Kɔlɔsɩ 3:11 - A SƐB-SÕW

¹¹ A lɛ pʋɔ a, Zifʋ nɩ nɩr na bɛ ɩ Zifʋ a bɛ cãà be ɩ, nɩr na ŋmãa yʋ̀ɔr nɩ nɩr na bɛ ŋmãa a bɛ cãà be ɩ, nʋʋra nɩ nasa-zɔ̃w daar nɩr bɛ ka be ɩ, gbãgbaa nɩ nɩr na so ʋ tʋɔra a bɛ cãà be ɩ. Kɩrɩta yõ n'ʋ be be ɩ bom za a bɛ za pʋɔ.

Kɔlɔsɩ 3:11 ပူးပေါင်းရင်းမြစ်များ

Sɛb-sõw yielu 117:2

Bʋ̃ʋ n'ʋ vɛ̃, a ʋ nɔ̃wfʋ a tɩ ƴãw ɩ n kpɛ̃ɛ yaga, ɛ́ a ʋ yel-mɩŋa be be kʋralɛ! Aleluya!

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Ɩzayi 52:10

A nɩ-bʋʋr-yoru za niŋé a, a Sore wul'ɩ a ʋ sonu kpɛnʋ, ɛ́ a nɩbɛ na nyɛ̃ nɩ a tɩ Naaŋmɩn faafʋ tɩ tɔ a tẽw baarʋ ziir za.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Ezekɩɛl 47:22

Nyɩ na ŋmɛ n gbãw põ ʋ nyɩɩm nɩ a nɩ-bʋʋr-yoru na kpɩɛr a nyɩ sɔgɔ ɛ́ dɔw bibiir a tẽw pʋɔ a. A fɛr'a kɛ́ nyɩ ɩrɛ a bɛ zie mɛ̃ Ɩsɩrayɛl nɩbɛ nɛbɛ a. Bɛ sɛw na kɛ́ bɛ páw a bɛ zie a Ɩsɩrayɛl dɔwlʋ pʋɔ.

A naaŋmɩn-ƴèr-manɛ Oze sɛbɛ 2:23

A ʋlɩ bibir nɛ a, a Sore n'ʋ yere, ɩ̃ na maal'ɩ a salom pʋ-tɩɛrʋ, ɛ́ a salom maalɩ a tẽsɔw pʋ-tɩɛrʋ.

Amɔsɩ 9:12

Lɛ n'a a Ɩsɩrayɛl nɩbɛ na so a Edɔm tẽw na cɛ a, nɩ a nɩ-bʋʋr-yoru ten al za ɩ̃ na so a. A Sore n'ʋ yere à à ŋá, ʋl na na tu à à ŋá ʋ na yel a.»

Mise 4:2

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Zã 14:23

A Yeezu tɩ sɔw ʋ na: «Nɩr wa nɔnɛ mɛ̃ a, ʋ na tɛr'ɩ a ɩ̃ ƴɛ̀rʋ vla, a ɩ̃ Sãà na nɔnɛ ʋ na, ɛ́ tɩ na wa na wa kpɩɛr a ʋ sob zie.

Zã 15:5

Mãa n'ɩ a divɛ̃ tɩɛ ɛ́ nyɩmɛ n'ɩ a wuli. Ʋlɩ sob na lãw nɩ mɛ̃, ɩ̃ɩ lãw nɩ ʋ a, ʋ mɩ́ wɔ̃ n wɔmɛ yaga, mãa ƴãw sɩrɩ bɛ wa n'a a, nyɩ kʋ̃ tʋ̃ɔ́ ɩ bom za ɩ.

Zã 17:23

ɩ̃ lãw nɩ bɛ, ɛ́ fʋ lãw nɩ mɛ̃, kɛ́ a bɛ lãw-taa vɩɛl ʋ za: lɛ n'a a tẽ-daa na bãw kɛ́ fʋ tõ m'a, ɩ̃ɩ nɔ̃w bɛ mɛ̃ fʋ na nɔ̃w mɛ̃ a.

Nɩ-toni 15:17

Lɛ n'a a nɩsaalbɛ bɛl na cɛ a na bɔbr a Sore, a nɩ-bʋʋrɛ bɛl za ɩ̃ na bʋɔlɩ kɛ́ bɛ wa ɩ a ɩ̃ nɩ-sori a. À ŋá n'a a Sore yere,

Nɩ-toni 28:2

A tẽ-biir tɩ tɛr tɩ nɩ vla. Saa na tɩ waar ɛ́ ƴawr ɩrɛ a, bɛ gbɔw nɩ vũu-kpɛ̃ɛ ɛ́ ƴãw tɩ za taw ta.

Nɩ-toni 28:4

A tẽ-biir na wa nyɛ̃ a waab ŋa ʋ mɛr a Pol nũu ƴãw a, bɛ yere na kʋ̀rɛ taa: «Nɩ-kʋrɛ n'ɩ a nɩr ŋa, a kʋ̃ɔ-kpɛ̃ɛ bɛr ʋ na ʋ cɩ̃ɛ, ɛcɛ a Naaŋmɩn na tuur yel-mɩnʋ a, bɛ sàw ʋ na vʋʋrɛ ɩ.»

Ʋrɔm 1:14

Ɩ̃ dɩ n a sɛb-bãwnbɛ nɩ a sɛb-bɛ-bãwnbɛ san, a yã-bãwnbɛ nɩ a dãbole san.

Ʋrɔm 10:12

A na ɩ à ŋá a, owru bɛ ka a Naaŋmɩn zie a Zifʋ mɩnɛ nɩ a bɛl na bɛ ɩ Zifʋ mɩnɛ a ƴãw ɛ: bɛ za lãw nɩ a Sore been, na mɩ́ kʋ̀ a ʋ na-bome a bɛlɩ dem za na bʋɔlɛ ʋ a.

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

Ʋrɔm 3:29

Bɩɩ a Naaŋmɩn taa ɩrɛ wa ɩ Zifʋ mɩnɛ tɛwr Naaŋmɩn ʋ? A nɩ-bʋʋr-yoru Naaŋmɩn mɩ̀ bɛ tʋ̃ɔ́ n'ʋ ɛ? Bʋnʋ ɩ! A nɩ-bʋʋr-yoru Naaŋmɩn mɩ̀ n'ʋ,

1 Korɛ̃tɩ 12:13

Bʋ̃ʋ n'ʋ vɛ̃, Vʋʋrʋ been pʋɔ n'a tɩ za de a suob kɛ́ tɩ tʋ̃ɔ́ ɩ ƴã-gã-been, tɩmɛ saa ɩ Zifʋ bɩɩ bɛ ɩ a Zifʋ a, gbãgbaar bɩɩ nɩbɛ na so bɛ tʋɔra a. Ɛ́ a tɩ za a, a Vʋʋrʋ Sõw been yõ n'ʋ ɓãá a tɩ kʋ̃ɔ-nyúur.

1 Korɛ̃tɩ 14:11

Ɛcɛ mãa bɛ wa wone ƴɛ̀rʋ kãw a, ɩ̃ na ɩ n nɩ-bʋla a sob nɛ na ƴɛ̀rɛ a zie, ɛ́ a sob nɛ na ƴɛ̀rɛ a, ɩ nɩ-bʋla a ɩ̃ zie.

1 Korɛ̃tɩ 7:19

A yʋɔr-ŋmãafʋ bɛ ɩ bom ɛ, a yʋ̀ɔr-bɛ-ŋmãafʋ mɩ̀ bɛ ɩ bom ɛ. Naaŋmɩn nɛ-ƴãwnɩ sàwfʋ n'a ɩ bom.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Efɛɛzɩ 1:23

A Lãw-yir'ɩ a Kɩrɩta ƴã-gan ʋ na paalɩ ʋ za a, ɛ́ a Naaŋmɩn mɩ̀ paalɩ a Kɩrɩta ʋ za.

Efɛɛzɩ 2:14

A Kɩrɩta mɩŋa n'ʋ ɩ a tɩ ƴã-ɓaarʋ. A Ɩsɩrayɛl nɩ a nɩ-bʋʋr-yoru na tɩ ɩ bʋʋrɛ ayi a, ʋ ɓã bɛ nɩ taa bɛ ɩ bʋʋr-been. A ʋ ƴã-gan pʋɔ, ʋ dáa nɩ a dɔ̀nʋ dacin ʋl na tɩ bʋ́r bɛ a lɔb.

Efɛɛzɩ 2:15

Ʋ sãw nɩ a Moyiir wulu nɩ a ʋ nɛ-ƴãwnɩ lãwnɩ a tub bɛr. À ŋá n'a ʋ ɩ, bɔbr k'ʋʋ ɓã a bʋʋrɛ bɛ ŋa ayi taa, ɛ́ ɩ bɛ lɩɛbɩ nɩ-paala been lãwnɩ ʋ.

Efɛɛzɩ 3:17

Ʋ sàw a Kɩrɩta kpɩɛr a nyɩ socie pʋɔ. A nyɩ naaŋmɩn-sàwfʋ zũú, nyɩ tɛ nyɩgɛ ɛ́ kpɛmɛ a nɔ̃wfʋ pʋɔ.

Efɛɛzɩ 3:6

A Naaŋmɩn yel-sɔwla ʋl n'ɩ ŋa: a Yel-nʋ̃ɔ̀ zũú, a Yeezu Kɩrɩta pʋɔ, ʋ ɩ na a nɩ-bʋʋr-yoru mɩ̀ pʋɔ a gbã-dɩ-bʋ̃-been nɛ pʋɔ, bɛ pʋɔ a ƴã-gã-been nɛ pʋɔ, nɩ a nɔ-been nɛ ʋ na ƴãw a pʋɔ.

Efɛɛzɩ 6:8

Nyɩ bãwnɩ a na, bʋ̃-vla nɛ ŋa za na maalɩ a, ʋ ɩ n gbãgbaa bɩɩ nɩr na so ʋ tʋɔra a, ʋ na lɛb'a páw ʋ a Sore zie.

Kɔlɔsɩ 2:10

ɛ́ a ʋ pʋɔ n'a nyɩ páw bom za, ʋl na ɩ naalʋ-dɩb za nɩ fãw bʋʋrɛ za yib zie a.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

2 Zã 1:9

Nɩsaal za na bɛ tɛr a Kɩrɩta wulu, ɛ́ mɩ́ wul col'ɩ a, ʋ bɛ lãw nɩ a Naaŋmɩn ɛ. Sob nɛ na mɩ́ tɛr a wulu ŋa a, ʋ lãwnɩ nɩ a Sãà nɩ a Bie.