Kɔlɔsɩ 1:6 - A SƐB-SÕW

⁶ A Yel-nʋ̃ɔ̀ manɛ na yaarɛ ɛ́ wɔnɛ wɔmɛ a tẽ-daa za zu, mɛ̃ a lɛ ʋ na tɩ ɩ a nyɩ sɔgɔ a ʋlɩ bibir nɛ za nyɩ na wõ bɛ ƴɛ̀r a Naaŋmɩn maalʋ ƴɛ̀rʋ, ɛ́ nyɩ nyɛ̃ lɛ ʋ na sɩrɩ ŋmɛ̃ a.

Kɔlɔsɩ 1:6 ပူးပေါင်းရင်းမြစ်များ

Sɛb-sõw yielu 110:3

A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

Sɛb-sõw yielu 98:3

Ʋ bɛ yiiri a ʋ nɔ̃wfʋ nɩ a ʋ na ŋmɛ̃ ʋ ŋmɛ̃a a a Ɩsɩrayɛl nɩ-bʋʋrɛ ƴãw ɛ. A nɩbɛ nyɛ̃ na tɩ tɔ a tẽw baarʋ zie k'aa Naaŋmɩn faa tɩ na.

Matie 24:14

A Naaŋmɩn Naalʋ Yel-nʋ̃ɔ̀ ŋa na hier'a tɔ a tẽ-daa za, k'aa ʋ dãsɩɛ tʋ̃ɔ́ dɩ a nɩ-bʋʋr-yoru za zie. Lɛn daar'a a baarʋ daar pãa na ta.»

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Markɩ 16:15

Al pùorí, ʋ tɩ yel bɛ na: «Nyɩ cen a tẽ-daa za zu tɩ hiere a Yel-nʋ̃ɔ̀ kʋ̀rɛ a bʋ̃-íri za.

Markɩ 4:8

A bʋ̃-bie a mɩnɛ tɩ lo n tẽsɔw-vla pʋɔ, bul kɛrɩ ɛ́ wɔ̃: a kãw bʋ̃-bie lɩzɛr'ɩ pie, a kãw lɩz'a ata, a kãw kʋba (100).»

Zã 15:16

Nyɩmɛ bɛ nɛbɛ kaa ír mɛ̃ ɩ, mãa n'ʋ kaa ír nyɩ, ɛ́ ƴãw kɛ́ nyɩ cen tɩ wɔ̃ wɔmɛ, ɛ́ a nyɩ wɔmɛ be kʋralɛ. Lɛ n'a a ɩ̃ Sãà na kʋ̀ nyɩ bom nɛ za nyɩ nãá zɛlɛ a ʋ zie a ɩ̃ yúor ƴãw a.

Zã 17:19

Ɩ̃ dier'ɩ ɩ̃ tʋɔra kʋ̀rɛ fʋ k'ɩ̃ɩ ɩ sõw a bɛl ƴãw, kɛ̀ bɛ mɩ̀ ɩ son a fʋ ƴãw nɩ yel-mɩŋa.»

Zã 4:23

Ɛcɛ a daar tarɛ na, ʋ ta na mɔ̃ mɩ̀, a puor-puor-mɩn na puore a Sãà tu n vʋʋrʋ nɩ yel-mɩŋa. A puor-puorbɛ bɛ ŋa taabɛ nɛbɛ a Naaŋmɩn Sãà bɔbr.

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 12:24

A Naaŋmɩn ƴɛ̀rʋ tɩ yɛ̀rɛ na dɔwlɛ cere.

Nɩ-toni 16:14

A bɛ ƴen sob kãw, na dɩ kɛ́ Lidi a, tɩ ɩ n yɛ-yɛrɛ na kʋɔrɛ pɛn-zɩɩr, pɛn-vɩɛlɩ vɩɛlɩ a. Tɩatɩɩr'a ʋ tɩ yi, ɛ́ tu a Naaŋmɩn puoru sɔ́r. Ʋ tɩ ƴãw nɩ tobr a ƴɛ̀rʋ ƴãw, a Sore tɩ sɩrɩ na ɩ ʋ cɛlɛ a Pol ƴɛ̀rʋ zie vla.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 1:13

Yɛbr i, ɩ̃ bɔbr'a kɛ́ nyɩ bãwnɩ a, kʋralɛ n'a ɩ̃ tɩɛrɛ a nyɩ zie waa, k'ɩ̃ɩ wa páw a ɩ̃ tome tɔnɛ a nyɩ zie, mɛ̃ a lɛ ɩ̃ na páw a a nɩ-bʋʋr-yoru bɛ mɩnɛ zie a. Ɛcɛ ɩ̃ cãà bɛ nyɛ̃ vuo wa tɔ dɩ̃a ɩ.

Ʋrɔm 15:19

nɩ yele na ɩ bãwfʋ sãá a fãw, nɩ yel bãw-guuri nɩ a Naaŋmɩn Vʋʋrʋ Sõw fãw. À ŋá n'a ɩ̃ tĩ a Zerizalɛm ɛ́ yel a Kɩrɩta Yel-nʋ̃ɔ̀ vla za gʋɔr'ɩ tɩ ta n Ɩlɩɩrɩ.

Ʋrɔm 15:28

Mãa wa tu a yel ŋa pùor baarɩ, kʋ̀ bɛ a cɩɛrʋ bome a, ɩ̃ na tu n a nyɩ zie cen a Ɛsɩpanyɩ.

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

2 Korɛ̃tɩ 10:14

Bʋ̃ʋ n'ʋ vɛ̃, tɩ bɛ zuore a tɩ tʋr-bɔw bɛrɛ ɩ, mɛ̃ a lɛ nãá tɩ n'a, tɩmɛ bɛ tɩ wa a nyɩ zie a ɩ. Tɩmɛ nɛbɛ sɩrɩ de niwn ta a nyɩ zie kʋ̀ nyɩ a Kɩrɩta Yel-nʋ̃ɔ̀.

2 Korɛ̃tɩ 6:1

Ɛ́ tɩ na lãw nɩ a Naaŋmɩn tone a, tɩ zɛlɛ nyɩ na kɛ́ nyɩ ta bɛr a ʋ maalʋ nyɩ na páw a lo tẽw wɛ ɩ.

Efɛɛzɩ 3:2

Nyɩ bãw nɩ a maalʋ a Naaŋmɩn na kʋ̀ m a nyɩ ƴãw a ʋ pʋ-tɩɛrʋ maalʋ ƴãw a,

Efɛɛzɩ 4:21

A ʋ yele n'a nyɩ wõ, ɛ́ ʋlɛ n'ʋ bɛ wul nyɩ a tu a yel-mɩŋa na be a Yeezu pʋɔ a.

Efɛɛzɩ 4:23

Nyɩ sàw bɛ ɩ nyɩ lɩɛbɩ nɩ-paalɛ a nyɩ yã pʋɔ nɩ a nyɩ tɩɛrʋ pʋɔ.

Efɛɛzɩ 5:9

Ɛ́ a cãà wɔmɛ dɩ na kɛ́ vɩɛlʋ, mɩnʋ, nɩ yel-mɩŋa.

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

Filib 4:17

A bɛ kaar mɛ̃ ɩ̃ bɔbr'a kɛ́ nyɩ kʋ̀rɛ mɛ̃ bome ɩ. Bom nɛ ɩ̃ na bɔbr'a n'ɩ kɛ́ bɛ sɔ́r a ɩ-vɩɛlɩ wɔmɛ á ŋá ƴãw a nyɩ tɛra pʋɔ.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Kɔlɔsɩ 1:23

Ɛcɛ a fɛr'a kɛ́ a nyɩ naaŋmɩn-sàwfʋ ɩ nyɩ kpɛmɛ, bà gbɛ́r àr, ta sàw bom za taw nyɩ zãá nɩ a nyɩ tɩɛrʋ ʋl nyɩ na tɛr a ɩ, a lɛn daar za nyɩ na tɩ wõ a Yel-nʋ̃ɔ̀ a. A Yel-nʋ̃ɔ̀ ŋa hier'a ta bʋ̃-íra za a tẽw zu, ɛ́ a mãa Pol, ɩ̃ lɩɛb'ɩ a Yel-nʋ̃ɔ̀ ŋa tõ-tone.

1 Tesalonikɩ 1:5

Bʋ̃ʋ n'ʋ vɛ̃, a Yel-nʋ̃ɔ̀ tɩ na wa manɩ kʋ̀ nyɩ a bɛ tɩ ɩ ƴɛ̀rʋ tɛwr tɩ ƴɛ̀r ɛ, a tɩ lãw nɩ nɩ kpɛnʋ nɩ sõwfʋ na yi a Vʋʋrʋ Sõw zie a, bʋnʋ mɩ̀ bɛ tɩ ka be ɩ. Ɛ́ nyɩ bãw nɩ a lɛ tɩ na ɩ a nyɩ sɔgɔ a nyɩ vla ƴãw a.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

2 Tesalonikɩ 2:13

Yɛbr i, tɩɩm ƴãw a, a fɛr'a kɛ́ tɩ mɩ́ puore a Naaŋmɩn yãanɩ a nyɩ ƴãw kʋralɛ, nyɩɩm a Sore na nɔnɛ a. Bʋ̃ʋ n'ʋ vɛ̃, Naaŋmɩn kaa na ír nyɩ a pɛr-tib daar, k'aa Vʋʋrʋ Sõw na tɩrɛ a sonu a zũú, nɩ a yel-mɩŋa nyɩ na sàw de a ƴãw, nyɩ nyɛ̃ a faafʋ.

1 Pɩɛr 5:12

A Sɩlvɛ̃ na ɩ yɛb na bɛ lɛbr pùor a mãa zie a, ʋlɛ n'ʋ ɩ̃ ƴãw ʋ sɛb a sɛb-ŋmale ŋa kʋ̀ nyɩ, k'ɩ̃ɩ kpaalɩ nyɩ ɛ́ yel kʋ̀ nyɩ kɛ́ a Naaŋmɩn maalʋ sɩza pùor'a nyɩ tu.