Ebre 10:36 - A SƐB-SÕW

³⁶ Kanyir'a a fɛr kɛ́ nyɩ dɩrɛ, tʋ̃ɔ́ maalɩ a Naaŋmɩn pʋ-tɩɛrʋ ɛ́ páw a ʋlɩ bom nɛ ʋ na ƴãw nʋɔr k'ʋʋ na tɩr a a.

Ebre 10:36 ပူးပေါင်းရင်းမြစ်များ

Sɛb-sõw yielu 37:7

Ɩ gbili a Sore niŋé, ɛ́ tɩɛrɛ ʋ. Taa nyɛrɛ nɩ a sob nɛ yele na cere vla a suur ɛ, a nɩr na mɩ́ tɛr libelibe a ɩ.

Sɛb-sõw yielu 40:1

Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Sɛb-sõw yielu Daviir na maalɩ a.

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

Matie 12:50

Sob nɛ za na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, ʋlɛ n'ɩ a ɩ̃ yɛb, a ɩ̃ yeepuule nɩ a ɩ̃ mã.»

Matie 21:31

A bɛ ayi pʋɔ a, buor sob'ʋ maalɩ a ʋ sãà pʋ-tɩɛrʋ?» Bɛ tɩ sɔw na: «A dãw-niwn sob'ʋ.» Lɛ n'a a Yeezu tɩ yel bɛ: «Yel-mɩŋa sɩza, ɩ̃ yere na kʋ̀rɛ nyɩ: zuru-yar-dierbɛ nɩ pɔw-yɛmɛ na dãw nyɩ nɩ a Naaŋmɩn Naalʋ pʋɔ.

Matie 24:13

Ɛcɛ sob nɛ na na ƴãw fãw tɩ ta a baarʋ daar a, na nyɛ̃ nɩ a faafʋ.

Matie 7:21

«A bɛlɩ dem na mɩ́ yere a ɩ̃ zie: “Sore e, Sore e”, bɛlɛ bɛ nɛbɛ na kpɛ a tẽ-vla Naalʋ pʋɔ ɩ. A bɛl na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, bɛlɛ nɛbɛ na kpɛ a tẽ-vla Naalʋ pʋɔ.

Markɩ 3:35

Sob nɛ za na maalɛ a Naaŋmɩn pʋ-tɩɛrʋ a, ʋlɛ n'ɩ a ɩ̃ yɛb, ɩ̃ yeepuule nɩ ɩ̃ mã.»

Luka 21:19

A nyɩ kanyir dɩb pʋɔ n'a nyɩ na páw a nyɔ-vʋʋrʋ.»

Luka 8:15

A bʋ̃-bie al na lo a tẽsɔw-vla pʋɔ a n'ɩ a bɛlɩ dem na bɛrɛ wone a Naaŋmɩn ƴɛ̀rʋ, ɛ́ mɩ́ sàw de nɩ bɛ pʋɔ za a. Bɛ bɛ lɛbr pùor ɛ, alɛ so bɛ mɩ́ wɔ̃ wɔmɛ.»

Zã 7:17

Nɩr wa bɔbr k'ʋʋ maalɛ a Naaŋmɩn pʋ-tɩɛrʋ a, ʋ na bãw nɩ a ɩ̃ kanʋ yib zie: a yi n Naaŋmɩn zie bɩɩ mãa n'ʋ nyɛ̃ ɩ̃ tʋɔra ƴɛ̀rɛ.

Nɩ-toni 13:22

A Naaŋmɩn na wa zawrɩ a Sawul bɛr a, ʋ ír'ɩ Daviir kʋ̀ bɛ ʋ ɩ a bɛ nãà, ʋʋ dɩ a ʋ dãsɩɛ yel: “Ɩ̃ nyɛ̃ nɩ a Zese bidɛb Daviir, a ɩ̃ yã nɩr'ʋ, ʋ na maal'ɩ a ɩ̃ pʋ-tɩɛrʋ za.”

Nɩ-toni 13:36

Ɛcɛ a Daviir na tɩ tõ a ʋ daar, mɛ̃ a lɛ a Naaŋmɩn na cɔbrɩ a yele bin a, ʋ kpi n a pùorí, bɛ ũù ʋ pɩɛlɩ a ʋ sãàkʋm-kore, ʋ pʋ̃ɔ.

Ʋrɔm 12:12

Nyɩ cɩlɛ a nyɩ tɩɛrʋ nyɩ na ƴãw a Sore ƴãw a zũú. Nyɩ nyɔw nyɩ tʋɔra a kpɩɛrʋ pʋɔ, nyɩ puore kʋralɛ.

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 8:25

Ɛcɛ tɩmɛ wa ƴãw a tɩ tɩɛrʋ bom tɩ na bɛ nyɛrɛ a ƴãw a, tɩ dɩ n kanyir gùre nɩ ʋ.

1 Korɛ̃tɩ 13:7

A nɔ̃wfʋ mɩ́ de nɩ yel za bɛr a baarɩ, ʋ mɩ́ tɛr'ɩ a naaŋmɩn-sàw-deb a yele za pʋɔ, lãwnɩ a tɩɛrʋ ʋ na ƴãw a Naaŋmɩn ƴãw a, ɛ́ mɩ́ nyɔw ʋ tʋɔra bom za ƴãw.

Galasi 6:9

Nyɩ ɩ tɩ taa bàlɛ a vla maalʋ ƴãw ɛ, bʋ̃ʋ n'ʋ vɛ̃, tɩmɛ bɛ wa bàl tɩɛ bɛr a, ɛ́ a daar wa ta a, tɩ na cɛ na.

Efɛɛzɩ 6:6

Nyɩ ta ɩrɛ à à ŋá bɛ na piwre nyɩ a zũú ɛ, mɛ̃ nyɩ bɔbr'a kɛ́ nyɩ ɩrɛ a pɛlɩ nɩsaalbɛ pʋɔ a ɩ. Ɛcɛ nyɩ ɩrɛ mɛ̃ Kɩrɩta gbãgbaar na páwr a Naaŋmɩn pʋ-tɩɛrʋ maalʋ ƴãw a.

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

Kɔlɔsɩ 3:24

ɛ́ nyɩ bãwnɩ a kɛ́ nyɩ na páw nɩ a sã-ya na ɩ a gbã-dɩ-bom a, a Sore zie. A Nɩ-kpɛ̃ɛ za n'ɩ a Kɩrɩta, nyɩɩm be n a ʋ tome ƴãw.

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

1 Tesalonikɩ 1:3

Bʋ̃ʋ n'ʋ vɛ̃, a Naaŋmɩn tɩ Sãà niŋé a, tɩ mɩ́ lɛb'a bãwnɩ a nyɩ naaŋmɩn-sàw-deb tome, a nyɩ nɔ̃wfʋ na nyɛrɛ bàlʋ a, nɩ a tɩɛrʋ nyɩ na ƴãw kpɛ̃w za a tɩ Sore Yeezu Kɩrɩta ƴãw a.

Ebre 11:39

A Naaŋmɩn tɩ dɩ n a bɛ za dãsɩɛ a bɛ sàw-deb zũú, ɛcɛ bɛ bɛ tɩ páw a ʋlɩ bom nɛ ʋ na ƴãw nʋɔr k'ʋʋ na tɩr a a ɩ.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

Ebre 6:12

A na ɩ lɛ a, nyɩ taa kpɩɛr ʋnʋnʋ ɛ, ɛcɛ nyɩ cɔwrɛ a bɛlɩ dem na mɩ́ dɩ kanyir sàw de, ɛ́ mɩ́ páw a ʋlɩ bom nɛ a Naaŋmɩn na ƴãw nʋɔr k'ʋʋ na tɩr a a.

Ebre 6:15

A Abraham na tɩ dɩ kanyir ɛ́ gù a, ʋ nyɛ̃ nɩ a Naaŋmɩn nʋɔr ʋ tu.

Ebre 6:17

Ɛcɛ a Naaŋmɩn tɩ bɔbr'a k'ʋʋ wul cãàmɩlɛ a bɛlɩ dem na na páw a nʋɔr ʋ na ƴãw a maalʋ a, k'aa lɛ ʋ na yel a bɛ tɛr lɩɛbʋ ɛ. A lɛ n'a so ʋ tɩ ƴãw a nʋɔr pɔ n.

Ebre 9:15

À ŋá n'a a Kɩrɩta ɩ Wõ-ta-paala lɔ̃lʋɔrɛ. Ʋ na kpi k'ʋʋ ír a wõ-ta-dãw-niwn sob daar nʋɔr zawrʋ sãwna bɛr a, a bɛlɩ dem a Naaŋmɩn na bʋɔlɩ a na tʋ̃ɔ́ na mɩ́ páw a yel-vɩɛlɩ na be kʋralɛ a Naaŋmɩn na yel k'ʋʋ na kʋ̀ n a ʋ nɩbɛ a.

1 Pɩɛr 1:9

nyɩ na bãwnɩ a kɛ́ nyɩ na páw nɩ a naaŋmɩn-sàwfʋ bom na ɩ a nyɩ mɩŋa faafʋ a.

1 Zã 2:17

A tẽ-daa tɔlɛ na, ʋlɛ nɩ a ʋ bome a nɩsaalbɛ na mɩ́ bɔbr a, ɛcɛ sob nɛ na maalɛ a Naaŋmɩn pʋ-tɩɛrʋ a mɩ́ be n be kʋralɛ.

Yel-wula 13:10

Nɩr wa be a gaso kpɛb ƴãw a, ʋ na kpɛ n a gaso. Nɩr wa be a sʋɔ-kũu ƴãw a, ʋ na kpi n a sʋɔ-kũu. A Naaŋmɩn nɩ-bʋʋrɛ kanyir dɩb nɩ a bɛ naaŋmɩn-sàw-deb daar'ɩ à à ŋá.»

Yel-wula 14:12

A Naaŋmɩn nɩ-sori, a bɛl na sàwr a ʋ nɛ-ƴãwnɩ ɛ́ tɛr a Yeezu sàw-deb a, a bɛ kanyir dɩb daar'a ta.