Kɔlɔsɩ 3:22 - A SƐB-SÕW

²² Gbãgbaar i, nyɩ sàwr a nyɩ tẽw zu ka nɩ-bɛrɛ nʋɔr a yele za pʋɔ. Nyɩ ta tone bɛ bɛ na piwre nyɩ a ƴãw, a ɩ mɛ̃ nyɩ bɔbr'a kɛ́ nyɩ ɩrɛ a pɛlɩ nɩsaalbɛ pʋɔ a ɩ. Nyɩ tone nɩ a nyɩ pʋɔ za, mɛ̃ a lɛ a bɛlɩ dem na zɔrɛ a Sore a na mɩ́ ɩrɛ a.

Kɔlɔsɩ 3:22 ပူးပေါင်းရင်းမြစ်များ

Yele-za-pɛr-tib 42:18

A bibie ata sob na wa vɩɛ a, ʋ yel bɛ na: «Nyɩ nyɛ̃ a lɛ nyɩ na na ɩ tʋ̃ɔ́ cãà vʋʋrɛ a, ɩ̃ na zɔrɛ Naaŋmɩn a ƴãw.

Neemi 5:15

A na-kpɛ̃ɛ-lɩɛrbɛ bɛl na tɩ de niwn a ɩ̃ ƴãw a, tɩ kʋrɛ nɩ a nɩbɛ guur, ƴãw bɛ kʋ̀rɛ bɛ bʋ̃-dɩrɩ nɩ divɛ̃ pʋɔ a salm-pla libie lɩz'a ayi ƴãw. A na-kpɛ̃ɛ-lɩɛrbɛ lãw-tõ-taabɛ tɛɛ za mɩ̀ tɩ dɔwrɛ nɩ a nɩbɛ. Ɛcɛ mãa bɛ tɩ dãw ɩ à à ŋá ɩ, a Naaŋmɩn ɩ̃ na zɔrɛ a zũú.

Neemi 5:9

Ɩ̃ tɩ lɛb'a yel: «À ŋá nyɩ na ɩrɛ a, a bɛ vɩɛl ɛ! A bɛ tɩ fɛr kɛ́ nyɩ tɛr a tɩ Naaŋmɩn zɔba, a nɩ-bʋʋr-yoru na ɩ a tɩ dɔ̃ dem a ta tʋʋr tɩ zʋmɛ ɩ?

Sɛb-sõw yielu 123:2

Mɛ̃ a lɛ gbãgbaar na mɩ́ jɩ́rɛ a bɛ zu-sob nũu gbẽgbẽ a, mɛ̃ a lɛ tõ-tõ-bi-pɔw na mɩ́ jɩ́rɛ a ʋ pɔw-nɩ-kpɛ̃ɛ nũu kʋralɛ a, lɛ n'a tɩ mɩ̀ dʋɔ a zuru jɩ́rɛ nɩ a Sore tɩ Naaŋmɩn, gùre nɩ k'ʋʋ wa zɔ tɩ nɩbaalʋ.

Ekilezɩasɩ 12:13

Nyɛ̃ a ƴɛ̀rʋ á ŋá za na ƴɛ̀r a nʋɔr kʋb zie: zɔrɛ a Naaŋmɩn ɛ́ sàwr a ʋ nɛ-ƴãwnɩ. À à ŋá n'a a fɛr kɛ́ nɩsaal za ɩrɛ.

Ekilezɩasɩ 5:7

Fʋ̃ʋ wa nyɛ̃ bɛ dɔwrɛ a nã́w sob, bɛ bɛ tuur a yel-na-tu-sɔr nɩ a mɩnʋ tẽw kãw pʋɔ a, a taa wa ùre fʋ ɛ. Bʋ̃ʋ n'ʋ vɛ̃, nɩr na do gãw a ʋ tɔ a zu-sɔw a, nɩr be n be piw ʋ tɛr, ɛ́ a bɛ za ayi zu-sɔw a, nɩbɛ mɩ̀ lɛb'a be be do gãw bɛ, ɛ́ mɩ̀ piw bɛ tɛr.

Ekilezɩasɩ 8:12

Yel-bier-maalɛ na tʋ̃ɔ́ na maalɩ faa gb'aa kʋba (100), ɛ́ vʋʋrɩ tɩ cɛlɩ. Ɩ̃ bãwnɩ a na, bɛ mɩ́ yel'ɩ à ŋá: «Bɛlɩ dem na zɔrɛ a Naaŋmɩn a na bãw nɩ a nʋ̃ɔ̀ bɛ na zɔrɛ ʋ a zũú.

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Matie 6:22

«A mimie n'ɩ a ƴã-gan fɩ̃tɩlɛ. A fʋ mimie wa ɩ mimi-kpɛn a, a fʋ ƴã-gan za na be n cãà pʋɔ,

Matie 8:9

Mãa mɩŋa tɛr'ɩ nɩ-bɛrɛ, ɛ́ mɩ̀ dɩ nɩ-kpɛ̃ɛnʋ sojarɩ zu. Ɩ̃ mɩ́ yel'ɩ a kãw: “Cen”, ʋ cen, ɛ́ yel a ƴen sob: “Wa”, ʋ wa, ɛ́ yel a ɩ̃ tõ-tõ-bie: “Ɩ bom ŋa”, ʋ ɩ.»

Luka 6:46

«Bʋ̃ʋ ƴãw n'a nyɩ mɩ́ yere a ɩ̃ zie: “Sore e, Sore e”, ɛ́ bɛ mɩ́ tuur a lɛ ɩ̃ na yere a?

Luka 7:8

Mãa n'ɩ ŋa tɛr nɩ-bɛrɛ, ɛ́ mɩ̀ dɩ nɩ-kpɛ̃ɛnʋ sojarɩ zu, mɩ̀ yel ŋa: “Cen”, ʋ cen, ɛ́ yel ƴen sob: “Wa”, ʋ wa, ɛ́ yel a ɩ̃ tõ-tõ-bie: “Ɩ bom ŋa”, ʋ ɩ.»

Nɩ-toni 2:46

Bibi-vɩɛrɩ za, bɛ mɩ́ tɩ lãw nɩ soci-been cere nɩ a Ŋmɩn-yir-kpɛ̃ɛ pʋɔ bɛ tɛr nawfʋ ɛ, bɛ mɩ́ tɩ lãw na ŋmarɛ a dipɛ̃ pone a yie pʋɔ, ɛ́ lãw dɩrɛ a bɛ bʋ̃-dɩrɩ nɩ nʋ̃ɔ̀ nɩ pʋ-pɩɛlʋ.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Galasi 1:10

A ƴɛrɛŋa a, nɩsaalbɛ nɛbɛ ɩ̃ bɔbr kɛ́ bɛ kpɛ m bɩɩ Naaŋmɩn n'ʋ? Nɩsaalbɛ nɛbɛ ɩ̃ bɔbr k'ɩ̃ɩ ɩrɛ nʋ̃ɔ̀ kpɩɛr bɩɩ? Mãa tɩ cãà ɩ mɛ̃ ɩ̃ bɔbr'a k'ɩ̃ɩ ɩrɛ nʋ̃ɔ̀ kpɩɛr a nɩsaalbɛ a, ɩ̃ kʋ̃ʋ ɩ a Kɩrɩta tõ-tone ɩ.

Kɔlɔsɩ 3:20

Bibiir i, nyɩ sàwr a nyɩ dɔwrbɛ nʋɔr a yele za pʋɔ, lɛ n'a vɩɛl a Sore zie.

1 Tesalonikɩ 2:4

Tɩ nɩ̃ɛ na mɩ́ ƴɛ̀rɛ kʋralɛ mɛ̃ a lɛ a Naaŋmɩn na bɔbr a, bʋ̃ʋ n'ʋ vɛ̃, ʋ ɩ tɩ na kaa ɛ́ de a Yel-nʋ̃ɔ̀ kʋ̀ tɩ. Nɩsaalbɛ bɛ nɛbɛ tɩ bɔbr kɛ́ tɩ ɩrɛ nʋ̃ɔ̀ kpɩɛr ɛ, Naaŋmɩn n'ʋ tɩ bɔbr kɛ́ tɩ ɩrɛ nʋ̃ɔ̀ kpɩɛr, ʋlɛ na n'ʋ mɩ́ ɩ a tɩ socie kaa bãw a ŋmɛ̃a a.

Filemɔ̃ 1:16

ʋʋ ta cãà ɩ gbãgbaa ɩ, ɛ́ zuo gbãgbaa: ʋ ɩ yɛb-nɔna za. Ʋ ɩ ʋ nɩ yaga za mãa zie, ŋmɩŋmɩn n'a ʋ kʋ̃ ɩ ʋ a fʋ zie zuo lɛ, a ʋ nɩsaalʋ pʋɔ nɩ a ʋ kɩrɩta-nɩɩlʋ pʋɔ.