Kɔlɔsɩ 3:17 - A SƐB-SÕW

¹⁷ Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

Kɔlɔsɩ 3:17 ပူးပေါင်းရင်းမြစ်များ

1 Na-mɩnɛ 18:32

A Eli tɩ lɛb'a mɛ a bàwr-maal-kuur a Sore ƴãw nɩ a kʋsɛbɛ á ŋá. Ʋ tɩ wɛ̀r'ɩ bɔw na na tʋ̃ɔ́ de ta litɩr lɩzɛr'ɩ pie kʋ̃ɔ a, viiri koli a bàwr-maal-kuur.

Zʋkpaɩ 3:6

Bãw ʋ a fʋ yele za fʋ na maalɛ a pʋɔ, ʋʋ na wule fʋ nɩ a cenu.

Mise 4:5

A nɩ-bʋʋrɛ za mɩ́ ɩrɛ na k'aa pɛlɩ a bɛ ŋmɩmɛ pʋʋr, tɩɩm'a, a Sore tɩ Naaŋmɩn n'ʋ tɩ bɔbr kɛ́ tɩ ɩrɛ a ʋ pʋɔ pɛlɩ kʋralɛ nɩ bibie za.

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Nɩ-toni 19:17

A Efɛɛzɩ tẽw nɩbɛ za, a Zifʋ mɩnɛ nɩ a Gɩrɛkɩ mɩnɛ za, tɩ wõ n a yel ŋa. Dɛ̃bɩ̃ɛ tɩ nyɔw nɩ bɛ za. Bɛ tɩ danɛ nɩ a Sore Yeezu yúor na ɩ kpɛ̃ɛ a.

Nɩ-toni 4:30

A lɛ ƴãw a, wul a fʋ kpɛnʋ, kɛ̀ bàalbɛ sanʋ, nɩ nɔ-ɓãa-yele nɩ yel-bãw-guuri maalɛ a fʋ tõ-tõ-bi-sõw Yeezu yúor ƴãw.»

Ʋrɔm 1:8

A Yeezu Kɩrɩta ƴãw n'a ɩ̃ de niwn puore a ɩ̃ Naaŋmɩn yãanɩ a nyɩ za ƴãw, bɛ na ƴɛ̀rɛ a nyɩ sàw-deb ƴɛ̀rʋ a tẽ-daa za zu a ƴãw.

1 Korɛ̃tɩ 10:31

A na ɩ à ŋá a, dɩb'a nyɩ dɩrɛ bɩɩ nyub'a nyɩ nyúur a, bom nɛ za nyɩ na ɩrɛ a, nyɩ ɩrɛ a za a Naaŋmɩn yúor-vɩɛlʋ-danʋ ƴãw.

Efɛɛzɩ 1:17

A tɩ Sore Yeezu Kɩrɩta Naaŋmɩn, ʋl na ɩ Sãà so yúor-vɩɛlʋ-danʋ za a, ʋ kʋ̀ nyɩ yã-bãwfʋ nɩ yel-sɔwlɩ bãwfʋ yã, kɛ̀ nyɩ tʋ̃ɔ́ bãw ʋ sɩza.

Efɛɛzɩ 5:20

Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

Filib 2:11

ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Kɔlɔsɩ 1:12

Nyɩ puore a Naaŋmɩn Sãà yãanɩ nɩ nʋ̃ɔ̀, ʋl na ɩ nyɩ na tʋ̃ɔ́ páw a na-bʋ̃-vɩɛlɩ ʋ na cɔbrɩ bin a tẽ-vla cãà pʋɔ cɛlɛ nɩ a ʋ nɩ-sori a.

Kɔlɔsɩ 2:7

Nyɩ tɛ nyɩgɛ a ʋ pʋɔ, ɛ́ ƴãw a nyɩ nyɔ-vʋʋrʋ yele za tɩɛrʋ a ʋ ƴãw, lɛ n'a nyɩ na kpɛmɛ a naaŋmɩn-sàwfʋ pʋɔ mɛ̃ a lɛ bɛ na wul nyɩ a, ɛ́ puore a Naaŋmɩn yãanɩ bɛ dɩ vuo ɩ.

Kɔlɔsɩ 3:15

A Kɩrɩta ƴã-ɓaarʋ, ʋ dɩ naalʋ a nyɩ socie pʋɔ, a ƴã-ɓaarʋ ŋa pʋɔ n'a ʋ bʋɔlɩ nyɩ kɛ́ nyɩ wa lãw taa mɛ̃ ƴãw-been a. Nyɩ tɛr barka puoru tɩɛrʋ a nyɩ nyɔ-vʋʋrʋ pʋɔ.

Kɔlɔsɩ 3:23

Ton za nyɩ na tone a, nyɩ tone nɩ nyɩ pʋɔ za mɛ̃ a Sore ƴãw n'a a, a ta ɩ a nɩsaalbɛ ƴãw ɛ,

1 Tesalonikɩ 1:1

A mãa Pol, nɩ Sɩlvɛ̃, de nɩ Timote, tɩ tɩrɛ nɩ a sɛbɛ ŋa kʋ̀rɛ a Tesalonikɩ tẽw Lãw-yir, a Naaŋmɩn Sãà nɩ a Sore Yeezu Kɩrɩta na so a. A maalʋ nɩ a ƴã-ɓaarʋ, a be a nyɩ zie.

1 Tesalonikɩ 5:18

nyɩ puore Naaŋmɩn yãanɩ bom za ƴãw. A Naaŋmɩn pʋ-tɩɛrʋ n'ɩ à à ŋá a nyɩ zie, nyɩ na lãw nɩ a Yeezu Kɩrɩta a.

2 Tesalonikɩ 2:17

bɛ mɔwlɛ nyɩ ɛ́ kʋ̀rɛ nyɩ fãw a vla maalʋ ƴãw kʋralɛ a nyɩ ɩ-ɩrɩ pʋɔ, nɩ a nyɩ nʋɔr ƴɛ̀rʋ pʋɔ.

Ebre 1:5

Bʋ̃ʋ n'ʋ vɛ̃, malkɩ buor'ʋ a Naaŋmɩn dãw yel: «Ɩ̃ bie nɛ b, ɩ̃ dɔw fʋ nɩ a dɩ̃a?» Lɛ nɩ kɛ́: «Ɩ̃ na ɩ n sãà a ʋ zie, ʋʋ ɩ bie a ɩ̃ zie?»

Ebre 13:15

Tɩ tu a Yeezu maalɛ danʋ bàwr kʋralɛ kʋ̀rɛ a Naaŋmɩn, a pɛr lɛ kɛ́ danʋ na yire nɛ́ɛ na íre a ʋ yúor a pʋɔ.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

1 Zã 2:23

Sob nɛ za na zawrɛ a Bie a, mɩ̀ bɛ tɛr a Sãà ɩ. Ɛ́ sob nɛ za na sàw a Bie a mɩ̀ tɛr'ɩ a Sãà.

1 Zã 3:18

Ɩ̃ bibiir i, nyɩ ta ɩ tɩ nɔnɛ nɩ nʋɔr nɩ ƴɛ̀r-vɩɛlɩ tɛwr ɛ, nyɩ ɩ a tɩ nɔ̃wfʋ sãá a tɩ ɩ-ɩrɩ pʋɔ ɛ́ tu a yel-mɩŋa.