Kɔlɔsɩ 3:12 - A SƐB-SÕW

¹² Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

Kɔlɔsɩ 3:12 ပူးပေါင်းရင်းမြစ်များ

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Ɩzayi 45:4

A ɩ̃ tõ-tõ-bie Zakɔb ƴãw n'a, ʋ̃ʋ, a Ɩsɩrayɛl ɩ̃ na kaa ír a ƴãw n'a ɩ̃ yel a fʋ yúor bʋɔlɩ fʋ. Ɩ̃ ƴãwnɛ fʋ na, ɛ́ fʋ bɛ bãw mɛ̃ ɩ.

Ɩzayi 63:15

Sore e, be a salom zu, a zi-sõw-vla vla fʋ na kpɩɛr a, ɛ́ jɩ́r a ʋlɩ bom nɛ na ɩrɛ tɩ a nyɛ̃. Nyɩnɛ n'a a fʋ nɔ̃wfʋ na dɩrɛ a tɩ ƴãw mɛ̃ vũu a cen? Nyɩnɛ n'a a fʋ kpɛnʋ be? Tɩ bɛ mɩ́ cãà nyɛ̃ a fʋ ƴã-cɩrʋ nɩ a fʋ nɔ̃wfʋ a tɩ ƴãw ɛ.

Ɩzayi 65:22

Bɛ kʋ̃ lɛb ŋmarɛ yie nɩ-yoru kpɩɛr ɛ, bɛ kʋ̃ lɛb sɛlɛ divɛ̃ tɩɩr nɩ-yoru dɩrɛ a wɔmɛ ɩ. Bʋ̃ʋ n'ʋ vɛ̃, a ɩ̃ nɩbɛ na mɩ́ kòr'a mɛ̃ a tɩɩr a. A bɛlɩ dem ɩ̃ na kaa ír a na mɩ́ so nɩ a bɛ nuru bome dɩrɛ.

Ɩzayi 65:9

Ɩ̃ na kʋ̀ n bʋʋrɛ a Zakɔb nɩbɛ, a Zuda dɔwlʋ nɩbɛ. Bɛ na so nɩ a ɩ̃ tan. A bɛlɩ dem ɩ̃ na kaa ír a na so a na, a bɛlɩ dem na tone a ɩ̃ tome a na kpɩɛr'ɩ a be.

Zeremi 31:20

A Sore yere na: «A Efarayim n'ɩ a ɩ̃ bidɛb-nɔna nɔna za, ɩ̃ nɔnɛ ʋ na zuo a ʋ taabɛ. Alɛ n'a so, kʋralɛ mãa wa yere ʋ a, ɩ̃ mɩ́ cãà na tɛr a ʋ tɩɛrʋ. Ɩ̃ nɔnɛ ʋ na bɛ dɩ vuo ɩ. Sɩza, ɩ̃ sɩrɩ na zɔrɛ a ʋ nɩbaalʋ.»

Zeremi 31:3

Ʋ tɩ yere na: “A Sore wul mɛ̃ nɩ ʋ tʋɔra zi-zãána.” Ɩ̃ɩ tɩ sɔw ʋ na: “Ɩ̃ nɔnɛ fʋ na nɩ nɔ̃wfʋ na be kʋralɛ a. Alɛ n'a so ɩ̃ cãà tu b yaga za.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Matie 24:22

A Naaŋmɩn bɛ tɩ ŋmãa a bibie a mɩnɛ bɛr a, nɩr kʋ̃ʋ tɩ cɛ ɩ. Ɛcɛ ʋ ŋmãa nɩ a bibie a mɩnɛ bɛr a ʋ nɩ-kaa-íri zũú.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Matie 24:31

Ʋ na tõ n a ʋ malkɩ mɩnɛ nɩ a wɩ-kpɛ̃ɛ a tẽ-daa lõbowe anaar za, bɛ tɩ bʋɔlɩ a ʋ nɩ-kaa-íri a tẽ-daa zu ziir za ɓã taa.»

Markɩ 13:20

A Sore bɛ tɩ ŋmãa a bibie á ŋá bɛr a, nɩr za kʋ̃ʋ nyɛ̃ a faafʋ ɛ. Ɛcɛ ʋ ŋmãa a na bɛr, a ʋ nɩ-kaa-íri ʋ na kaa ír a ƴãw.

Markɩ 13:22

A lɛn daar, Naaŋmɩn nɩ-kabr-bɛlɛbɛlɛ nɩ naaŋmɩn-ƴɛ̀r-man-bɛlɛbɛlɛ na yi na, mɩ́ maalɩ nɔ-ɓãa-yele nɩ yel-bãw-guuri, kɛ́ alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri.

Markɩ 13:27

Ʋ na tõ n a malkɩ mɩnɛ a tẽ-daa lõbowe za, a tẽw pɛrɩ́ tɩ tɔ a tẽw zũú, bɛ tɩ bʋɔlɩ a ʋ nɩ-kaa-íri ɓã taa.»

Luka 1:78

a tɩ Naaŋmɩn nɔ̃wfʋ na bɛ tɛr baarʋ a bãwfʋ n'ɩ à ŋà. A nɔ̃wfʋ ŋa ƴãw n'a, a saa-zu mʋ̃tɔ̃w na pure a ta tɩ.

Luka 18:7

Ɛ́ a Naaŋmɩn ʋl kʋ̃ wul a ʋ nɩ-kaa-íri yel-mɩŋa ɩ, bɛl na kone cɔwr ʋ mʋ̃tɔ̃w nɩ tɩ̃ɩsɔw za a? Ʋ na cɛlɩ nɩ a bɛ sõwfʋ ƴãw bɩɩ?

Ʋrɔm 1:7

Mãa n'ʋ sɛbr nyɩ, nyɩɩm na be a Ʋrɔm a, nyɩɩm za a Naaŋmɩn na nɔnɛ ɛ́ bʋɔlɩ kɛ́ nyɩ wa ɩ a ʋ nɩ-sori a. A Naaŋmɩn tɩ Sãà nɩ a tɩ Sore Yeezu Kɩrɩta kʋ̀ nyɩ a maalʋ nɩ a ƴã-ɓaarʋ.

Ʋrɔm 13:14

Nyɩ su a Sore Yeezu Kɩrɩta, ɛ́ ta sàw a ƴã-gan nʋ̃ɔ̀-faar vʋla a so nyɩ ɛ.

Ʋrɔm 9:11

Ɛcɛ Naaŋmɩn mɩ́ kaa na ír a nɩbɛ tu n a lɛ ʋ na cɔbrɩ a yele bin a: a ʋ kaa-íru mɩ́ tu n a bʋɔlʋ ʋ na bʋɔlɛ bɛ a, ʋ bɛ mɩ́ tu a bɛ ɩ-ɩrɩ ɛ. A Naaŋmɩn na bɔbr k'ʋʋ wul k'aa lɛ ʋ na cɔbrɩ a yele bin a, a gã nɩ kʋralɛ a, ʋ tɩ yel'ɩ a Erebeka, a lɛn daar a ʋ yɩbr na bɛ tɩ dɔw sɛr, ɛ́ mɩ̀ bɛ tɩ maalɩ vla bɩɩ faa sɛr a: «A kpɛ̃ɛ na ɩ n a bile tõ-tone.»

1 Korɛ̃tɩ 13:4

A nɔ̃wfʋ tɛr'ɩ su-nyɔwra, ʋ sõwne nɩ nɩbɛ, ɛ́ bɛ kpɛ nyuur ɛ, ʋ bɛ wule ʋ tʋɔra ɩ, ʋ bɛ ɩrɛ pɔ̀lʋ ɛ,

2 Korɛ̃tɩ 6:6

Tɩ bɔbr'a k'aa tɩ vɩɛlʋ nɩ a tɩ bãwfʋ, a tʋɔra-nyɔwfʋ nɩ a ɩ-vɩɛlɩ, a Vʋʋrʋ Sõw tome nɩ a nɔ̃wfʋ sɩza tɩ na nɔnɛ a nɩbɛ a, tɩ bɔbr'a k'aa wul a sãá kɛ́ tɩ ɩ n Naaŋmɩn tõ-tõ-biir.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Efɛɛzɩ 1:4

Ʋ bɛ tɩ ír a tẽ-daa sɛr ɛ, ɛ́ de niwn kaa ír tɩ a Kɩrɩta ƴãw, kɛ́ tɩ wa lɩɛbɩ nɩ-son na bɛ tɛr sãwna bɛ yere a, a ʋ nɔ̃wfʋ pʋɔ, a ʋ niŋé.

Efɛɛzɩ 4:2

Nyɩ tɛr nyɩ tʋɔra-siwru yaga, nyɩ tɛr su-baalʋ nɩ su-nyɔwra, nyɩ dier taa sãwna bɛrɛ nɩ nɔ̃wfʋ.

Efɛɛzɩ 4:24

Nyɩ de a nɩ-paala ɩ-ɩrɩ, a ʋl a Naaŋmɩn na ír ʋ ŋmɛ̃ taa nɩ ʋ, ɛ́ mɩ́ sãá nyɔ-vʋʋrʋ na tu sɔ́r ɛ́ ɩ sõw a pʋɔ, ɛ́ yi yel-mɩŋa zie a.

Efɛɛzɩ 4:32

Nyɩ ɩ nɩ-vɩɛlɩ a nyɩ cara pʋɔ, ɛ́ zɔrɛ taa nɩbaalʋ dɩrɛ nɩ suur kʋ̀rɛ taa, mɛ̃ a lɛ a Naaŋmɩn na dɩ suur kʋ̀ nyɩ a Kɩrɩta ƴãw a.

Filib 1:8

Naaŋmɩn dɩ n a ɩ̃ dãsɩɛ k'ɩ̃ɩ nɔnɛ nyɩ na nɩ a Yeezu Kɩrɩta nɔ̃wfʋ tɔr za.

Kɔlɔsɩ 3:10

ɛ́ su a nɩ-paala ʋl a ʋ Íre na maalɛ kʋralɛ ʋ ɩrɛ paala, ɛ́ ŋmɛ̃ taa nɩ ʋ k'ʋʋ tʋ̃ɔ́ bãw ʋ vla za a.

1 Tesalonikɩ 5:15

Nyɩ gù vla nɩr za taa mɩ́ wa maalɛ faa yaarɛ nɩ a faa san ɛ. Ɛcɛ nyɩ nɩ̃ɛ mɩ́ ƴãw fãw maalɛ a vla kʋralɛ, a nyɩ cara pʋɔ nɩ a nɩbɛ za zie.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

Títɩ̀ 1:1

Mãa Pol, na ɩ Naaŋmɩn tõ-tõ-bie nɩ Yeezu Kɩrɩta nɩ-tona a, bɛ ƴãw na k'ɩ̃ɩ ɩ a Naaŋmɩn nɩ-kaa-íri tɛr naaŋmɩn-sàw-deb ɛ́ bãw a yel-mɩŋa na tu a Naaŋmɩn ƴãwfʋ a,

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.

2 Pɩɛr 1:10

Alɛ n'a so, yɛbr i, nyɩ lɛb bãw ƴãw fãw ɩ a bʋɔlʋ a Naaŋmɩn na bʋɔlɩ nyɩ, ɛ́ kaa ír nyɩ a, ʋ kpɛmɛ dɔwlɩ, lɛ n'a nyɩ bɛ be za nãà faa lo ɩ.

1 Zã 4:19

Tɩɩm a, tɩ nɔnɛ na, a Naaŋmɩn na n'ʋ de niwn nɔ̃w tɩ a ƴãw.

2 Zã 1:13

A fʋ yɛb a Naaŋmɩn mɩ̀ na kaa ír a bibiir puore fʋ na.

Yel-wula 17:14

Bɛ na zɛb'ɩ nɩ a Pele, ɛcɛ a Pele na zɛb'a tʋ̃ɔ́ bɛ, ʋ na ɩ a sorbɛ za Sore nɩ a na-mɩnɛ za Nãà a ƴãw. Ʋ na zɛb'a tʋ̃ɔ́ bɛ, ʋlɛ nɩ a bɛlɩ dem bɛ na bʋɔlɩ a, a bɛlɩ dem bɛ na kaa ír a, nɩ a bɛlɩ dem na bɛ lɛb pùor a.»