Ebre 10:39 - A SƐB-SÕW

³⁹ A tɩɩm a, tɩ bɛ ɩ nɩbɛ na lɛbr pùor a bɛ bɔrʋ ƴãw a ɩ, tɩ ɩ n nɩbɛ na sàw de a tɩ sɩ́ɩr faafʋ ƴãw a.

Ebre 10:39 ပူးပေါင်းရင်းမြစ်များ

Sɛb-sõw yielu 44:18

Tɩ bɛ tɩ yiiri fʋ bɛr ɛ, ɛ́ à á ŋá za ta tɩ, tɩ bɛ tɩ sãw a fʋ wõ-taa bɛr ɛ.

Zʋkpaɩ 1:32

Bʋ̃ʋ n'ʋ vɛ̃, a bɛlɩ dem na bɛ bãw bom a zuru mɩ́ kpɛmɛ na, ɛ́ bɛ mɩ́ kpi a bɛ zu-kpɛ̃w kũu. A dãbole mɩ́ vʋʋrɛ na ɛ́ bɛ tɛr tɩɛrʋ ɛ, a mɩ́ wa n a bɛ loba.

Zʋkpaɩ 14:14

Nɩr na bʋnɩ vʋʋrɛ a na páw nɩ a alɩ bome nɛ na sɛwnɩ ʋ a, ɛcɛ sob nɛ na ɩrɛ vla a na páw nɩ àrʋ zie na vɩɛl zuo a.

Markɩ 16:16

Ʋlɩ sob nɛ wa sàw de a, ɛ́ de a suob a, ʋ na nyɛ̃ nɩ a faafʋ, ʋlɩ sob nɛ bɛ wa sàw de a, ʋ na nyɛ̃ nɩ dɔwrʋ.

Luka 11:26

A lɛ n'a ʋ mɩ́ cen tɩ tɛr kɔ̃tɔ̃-faar ayopõi, na kpɛ faa zuo ʋ a, bɛ wa kpɛ a be so a zie. Lɛ n'a a nɩr ŋa yele mɩ́ lɛb bãw kpɛ faa zuo a dãwdãw.»

Zã 17:12

Ɩ̃ na tɩ be a bɛ zie a, ɩ̃ tɩ gùre bɛ nɩ a fʋ yúor ƴãw, a fʋ yúor fʋ na kʋ̀ m a. Ɩ̃ gù bɛ nɩ vla, ɛ́ a bɛ been kãw za bɛ bɔr ɛ, a bɛ ɩ a ʋlɩ sob nɛ a na tɩ fɛr k'ʋʋ bɔr, a Sɛb-sõw ƴɛ̀r-bie tʋ̃ɔ́ tu a ɩ.

Zã 20:31

À á ŋá bɛ na sɛb ƴãw a, bɛ sɛb'a ƴãw kɛ́ nyɩ sàw de kɛ́ a Yeezu sɩrɩ na ɩ a Kɩrɩta, a Naaŋmɩn Bie, ɛ́ a nyɩ sàwfʋ zũú n'a nyɩ na páw a nyɔ-vʋʋrʋ a ʋ yúor ƴãw.

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Zã 6:40

A ɩ̃ Sãà pʋ-tɩɛrʋ sɩrɩ n'ɩ ŋa: kɛ́ sob ŋa za na nyɛrɛ a Bie ɛ́ sàwr dier ʋ a, ʋ tɛr a nyɔ-vʋʋrʋ na be kʋralɛ a, ɛ́ a mãa a, ɩ̃ na ɩ na ʋ lɛb yi a kũu pʋɔ a bibi-pɛ-baara wa vɩɛ a.»

1 Tesalonikɩ 5:9

Bʋ̃ʋ n'ʋ vɛ̃, a Naaŋmɩn bɛ ír tɩ ƴãw a ʋ suur ƴãw ɛ, ʋ ír tɩ na ƴãw kɛ́ tɩ wa páw a faafʋ a tɩ Sore Yeezu Kɩrɩta ƴãw.

2 Tesalonikɩ 2:3

Nyɩ ta sàw nɩr kãw za bɛ̀lɩ nyɔw nyɩ nɩ bɛ̀l-bʋʋrɛ kãw za ɩ. Bʋ̃ʋ n'ʋ vɛ̃, a fɛr'a kɛ́ a Naaŋmɩn jɛ-bɛrʋ ta baarɩ, kɛ́ a Faalʋ nɩr na ɩ nɩ-wɛra a sãá baarɩ, ɛ́ a bibir ŋa bãw ta.

1 Timote 6:9

Ɛcɛ a bɛlɩ dem na bɔbr kɛ́ bɛ kpɛ naalʋ a, bɛ mɩ́ lo n a bɛ̀lʋ pʋɔ, ɛ́ kpɛ dãbol-yel-bɔbrɩ na bɛ vɩɛl a bɛrɩ pʋɔ, a yel-bɔbrɩ á ŋá na lore a nɩsaalbɛ ɛ́ ɩrɛ bɛ bɔrɛ a.

Ebre 10:26

Bʋ̃ʋ n'ʋ vɛ̃, tɩmɛ wa bãw a yel-mɩŋa za baarɩ, ɛ́ cãà mɩ́ bãw kɛ́ maalɩ a yel-bier a, bàwr bɛ lɛb ka be na tʋ̃ɔ́ ír a yel-bebe bɛr ɛ.

Ebre 10:38

Ɛcɛ a Naaŋmɩn yere na: Sob nɛ na ɩ nɩ-mɩŋa a ɩ̃ zie a na vʋʋrɛ nɩ a sàw-deb zũú, ɛcɛ ʋlɛ wa lɛb pùor a, ɩ̃ pʋɔ kʋ̃ cãà pɛlɩ a ʋ ƴãw ɛ.»

Ebre 11:1

A naaŋmɩn-sàw-deb n'ɩ fʋ na bɛ bʋ́nɛ kɛ́ fʋ na páw nɩ a bom ʋl fʋ na tɩɛrɛ a, ʋ mɩ́ wul'a kɛ́ a yele fʋ na bɛ mɩ́ nyɛ̃ a be na.

1 Pɩɛr 1:5

nyɩɩm a Naaŋmɩn na piw tɛr nɩ a ʋ fãw gùre nɩ a baarʋ daar a faafʋ na cɔbrɩ gã nãà wa sãá a, nyɩ na sàw de ʋ a ƴãw.

2 Pɩɛr 3:7

Ɛ́ a dɩ̃a tẽw nɩ a dɩ̃a salom á ŋá a, a Naaŋmɩn ƴɛ̀r-been ŋa cãà na tɛr a cɛlɛ nɩ a vũu a na na dɩ a, ʋ tɛr a na gùre nɩ a ƴɛ̀rʋ-maalʋ bibir nɩ a yel-bier-maalbɛ loba bibir.

1 Zã 5:16

Nɩr wa nyɛ̃ a ʋ yɛb ʋ maalɛ yel-bier na bɛ kʋrɛ a, ʋ puore, ɛ́ Naaŋmɩn na kʋ̀ n nyɔ-vʋʋrʋ a ʋ yɛb, a yel-bier ʋl wa sɩrɩ bɛ kʋrɛ a. Ɛcɛ, yel-bier kãw be n be kʋrɛ. A ʋl ƴãw bɛ n'a ɩ̃ yel kɛ́ nyɩ puore ɩ.

1 Zã 5:5

Ãa n'ʋ tʋ̃ɔ́ a tẽ-daa, a bɛ ɩ a sob nɛ na sàw de k'aa Yeezu ɩ n a Naaŋmɩn Bie a?

Yel-wula 17:11

A wɛ-dʋ̃w na tɩ dãw be ɛ́ bɛ wa cãà a, a ʋl mɩŋa ɩ n na-mɩnɛ ani sob. Ʋ pʋɔ nɩ a na-mɩnɛ ayopõi pʋɔ ɛ́ wɩɛr a ʋ kũu zie.

Yel-wula 17:8

A wɛ-dʋ̃w fʋ na nyɛ̃ a, tɩ be na, ɛcɛ ʋ bɛ cãà ɩ. Ʋ na yi n a kɔ̃tɔmɛ dɔwrʋ bɔw-zulu pʋɔ do wa wa wɩɛr a ʋ kũu zie. A tẽw zu nɩbɛ bɛl a yée na bɛ sɛb a nyɔ-vʋʋrʋ sɛbɛ pʋɔ a tẽ-daa íru daar za a na nyɛ̃ nɩ a wɛ-dʋ̃w a nʋɔr ɓãá bɛ, bʋ̃ʋ n'ʋ vɛ̃, ʋ tɩ dãw na be, ɛ́ bɛ cãà ɩ, ɛ́ na lɛb wa.

1 Samɩɛl 15:11

«Mãa tɩ bãw kɛ́ lɛ a, ɩ̃ kʋ̃ʋ tɩ ɩ a Sawul ʋ ɩ a nãà ɩ, bʋ̃ʋ n'ʋ vɛ̃, ʋ zawrɩ mɛ̃ na bɛr, ɛ́ bɛ tu a lɛ ɩ̃ na yel a ɩ.» A tɩ dam'ɩ a Samɩɛl, ɛ́ a tɩ̃ɩsɔw ɓil za ʋ zɛlɩ a Sore.