Kɔlɔsɩ 2:16 - A SƐB-SÕW

¹⁶ A na ɩ à ŋá a, nyɩ ta sàw nɩr za tɛrɛ nɩ nyɩ ƴɛ̀rʋ bʋ̃-dɩra bɩɩ bʋ̃-nyúura kãw ƴãw ɛ, cuw kãw ƴãw, cuw-paala ƴãw bɩɩ pɩ̃ɛnʋ-bibir ƴãw ɛ.

Kɔlɔsɩ 2:16 ပူးပေါင်းရင်းမြစ်များ

2 Na-mɩnɛ 4:23

A sɩr tɩ sowr'ʋ na: «Bʋnʋ ƴãw n'a fʋ cere a ʋ zie a dɩ̃a? Cuw-paala cuw bibir bɛ n'ʋ ɛ, mɩ̀ bɛ lɛb ɩ pɩ̃ɛnʋ-bibir ɛ.» A pɔw sɔw: «Ta zɔrɛ dɛ̃bɩ̃ɛ ɩ!»

1 Bibie za yel-manɩ 23:31

A fɛr'a kɛ́ bɛ mɩ̀ mɩ́ be be a lɛn daar a nɩbɛ na mɩ́ maalɛ a nyɩw-a-za-bagɛ, a pɩ̃ɛnʋ-bibir, a cuw-paala cuw bibir, bɩɩ a cuwr bibie al na cɛ a. Bɛ na tone nɩ a bɛ ton ŋa kʋralɛ a Sore niŋé a gb'aa lɛ nʋɔr na ƴãw a.

2 Bibie za yel-manɩ 31:3

A nãà mɩ́ tɩ de nɩ a ʋ mɩŋa bʋ̃-tɛrɩ tɩr a biɓaarɛ nɩ a zaanʋɔrɛ nyɩw-a-za-bagɛ ƴãw, a pɩ̃ɛnʋ-bibir dem ƴãw, a cuw-paalɛ nɩ a cuwr al na cɛ a dem ƴãw, mɛ̃ a lɛ na sɛb a Sore Wulu pʋɔ a.

Neemi 10:31

Tɩ bɛ kʋ̀rɛ a tɩ pɔwyaar a nɩbɛ na tɩ kpɩɛr a tẽw pʋɔ a diw-cenu daar a bɛ kule ɩ. Tɩ mɩ̀ bɛ dier a bɛ pɔwyaar kʋ̀rɛ a tɩ bidɛbr bɛ kule ɩ.

Neemi 10:33

Tɩ ŋmãa nɩ tub ŋa kʋ̀ tɩ tʋɔra, kɛ́ yũon za a, ŋa za mɩ́ tɩr gɩram anaar salm-pla libir a tɩ Ŋmɩn-yir-kpɛ̃ɛ kaafʋ ƴãw:

Neemi 8:9

A lãw nɩbɛ za na tɩ wõ a Naaŋmɩn wulu ƴɛ̀rʋ a, bɛ tɩ kone na. Alɛ n'a so a na-kpɛ̃ɛ-lɩɛrɛ Neemi, a bàwr-maalɛ Ɛsɩdɩrasɩ na ɩ a Naaŋmɩn wulu bãw-bãw-kara a, nɩ a levitɩ mɩnɛ na tɩ íre a kanʋ pɛr a, tɩ yel bɛ za à ŋá: «A Sore nyɩ Naaŋmɩn so a bibir ŋa! Pʋ-sãwna nɩ kon bibir bɛ n'ʋ ɛ.»

Sɛb-sõw yielu 42:4

A ɩ̃ mʋta-kʋ̃ɔ n'ɩ a ɩ̃ dɩb, mʋ̃tɔ̃w nɩ tɩ̃ɩsɔw, mãa zie bɛ na mɩ́ yere kʋralɛ: «A fʋ Naaŋmɩn wa?»

Sɛb-sõw yielu 81:3

Nyɩ ŋmɛ a bʋ̃-ŋmɩɛrɩ ƴãw, nyɩ dibri a kʋɔr, nyɩ ŋmɛ a korijom bàalʋbàalʋ, lãwnɩ a pɛ̀nɛ́.

Ɩzayi 1:13

Nyɩ ta cãà waar'ɩ de-kʋ̀b bome wa kʋ̀rɛ mɛ̃ zawlalɛ ɩ! A zʋ̀ʋ́r a, ɩ̃ bɛ nɔnɛ a towtow ɛ. Nyɩ ta cãà maalɛ a nyɩ cuw-paalɛ cuwr, a nyɩ pɩ̃ɛnʋ-bibie nɩ a nyɩ cuw-bɛrɛ ɩ, ɩ̃ bɛ sàwr puoru na lãwnɩ ɩ-faar a ɩ.

Ezekɩɛl 4:14

Ɩ̃ tɩ sɔw na: «'Woi, Sore Naaŋmɩn i! Ɩ̃ bɛ dãw ɩ dɛwr sob ɛ! A ɩ̃ bibile daarɩ́ za wa tɩ tɔ dɩ̃a, ɩ̃ bɛ dãw 'wɔb dʋ̃-kũu bɩɩ dʋ̃w wɛ-dʋ̃w na kʋ a ɩ. Nɛn-dɛwr kãw za bɛ dãw kpɛ a ɩ̃ nʋɔrɩ́ ɛ.»

Ezekɩɛl 45:17

Bʋ̃ʋ n'ʋ vɛ̃, a nãà n'ʋ a na fɛr ʋ mɩ́ tɩr a bom nɛ na sɛw a a nyɩw-a-za-bagɛ nɩ a zɔ̃ de-tɩrʋ nɩ a divɛ̃ de-tɩrʋ ƴãw a cuwr daar: baa zuo a za a cuw-paala cuw, a pɩ̃ɛnʋ-bibie nɩ a Ɩsɩrayɛl nɩ-bʋʋrɛ tub za. A nãà na mɩ́ so a sãwna bagɛ maalʋ, a de-kʋ̀b bome tɩrʋ, a nyɩw-a-za-bagɛ nɩ a ƴã-ɓaarʋ bagɛ maalʋ. Lɛ n'a ʋ na mɩ́ páw a Ɩsɩrayɛl nɩ-bʋʋrɛ yel-bebe suur-dɩ-kʋ̀b.»

Levitɩ mɩnɛ 16:31

Ʋ na ɩ n pɩ̃ɛnʋ-bibir a nyɩ zie, bibir nyɩ na bɛ tone towtow ɛ́ tɛr mʋta-tuo a. Nʋɔr na ƴãw gã kʋralɛ a n'ʋ.»

Amɔsɩ 8:5

Nyɩ mɩ́ yel'a: «Debor'a a cuw paala cuw na tɔl mɔ̃, tɩ tʋ̃ɔ́ kʋɔrɩ a tɩ bʋ̃-bie? Ɛ́ debor'a a pɩ̃ɛnʋ-bibir na dɩ yi tɩ tʋ̃ɔ́ yuo a tɩ bowe? Tɩ na siwr'ɩ a bʋ̃-mána ɛ́ dúori a daarʋ libie nʋɔr, tɩ na de nɩ bʋ̃-keri na bɛ tori a.

Sɔr-nɛ́ɛ 10:10

A nʋ̃ɔ̀, a cuw-bɛrɛ nɩ a cuw-paala bibie pʋɔ a, nyɩ na pɛbl'ɩ a wɩɩr ƴãw a nyɩ nyɩw-a-za-bagɛ nɩ a nyɩ lãw-taa bagɛ ƴãw. A na mɩ́ ɩ n à ŋá, ɩ̃ lɛb bãwnɩ nyɩ. Mãa n'ɩ a Sore nyɩ Naaŋmɩn.»

Matie 15:11

Bom nɛ na kpɩɛr a nʋɔrɩ́ a, ʋlɛ bɛ n'ʋ dɛwr a nɩsaal ɛ. Bom nɛ na yire a nʋɔrɩ́ a, ʋlɛ n'ʋ dɛwr a nɩsaal.»

Markɩ 7:19

A al bɛ kpɩɛr a ʋ socir pʋɔ ɩ, púorí n'a a siwr tɩ cãà tɔlɛ yire a sɩmanɩ́!» À ŋá n'a ʋ tɩ yel kɛ́ ciiru bɛ ka bʋ̃-dɩra kãw za ƴãw ɛ.

Nɩ-toni 15:20

Ɛcɛ tɩ sɛb yel kʋ̀ bɛ kɛ́ bɛ ciir a bàwr nɛnɛ, nɩ a pɩ̃ɔ-yele, bɛ taa 'wɔbr dʋ̃w bɛ na bɛ ŋmãa a kɔkɔr a nɛn ɛ, bɛ taa 'wɔbr a zɩ̃ɩ ɛ.

Ʋrɔm 14:10

Ɛcɛ fʋ̃ʋ a, bʋnʋ ƴãw n'a fʋ bãwnɛ a fʋ yɛb yele? Ɛ́ fʋ̃ʋ, bʋnʋ ƴãw n'a fʋ jewre a fʋ yɛb? Tɩ za na cen nɩ a Naaŋmɩn ƴɛ̀rʋ-dɩb zie.

Galasi 4:10

Nyɩ bɛ ƴãwnɛ dere a bibie a mɩnɛ, a cuwr a mɩnɛ, a voru a mɩnɛ, nɩ a yome a mɩnɛ ƴãw ɛ.

Kɔlɔsɩ 2:20

A na ɩ lɛ nyɩ lãw nɩ a Kɩrɩta kpi yi zaa a tẽ-daa bʋ̃-balɛ pʋɔ a, bʋ̃ʋ ƴãw n'a nyɩ fɛrɛ nyɩ tʋɔra tuur a nɛ́ɛ á ŋá taabɛ, mɛ̃ a tẽ-daa n'ʋ cãà so a nyɩ nyɔ-vʋʋrʋ a:

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

Ebre 9:10

Nɩsaalbɛ tub tɛwr'a, na càarɩ bʋ̃-dɩrɩ, bʋ̃-nyúuri nɩ dɛwr-so-bɛrʋ bʋʋrɛ a, alɛ n'a be be na tɩ ta a lɛn a Naaŋmɩn na na lɛb maalɩ a yele za ƴãw a.

Zakɩ 4:11

Yɛbr i, nyɩ ta mɩ́ manɛ taa yel-faar ɛ. Ʋlɩ sob na manɛ a ʋ yɛb yel-faar, ɛ́ bãwnɛ a ʋ sãwna a, ʋ sãwnɛ nɩ a Naaŋmɩn wulu yúor, ɛ́ bãwnɛ a Naaŋmɩn wulu yele. Ɛcɛ fʋ̃ʋ wa dɩrɛ nɩ a Naaŋmɩn nʋɔr ƴɛ̀rʋ a, fʋ bɛ ɩ a Naaŋmɩn nʋɔr nɔ-sàwrɛ ɩ, fʋ ɩ n a ʋ ƴɛ̀r-dɩrɛ.

1 Samɩɛl 20:18

A Zonatã tɩ yel ʋ na: «Bio n'ɩ a cuw-paala cuw dɩb. A fʋ zɩma zie na gã nɩ zawla, bɛ nyɛ̃ fʋ na bɛ ka be a.

1 Samɩɛl 20:5

A Daviir tɩ sɔw ʋ na: «Nyɛ̃, bio n'a a cuw-paala cuw dɩrɛ, a na fɛr k'ɩ̃ɩ zɩ̃ kɔw a nãà dɩ. Ɛcɛ kʋ̀ m sɔ́r, ɩ̃ na cen na tɩ sɔwlɩ a wɩ̀ɛ pʋɔ tɩ ta a zaanʋɔra.