Kɔlɔsɩ 1:13 - A SƐB-SÕW

¹³ Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

Kɔlɔsɩ 1:13 ပူးပေါင်းရင်းမြစ်များ

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ɩzayi 60:2

Jɩ́r nyɛ̃: lige pàw nɩ a tẽw, ulu pili na pàw a nɩ-bʋʋrɛ. Ɛcɛ fʋ̃ʋ a, a Sore pure nɩ a fʋ zu mɛ̃ mʋ̃tɔ̃w a, ɛ́ a ʋ yúor-vɩɛlʋ-danʋ nyɩwrɛ a fʋ zu.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Matie 17:5

Ʋ na tɩ cãà ƴɛ̀rɛ a, zũzuwr na nyɩwrɛ a, tɩ pili na pàw bɛ, ɛ́ kɔkɔr tɩ ƴɛ̀rɛ a zũzuwr pʋɔ yere: «A ɩ̃ Bi-nɔna n'ɩ à ŋà, ɩ̃ na pɛlɩ pʋɔ kaa ír a, nyɩ bɛrɛ wone a ʋ ƴɛ̀rʋ.»

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Matie 3:17

ɛ́ kɔkɔr kãw tɩ yi a salom zu yere: «A sob ŋa n'ɩ a ɩ̃ Bi-nɔna za, a ɩ̃ pʋɔ za pɛlɩ nɩ a ʋ ƴãw.»

Luka 13:24

«Nyɩ ƴãw fãw tu a dɩ̃dɔ-fɩɩra ƴãw kpɛ, alɛ bɛ ɩ lɛ, mãa n'ʋ yere kʋ̀rɛ nyɩ: nɩ-yaga na bɔbr'a kɛ́ bɛ kpɛ, ɛ́ kʋ̃ tʋ̃ɔ́ ɩ.»

Luka 22:53

Ɛcɛ bibir za, ɩ̃ mɩ́ tɩ be n a nyɩ zie, a Ŋmɩn-yir-kpɛ̃ɛ pʋɔ, ɛ́ nyɩ bɛ ír nũu tɔ n mɛ̃ ɩ. Ɛcɛ a ƴɛrɛŋa a, a nyɩ tɛm'ʋ ta, a lige kpɛnʋ n'a ta.»

Zã 17:24

Ɩ̃ Sãà a, a bɛlɩ dem fʋ na kʋ̀ m a, ɩ̃ bɔbr'a kɛ́ a be ɩ̃ na be a, bɛ mɩ̀ be a be lãwnɩ mɛ̃, ɛ́ nyɛ̃ a ɩ̃ yúor-vɩɛlʋ-danʋ, a yúor-vɩɛlʋ-danʋ ʋl fʋ na kʋ̀ m a, a fʋ na tɩ nɔ̃w mɛ̃ ɛ́ bɛ ír a tẽ-daa sɛr a ƴãw.

Zã 3:35

A Sãà nɔnɛ nɩ a Bie, ɛ́ de bom za ƴãw a ʋ nuru pʋɔ.

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

2 Korɛ̃tɩ 11:14

À á ŋá za dɛ bɛ ɩ nɔ-ɓãan ɛ: a Sɩtaana tɔr za mɩ́ bɛ̀lɩ na ɩ cãà malkɩ.

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Efɛɛzɩ 4:18

Lige liw na pàw a bɛ yã. Bɛ bɛ pʋɔ a nyɔ-vʋʋrʋ a Naaŋmɩn na tɩrɛ a pʋɔ ɩ, bʋ̃ʋ n'ʋ vɛ̃, a bɛ zɔnʋ kpawl'ɩ a bɛ socie.

Efɛɛzɩ 5:5

Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

Efɛɛzɩ 6:12

Nɩsaal bɛ n'ʋ tɩ zɛbr'ɩ ɛ, niw-dierbɛ nɩ kpɛnʋ dem a, a bɛlɩ dem na so a lige tẽ-daa ŋa a, nɩ a kɔ̃tɔ̃-faar na be a salom zu a, bɛlɛ nɛbɛ tɩ zɛbr'ɩ.

1 Tesalonikɩ 2:12

Tɩ kpaalɩ nyɩ na, tɩ yel'a kɛ́ nyɩ ƴãw fãw, tɩ zɛlɩ nyɩ nɩ yãayãa k'aa nyɩ cenu sɛw taa nɩ a Naaŋmɩn na bʋɔlɛ nyɩ kɛ́ nyɩ wa pʋɔ a ʋ naalʋ pʋɔ nɩ a ʋ yúor-vɩɛlʋ-danʋ pʋɔ a.

Ebre 2:14

A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.

1 Zã 2:8

Ɛcɛ Naaŋmɩn nɔ-ƴãwna na ɩ paala n'ʋ ɩ̃ sɛbr kʋ̀rɛ nyɩ, ɛ́ a ʋ yel-mɩŋa sãá nɩ a Kɩrɩta zie nɩ a nyɩ zie mɩ̀. Bʋ̃ʋ n'ʋ vɛ̃, a lige tɔlɛ na, ɛ́ a cãà tɔr za caalɛ baarɩ.

1 Zã 3:14

Tɩɩm a, tɩ bãw na kɛ́ tɩ yi n a kũu pʋɔ kpɛ nyɔ-vʋʋrʋ pʋɔ, tɩ na nɔnɛ a tɩ yɛbr a ƴãw. Sob nɛ na bɛ tɛr a nɔ̃wfʋ a cãà na be a kũu pʋɔ.

1 Zã 3:8

Sob nɛ na maalɛ a yel-bier a, Gɛgɛra so ʋ. A Gɛgɛra na ɩ yel-bier-maalɛ a pɛr-tib daar za a ƴãw. Yel ŋa ƴãw n'a a Naaŋmɩn Bie wa: k'ʋʋ wa sãw a Gɛgɛra tome bɛr.