Kɔlɔsɩ 2:18 - A SƐB-SÕW

¹⁸ Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

Kɔlɔsɩ 2:18 ပူးပေါင်းရင်းမြစ်များ

Yele-za-pɛr-tib 3:13

Lɛ n'a a Sore Naaŋmɩn tɩ yel a pɔw: «Bʋ̃ʋ n'ɩ à à ŋá fʋ na ɩ a?» A pɔw sɔw: «A waab'ʋ bɛ̀lɩ mɛ̃ ƴãw ɩ̃ dɩ a tɩ-wɔm.»

A Zɔb sɛbɛ 38:2

Ãa n'ɩ a ʋlɛ nɛ ɩ̃ na cɔbrɩ a yele bin a ɩ cãà ʋʋ sãwnɛ bɛrɛ nɩ a ʋ dãbol-ƴɛ̀rʋ a?

Ɩzayi 57:9

Fʋ mɩ́ cen nɩ a na-kpɛ̃ɛ zie, tɛr kãá nɩ parfɛ̃, fʋ mɩ́ tõ n nɩbɛ zie na zãá nɩ a ka yaga za a. Fʋ mɩ́ siw na tɩ ta a kpɩmɛ tẽw.

Ezekɩɛl 13:3

À ŋá n'a a mãa, a Sore Naaŋmɩn, ƴɛ̀rɛ: Baw-bio dem'ɩ a naaŋmɩn-ƴɛ̀r-man-gẽgemi dem bɛl na bɛ mɩ́ nyɛ̃ bom za ɛ́ tuur a bɛ tɩɛrʋ a.

Sɔr-nɛ́ɛ 25:18

Bʋ̃ʋ n'ʋ vɛ̃, a Pewɔɔr yel pʋɔ nɩ a Kozibi yel pʋɔ a, bɛ maal'ɩ yã ŋmãa nɩ nyɩ zɛbr. A Kozibi tɩ ɩ n a bɛ yeepuule, a Madian nɩ-kpɛ̃ɛ kãw pɔwyaa, bɛ na tɩ kʋ a ʋlɩ bibir nɛ a bʋ̃-faa na tɩ ta a Pewɔɔr a.»

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Ʋrɔm 1:25

Bɛ de nɩ a yel-mɩŋa na càarɩ a Naaŋmɩn a, tɛw nɩ a ziri. Bɛ ƴãw na ɛ́ maalɩ a bʋ̃-íra, ɛ́ bɛr a Íre, ʋl na sɛwnɩ puoru yome yome za a! Amɛn.

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

1 Korɛ̃tɩ 13:4

A nɔ̃wfʋ tɛr'ɩ su-nyɔwra, ʋ sõwne nɩ nɩbɛ, ɛ́ bɛ kpɛ nyuur ɛ, ʋ bɛ wule ʋ tʋɔra ɩ, ʋ bɛ ɩrɛ pɔ̀lʋ ɛ,

1 Korɛ̃tɩ 3:3

nyɩ na cãà ɩ nɩsaalbɛ tɛwr a ƴãw. Nyuur nɩ taw-taa na be a nyɩ cará a ƴãw, nɩsaalʋ nɩbɛ bɛ n'ɩ nyɩ ɛ? Ɛ́ nɩsaalʋ ɩb tɛwr bɛ n'a nyɩ ɩrɛ ɩ?

1 Korɛ̃tɩ 4:18

Bɛ mɩnɛ na tɩ tɩɛr k'ɩ̃ɩ kʋ̃ lɛb wa wa nyɛ̃ nyɩ a tɩ ɩ n pɔ̀l-ɩb bɛ dɩ vuo ɩ.

1 Korɛ̃tɩ 4:6

Yɛbr i, a nyɩ wulu ƴãw n'a ɩ̃ dãw de a yele man cɔwr'ɩ mãa nɩ a Apɔlɔsɩ. Ɩ̃ bɔbr'a k'ɩ̃ɩ man cɔwr'ɩ tɩ à ŋá nyɩ tʋ̃ɔ́ bãw a zʋkpar ŋa pɛr: «A sɛw na kɛ́ bɛ ta mɩ́ gãw a lɛ na sɛb a bɛr ɛ.» A bɛ tɛr sɔ́r k'aa nyɩ kãw zɛwr ʋ tʋɔra, mɩ́ kpɛ a tɩ kãw ɛ́ bɛr a ƴen sob ɛ.

1 Korɛ̃tɩ 8:1

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a, «tɩ za tɛr'ɩ a yele bãwfʋ», mɛ̃ a lɛ nyɩ na mɩ́ yel a. Ɛcɛ a yele bãwfʋ mɩ́ ɩ n a nɩsaal zɛwr ʋ tʋɔra, ɛ́ nɔ̃wfʋ mɩ́ ɩ a Lãw-yir ʋ kɛrɛ dɔwlɛ.

1 Korɛ̃tɩ 9:24

Nyɩ bɛ bãw k'aa bɛlɩ dem na mɩ́ dãwnɛ taa a dɩ̃ɛnʋ zie a, bɛ za nɛbɛ mɩ́ zɔrɛ, ɛcɛ been yõ n'ʋ mɩ́ wa páw a zɔ-tʋ̃ɔ́fʋ bom ɛ? A na ɩ à ŋá a, nyɩ zɔrɛ zɔba na na ɩ nyɩ páw a zɔ-tʋ̃ɔ́fʋ sã-ya a.

2 Korɛ̃tɩ 11:3

Ɛcɛ, mɛ̃ a lɛ a waab na tɩ bɛlɩ a Awa a, dɛ̃bɩ̃ɛ ɩrɛ mɛ̃ na, a nyɩ tɩɛrʋ nãà wa lɩɛbɛ tɩɛr-faar ɛ́ tawr nyɩ zãánɛ nɩ a Kɩrɩta pùor-tub, ʋl na bɛ bãw a mɩnɛ kãw a.

2 Korɛ̃tɩ 12:20

Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ nyɩ, nyɩ bɛ ŋmɛ̃ a lɛ ɩ̃ na bɔbr a ɩ, ɛ́ nyɩ mɩ̀ nyɛ̃ m ɩ̃ bɛ ŋmɛ̃ a lɛ nyɩ na bɔbr a ɩ. Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ taw-taa nɩ nyuur, suur nɩ cier-taa, tʋ-taa nɩ zu-yel-taa, nyʋʋr nɩ damnʋ a.

Efɛɛzɩ 4:17

A na ɩ à ŋá a, bom ŋa n'ʋ ɩ̃ yere kʋ̀rɛ nyɩ lãwnɩ kpaalʋ a Sore yúor ƴãw: nyɩ ta cãà ɩrɛ mɛ̃ a nɩ-bʋʋr-yoru na tuur a bɛ tɩɛr-zawlɛ a ɩ.

Efɛɛzɩ 5:6

Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw.

Filib 3:14

Ɩ̃ zɔrɛ na wɩɛr a tab zie, k'ɩ̃ɩ tɩ tʋ̃ɔ́ páw a sã-ya ʋl a Naaŋmɩn na bʋɔlɛ tɩ kɛ́ tɩ wa páw a Kɩrɩta ƴãw a saa-zu a.

Kɔlɔsɩ 2:23

Sɩza n'a, a mɩ́ sãá na mɛ̃ yã-bãwfʋ be n a nɛ́ɛ á ŋá pʋɔ a, bʋ̃ʋ n'ʋ vɛ̃, a mɩ́ ƴɛ̀rɛ nɩ ŋa za nɩ ʋ puoru ƴɛ̀rʋ, tʋɔra-siwru ƴɛ̀rʋ, ƴã-gan dɔwrʋ ƴɛ̀rʋ, ɛcɛ a bɛ tɛr tɔnɛ kãw za ɩ, nɩsaal ƴã-gan yã-nɔn tɛwr'a a maalɛ.

Kɔlɔsɩ 2:4

Ɩ̃ yere nɩ à ŋá kɛ́ nɩr za ta tʋ̃ɔ́ bɛlɩ nyɩ nɩ nɔ-kãá ƴɛ̀rʋ ɛ.

Kɔlɔsɩ 2:8

Nyɩ gù vla nɩr za taa bɛlɛ nyɩ nyɔwr nɩ a nɩsaalbɛ yã-bãwfʋ nɩ a bɛ bãw-voru na mɩ́ tu sãàkʋm-kore yele nɩ a tẽ-daa bʋ̃-balɛ, ɛ́ bɛ tu a Kɩrɩta a ɩ.

1 Timote 1:7

Bɛ mɩ́ yel'a kɛ́ a Naaŋmɩn wulu bãw-bãw-karɩ nɛbɛ, zɩ̃ kɛ́ bɛ bɛ bãw bom nɛ bɛ na yere a ɩ, nɩ bom nɛ ƴɛ̀rʋ bɛ na ƴɛ̀rɛ mɩrɛ nɩ zu a ɩ.

1 Timote 4:1

A Vʋʋrʋ yel'ɩ à ŋá cãàmɩlɛ: a yele za baarʋ vuo pʋɔ a, bɛ mɩnɛ na zawr'ɩ a naaŋmɩn-sàw-deb bɛr, ɛ́ tuur bɛlbɛlbɛ dier'ɩ wulu na yi kɔ̃tɔmɛ zie a.

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.

1 Zã 2:26

À á ŋá n'a ɩ̃ yel k'ɩ̃ɩ sɛb kʋ̀ nyɩ càar'ɩ a bɛlɩ dem na mɩ́ bɔbr kɛ́ bɛ tuli nyɩ a.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 13:14

Ʋ tɩ bɛ̀lɛ nɩ a nɩbɛ na kpɩɛr a tẽw zu a, nɩ a nɔ-ɓãa-yele bɛ na tɩ kʋ̀ ʋ a fãw ʋ maalɛ nɩ a dʋ̃-dãw-niwn sob niŋé a. Ʋ tɩ ƴãw na bɛ mɩ́ maalɩ a dʋ̃w ʋl na tɩ tɛr a sʋɔ natɩr ɛ́ lɛb vʋʋrɛ a dasule a ʋ ƴãwfʋ ƴãw.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 3:11

Ɩ̃ kʋ̃ yaa kɛ́ wa ɩ. A ʋlɩ bom nɛ fʋ na tɛr a, fɩɩr'ʋ tɛr kpɛ̃w za nɩr za taa faarɛ a fʋ zɛb-tʋ̃ɔ́fʋ kpawʋɔ ɩ.