Ebre 10:11 - A SƐB-SÕW

¹¹ Bàwr-maalɛ za mɩ́ àr'ɩ bibir za tone a ʋ bàwr-maal-ton. Ʋ mɩ́ maalɛ nɩ a alɩ bàwr-been nɛ kʋralɛ na kʋ̃ tʋ̃ɔ́ ír a yel-bebe bɛr towtow a.

Ebre 10:11 ပူးပေါင်းရင်းမြစ်များ

Eziptɩ tẽw yib 29:36

Bibir za, fʋ na mɩ́ kʋ n nadɛr maal'ɩ bàwr a yel-bier ír-bɛrʋ ƴãw. À à ŋá n'a fʋ na mɩ́ ɩ a bàwr-maal-kuur ʋ vɩɛl, ɛ́ fʋ cir kãá ƴãw a ʋ zu, maal'ʋ k'ʋ ɩ sõw.

Ɩzayi 1:11

A Sore yere na: “Bʋ̃ʋ n'ʋ a nyɩ bàwr-yaga yaga ɩrɛ mɛ̃? Ɩ̃ sɛw na nɩ a pʋ́rɩ nyɩw-a-za-bagɛ nɩ a náli nɛn-kãánɩ! A nadɛɛ, a péli nɩ a bʋrali zɩ̃ɩ a, ɩ̃ bɛ cãà bɔbr a ɩ.

Ezekɩɛl 45:4

A tẽw zi-sõw ŋa na ɩ n a bàwr-maalbɛ na tone a Sore tome a zi-sõw pʋɔ a sób. A bɛ yie na ŋma n a tẽsɔw ŋa zu, ʋʋ na be n a zi-sõw tɛwr ƴãw.

Mise 6:6

«Bʋ̃ʋ n'ʋ ɩ̃ na tɛr wa n a Sore niŋé? Bʋ̃ʋ n'ʋ ɩ̃ na gbĩ n dume a Sore, a Naaŋmɩn-na-do-saa-bɛ-pɩɛl-a niŋé? Yũon-been nadeli n'a ɩ̃ na maal'ɩ nyɩw-a-za-bagɛ kʋ̀ ʋ bɩɩ?

Sɔr-nɛ́ɛ 28:24

A bibie ayopõi á ŋá pʋɔ a, nyɩ na mɩ́ kʋ̀ m'ɩ bʋ̃-dɩrɩ bibir za. A de-kʋ̀b bome á ŋá zʋ̀ʋ́r na nyùur vla a na mɩ́ pɛlɩ nɩ a ɩ̃ pʋɔ. Nyɩ na mɩ́ maal'a na ƴãw pʋɔ a bibir za nyɩw-a-za-bàwr ƴãw, nɩ a ʋ divɛ̃ de-kʋ̀b.

Sɔr-nɛ́ɛ 28:3

Bibir za a, nyɩ na mɩ́ wa n nɩ yũon-been peli ayi a ƴã-gan zie kãw za na bɛ sãw a wa kʋ̀ m. Bɛ na mɩ́ nyɩw a na a dɩ a za. Nyɩw-a-za-bàwr a na fɛr kɛ́ bɛ maalɛ kʋ̀rɛ mɛ̃ kʋralɛ a n'ʋ.

Sɔr-nɛ́ɛ 29:6

A bagɛ á ŋá za na mɩ́ maal'a ƴãw pʋɔ a bibi-vɩɛrɩ za nyɩw-a-za-bàwr ƴãw, mɩ̀ cãà lɛb ƴãw pʋɔ a cuw-paala bibir nyɩw-a-za-bàwr ƴãw, de nɩ a zɔ̃ nɩ a divɛ̃ de-kʋ̀b bome na mɩ́ lãwnɩ a bagɛ á ŋá a. A bagɛ á ŋá zʋ̀ʋ́r na nyùur vla a na mɩ́ pɛlɩ nɩ a mãa, Sore, pʋɔ.»

Ebre 10:1

A Naaŋmɩn wulu bɛ wule a lɛn tɔr za a yele na ŋmɛ̃ a ɩ. A yel-vɩɛlɩ na waar a dasule tɛwr'ʋ ʋ wule. Ʋ bɛ be za na tʋ̃ɔ́ ɩ a bɛlɩ dem na tawr pɩɛlɛ a Naaŋmɩn a bɛ vɩɛl bɛ cɛ ɩ, a bàwr-been nɛ na saa maalɛ kʋralɛ, yũon za, bɛ tɛr bɛ́rʋ daar a.

Ebre 10:4

Bʋ̃ʋ n'ʋ vɛ̃, nadɛɛ nɩ bʋrɩ zɩ̃ɩ kʋ̃ tʋ̃ɔ́ ír yel-bebe bɛr towtow ɛ.

Ebre 5:1

Naaŋmɩn bàwr-maal-kara za a, a nɩsaalbɛ pʋɔ n'a bɛ mɩ́ kaa ír ʋ a nɩsaalbɛ ƴãw, a bɛ Naaŋmɩn yele kaafʋ pʋɔ, k'ʋʋ mɩ́ tɩr a de-kʋ̀b bome ɛ́ maalɩ bàwr a yel-bebe suur páwfʋ ƴãw.

Ebre 7:27

A bɛ fɛrɛ ʋ mɛ̃ a bàwr-maal-karɩ a, kɛ́ bibir za, ʋ mɩ́ de niwn maalɩ bàwr a ʋl mɩŋa yel-bebe ƴãw, ɛ́ a pùorí ʋ maalɩ a nɩbɛ dem ƴãw ɛ. Daƴen daadaa n'a ʋ maalɩ a bàwr, a lɛ ʋ na de ʋ tʋɔra tɩr a.

Ebre 8:2

Ʋ tone nɩ a ʋ tome a zi-sõw pʋɔ, a pɛn-sɛw-sɩza pʋɔ a Sore na maalɩ, ɛ́ a bɛ ɩ nɩsaal'ʋ maalɩ a.

Ebre 8:4

A Kɩrɩta tɩ be a tẽw zu ka a, ʋ kʋ̃ʋ ɩ bàwr-maalɛ mɩ̀ ɛ, nɩbɛ na faa be be dier a de-kʋ̀b bome tɩrɛ mɛ̃ a lɛ a Naaŋmɩn wulu na ƴãw a.