Ebre 10:26 - A SƐB-SÕW

²⁶ Bʋ̃ʋ n'ʋ vɛ̃, tɩmɛ wa bãw a yel-mɩŋa za baarɩ, ɛ́ cãà mɩ́ bãw kɛ́ maalɩ a yel-bier a, bàwr bɛ lɛb ka be na tʋ̃ɔ́ ír a yel-bebe bɛr ɛ.

Ebre 10:26 ပူးပေါင်းရင်းမြစ်များ

Levitɩ mɩnɛ 4:13

«A Ɩsɩrayɛl nɩbɛ lãw za wa n'ʋ bɛ bãwnɩ a ɛ́ maalɩ yel-bier gãw a Sore nɔ-ƴãwna kãw na yel kɛ́ bɛ ta ɩ bom a, a Ɩsɩrayɛl nɩbɛ ɩ n sãwna dem, bɛ na saa bɛ bãwnɩ a.

Levitɩ mɩnɛ 4:2

k'ʋʋ ƴɛ̀r à ŋá a Ɩsɩrayɛl nɩbɛ zie: «Nɩr bɛ wa bãwnɩ a ɛ́ maalɩ yel-bier gãw a Sore nɔ-ƴãwna kãw na yel kɛ́ bɛ ta ɩ bom a, nyɛ̃ a lɛ a na fɛr kɛ́ bɛ tu a:

Luka 12:47

A tõ-tõ-bie na bãw a ʋ zu-sob pʋ-tɩɛrʋ ɛ́ bɛ cɔbrɩ bom za a, ɛ́ bɛ maalɩ a pʋ-tɩɛrʋ ŋa a, ʋ na nyɛ̃ nɩ ŋmɩɛrʋ yaga.

Zã 13:17

Nyɩ na bãw à à ŋá a, zu-nʋ̃ɔ̀ dem n'ɩ nyɩ nyɩmɛ wa tuur a.

Zã 9:41

A Yeezu tɩ sɔw bɛ na: «Nyɩmɛ tɩ ɩ zɔn a, nyɩ kʋ̃ʋ tɛr yel-bier ɛ. Ɛcɛ ƴɛrɛŋa nyɩ yere na: “Tɩ nyɛrɛ na”, a nyɩ yel-bier cãà nɩ be.»

Wulu-ayi-sob 17:12

Ɛcɛ nɩr wa ɩ pɔ̀l-ɩb bɛ bɛr wõ a bàwr-maalɛ na tone a Sore nyɩ Naaŋmɩn niŋé a, bɛ bɛr wõ a ƴɛ̀r-dɩrɛ a, a fɛr'a k'aa nɩr ŋa kpi. Nyɩ na ír'ɩ a yel-faa bɛr à à ŋá a Ɩsɩrayɛl nɩbɛ sɔgɔ.

2 Tesalonikɩ 2:10

A ɩ-fa-pɛ-bʋʋrɛ za n'a ʋ na bɛ̀lɛ nɩ a bɛlɩ dem na bɔrɛ a, bɛ na bɛ sàw de ɛ́ bɛ nɔnɛ a yel-mɩŋa a ƴãw, ɛcɛ a yel-mɩŋa n'ʋ nãá tʋ̃ɔ́ faa bɛ.

1 Timote 1:13

a mãa na tɩ dãw sãwnɛ a ʋ yúor, dɔwrɛ ʋ ɛ́ tʋʋr ʋ a. Bɛ-bãwfʋ n'a tɩ so à á ŋá za ɩ̃ na tɩ ɩrɛ a, a naaŋmɩn-sàw-deb bɛ tɩ be a ɩ̃ zie ɩ. Ɛcɛ, a Naaŋmɩn zɔ n ɩ̃ nɩbaalʋ.

1 Timote 2:4

ʋl na bɔbr kɛ́ a nɩsaalbɛ za tʋ̃ɔ́ nyɛ̃ a faafʋ, ɛ́ páw a yel-mɩŋa bãw a.

Zakɩ 4:17

Lɛ so, nɩr wa bãw a vla maalʋ ɛ́ bɛ maalɛ a, ʋ maal'ɩ yel-bier.

1 Zã 5:16

Nɩr wa nyɛ̃ a ʋ yɛb ʋ maalɛ yel-bier na bɛ kʋrɛ a, ʋ puore, ɛ́ Naaŋmɩn na kʋ̀ n nyɔ-vʋʋrʋ a ʋ yɛb, a yel-bier ʋl wa sɩrɩ bɛ kʋrɛ a. Ɛcɛ, yel-bier kãw be n be kʋrɛ. A ʋl ƴãw bɛ n'a ɩ̃ yel kɛ́ nyɩ puore ɩ.

1 Samɩɛl 2:25

Nɩsaal wa sãw ʋ nɩsaal-tɔ a, Naaŋmɩn na bãw nɩ a sãwna sob. Ɛcɛ nɩsaal wa sãw Naaŋmɩn a, ãa n'ʋ na tʋ̃ɔ́ bãw a sãwna sob?» Ɛcɛ, bɛ bɛ tɩ bɛr wõ a bɛ sãà ƴɛ̀rʋ ɛ. A Sore tɩ sɩrɩ na yel k'aa fɛr'a kɛ́ bɛ kpi.