Ebre 10:29 - A SƐB-SÕW

²⁹ Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

Ebre 10:29 ပူးပေါင်းရင်းမြစ်များ

2 Na-mɩnɛ 9:33

Ʋ yel bɛ: «Nyɩ nyɔw ʋ lɔb bɛr a tẽw!» Bɛ tɩ nyɔw nɩ a Zezabɛl tur lɔb a tokoro vʋɔrɩ́. A ʋ zɩ̃ɩ tɩ ƴaw na waarɩ a dacin nɩ a wie, ɛ́ a Yehu do nɛ ʋ nɩ a ʋ zɛbr-torko.

Sɛb-sõw yielu 143:10

Fʋ̃ʋ n'ɩ a ɩ̃ Naaŋmɩn, zanɩ nɩ mɛ̃ a fʋ pʋ-tɩɛrʋ maalʋ. A fʋ vʋʋrʋ, ʋ tɛr mɛ̃ nɩ nɔ̃wfʋ, cere nɩ tẽsɔw na man taa ʋ za a zu.

Sɛb-sõw yielu 91:13

Fʋ na mɩ́ do na nɛ̃ a gbẽw nɩ a dɔpan, fʋ na mɩ́ nɛ̃ nɩ a gbẽw-bile nɩ a wa-bɩɛ.

Eziptɩ tẽw yib 24:8

Lɛ n'a a Moyiir tɩ de a zɩ̃ɩ mɩr a nɩbɛ ɛ́ yel: «A wõ-taa a Sore na maal'ɩ nyɩ a nɛ-ƴãwnɩ á ŋá za zũú a, a ʋ zɩ̃ɩ n'ɩ à á ŋá.»

Ɩzayi 14:19

Ɛcɛ a fʋ̃ʋ a, bɛ lɔb fʋ na bɛr zãá nɩ a fʋ ũùfʋ zie, mɛ̃ bi-cur-bɛra na ɩrɛ kɔkɔrʋ a, mɛ̃ kũu bɛ na nɛb'ɩ gbɛ́ɛ a. Nɩbɛ bɛ na kʋ a nɛbɛ pàw fʋ, Nɩbɛ a zɛbr-sɔ-kpɛ̃ɛ na kʋ a. Bɛ bin bɛ nɩ a kʋsɛbɛ na pɩɛrɩ pàw a bɔw-zulu pɛr a zu.

Ɩzayi 28:3

A tẽ-kpɛ̃ɛ na ɩ mɛ̃ nãà-kpawʋɔ a, a Efarayim tẽw dã-kuolbɛ nyʋ̀ʋ́r bom a, bɛ na nɛb'ɩ ʋ nɩ gbɛ́ɛ.

Ɩzayi 63:10

Ɛcɛ a bɛl a, bɛ tɩ gaarɩ na, ɩ a ʋ Vʋʋrʋ Sõw ʋ tɛr pʋ-sãwna. Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.

Zeremi 1:5

«Ɩ̃ tɩ bãw fʋ na ɛ́ bɛ cɔbrɩ fʋ a fʋ mã puori sɛr ɛ, ɩ̃ tɩ ka n nũú ƴãw fʋ ɛ́ fʋ wa bãw dɔw, ɩ̃ tɩ ɩ na fʋ ɩ a ɩ̃ ƴɛ̀r-manɛ a nɩ-bʋʋr-yoru za zie.»

A Lãw-mʋɔlɛ 1:15

A Sore jɛ n a soja-gãdaar za na tɩ be a ɩ̃ zie a bɛr. Ʋ ɓã n zɛbr-nɩbɛ taa a ɩ̃ ƴãw, k'ʋʋ tʋ̃ɔ́ nɩ a ɩ̃ pɔ́lɛ́ za pelẽpelẽ. Ʋ nɛb'ɩ mɛ̃ nɩ gbɛ́ɛ, a mãa, a Zuda tẽw Sɩyɔ̃, mɛ̃ divɛ̃ tɩ-wɔmɛ a nɛbrʋ zie a.

Ezekɩɛl 16:6

Ɩ̃ tɩ cen na tɔl pɩɛlɩ fʋ, Zerizalɛm i, ɛ́ nyɛ b fʋ na tɩ kpere a fʋ zɩ̃ɩ pʋɔ a. A zɩ̃ɩ na saa tɩ pàw fʋ a, ɩ̃ tɩ yel fʋ na kɛ́ fʋ vʋʋrɛ! Sɩza n'a, ɩ̃ tɩ yel fʋ na kɛ́ fʋ vʋʋrɛ!

Mise 7:10

A tɩ dɔ̃ dem wa nyɛ̃ à ŋá a, vĩ na kpɛ bɛ na bɛ dɩ vuo ɩ, bɛl na mɩ́ tɩ sowre tɩ à ŋá a: «Bʋ̃ʋ n'ʋ a Sore nyɩ Naaŋmɩn ɩrɛ mɔ̃?» A bɛ dɔ̃ dem na nɛb'ɩ bɛ nɩ gbɛ́ɛ, mɛ̃ sɔ́r zu mɛ̃mɛrɛ a, ɛ́ tɩ na jɩ́r bɛ na wõ nʋ̃ɔ̀!

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Matie 26:28

à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Matie 7:6

«Nyɩ ta mɩ́ de a bʋ̃-sõw ƴãw baar ɛ, nyɩ mɩ̀ ta mɩ́ lɔb a nyɩ lɛgɛ ƴãw dobaar ɛ, a nãá mab'a nɛb a, ɛ́ lɩɛbɩ a nyɩ ƴãw.»

Markɩ 7:2

Bɛ tɩ nyɛ̃ nɩ a ʋ po-tuurbɛ bɛ mɩnɛ bɛ dɩrɛ a bɛ bʋ̃-dɩrɩ nɩ nũ-dɛgɛ, a pɛr lɛ kɛ́ bɛ bɛ pɛ́w a nuru mɛ̃ a lɛ a Zifʋ mɩnɛ puoru nʋɔr na bin a ɩ.

Luka 12:10

Sob nɛ za na na ƴɛ̀r faa càar'ɩ a Nɩsaal Bie a, Naaŋmɩn na dɩ n suur kʋ̀ ʋ. Ɛcɛ sob nɛ za na na tʋ a Vʋʋrʋ Sõw zʋm a, Naaŋmɩn kʋ̃ dɩ suur kʋ̀ ʋ ɛ.

Zã 10:36

Ɛ́ a sob nɛ a Sãà na maalɩ ʋ ɩ sõw, ʋʋ tõ ʋ a tẽ-daa zu a, nyɩ yel ʋ na: “Fʋ tʋʋr'ɩ Naaŋmɩn”, ɩ̃ na háa nʋɔr yel k'ɩ̃ɩ ɩ n Naaŋmɩn Bie a ƴãw.

Zã 17:19

Ɩ̃ dier'ɩ ɩ̃ tʋɔra kʋ̀rɛ fʋ k'ɩ̃ɩ ɩ sõw a bɛl ƴãw, kɛ̀ bɛ mɩ̀ ɩ son a fʋ ƴãw nɩ yel-mɩŋa.»

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Ʋrɔm 16:20

A Naaŋmɩn na ɩ a ƴã-ɓaarʋ sob a kʋ̃ yaa kɛ́ ƴɛ́r a Sɩtaana ŋmɛr bin a nyɩ gbɛ́ɛ pile ɩ. A tɩ Sore Yeezu maalʋ, ʋ be a nyɩ zie!

1 Korɛ̃tɩ 11:27

Alɛ so, sob nɛ nãà wa 'wɔbr a Sore dipɛ̃, 'wɔbrʋ na bɛ sɛw a, ɛ́ nyúur a koli-nyúura pʋɔ divɛ̃, nyub na bɛ sɛw taa nɩ a, na ƴãw na ʋ mɩŋa ɩ sãwna sob a Sore ƴã-gan nɩ a ʋ zɩ̃ɩ ƴãw.

1 Korɛ̃tɩ 11:29

bʋ̃ʋ n'ʋ vɛ̃, sob nɛ na 'wɔbr a dipɛ̃ ɛ́ nyúur a koli-nyúura pʋɔ divɛ̃, ɛ́ bɛ tɩɛrɩ bãw k'aa Sore ƴã-gan n'ʋ a, a ʋ sob bɔbr'ɩ ƴɛ̀rʋ ƴãwnɛ ʋ tʋɔra.

1 Korɛ̃tɩ 15:25

Bʋ̃ʋ n'ʋ vɛ̃, a fɛr'a k'aa Kɩrɩta dɩrɛ naalʋ ɛ́ gù a Naaŋmɩn wa tɩ nɛb a ʋ dɔ̃ dem za bin a ʋ pile.

1 Korɛ̃tɩ 15:27

Bʋ̃ʋ n'ʋ vɛ̃, a Sɛb-sõw yel'a: «Naaŋmɩn nɛ̃ nɩ bom za bin a Kɩrɩta pile.» Ɛcɛ a Sɛb-sõw ƴɛ̀r-bie á ŋá: «Naaŋmɩn nɛ̃ nɩ bom za bin a Kɩrɩta pile», wule nɩ cãàmɩlɛ k'aa Naaŋmɩn na nɛ̃ bom za bin a Kɩrɩta pile a bɛ pʋɔ ɩ.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

Efɛɛzɩ 4:30

Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Ebre 10:10

A Naaŋmɩn pʋ-tɩɛrʋ ŋa na maalɩ a ƴãw n'a tɩ páw a sonu, a Yeezu Kɩrɩta na de a ʋ ƴã-gan maal'ɩ bàwr gb'a been daadaa a zũú.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Ebre 2:11

Bʋ̃ʋ n'ʋ vɛ̃, a Yeezu na tɩrɛ a sonu a, nɩ a bɛlɩ dem na páwr a sonu a, bɛ za lãw nɩ Sãà, alɛ so vĩ bɛ ɩrɛ ʋ, ʋ na na bʋɔlɛ bɛ a ʋ yɛbr a ɩ.

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

Ebre 6:4

Nɩbɛ na dãw páw a cãà a, na lɛm a saa-zu maalʋ kaa a, na páw a Vʋʋrʋ Sõw a,

Ebre 6:6

ɛ́ lɛb de a bɛ nyɔ-vʋʋr-kʋra a, a bɛ tɛr bɛ na lɛb lɩɛbɩ a bɛ ɩb a gb'a ayi sob ƴãw ɛ, bɛl tɛɛ za n'a mɩ́ lɛb kparɛ a Naaŋmɩn Bie a da-gara zu, ɛ́ yi n ʋ yẽw ƴãw bɛ tʋʋr.

Ebre 9:13

A bʋrɩ nɩ a nadɛɛ zɩ̃ɩ nɩ a na-nyãw tãpɛlʋ bɛ na mɩ́ mɩr a bɛlɩ dem na tɛr dɛwr a, alɛ mɩ́ wa ɩ bɛ lɛb vɩɛl a zikue a,

Ebre 9:20

ɛ́ yel: «A wõ-taa zɩ̃ɩ n'ɩ à á ŋá, a wõ-taa a Naaŋmɩn na yel kɛ́ nyɩ tuur a.»

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.