Kɔlɔsɩ 1:18 - A SƐB-SÕW

¹⁸ Ʋlɛ n'ʋ ɩ a ʋ Lãw-yir ƴã-gan zu, ʋlɛ n'ɩ a bome za pɛr-tib zie, a bi-dãw-dɔwra na de niwn lɛb yi a kũuni pʋɔ, k'ʋʋ tʋ̃ɔ́ ɩ a niw-diere a yele za pʋɔ a.

Kɔlɔsɩ 1:18 ပူးပေါင်းရင်းမြစ်များ

Sɛb-sõw yielu 89:27

Ʋ na mɩ́ yel mɛ̃ na: “Fʋ ɩ n ɩ̃ Sãà, fʋ ɩ n ɩ̃ Naaŋmɩn, a pì-kpɛ̃w na faarɛ mɛ̃ a!”

A Yielu za pʋɔ yiel-vla vla 5:10

A ɩ̃ nɩ-nɔna pɛlɩ nɩ parpar, ʋ mɩ́ sãá nɩ nɩbɛ tùr-pie pʋɔ.

Ɩzayi 52:13

A Sore yere na: «A ɩ̃ tõ-tõ-bie na ɩ n nɩr. Ʋ na ìr'a àr, bɛ na zɛw ʋ na, ʋʋ na nyɛ̃ nɩ ƴãwfʋ yaga za.

Matie 23:8

A nyɩɩm a, nyɩ ta ƴãw bɛ bʋɔlɛ nyɩ “Wul-wule” ɩ, Wul-wule been yõ n'ʋ nyɩ tɛr, ɛ́ nyɩ za ɩ yɛbr.

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Zã 1:1

A yele za pɛr-tib daar, a Ƴɛ̀rʋ tɩ be na. A Ƴɛ̀rʋ tɩ be n a Naaŋmɩn zie, ɛ́ a Ƴɛ̀rʋ tɩ ɩ n a Naaŋmɩn.

Zã 1:16

Tɩ za páw nɩ bom a maalʋ za naalʋ ʋ na kpɛ a pʋɔ, tɩ páw nɩ maalʋ suwli taa.

Zã 1:27

Ʋ waar'ɩ a ɩ̃ pùorí, ɩ̃ɩ bɛ sɛwnɩ na cɛ̀r a ʋ nafawr bʋ̃-'leni ɛ.»

Nɩ-toni 26:23

Bɛ tɩ dãw na yel kɛ́ a Kɩrɩta na wõ n tuo ɛ́ lɛb de niwn yi a kũuni pʋɔ, k'ʋʋ na hier'ɩ a faafʋ cãà kʋ̀ a tɩ bʋʋrɛ nɩ a nɩ-bʋʋr-yoru.»

Ʋrɔm 8:29

Bʋ̃ʋ n'ʋ vɛ̃, a bɛlɩ dem a Naaŋmɩn na tɩ dãw de niwn bãw a, ʋ mɩ̀ bãwnɩ bɛ na ƴãw bɛ ɩ a ʋ Bie ŋmɛ̃-ta-taabɛ, k'aa Bie ŋa tʋ̃ɔ́ ɩ yɛbr na yãwmɛ yaga a kpɛ̃ɛ.

1 Korɛ̃tɩ 11:3

Ɛcɛ, ɩ̃ bɔbr'a kɛ́ nyɩ bãw a yel ŋa pɛr vla: dɛb za zu-sob'ɩ a Kɩrɩta, a pɔw zu-sob'ɩ a dɛb, ɛ́ a Kɩrɩta zu-sob'ɩ a Naaŋmɩn.

1 Korɛ̃tɩ 12:27

Nyɩ ɩ n a Kɩrɩta ƴã-gan, ɛ́ ŋa za ɩ a ƴã-gan ŋa ɓɛrmɛ.

1 Korɛ̃tɩ 15:25

Bʋ̃ʋ n'ʋ vɛ̃, a fɛr'a k'aa Kɩrɩta dɩrɛ naalʋ ɛ́ gù a Naaŋmɩn wa tɩ nɛb a ʋ dɔ̃ dem za bin a ʋ pile.

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Efɛɛzɩ 5:23

Bʋ̃ʋ n'ʋ vɛ̃, a sɩr n'ɩ a pɔw nɩ-kpɛ̃ɛ mɛ̃ a lɛn tɔr za a Kɩrɩta na ɩ a Lãw-yir nɩ-kpɛ̃ɛ a, ʋl na ɩ a ʋ ƴã-gan faarɛ a.

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

Kɔlɔsɩ 2:19

Bɛ bɛ lãw nɩ a Kɩrɩta na ɩ a ƴã-gan zu a ɩ. Ɛcɛ a Kɩrɩta zũú n'a a ƴã-gan za páwr a dɩb, ɛ́ a kɔbɛ tuor-taa ziir nɩ a jiile ɩ ʋ nyɔw taa ɛ́ kɛrɛ mɛ̃ a lɛ a Naaŋmɩn na bɔbr a.

1 Zã 1:1

Bom nɛ na tɩ be a yele za pɛr-tib daar a, bom nɛ tɩ na wõ a, bom nɛ tɩ na nyɛ̃ nɩ mimir a, bom nɛ tɩ na jɩ́r gbẽgbẽ ɛ́ tɔ n a tɩ nuru a, ʋ càar'ɩ a ƴɛ̀rʋ na tɩrɛ a nyɔ-vʋʋrʋ a.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 1:8

A Sore Naaŋmɩn yere na: «Mãa n'ɩ a Alfa nɩ a Omega, a sob nɛ na be, dãw be, ɛ́ waar a, a Kpɛnʋ-za-sob.»

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Yel-wula 22:13

Mãa n'ɩ a Alfa nɩ a Omega, a niw-diere nɩ a po-pàwrɛ, a pɛr-tib nɩ a baarʋ.»

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a: