Kɔlɔsɩ 2:23 - A SƐB-SÕW

²³ Sɩza n'a, a mɩ́ sãá na mɛ̃ yã-bãwfʋ be n a nɛ́ɛ á ŋá pʋɔ a, bʋ̃ʋ n'ʋ vɛ̃, a mɩ́ ƴɛ̀rɛ nɩ ŋa za nɩ ʋ puoru ƴɛ̀rʋ, tʋɔra-siwru ƴɛ̀rʋ, ƴã-gan dɔwrʋ ƴɛ̀rʋ, ɛcɛ a bɛ tɛr tɔnɛ kãw za ɩ, nɩsaal ƴã-gan yã-nɔn tɛwr'a a maalɛ.

Kɔlɔsɩ 2:23 ပူးပေါင်းရင်းမြစ်များ

Ʋrɔm 13:14

Nyɩ su a Sore Yeezu Kɩrɩta, ɛ́ ta sàw a ƴã-gan nʋ̃ɔ̀-faar vʋla a so nyɩ ɛ.

Efɛɛzɩ 5:29

Nɩr za bɛ dãw hɩ̃ɛn a ʋ mɩŋa ƴã-gan ɛ, ʋ nɩ̃ɛ na mɩ́ vɛ̃ kɛ́ guole ʋ, ɛ́ kaarɛ a ʋ zie vla, mɛ̃ a lɛ a Kɩrɩta na ɩrɛ a ʋ Lãw-yir ƴãw a,

Kɔlɔsɩ 2:18

Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

Kɔlɔsɩ 2:22

Ɛ́ à á ŋá za càar'ɩ bome na kʋ̃ cãà be, bɛlɛ wa tone nɩ a a. Nɩsaalbɛ nɛ-ƴãwnɩ nɩ a bɛ wulu sɩrɩ n'ɩ à á ŋá.

Kɔlɔsɩ 2:8

Nyɩ gù vla nɩr za taa bɛlɛ nyɩ nyɔwr nɩ a nɩsaalbɛ yã-bãwfʋ nɩ a bɛ bãw-voru na mɩ́ tu sãàkʋm-kore yele nɩ a tẽ-daa bʋ̃-balɛ, ɛ́ bɛ tu a Kɩrɩta a ɩ.

1 Timote 4:3

A nɩbɛ bɛ ŋa na diwr'ɩ a kul-taa bɛrɛ, ɛ́ yel kɛ́ a bʋ̃-dɩrɩ a mɩnɛ ciir'a. Ɛcɛ Naaŋmɩn ír a na, kɛ́ a bɛlɩ dem na sàw de ʋ a, bɛl na bãw a yel-mɩŋa a, bɛ mɩ́ dɩrɛ a puore nɩ ʋ barka.

1 Timote 4:8

A ƴã-gan bɛ na mɩ́ damnɛ k'ʋʋ kpɛmɛ a, a mɩ́ tɛr'ɩ yel-ɩra yel-pʋrɩ ƴãw. Ɛcɛ a Naaŋmɩn fʋ na zɔrɛ a tɛr yel-ɩra a yele za ƴãw. A nyɔ-vʋʋrʋ a Naaŋmɩn na ƴãw a nʋɔr k'ʋʋ na tɩr a a, a ƴɛrɛŋa nyɔ-vʋʋrʋ nɩ a nɩdaar nyɔ-vʋʋrʋ, Naaŋmɩn fʋ na ƴãwnɛ a pʋɔ n'a a be.