a.”»

Ebre 10:8

Ʋ de nɩ niwn yel à ŋá: «Bagɛ, de-kʋ̀b bome, nyɩw-a-za-bàwr, nɩ yel-bebe suur-dɩ-kʋ̀b bàwr, fʋ bɛ sàw de a ɩ, a bɛ pɛlɩ a fʋ pʋɔ ɩ.» Ɛcɛ a bagɛ á ŋá a, a lɛ a Naaŋmɩn wulu na yel a n'a bɛ mɩ́ maalɩ a.

Ebre 2:14

A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

Ebre 5:7

A ʋ tẽw zu ka nyɔ-vʋʋrʋ daar a, a Kɩrɩta tɩ ŋmɛ n cɛlsɩ cir'ɩ mʋta-kʋ̃ɔ, ɛ́ puori lɔb'ɩ nuru zɛlɩ nɩ a Naaŋmɩn yãayãa, ʋl na na tʋ̃ɔ́ faa ʋ a kũu pʋɔ a. A Naaŋmɩn tɩ sàw na de a ʋ puoru, a Kɩrɩta na ƴãwnɛ ʋ a zũú.

Ebre 8:3

Bàwr-maal-kara za a, de-kʋ̀b bome tɩrʋ nɩ bàwr maalʋ ƴãw n'a bɛ mɩ́ ka nũu ƴãw ʋ: lɛ n'a a fɛr k'aa tɩ bàwr-maal-kara ŋa mɩ̀ mɩ́ tɛr bom na de tɩr.

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

2 Zã 1:7

Nɩ-bɛlbɛ yaga yɛ́r'a pàw a tẽ-daa. Bɛ bɛ sàw de k'aa Yeezu Kɩrɩta wa na ɩ nɩsaal ɛ. À à ŋá n'a bɛ mɩ́ bãw a nɩ-bɛlɛ nɩ a Kɩrɩta dɔ̃ sob.