Kɔlɔsɩ 4:6 - A SƐB-SÕW

⁶ Nyɩ mɩ́ ɩ a nyɩ ƴɛ̀rʋ nʋmɛ kʋralɛ mɛ̃ bom bɛ na ƴãw nyaarʋ a, ɛ́ sõwne a nɩbɛ. Nyɩ mɩ́ bãw a sɔwfʋ sɔw vla kʋ̀ ŋa za.

Kɔlɔsɩ 4:6 ပူးပေါင်းရင်းမြစ်များ

1 Bibie za yel-manɩ 16:24

Nyɩ manɛ a ʋ yúor-vɩɛlʋ-danʋ a nɩ-bʋʋr-yoru sɔgɔ, nyɩ manɛ a ʋ nɔ-ɓã-yel-maalɩ a nɩ-bʋʋrɛ za sɔgɔ.

Sɛb-sõw yielu 105:2

Nyɩ yiele a ʋ ƴãw, nyɩ yiele ŋmɩɛr'ɩ bʋ̃-ŋmɩɛrɩ a ʋ ƴãw, nyɩ lɛb manɩ a ʋ nɔ-ɓãa-yele za.

Sɛb-sõw yielu 119:13

A lɛ fʋ na dɩ a ƴɛ̀rʋ yel a, ɩ̃ sɔrɛ nɩ a za.

Sɛb-sõw yielu 119:46

Ɩ̃ na ƴɛ̀rɛ nɩ a lɛ fʋ na yel a ƴɛ̀rʋ a na-mɩnɛ niŋé, ɛ́ vĩ kʋ̃ ɩrɛ mɛ̃ ɩ.

Sɛb-sõw yielu 45:2

A ɩ̃ suur ɩ n su-nʋ̃ɔ̀ tɛwr, a ƴɛ̀r-vɩɛlɩ vɩɛlɩ ɩ̃ na na ƴɛ̀r a ƴãw. Ɩ̃ na yel'ɩ a ɩ̃ nɔ̃wfʋ yielu ƴɛ̀r-bie a nãà ƴãw. A ɩ̃ zɛl, ʋ lɩɛbɛ mɛ̃ sɛ-sɛbrɛ na bãw a a, sɛb-dale a!

Sɛb-sõw yielu 66:16

Nyɩ wa, nyɩɩm za na zɔrɛ a Naaŋmɩn a, nyɩ wa bɛr wõ, ɩ̃ manɩ a ʋlɩ bom nɛ ʋ na ɩ a ɩ̃ ƴãw a.

Zʋkpaɩ 10:21

A nɩ-mɩŋa ƴɛ̀rʋ mɩ́ sõw nɩ nɩ-yaga, ɛcɛ a dãbole mɩ́ kpi na, bɛ na bɛ tɛr a yã a zũú.

Zʋkpaɩ 15:4

Ƴɛ̀rʋ na ɓãanɛ suur a ɩ na mɛ̃ nyɔ-vʋʋrʋ tɩɛ a, ɛcɛ ƴɛ̀r-faa sãwnɛ nɩ suur.

Zʋkpaɩ 15:7

A bãwfʋ mɩ́ yire nɩ a yã-bãwnbɛ nʋɔrɩ́, ɛcɛ a dãbole socir bɛ ŋmɛ̃ a lɛ towtow ɛ.

Ekilezɩasɩ 10:12

Yã-bãwnɛ wa ƴɛ̀r a, a ʋ ƴɛ̀rʋ mɩ́ pɛlɩ nɩ a nɩbɛ pʋɔ, ɛcɛ a dãbol wa háarɛ a ʋ nʋɔr a, a ʋ ƴɛ̀rʋ mɩ́ siwri ʋ na.

Ezekɩɛl 43:24

Fʋ na de a na wul a mãa Sore. A bàwr-maalbɛ na cir'ɩ nyaarʋ ƴãw a zu, ɛ́ de a maal'ɩ nyɩw-a-za-bàwr kʋ̀ m.

Levitɩ mɩnɛ 2:13

Nyɩ na mɩ́ dɔwlɩ nyaarʋ de-kʋ̀b bom za zu. Nyɩ kʋ̃ yiiri a nyaarʋ dɔwlʋ a nyɩ de-kʋ̀b bom zu towtow ɛ, bʋ̃ʋ n'ʋ vɛ̃, a nyaarʋ ɩ n a wõ-taa a Naaŋmɩn na maal'ɩ nyɩ a bãwfʋ. Alɛ n'a so nyɩ na mɩ́ tɩr a nyɩ de-kʋ̀b bom za lãwnɩ a nyaarʋ.

Matie 5:13

«A nyɩɩm a, nyɩmɛ n'ɩ a tẽ-daa nyaarʋ. Ɛcɛ a nyaarʋ nʋ̃ɔ̀ wa yi a, ŋmɩŋmɩn n'a ʋ na ɩ lɛb tɩ ɩ a nyaarʋ? Ʋ bɛ cãà tɛr yel-ɩra kãw za ɩ, bɛ mɩ́ lɔb ʋ na bɛr yẽw a nɩbɛ nɛbr'ɩ gbɛ́ɛ.

Markɩ 9:50

A nyaarʋ ɩ n bʋ̃-nʋ̃ɔ̀, ɛcɛ a nyaarʋ nʋ̃ɔ̀ wa yi a, bʋ̃ʋ n'a nyɩ na ƴãw a lɛb nʋmɛ? Nyɩ tɛr nyaarʋ a nyɩ pʋ̃ɔmɩ, ɛ́ ɩrɛ ƴã-ɓaarʋ ɩb kʋ̀rɛ taa.»

Luka 4:22

A nɩbɛ za tɩ pore nɩ a ʋ yo-vla, ɛ́ mɩ́ tɩ nyɔw nʋɔr a ƴɛ̀r-vɩɛlɩ na tɩ yire a ʋ nʋɔrɩ́ a ƴãw, ɛ́ tɩ sowre: «A Zuzɛb bidɛb bɛ n'ɩ à ŋà ɩ?»

Efɛɛzɩ 4:29

Ƴɛ̀r-faa za bɛ sɛw k'ʋʋ yi a nyɩ nʋɔrɩ́ ɛ, ɛcɛ nyɩ ƴɛ̀rɛ ƴɛ̀r-bie na tɛr yel-ɩra na na tʋ̃ɔ́ sõw ɛ́ wa n maalʋ a bɛlɩ dem na bɛrɛ wone nyɩ a zie a.

Wulu-ayi-sob 11:19

Nyɩ na zanɛ nɩ a nɩ a nyɩ bibiir. Nyɩ na ƴɛ̀rɛ nɩ a ƴɛ̀rʋ a bɛ zie, a lɛn daar nyɩ na zɩ̃ a nyɩ yir a, nyɩ na cere a sɔ́r zu a, nyɩ na gã nɩ nyɩ na ìr a.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

1 Pɩɛr 3:15

Ɛcɛ nyɩ ƴãwnɛ a Kɩrɩta na ɩ Sore a, a nyɩ socie pʋɔ. Ɛ́ a Naaŋmɩn ƴãw nyɩ na ƴãw a nyɩ tɩɛrʋ a, nyɩ cɔbrɩ gù a tɩɛrʋ ŋa manʋ nɩr za nãà wa sowre nyɩ a pɛr a.