Ebre 10:22 - A SƐB-SÕW

²² A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 10:22 ပူးပေါင်းရင်းမြစ်များ

1 Na-mɩnɛ 15:3

A Abiyam tɩ maal'ɩ a yel-bebe al za a ʋ sãà na de niwn a ʋ ƴãw maalɩ a. Ʋ bɛ tɩ tu a Sore ʋ Naaŋmɩn nɩ a ʋ pʋɔ za, mɛ̃ a lɛ a ʋ sãàkʋm-kʋra na tɩ ɩ a ɩ.

1 Bibie za yel-manɩ 12:33

A Ɩsakaar dɔwlʋ pʋɔ: sojarɩ nɩ-bɛrɛ kɔbr ayi (200) de nɩ a bɛl zu bɛ na dɩ a nɩ-kpɛ̃ɛnʋ a. Bɛ za tɩ bãw nɩ a daar ʋl nɩ lɛ a na mɩ́ fɛr k'aa Ɩsɩrayɛl nɩbɛ ɩ bom a.

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

Sɛb-sõw yielu 111:1

Aleluya! Ɩ̃ na danɛ nɩ a Sore nɩ ɩ̃ pʋɔ za, a soci-vɩɛlɩ dem sɔgɔ nɩ a ʋ nɩbɛ lãw pʋɔ.

Sɛb-sõw yielu 119:10

Ɩ̃ bɔbr fʋ na nɩ ɩ̃ pʋɔ za, ta sàw k'ɩ̃ wa bɔr zãá nɩ a fʋ nɛ-ƴãwnɩ ɛ.

Sɛb-sõw yielu 119:145

Sore e, ɩ̃ bʋɔlɛ fʋ na nɩ ɩ̃ pʋɔ za, sɔw mɛ̃, ɩ̃ na maal'ɩ a lɛ fʋ na bɔbr a.

Sɛb-sõw yielu 119:2

Zu-nʋ̃ɔ̀ dem'ɩ a bɛl na mɩ́ tuur a lɛ ʋ na yel a, a bɛl na mɩ́ bɔbr ʋ nɩ bɛ pʋɔ za a.

Sɛb-sõw yielu 119:34

Ɩ k'ɩ̃ bãw a fʋ wulu pɛr, ɩ̃ɩ na tuur ʋ na, ɩ̃ na ƴãw nɩ fãw tuur ʋ nɩ a ɩ̃ pʋɔ za.

Sɛb-sõw yielu 119:58

A ɩ̃ pʋɔ za n'ʋ ɩ̃ bɔbr'ɩ k'ɩ̃ɩ ɩ nʋ̃ɔ̀ kpɛ b, zɔ ɩ̃ nɩbaalʋ mɛ̃ a lɛ fʋ na ƴãw a nʋɔr a.

Sɛb-sõw yielu 119:69

Pɔ̀lʋ dem ŋma ŋma n ziri sãw nɩ a ɩ̃ yúor, ɛcɛ mãa a, a fʋ tub'a ɩ̃ tuur'ɩ ɩ̃ pʋɔ za.

Sɛb-sõw yielu 119:7

Ɩ̃ na puore fʋ nɩ yãanɩ nɩ tɩɛrʋ na vɩɛl a, zanɛ nɩ a lɛ fʋ na dɩ a ƴɛ̀rʋ a tu yel-mɩŋa a.

Sɛb-sõw yielu 119:80

A fʋ pʋ-tɩɛrʋ n'a ɩ̃ bɔbr k'ɩ̃ɩ maalɛ nɩ ɩ̃ pʋɔ za, lɛ n'a ɩ̃ kʋ̃ nyɛ̃ vĩ ɛ.

Sɛb-sõw yielu 32:11

Nyɩ cɩlɛ a Sore ƴãw, nyɩ cɩlɛ, nyɩɩm nɩ-mɩn i, nyɩ ŋmɩɛr nʋ̃ɔ̀ cɛlsɩ, nyɩɩm soci-dẽdẽ dem za a!

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Sɛb-sõw yielu 73:28

Ɛcɛ mãa a, a ɩ̃ nʋ̃ɔ̀ n'ɩ ɩ̃ na pɩɛlɩ fʋ a. Sore Naaŋmɩn i, a fʋ zie n'a ɩ̃ ƴãw a ɩ̃ tɩɛrʋ, ɛ́ ɩ̃ na manɛ nɩ a fʋ tome za.

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Sɛb-sõw yielu 9:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Bɛ mɩ́ ŋmɩɛr'ɩ bʋ̃-ŋmɩɛrɩ ƴãwn. Daviir yielu kãw n'ʋ.

Sɛb-sõw yielu 94:15

A ƴɛ̀rʋ na mɩ́ lɛb'a dɩ a tu a yel-mɩŋa, ɛ́ a soci-dẽdẽ dem za na mɩ́ sàw na.

Eziptɩ tẽw yib 29:4

Fʋ na tɛr'ɩ a Aarɔ̃ nɩ a ʋ bidɛbr cen nɩ a tuor-taa pɛn-sɛw dɩ̃dɔrɩ́ tɩ ƴãw bɛ so kʋ̃ɔ.

Zʋkpaɩ 23:26

Ɩ̃ bie e, ƴãw a fʋ tɩ́ɛrʋ a ɩ̃ ƴãw, ɛ́ tuur a lɛ ɩ̃ na ɩrɛ a nɩ nʋ̃ɔ̀.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Ɩzayi 52:15

lɛ mɩ̀ n'a nʋɔr na ɓãa nɩ-bʋʋr-yaga a ʋ ƴãw, na-mɩnɛ na nyɔw nɩ nʋɔr a ʋ niŋé. Bʋ̃ʋ n'ʋ vɛ̃, bɛ nyɛ̃ nɩ bom na bɛ ɩ mɛ̃ a lɛ bɛ na tɩ manɩ kʋ̀ bɛ a ɩ, ɛ́ a bom bɛ na jɩ́rɛ a, bɛ ɩ mɛ̃ a lɛ bɛ na wõ bɛ yel a ɩ.»

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 3:10

Ɛ́ a na saa ɩ à ŋá a, a Ɩsɩrayɛl yɛb Zuda na bɛ tu a Sore a bɛ lɛb wa ɩ̃ zie nɩ ʋ pʋɔ za ɩ: a ʋ ɩb-lɩɛbʋ bɛ ɩ sɩza ɩ, a mãa, a Sore, mãa n'ʋ yere.»

Zeremi 30:21

A Sore yere na: «A bɛ kãw n'ʋ na ɩ a bɛ nɩ-kpɛ̃ɛ, a bɛ kaarɛ na dɔw nɩ a bɛ sɔgɔ. Ɩ̃ na sàw na ʋ taw ta, ʋ na wa n a ɩ̃ zie. Bʋ̃ʋ n'ʋ vɛ̃, ãa n'ʋ na sàw cɛ kũu-pire taw pɩɛlɩ mɛ̃?

Ezekɩɛl 16:9

Ɩ̃ tɩ so b'ɩ kʋ̃ɔ, ɩ̃ tɩ sɔ́w nɩ a zɩ̃ɩ na tɩ be a fʋ zu a bɛr, ɛ́ zɛ b kãá-nyũu.

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Levitɩ mɩnɛ 14:7

Lɛ n'a ʋ na mɩr a sob nɛ na suor a kɔnʋ dɛwr bɛrɛ a, gb'a ayopõi. Ʋ na yel'a k'ʋʋ lɛb'a vɩɛl, ʋ na bɛr'ɩ a lili-mimir ʋ ƴaw kpɛ a wɩ̀ɛ pʋɔ.

Levitɩ mɩnɛ 16:4

A fɛr'a k'ʋʋ mɩ́ su lɛ̃ pɛn kparʋ, ɛ́ sɛ lɛ̃ pɛn tɔ̃tɔl, ɛ́ sɛ lɛ̃ pɛn kpàwr ɛ́ vili a zu nɩ lɛ̃ pɛn. Ɛcɛ a bʋ̃-suuri á ŋá na ɩ bʋ̃-son a, a fɛr'a k'ʋʋ mɩ́ so kʋ̃ɔ ɛ́ bãw su a.

Levitɩ mɩnɛ 8:6

Al pùorí, ʋ ƴãw a Aarɔ̃ nɩ a ʋ bidɛbr bɛ taw ta, ʋ ƴãw bɛ so a bɛ dɛwr bɛr.

Zakari 13:1

«A lɛn daar a, kʋ̃ɔ na bule na yire a Daviir bʋʋrɛ nɩ a Zerizalɛm nɩbɛ yel-bebe nɩ a bɛ dɛwr pɛwfʋ ƴãw.»

Sɔr-nɛ́ɛ 8:7

Nyɛ̃ a lɛ a bɛ dɛwr-so-bɛrʋ na na tu a: fʋ na mɩr bɛ na nɩ dɛwr-so-bɛrʋ kʋ̃ɔ, al pùorí bɛ põ a bɛ ƴã-gamɛ kɔblʋ za bɛr, ɛ́ pɛ́w a bɛ kparɩ. Bɛ na lɛb'a vɩɛl a pùorí.

Matie 3:11

Kʋ̃ɔ n'a mãa kʋ̀rɛ nɩ nyɩ a suob, kɛ́ nyɩ tʋ̃ɔ́ lɩɛbɩ a nyɩ ɩb, ɛcɛ a sob nɛ na waar a ɩ̃ pùorí a, ʋ kpɛmɛ na zuo mɛ̃, ɩ̃ bɛ sɛwnɩ na yaa a ʋ nafawr bɛr ʋ ɛ. Ʋl a, Vʋʋrʋ Sõw nɩ vũu n'a ʋ na kʋ̀ n nyɩ a suob.

Luka 1:1

Ɩ̃ bá Teofil i, nɩ-yaga ƴãw nɩ fãw sɛb manɩ a yele al na ɩ a tɩ sɔgɔ a.

Zã 3:5

A Yeezu tɩ sɔw na: «Yel-mɩŋa sɩza sɩza n'a ɩ̃ yere kʋ̀rɛ fʋ: sob nɛ za na bɛ lɛb dɔw kʋ̃ɔ nɩ Vʋʋrʋ Sõw pʋɔ dɔwfʋ a, ʋ kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ.

Zã 8:9

Bɛ na tɩ wõ a ʋ sɔwfʋ ŋa a, bɛ tĩ nɩ a nɩ-kore pʋɔ ɛ́ fore tawr yire pùor. A Yeezu wa tɩ cɛ nɩ ʋ yõ, nɩ a pɔw na àr a ʋ niŋé a.

Nɩ-toni 22:16

A na ɩ à ŋá a, bʋ̃ʋ ƴãw n'a fʋ pãa na lɛb bʋ́nɛ a? Ìr de a suob bʋɔlɩ a ʋ yúor a fʋ yel-bebe pɛwfʋ ƴãw.”»

Nɩ-toni 8:21

A fʋ tɩɛrʋ na bɛ tori a Naaŋmɩn zie a, fʋ bɛ tɛr sɔ́r na páw bom za a yele á ŋá na ɩrɛ a ka a pʋɔ ɩ.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Efɛɛzɩ 3:12

A Kɩrɩta tɩ na sàw de ɛ́ lãw nɩ a ƴãw n'a tɩ mɩ́ sʋ̃ɔmɩ sàw bɛr dɛ̃bɩ̃ɛ ɛ́ àr a Naaŋmɩn niŋé.

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Efɛɛzɩ 6:5

Gbãgbaar i, nyɩ sàwr a nyɩ tẽw zu ka nɩbɛ na so nyɩ a nʋɔr, nɩ ƴãwfʋ nɩ zɔba, nɩ nyɩ pʋɔ za mɛ̃ a Kɩrɩta nʋɔr'ʋ nyɩ sàwr a.

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

Títɩ̀ 3:5

ʋ faa tɩ na, ɛ́ a bɛ ɩ yel-mɩŋa tɩ na tɛr a tɩ ɩ-ɩrɩ pʋɔ a n'a so ɩ, a ʋ su-ɓaarʋ zũú n'a ʋ so tɩ a suob kʋ̃ɔ tɩ lɛb dɔw, ʋʋ kʋ̀ tɩ a Vʋʋrʋ Sõw tɩ lɩɛbɩ nɩ-paalɛ.

Ebre 10:1

A Naaŋmɩn wulu bɛ wule a lɛn tɔr za a yele na ŋmɛ̃ a ɩ. A yel-vɩɛlɩ na waar a dasule tɛwr'ʋ ʋ wule. Ʋ bɛ be za na tʋ̃ɔ́ ɩ a bɛlɩ dem na tawr pɩɛlɛ a Naaŋmɩn a bɛ vɩɛl bɛ cɛ ɩ, a bàwr-been nɛ na saa maalɛ kʋralɛ, yũon za, bɛ tɛr bɛ́rʋ daar a.

Ebre 10:19

A na ɩ à ŋá a, yɛbr i, tɩ mɩ́ ɓãá nɩ ƴãw kpɛ a zi-sõw-za-zi-sõw pʋɔ a Yeezu zɩ̃ɩ zũú.

Ebre 11:28

A sàw-deb zũú n'a ʋ tɩ maalɩ a Tɔl-gãw cuw ɛ́ ƴãw bɛ ƴãw a zɩ̃ɩ a dɩ̃dɛɛ ƴãw, k'aa kũu malkɩ taa wa tʋɔr a Ɩsɩrayɛl nɩbɛ bidɛb-dãw-dɔwrɩ ɛ.

Ebre 12:24

Nyɩ taw na pɩɛlɩ a Yeezu na ɩ a Wõ-ta-paala lɔ̃lʋɔrɛ a, nɩ a ʋ zɩ̃ɩ na cir a, a zɩ̃ɩ á ŋá na ƴɛ̀rɛ vla zuo a Abɛl dem a.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

Ebre 6:11

Ɛcɛ tɩ bɔbr'a kɛ́ nyɩ za been been mɩ́ cãà tʋlɛ a lɛ tɩ ta n a baarʋ daar, kɛ́ a tɩɛrʋ nyɩ na ƴãw a Naaŋmɩn ƴãw a, tʋ̃ɔ́ maalɩ ʋ za vla.

Ebre 7:19

Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.

Ebre 9:10

Nɩsaalbɛ tub tɛwr'a, na càarɩ bʋ̃-dɩrɩ, bʋ̃-nyúuri nɩ dɛwr-so-bɛrʋ bʋʋrɛ a, alɛ n'a be be na tɩ ta a lɛn a Naaŋmɩn na na lɛb maalɩ a yele za ƴãw a.

Ebre 9:19

A Moyiir tɩ de nɩ niwn manɩ a Naaŋmɩn nɛ-ƴãwnɩ za, mɛ̃ a lɛ a Naaŋmɩn wulu na ƴãw a, kʋ̀ a nɩbɛ za. Al pùorí, ʋ de a náli nɩ bʋrɩ zɩ̃ɩ lãw nɩ kʋ̃ɔ, ɛ́ de pi-kɔbl-zɩɩr nɩ tɩɛ kãw bɛ na bʋɔlɛ ɩzɔpɩ a váar mɩr'ɩ a sɛbɛ tɔr za nɩ a nɩbɛ za,

Zakɩ 1:6

Ɛcɛ, ʋ zɛlɛ nɩ naaŋmɩn-sàw-deb ɛ́ ta bʋ́nɛ ɩ, bʋ̃ʋ n'ʋ vɛ̃, sob nɛ na bʋ́nɛ a, ʋ ŋmɛ̃ na taa nɩ a kʋ̃ɔ-kpɛ̃ɛ kʋ̃ɔ-mie sɛsɛb na mɩ́ damnɛ ɛ́ ɓawr ìre nɩ a.

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.