Kɔlɔsɩ 2:11 - A SƐB-SÕW

¹¹ Nyɩ na lãw nɩ ʋ a, bɛ ŋmãa nyɩ nɩ a yʋ̀ɔr ŋmãafʋ kãw bʋʋrɛ nɩsaal nũu na bɛ pʋɔ a, ɛ́ a ŋmãafʋ ŋa ɩ nyɩ bɛ cãà ɩ yel-bier nɩbɛ a. À ŋá n'a a ŋmãafʋ na yi a Kɩrɩta zie a ŋmɛ̃.

Kɔlɔsɩ 2:11 ပူးပေါင်းရင်းမြစ်များ

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Markɩ 14:58

«Tɩ tɩ wõ na ʋ yel: “Ɩ̃ na ŋmɛ n a nɩsaal nuru Ŋmɩn-yir-kpɛ̃ɛ ŋa ŋmɛr, ɛ́ bibie ata pùorí, ɩ̃ na lɛb'a ŋmãa kãw na kʋ̃ ɩ a nɩsaal nuru dem a.”»

Luka 2:21

A bibie ani sob na wa vɩɛ a, ɩ a bie yʋɔr-ŋmãafʋ bibir a, bɛ por'ɩ a ʋ yúor kɛ́ Yeezu. A yúor ŋa n'ʋ a malkɩ tɩ tɩr, ɛ́ a mã bɛ tɛr a ʋ pʋɔ sɛr ɛ.

Nɩ-toni 17:24

A Naaŋmɩn ʋl na ír a tẽ-daa nɩ a ʋ pʋɔ bome za a, a ʋl na ɩ a salom nɩ a tẽw Sore a, ʋ bɛ kpɩɛr nɩsaal nuru yir-mɩɛrɩ pʋɔ ɩ,

Nɩ-toni 7:48

Ɛcɛ a Naaŋmɩn-na-do-saa-bɛ-pɩɛl-a bɛ kpɩɛr nɩsaalbɛ nuru yir-mɩɛrɩ pʋɔ ɩ, mɛ̃ a lɛ a naaŋmɩn-ƴɛ̀r-manɛ na yel a:

Ʋrɔm 2:29

Ɛcɛ a Zifʋ tɔr za n'ɩ a sob nɛ na ɩ ʋ nɩ ʋ pʋɔ a, ɛ́ a yʋ̀ɔr ŋmãafʋ ɩ socir pʋɔ ŋmãafʋ a, yʋ̀ɔr ŋmãafʋ na yi Naaŋmɩn Vʋʋrʋ zie ɛ́ bɛ yi Wulu na sɛb a pʋɔ a. A Zifʋ tɔr za ŋa bɛ nyɛrɛ a ʋ danʋ nɩsaalbɛ zie ɩ, Naaŋmɩn zie n'a ʋ nyɛrɛ a ʋ danʋ.

Ʋrɔm 6:6

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

Ʋrɔm 7:24

'Woi, zu-bio sob i! Ãa n'ʋ na faa mɛ̃ bɛr a ƴã-gan ŋa ƴãw, a ƴã-gan ŋa na wɩɛr'ɩ mɛ̃ a kũu pʋɔ a?

2 Korɛ̃tɩ 5:1

Tɩ bãwnɩ a na, a pɛn-sɛw ʋl pʋɔ tɩ na be kpɩɛr a (a pɛr lɛ k'aa tɩ tẽw zu ka ƴã-gan) ʋlɛ wa sãw a, Naaŋmɩn cɔbrɛ nɩ kpɛb zie bɛrɛ tɩ a tẽ-vla pʋɔ, kpɛb zie na bɛ ɩ nɩsaal nuru bʋ̃-maala, ɛ́ be kʋralɛ a.

2 Korɛ̃tɩ 5:17

Lɛ so nɩr wa lãw nɩ a Kɩrɩta a, ʋ lɩɛb'ɩ nɩ-paala. Bʋ̃-kʋra tɔl'a, ɛ́ bʋ̃-paala n'ʋ be be.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Galasi 5:24

A bɛlɩ dem a Kɩrɩta na so a, bɛ kpa n a nɩsaalʋ a da-gara zu lãwnɩ a ʋ vʋla bʋʋrɛ na mɩ́ be a ʋ zie a, nɩ a ʋ yel-bɔbrɩ.

Efɛɛzɩ 4:22

A koro za ɩ-ɩrɩ n'a a fɛr kɛ́ nyɩ bɛr, ɛ́ ír a nɩsaal kʋra bɛr, a ʋ bɛ̀lʋ tɩɛrʋ ɩ na ʋ wɩɛr a loba.

Wulu-ayi-sob 10:16

A na ɩ à ŋá a, nyɩ ɩ nɩbɛ a Sore na so gbɛ́ɛ nɩ nuru a, nyɩ ta cãà dɩrɛ zu-kpɛnʋ a ʋ zie ɩ.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Kɔlɔsɩ 3:5

A na ɩ à ŋá a, nyɩ kʋ bom nɛ za na ɩ tẽw zu yele a, a nyɩ pʋ̃ɔmɩ: a pɩ̃ɔ-yele, a faalʋ, a ƴã-gan nʋ̃ɔ̀-faar, a yel-faar vʋla, nɩ a mimir na ɩ tɩbɛ ƴãwfʋ a.

Ebre 9:11

Ɛcɛ a Kɩrɩta wa na mɛ̃ a yel-vɩɛlɩ na waar a bàwr-maal-kara. Pɛn-sɛw na ɩ kpɛ̃ɛ ɛ́ vɩɛl zuo a pʋɔ n'a ʋ kpɛ, pɛn-sɛw na bɛ ɩ nɩsaalbɛ nuru bʋ̃-maala a, a pɛr lɛ kɛ́ na bɛ ɩ tẽw zu ka bʋ̃-íra a.

Ebre 9:24

Bʋ̃ʋ n'ʋ vɛ̃, a Kɩrɩta bɛ kpɛ zi-sõw pʋɔ nɩsaalbɛ na ŋmãa ɩ, zi-sõw nãá ɩ a zi-sõw mɩŋa ŋmɛ̃-ta-tɔ tɛwr a ɩ. A tẽ-vla tɔr za pʋɔ n'a ʋ kpɛ, k'ʋʋ tɩ be a Naaŋmɩn niŋé a ƴɛrɛŋa a tɩɩm ƴãw.