Kɔlɔsɩ 3:16 - A SƐB-SÕW

¹⁶ A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Kɔlɔsɩ 3:16 ပူးပေါင်းရင်းမြစ်များ

1 Na-mɩnɛ 3:28

A Ɩsɩrayɛl nɩbɛ za tɩ wõ n a ƴɛ̀rʋ a Salomɔ̃ na dɩ a, ɛ́ tɩ tɛr a nãà ƴãwfʋ yaga za. Bʋ̃ʋ n'ʋ vɛ̃, bɛ tɩ nyɛ̃ na bãw kɛ́ Naaŋmɩn kʋ̀ ʋ nɩ yã-bãwfʋ yaga a ƴɛ̀rʋ-dɩb ƴãw.

1 Bibie za yel-manɩ 25:7

A yiel-yielbɛ bɛ ŋa nɩ a bɛ pal pʋɔ nɩbɛ bɛ na tɩ zanɩ nɩ kɛ́ bɛ tʋ̃ɔ́ yiele a Sore ƴãw a, tɩ ɩ n nɩbɛ kɔbr ayi dɔwlɩ lɩz'a anaar nɩ ani (288) bɛ za. Bɛ tɩ zanɩ nɩ bɛ na bɛ bãw a bɛ yielu vla vla.

Neemi 12:46

Bʋ̃ʋ n'ʋ vɛ̃, a Daviir daar za, nɩ a yielu nɩ-kpɛ̃ɛ Asafʋ daar za a, yiel-yielbɛ nɩ-bɛrɛ tɩ be n be kaarɛ a yielu zie, bɛ na mɩ́ yiele danɛ nɩ, ɛ́ puore nɩ a Naaŋmɩn yãanɩ a.

A Zɔb sɛbɛ 23:12

Ɩ̃ tu n a ʋ nɛ-ƴãwnɩ bɛ cɛ ɩ, ɩ̃ nɔ̃w nɩ a lɛ ʋ na mɩ́ yel a, zuo a lɛ a mãa na mɩ́ bɔbr a.

Sɛb-sõw yielu 119:11

Ɩ̃ maal'a tɛr a fʋ wulu a ɩ̃ socir pʋɔ, k'ɩ̃ɩ taa wa sãwnɛ fʋ ɛ.

Sɛb-sõw yielu 119:54

A ɩ̃ nʋʋra kpɛb zie ka a, a fʋ pʋ-tɩɛrʋ n'a ɩ̃ tɛr yiele.

Sɛb-sõw yielu 138:1

Daviir so ʋ. Sore e, ɩ̃ puore fʋ nɩ yãanɩ nɩ ɩ̃ pʋɔ za, ɩ̃ yiele na danɛ nɩ fʋ a ŋmɩmɛ niŋé.

Sɛb-sõw yielu 28:7

A Sore gùre mɛ̃ na, ʋlɛ n'ɩ a ɩ̃ zɛbr-kur-pãgala. Ʋlɛ n'ʋ ɩ̃ tɩ tɩɛrɛ nɩ ɩ̃ pʋɔ za, ʋʋ faa mɛ̃ na. Ɩ̃ cɩlɛ nɩ ɩ̃ za, ɛ́ yiele danɛ nɩ ʋ.

Sɛb-sõw yielu 32:7

Fʋ ɩ n sɔwlʋ zie a ɩ̃ ƴãw, fʋ gùre mɛ̃ na k'aa kpɩɛrʋ ta páw mɛ̃ ɩ. Ɩ̃ na cɩɩrɛ nɩ a ɩ̃ nʋ̃ɔ̀, a gub fʋ na gùre mɛ̃ a lõboge za a ƴãw. Tɛw-àrʋ

Sɛb-sõw yielu 71:23

Ɩ̃ na ŋmɩɛr'ɩ bʋ̃-ŋmɩɛrɩ íre nɩ a fʋ yúor, ɩ̃ na cáarɛ na danɛ nɩ fʋ, fʋ na faa mɛ̃ a.

Zʋkpaɩ 14:8

Nɩr na bãw a maal-ɩb a mɩ́ piwre nɩ a ʋ ɩ-ɩrɩ, ʋ na ɩ yã-bãwnɛ a ƴãw. Ɛcɛ a dãbole mɩ́ bɔrɛ nɩ a bɛ dãbolu zũú.

Zʋkpaɩ 18:1

Nɩr na bɛ pɩɛlɛ a ʋ taabɛ a mɩ́ bɔbr'ɩ ʋl yõ tɔnɛ. Bɛlɛ wa bɔbr kɛ́ bɛ sõw ʋ a, ʋ mɩ́ nyɛ̃ nɩ suur.

A Yielu za pʋɔ yiel-vla vla 1:1

A yielu za pʋɔ yiel-vla vla. Ʋ pʋɔ nɩ a Salomɔ̃ sɛbr pʋɔ.

Ɩzayi 10:2

À à ŋá n'a a ƴɛ̀rʋ bɛ mɩ́ dɩ n mɩnʋ a bãbàalbɛ ƴãw ɛ, ɛ́ a ɩ̃ nɩ-bʋʋrɛ nan dem bɛ mɩ́ nyɛ̃ a lɛ-na-tu-sɔr-a, ʋ maalɩ a bɛ zie ɩ. Bɛ mɩ́ zure nɩ a pɔw-kɔbɛ bome ɛ́ farɛ a bi-kpebe dem.

Ɩzayi 26:1

A ʋlɩ bibir nɛ a Zuda tẽw pʋɔ a, a nɩbɛ na yiele nɩ yielu ŋa: «Tɩ tɛr'ɩ tẽ-kpɛ̃ɛ na kpɛmɛ a. A ʋ gub ƴãw a, a Sore ƴãw nɩ dacine ayi viiri koli ʋ.

Ɩzayi 30:29

A nyɩɩm Zerizalɛm tẽw dem a, nyɩ na yiele na mɛ̃ a tɩ̃ɩsɔw bɛ na maalɛ cuw a. A nyɩ socie na cɩlɛ na, mɛ̃ a lɛ bɛ na mɩ́ pɛblɛ wele fʋ cere a Sore tãw zu a, fʋ cere a Naaŋmɩn na ɩ a Ɩsɩrayɛl Pìir a zie a.

Ɩzayi 5:1

Nyɩ vɛ̃ ɩ̃ yieli yielu a ɩ̃ bá ƴãw. A ɩ̃ bá nɩ a ʋ divɛ̃ tɩɩr púo yielu n'ʋ. A ɩ̃ bá tɩ tɛr'ɩ divɛ̃ tɩɩr púo tãle na kpɛ pʋɔrʋ a zu.

Zeremi 15:16

A fʋ ƴɛ̀rʋ na mɩ́ tɩ ta m a, ɩ̃ mɩ́ tɩ vɔl a na. A mɩ́ tɩ ƴãw mɛ̃ nɩ nʋ̃ɔ̀, a mɩ́ tɩ ɩ na a ɩ̃ socir cɩlɛ. Bʋ̃ʋ n'ʋ vɛ̃, fʋ̃ʋ so m, Sore e, kpɛnʋ-za-sob i.

Matie 26:30

Bɛ na wa yieli a Sɛb-sõw yielu baar'a, bɛ yi na cere a Olivʋ tɩɩr tãw zu.

Luka 2:51

Ʋ tɩ siw na páw bɛ, lɛb wa a Nazarɛtɩ. Ʋ tɩ sàwr'ɩ a bɛ nʋɔr. A ʋ mã tɩ maal'a tɛr a yele á ŋá za vla a ʋ socir pʋɔ.

Zã 15:7

Nyɩmɛ wa lãw nɩ mɛ̃ ɛ́ tɛr a ɩ̃ ƴɛ̀rʋ a, nyɩ zɛlɩ a ʋlɩ bom nɛ nyɩ na bɔbr a, ɛ́ nyɩ na páw ʋ na.

Ʋrɔm 10:17

A na ɩ à ŋá a, a sàw-deb mɩ́ yi n a yel fʋ na wõ a zie, ɛ́ a yel fʋ na wõ a ɩ a Kɩrɩta ƴɛ̀rʋ.

Ʋrɔm 15:14

Ɩ̃ yɛbr i, ɩ̃ mɩŋa za bãwnɩ a na nyɩ na tɛr tɩɛr-vɩɛlɩ yaga ɛ́ bãw bom za vla, na tʋ̃ɔ́ wule nɩ taa yã a.

1 Korɛ̃tɩ 14:15

A na ɩ à ŋá a, ɩ̃ ɩ ŋmɩn? Ɩ̃ na puore nɩ nɩ a Vʋʋrʋ Sõw, ɛ́ mɩ̀ puore nɩ a ɩ̃ yã. Ɩ̃ na yiele na nɩ a Vʋʋrʋ Sõw, ɛ́ mɩ̀ yiele nɩ a ɩ̃ yã.

1 Korɛ̃tɩ 14:26

Yɛbr i, a na ɩ à ŋá a, ɩ̃ ɩ ŋmɩn? Nyɩ na mɩ́ wa ɓã taa a, a nyɩ kãw na mɩ́ tʋ̃ɔ́ na yiele yielu, kãw tɩrɛ wulu bɩɩ yel-sɔwla kãw, kãw ƴɛ̀rɛ ƴɛ̀rʋ nɩr na bɛ wone a ɛ́ íre a pɛ́ɛ. Ɛcɛ à á ŋá za a, a ɩrɛ a lãw ʋ kɛrɛ.

Efɛɛzɩ 1:17

A tɩ Sore Yeezu Kɩrɩta Naaŋmɩn, ʋl na ɩ Sãà so yúor-vɩɛlʋ-danʋ za a, ʋ kʋ̀ nyɩ yã-bãwfʋ nɩ yel-sɔwlɩ bãwfʋ yã, kɛ̀ nyɩ tʋ̃ɔ́ bãw ʋ sɩza.

Efɛɛzɩ 5:17

A na ɩ à ŋá a, nyɩ ta ɩrɛ dãbol-ɩb ɛ, nyɩ ƴãw fãw bãw a Sore pʋ-tɩɛrʋ vla.

Efɛɛzɩ 5:19

Nyɩ lãw yiele Sɛb-sõw yielu, nɩ danʋ yielu nɩ yielu na yi Vʋʋrʋ Sõw zie a. Nyɩ yiele danɛ nɩ a Sore nɩ nyɩ pʋɔ za.

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

Kɔlɔsɩ 1:9

Alɛ n'a so a ʋlɩ bibir za tɩ na wõ a nyɩ yele wa tɩ tɔ a dɩ̃a a, tɩ mɩ̀ bɛ bɛr a nyɩ puor-kʋ̀b ɛ. Tɩ zɛlɛ na kɛ́ a Naaŋmɩn ɩ nyɩ bãw a ʋ pʋ-tɩɛrʋ za. Al ƴãw n'a a Vʋʋrʋ Sõw kʋ̀rɛ nyɩ a yã-bãwfʋ nɩ a yã.

Kɔlɔsɩ 4:6

Nyɩ mɩ́ ɩ a nyɩ ƴɛ̀rʋ nʋmɛ kʋralɛ mɛ̃ bom bɛ na ƴãw nyaarʋ a, ɛ́ sõwne a nɩbɛ. Nyɩ mɩ́ bãw a sɔwfʋ sɔw vla kʋ̀ ŋa za.

1 Tesalonikɩ 1:8

Bʋ̃ʋ n'ʋ vɛ̃, a Masedʋan nɩ a Akayi ten tɛwr bɛ n'a a Sore ƴɛ̀rʋ yi a nyɩ zie ɛ́ hieri tɩ tɔ ɩ, a nyɩ naaŋmɩn-sàw-deb yele ta n a ziir za, a dɛ bɛ lɛb tɛr tɩ na ƴɛ̀rɛ a ƴɛ̀rʋ ɛ.

1 Tesalonikɩ 4:18

A na ɩ à ŋá a, nyɩ mɔwlɛ taa nɩ a ƴɛ̀r-bie á ŋá.

2 Tesalonikɩ 3:15

Ɛcɛ nyɩ ta ɩrɛ a ʋ zie mɛ̃ nyɩ dɔ̃ sob'ʋ a ɩ, nyɩ kpãanɛ ʋ mɛ̃ yɛb a.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

2 Timote 3:15

A fʋ bibile daarɩ́ za n'a fʋ bãw a Sɛb-son. A tɛr'ɩ fãw na kʋ̀ b a yã-bãwfʋ na na ɩ fʋ páw a faafʋ a Kɩrɩta Yeezu sàw-deb pʋɔ a.

Títɩ̀ 3:6

Ʋ paalɩ tɩ nɩ yaga za nɩ a Vʋʋrʋ Sõw ŋa a tɩ Faarɛ Yeezu Kɩrɩta zũú,

Zakɩ 1:5

Ɛcɛ a nyɩ kãw bɛ wa tɛr a yã-bãwfʋ a, ʋ zɛlɩ a yã-bãwfʋ a Naaŋmɩn zie, ʋʋ na kʋ̀ ʋ na. Ʋ mɩ́ tɩr'ɩ daadaa, ɛ́ bɛ tɩrɛ yere nɩ a sob ɛ.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

Zakɩ 5:13

A nyɩ kãw wone nɩ tuo bɩɩ? Ʋ puore. Ʋ wone nɩ nʋ̃ɔ̀ bɩɩ? Ʋ yiele danʋ yielu.

1 Zã 2:14

Ɩ̃ bibiir i, ɩ̃ sɛb nyɩ na kɛ́ nyɩ bãw nɩ a Naaŋmɩn Sãà. Sãà mɩnɛ ɛ, ɩ̃ sɛb nyɩ na kɛ́ nyɩ bãw nɩ a sob nɛ na be a pɛr-tib daar za a. Pɔlbili i, ɩ̃ sɛb nyɩ na kɛ́ nyɩ kpɛmɛ na ɛ́ a Naaŋmɩn ƴɛ̀rʋ be a nyɩ zie, nyɩ zɛb'a tʋ̃ɔ́ a Faalʋ sob.

1 Zã 2:24

A na ɩ à ŋá a, nyɩ maal tɛr a ƴɛ̀rʋ nyɩ na wõ a pɛr-tib daar za a. A ʋlɩ bom nɛ nyɩ na wõ a pɛr-tib daar za wa be a nyɩ zie a, a nyɩɩm mɩ̀, nyɩ na lãw nɩ nɩ a Bie nɩ a Sãà.

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.

2 Zã 1:2

Bʋ̃ʋ n'ʋ vɛ̃, a yel-mɩŋa be n a tɩ zie, ɛ́ na cãà be a tɩ zie kʋralɛ.

Yel-wula 14:3

A nɩ-yaga bɛ ŋa za tɩ yiele nɩ yiel-paala a naalʋ-dà-kɔw niŋé, a dʋn anaar nɩ a nɩ-kore niŋé. Nɩr za bɛ tɩ tʋɔr zanɛ a yielu ŋa, a bɛ ɩ a nɩbɛ tùr-lɩz'a ayopõi dɔwlɩ túr anaar (144 000) bɛl bɛ na ya de a tẽw zu a ɩ.

Yel-wula 15:3

Bɛ tɩ yiele nɩ a Naaŋmɩn tõ-tõ-bie Moyiir yielu, nɩ a Pele yielu à ŋá: «Sore Naaŋmɩn kpɛnʋ-za-sob i, a fʋ tome ɩ n tõ-bɛrɛ ɛ́ ɩ nɔ-ɓãa-tome. Ten za Nãà a, a fʋ ɩb tu n mɩnʋ nɩ yel-mɩŋa.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.