Kɔlɔsɩ 4:17 - A SƐB-SÕW

¹⁷ Nyɩ yel à ŋá kʋ̀ a Arsɩpʋ: «Kaarɛ a Sore ton fʋ na páw a zie vla, ɛ́ ƴãw fãw tone ʋ vla.»

Kɔlɔsɩ 4:17 ပူးပေါင်းရင်းမြစ်များ

2 Bibie za yel-manɩ 29:11

Ɛ́ a nyɩɩm a, ɩ̃ bibiir i, nyɩ taa burbure ɩ, bʋ̃ʋ n'ʋ vɛ̃, nyɩmɛ nɛbɛ a Sore kaa ír kɛ́ nyɩ mɩ́ àr a ʋ niŋé, kɛ́ nyɩ tone ʋ, kɛ́ nyɩ ɩ a ʋ tõ-tõ-biir, nɩ kɛ́ nyɩ mɩ́ de a tɩ-suur-zɔ̃-na-nyùur-vla-vla-a de-kʋ̀b bom kʋ̀ ʋ.»

Levitɩ mɩnɛ 10:3

A Moyiir tɩ yel'ɩ a Aarɔ̃: «A Sore tɩ yel'ɩ a yel ŋa kʋ̀ nyɩ, a lɛn daar ʋ na tɩ ƴɛ̀r à ŋá a: “Ɩ̃ bɔbr'a k'aa bɛlɩ dem na tawr pɩɛlɛ mɛ̃ a mɩ́ wul a ɩ̃ sonu, ɛ́ íre a ɩ̃ yúor-vɩɛlʋ-danʋ a nɩbɛ za niŋé.”» A Aarɔ̃ tɩ ɩ n gbili.

Sɔr-nɛ́ɛ 18:5

Nyɩmɛ nɛbɛ na tone a nyɩ tome a zi-sõw pʋɔ nɩ a bàwr-maal-kuur pɛr. Lɛ n'a ɩ̃ kʋ̃ lɛb nyɛ̃ nɩ a Ɩsɩrayɛl nɩbɛ suur ɛ.

Matie 25:17

A salm-zɩɛ libie kɔbr ayi (200) sob mɩ̀ tɩ ɩ n a lɛ, páw kɔbr ayi (200) dɔwlɩ.

Nɩ-toni 1:17

Ʋ tɩ pʋɔ nɩ a tɩ pʋɔ tɩ lãw a tome.

Nɩ-toni 14:23

Bɛ tɩ kaa na ír nɩ-kore a Lãw-yie been been kaafʋ ƴãw, ɛ́ bɛ na tɩ puori tɛr'ɩ mʋta-tuo wa baar'a, bɛ de nɩ a nɩbɛ bɛ ŋa, na tɩ ƴãw a bɛ tɩɛrʋ a Sore ƴãw a, kʋ̀ ʋ.

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

1 Timote 4:14

Maal tɛr a Vʋʋrʋ Sõw maalʋ fʋ na páw a, naaŋmɩn-ƴɛ̀r-manbɛ ƴɛ̀r-bie n'a ɩ fʋ páw ʋ, nɩ a nɩ-kore lãw nɩbɛ na tɩ ír nuru dɔwlɩ a fʋ zu a.

1 Timote 4:16

Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

1 Timote 4:6

Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

1 Timote 6:20

Fʋ̃ʋ Timote e, maal tɛr a bom bɛ na kʋ̀ b a, gùr pùor cɔw a ƴɛ̀r-zawlɛ na bɛ tu naaŋmɩn-sàw-deb a, mɩ̀ gùr pùor cɔw a nɔkpɛn, a bɛlɩ dem na yel kɛ́ bɛ bãw na a na mɩ́ ŋmɩɛr a.

2 Timote 1:6

Alɛ n'a so ɩ̃ kpaalɛ fʋ, kɛ́ fʋ lɛb sɩ̃w a maalʋ a Naaŋmɩn na kʋ̀ b, a lɛn daar ɩ̃ na ír a nuru dɔwlɩ a fʋ zu a.

2 Timote 2:2

A bom nɛ fʋ na wõ a ɩ̃ zie, dãsɩɛ dem yaga niŋé a, man ʋ kʋ̀ nɩbɛ bɛl ƴãw fʋ na bɛr tɩɛrʋ, ɛ́ bɛ mɩ̀ na tʋ̃ɔ́ wul ʋ nɩ-yoru a.

Filemɔ̃ 1:2

fʋ̃ʋ nɩ a tɩ yeepuule Afɩa, nɩ a Asɩpɩ na ɩ a tɩ soja-tɔ a, de nɩ a Lãw-yir nɩbɛ na mɩ́ ɓã taa a fʋ yir a.