Kɔlɔsɩ 3:3 - A SƐB-SÕW

³ Nyɩ sɩrɩ na lãw nɩ a Kɩrɩta kpi, ɛ́ a nyɩ nyɔ-vʋʋrʋ lãw nɩ ʋ sɔwlɩ be a Naaŋmɩn zie.

Kɔlɔsɩ 3:3 ပူးပေါင်းရင်းမြစ်များ

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

Zã 14:19

Blã blã, ɛ́ a tẽ-daa kʋ̃ lɛb nyɛ̃ m ɛ. Ɛcɛ a nyɩɩm, nyɩ na nyɛ̃ m'a, ɩ̃ vʋʋrɛ, ɛ́ nyɩ mɩ̀ na vʋʋrɛ na.

Zã 3:16

Naaŋmɩn sɩrɩ na nɔ̃w a tẽ-daa yaga za, tɩ de a ʋ Bie, ʋ Bi-been kʋ̀ ʋ, kɛ́ nɩr za na sàw de ʋ a, ta kpi ɛ, ɛ́ páw a nyɔ-vʋʋrʋ na be kʋralɛ a.

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 5:21

Bʋ̃ʋ n'ʋ vɛ̃, mɛ̃ a lɛ a Sãà na mɩ́ ɩ a kũuni bɛ lɛb ìr, ʋʋ ɩrɛ bɛ vʋʋrɛ a, lɛ n'a a Bie mɩ̀ mɩ́ ɩrɛ sob nɛ ʋ na bɔbr a ʋ vʋʋrɛ.

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Zã 5:40

Ɛ́ nyɩ bɛ bɔbr kɛ́ nyɩ wa a ɩ̃ zie wa páw a nyɔ-vʋʋrʋ na be kʋralɛ a ɩ.

Ʋrɔm 5:10

Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Ʋrɔm 5:21

A na ɩ à ŋá a, mɛ̃ a lɛ a yel-bier na tɩ wul a kũu fãw ʋ na tɛr a, lɛ mɩ̀ n'a a Naaŋmɩn maalʋ wule faafʋ fãw, k'ʋʋ tʋ̃ɔ́ tɛr tɩ cen nɩ a nyɔ-vʋʋrʋ na be kʋralɛ a pʋɔ, a Yeezu Kɩrɩta tɩ Sore ƴãw.

Ʋrɔm 6:11

A nyɩɩm mɩ̀ a, nyɩ bãw kɛ́ nyɩ kpi na bɛ cãà pʋɔ a yel-bier pʋɔ ɩ, ɛ́ vʋʋrɛ a Naaŋmɩn ƴãw lãwnɩ a Yeezu Kɩrɩta.

Ʋrɔm 6:2

Lɛ bɛ n'a towtow ɛ! Tɩ kpi na, bɛ cãà pʋɔ yel-bier pʋɔ ɩ: ŋmɩŋmɩn n'a tɩ na tʋ̃ɔ́ cãà be a yel-bier pʋɔ?

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

1 Korɛ̃tɩ 15:45

Al ƴãw n'a a Sɛb-sõw yel a ƴɛ̀r-bie á ŋá: «A nɩsaal-dãw-niwn sob, a Adama, ʋ tɩ ɩ n bʋ̃-vʋʋra. A Adama pɛ-baara ɩ n Vʋʋrʋ nɩr na tɩrɛ nyɔ-vʋʋrʋ a.»

1 Korɛ̃tɩ 2:14

A nɩsaal nɩ a ʋ nɩsaalʋ tɛwr kʋ̃ tʋ̃ɔ́ sàw de a yel na yi a Naaŋmɩn Vʋʋrʋ zie a ɩ. A yel ŋa mɩ́ ɩ n gẽgemi a ʋ zie ʋ kʋ̃ tʋ̃ɔ́ bãw ʋ ɛ, a Vʋʋrʋ Sõw yõ na n'ʋ mɩ́ ɩ bɛ bãw a pɛr a ƴãw.

2 Korɛ̃tɩ 5:14

Bʋ̃ʋ n'ʋ vɛ̃, a Kɩrɩta nɔ̃wfʋ fɩɩrɩ tɩ na tɛr, tɩɩm na bãw kɛ́ nɩ-been yõ kpi n a nɩbɛ za ƴãw a, ɛ́ k'aa na ɩ lɛ a, bɛ za lãw nɩ ʋ na kpi a.

2 Korɛ̃tɩ 5:7

Bʋ̃ʋ n'ʋ vɛ̃, naaŋmɩn-sàw-deb'a so tɩ cere, nyɛ́b bɛ n'a so ɩ.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Efɛɛzɩ 3:9

ɛ́ ɩ a ɩ cãà a nɩsaalbɛ za zie, a lɛ a Naaŋmɩn na mɩ́ ɩ a ʋ yel-sɔwla tu a ʋ tub a. Ʋl na ɩ bome za Íre a, ʋ ɩ n a ʋ yel-sɔwla ŋa gã koro za a ʋl mɩŋa pʋɔ.

Filib 4:7

Lɛ n'a a Naaŋmɩn ƴã-ɓaarʋ na zuo a nɩsaal yã a, na gù a nyɩ socie nɩ a nyɩ tɩɛrʋ a lãw nɩ a Yeezu Kɩrɩta.

Kɔlɔsɩ 1:5

ɛ́ a ɩ nyɩ na tɩɛrɛ a ʋlɩ bom nɛ na gùre nyɩ a tẽ-vla pʋɔ a ƴãw n'a a. A Yel-nʋ̃ɔ̀ na ɩ yel-mɩŋa ƴɛ̀rʋ a, ʋl na lʋɔrɩ wa ta nyɩ a, ʋl pʋɔ n'a nyɩ páw a tɩɛrʋ ŋa.

Kɔlɔsɩ 2:20

A na ɩ lɛ nyɩ lãw nɩ a Kɩrɩta kpi yi zaa a tẽ-daa bʋ̃-balɛ pʋɔ a, bʋ̃ʋ ƴãw n'a nyɩ fɛrɛ nyɩ tʋɔra tuur a nɛ́ɛ á ŋá taabɛ, mɛ̃ a tẽ-daa n'ʋ cãà so a nyɩ nyɔ-vʋʋrʋ a:

Kɔlɔsɩ 2:3

Ʋl zie n'a a yã-bãwfʋ na-bome nɩ a yele bãwfʋ na-bome sɔwlɩ gã.

Kɔlɔsɩ 3:4

A Kɩrɩta na ɩ a nyɩ nyɔ-vʋʋrʋ a, ʋlɛ wa sãá a lɛn daar a, nyɩ mɩ̀ na lãw nɩ ʋ na sãá a yúor-vɩɛlʋ-danʋ pʋɔ.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

1 Pɩɛr 3:4

A nyɩ vɩɛlʋ, a ɩ a nyɩ nɩsaal ʋl na sɔwlɩ a vɩɛlʋ, su-nʋ̃ɔ̀ tɩɛrʋ nɩ ƴã-ɓaarʋ tɩɛrʋ vɩɛlʋ na bɛ tɛr sãwfʋ a. A vɩɛlʋ ŋa ɩ n bʋ̃-sɩza a Naaŋmɩn zie.

1 Pɩɛr 4:2

k'aa tẽw zu ka nyɔ-vʋʋrʋ na cãà cɛ ʋ a, ʋ tʋ̃ɔ́ vʋʋrɛ mɛ̃ a lɛ a Naaŋmɩn na bɔbr a, ʋ ta vʋʋrɛ tu n a nɩsaal tɛra vʋla ɩ.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

Yel-wula 2:17

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ mãan-sɔwla. Ɩ̃ mɩ̀ na kʋ̀ ʋ nɩ kʋsɛ-pla, ɛ́ yo-paala sɛb a kʋsɩɛr zu, yo-paala nɩr za na bɛ bãw, a bɛ ɩ a sob nɛ na páw ʋ a ɩ.»