Kɔlɔsɩ 4:10 - A SƐB-SÕW

¹⁰ Arɩsɩtakɩ, mãa nɩ ʋl na be a gaso pʋɔ a, puore nyɩ na lãwnɩ a Banabasɩ yɛb Markɩ. Bɛ yel'a kʋ̀ nyɩ a lɛ nyɩ na na ɩrɛ a Markɩ ƴãw a: ʋlɛ wa wa a nyɩ zie a, nyɩ de ʋ vla.

Kɔlɔsɩ 4:10 ပူးပေါင်းရင်းမြစ်များ

Nɩ-toni 12:12

A Pɩɛr na wa bãw a pɛr a, ʋ cen nɩ Zã bɛ na bʋɔlɛ Markɩ a mã, Marya, yir. Nɩ-yaga tɩ ɓã n taa a be puore.

Nɩ-toni 12:25

A Banabasɩ nɩ a Sol bɛl a, bɛ na tɩ tõ a bɛ tome baarɩ a Zerizalɛm a, bɛ tɛr'ɩ a Zã bɛ na bʋɔlɛ Markɩ a lɛb'ɩ.

Nɩ-toni 13:13

A Pol nɩ a ʋ taabɛ tɩ de nɩ a gbor a Pafɔsɩ cen Pɛrze na be Pãfili a. Be n'a a Zã-Markɩ tɩ bɛr bɛ, ɛ́ lɛb cen a Zerizalɛm.

Nɩ-toni 13:5

Bɛ na tɩ ta a Salamɩn a, bɛ nyɔw nɩ a Naaŋmɩn ƴɛ̀rʋ hieru a Zifʋ mɩnɛ puoru-diru pʋɔ. A Zã-Markɩ tɩ be n a bɛ zie sõwne bɛ.

Nɩ-toni 19:29

A damnʋ tɩ dam'a pàw a tẽw za. A zu-sɛbla tɩ darɛ nɩ taa zɔrɛ wɩɛr'ɩ a dɩ̃ɛnʋ yir-kpɛ̃ɛ pʋɔ. Bɛ tɩ ŋmãa na nyɔw Gayisɩ nɩ Arɩsɩtakɩ na yi Masedʋan, ɛ́ tɩ bɩɛlɛ a Pol a ʋ cɔlʋ pʋɔ a.

Nɩ-toni 20:4

Piirisi bidɛb Sopatʋrɔsɩ na yi Beere a, nɩ Tesalonikɩ tẽw Arɩsɩtakɩ nɩ Sekũdisi nɛbɛ tɩ bɩɛlɛ ʋ, bɛlɛ nɩ Dɛrbe tẽw Gayisɩ nɩ Timote, lãwnɩ Azi tẽw Tɩsɩkɩ nɩ Torofim.

Nɩ-toni 27:2

Tɩ tɩ kpɛ n Adɩramɩsɩɔm tẽw gbor-kpɛ̃ɛ kãw na tɩ cere a Azi tẽw gbee siwfʋ zie a. Masedʋan tẽw dɔɔ kãw na yi Tesalonikɩ bɛ bʋɔlɛ Arɩsɩtakɩ a, tɩ páw tɩ na.

Nɩ-toni 4:36

À ŋá n'a Zuzɛb, a nɩ-toni na kpɔwrɛ bʋɔlɛ Banabasɩ, a pɛr lɛ kɛ́ Mɔwl-mɔwlɛ a, tɩ tɛr púo. Ʋ tɩ ɩ n Levitɩ ɛ́ yi Sɩɩpʋr.

Ʋrɔm 16:2

Nyɩ sàw de ʋ vla a Sore yúor ƴãw, mɛ̃ a lɛ a na sɛw taa nɩ kɩrɩta-nɩbɛ zie a, ɛ́ nyɩ sõw ʋ yel za ƴãw, ʋ nãà wa tɛr a nyɩ yel-ɩra a. Bʋ̃ʋ n'ʋ vɛ̃, ʋ sõw nɩ nɩ-yaga nɩ a mãa mɩŋa.

Ʋrɔm 16:7

Nyɩ puori Ãdoronikisɩ nɩ Zinɩasɩ na ɩ a ɩ̃ nɩbɛ, ɛ́ lãw nɩ mɛ̃ kpɛ a gaso a. Nɩ-toni na ɩ nɩ-toni a nɛbɛ, ɛ́ bɛ mɔ̃ mɩ̀ de nɩ niwn sàw de a Kɩrɩta a ɩ̃ ƴãw.

2 Timote 4:11

Luka yõ n'ʋ be a ɩ̃ zie. Tɛr a Markɩ wa n, ʋ na sõw mɛ̃ nɩ a ɩ̃ tome pʋɔ bɛ dɩ vuo ɩ.

Filemɔ̃ 1:23

A Epafarasɩ na lãw nɩ mɛ̃ be a gaso pʋɔ a Yeezu Kɩrɩta ƴãw a, puore fʋ na.

Filemɔ̃ 1:24

Markɩ, Arɩsɩtakɩ, Demasɩ nɩ Luka na ɩ a ɩ̃ lãw-tõ-taabɛ a mɩ̀ puore fʋ na.

1 Pɩɛr 5:13

A Naaŋmɩn nɩ-kaa-íri lãw na be a Babɩlɔn a puore nyɩ na. A ɩ̃ bie Markɩ mɩ̀ puore nyɩ na.