Kɔlɔsɩ 1:12 - A SƐB-SÕW

¹² Nyɩ puore a Naaŋmɩn Sãà yãanɩ nɩ nʋ̃ɔ̀, ʋl na ɩ nyɩ na tʋ̃ɔ́ páw a na-bʋ̃-vɩɛlɩ ʋ na cɔbrɩ bin a tẽ-vla cãà pʋɔ cɛlɛ nɩ a ʋ nɩ-sori a.

Kɔlɔsɩ 1:12 ပူးပေါင်းရင်းမြစ်များ

1 Na-mɩnɛ 6:7

A yir ŋmãafʋ ƴãw a, bɛ mɩ́ tɩ de nɩ a kʋsɛbɛ, mɛ̃ a lɛ a na yi a kʋsɛ-bɔw pʋɔ wa a, tone nɩ. A na ɩ à ŋá a, a yir ŋmãafʋ daar za a, nɩr bɛ wõ 'hama, pĩi-gara nɩ kure tõ-tõ-bom kon za ɩ.

1 Bibie za yel-manɩ 29:20

Al pùorí, a Daviir tɩ yel'ɩ a lãw nɩbɛ za: «Nyɩ puore a Sore nyɩ Naaŋmɩn yãanɩ.» Lɛ n'a bɛ za tɩ puori a Sore, a bɛ sãàkʋm-kore Naaŋmɩn yãanɩ. Bɛ tɩ gbĩ n dume ɛ́ gũu tɩ tɔ tẽw a Sore niŋé nɩ a nãà niŋé.

Sɛb-sõw yielu 116:7

A fɛr'a k'ɩ̃ɩ ɓãá ɩ̃ mɩŋa, a Sore na maalɩ mɛ̃ vla a ƴãw.

Sɛb-sõw yielu 36:9

Bɛ mɩ́ dɩ n a fʋ yir bʋ̃-dɩ-nʋʋr tɩ tɩw, ɛ́ páw a fʋ bʋ̃-vɩɛlɩ a gbɔlɛ mɛ̃ man kʋ̃ɔ a.

Sɛb-sõw yielu 79:13

Ɛcɛ a tɩɩm na ɩ a fʋ nɩ-bʋʋrɛ a, a píir fʋ na cɩ̃ɩnɛ a, tɩ na yiele na danɛ nɩ fʋ kʋralɛ, tɩ na íre nɩ a fʋ yúor yome yome za.

Sɛb-sõw yielu 97:11

Cãà pur'ɩ a nɩ-mɩŋa ƴãw, ɛ́ nʋ̃ɔ̀ be be a soci-parpar dem ƴãw.

Zʋkpaɩ 16:1

A nɩsaal mɩ́ tɩɛr'ɩ a yele bin, ɛcɛ a Sore mɩ́ so a bãwfʋ.

Zʋkpaɩ 4:18

A nɩ-mɩn nyɔ-vʋʋrʋ nɩ̃ɛ na ɩ mɛ̃ zi-wɛl-paala cãà na mɩ́ dɔwlɛ cere tɩ ta a mʋ̃tɔ̃-tuo a.

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 20:17

A Yeezu yel ʋ: «Ta nyɔw mɛ̃ tɛr ɛ! Bʋ̃ʋ n'ʋ vɛ̃, ɩ̃ bɛ do a ɩ̃ Sãà zie sɛr ɛ. Fʋ̃ʋ a, cen tɩ páw a ɩ̃ yɛbr yel bɛ k'ɩ̃ɩ dúor'ɩ a ɩ̃ Sãà mɩ̀ na ɩ a nyɩ Sãà a zie, a ɩ̃ Naaŋmɩn, mɩ̀ na ɩ a nyɩ Naaŋmɩn a zie.»

Zã 4:23

Ɛcɛ a daar tarɛ na, ʋ ta na mɔ̃ mɩ̀, a puor-puor-mɩn na puore a Sãà tu n vʋʋrʋ nɩ yel-mɩŋa. A puor-puorbɛ bɛ ŋa taabɛ nɛbɛ a Naaŋmɩn Sãà bɔbr.

Nɩ-toni 20:32

Ƴɛrɛŋa a, ɩ̃ dier nyɩ na kʋ̀rɛ a Naaŋmɩn, ɛ́ dier nyɩ kʋ̀rɛ a Naaŋmɩn ƴɛ̀rʋ na tɩrɛ maalʋ a. A Naaŋmɩn tɛr'ɩ fãw na tʋ̃ɔ́ mɛ a yir, ɛ́ ɩ a bɛlɩ dem za na ɩ nɩ-son a bɛ páw a gbã-dɩ-bom.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 11:17

A Ɩsɩrayɛl nɩbɛ wa ɩ mɛ̃ olivʋ tɩ-kʋ́ɔra a Naaŋmɩn na cɛ a wuli a mɩnɛ bɛr a, ɛ́ a fʋ̃ʋ, na bɛ ɩ Zifʋ ɛ́ ɩ mɛ̃ mʋ̃ɔ pʋɔ olivʋ tɩɛ a, a Naaŋmɩn wa de fʋ ɓɛrɩ nɩ a olivʋ tɩ-kʋ́ɔra, fʋ pʋɔ a ʋ wuli na cɛ a pʋɔ páwr a tɩ-nyɩgɛ kʋ̃ɔ a,

Ʋrɔm 15:27

Bɛl mɩŋa nɛbɛ nyɛ̃ bɛ tʋɔra ɩ a lɛ, ɛcɛ yel-mɩŋa za, a tɩ fɛr'a kɛ́ bɛ sõw bɛ. Bʋ̃ʋ n'ʋ so, a Zifʋ kɩrɩta-nɩbɛ ɩ n a Naaŋmɩn maalʋ kʋ̀ a nɩ-bʋʋr-yoru. A na ɩ lɛ a, a fɛr'a k'aa nɩ-bʋʋr-yoru mɩ̀ sõw bɛ a bɛ ƴã-gamɛ yel-bɔbrɩ pʋɔ.

Ʋrɔm 8:17

Tɩ na ɩ a ʋ bibiir a, tɩ mɩ̀ pʋɔ nɩ a maalʋ a Naaŋmɩn na yel k'ʋʋ na kʋ̀ n a ʋ nɩ-bʋʋrɛ a pʋɔ, tɩ pʋɔ na lãw nɩ a Kɩrɩta, bʋ̃ʋ n'ʋ vɛ̃, tɩmɛ wa ɩ mɛ̃ tɩ lãw nɩ nɩ a Kɩrɩta wone a tuo a, tɩ mɩ̀ nãà lãw nɩ ʋ na a ʋ yúor-vɩɛlʋ-danʋ pʋɔ.

Ʋrɔm 9:23

Ʋʋ mɩ̀ tɩ bɔbr'a wul a lɛ a ʋ yúor-vɩɛlʋ-danʋ na ɩ kpɛ̃ɛ sɛw a bɛl na cɛ a zie a, a bɛl a na tɩ sɛw k'ʋʋ zɔ bɛ nɩbaalʋ a, a bɛl ʋ na dãw de niwn cɔbrɩ kɛ́ bɛ wa pʋɔ a ʋ yúor-vɩɛlʋ-danʋ pʋɔ a.

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

1 Korɛ̃tɩ 9:23

A Yel-nʋ̃ɔ̀ ƴãw n'a ɩ̃ ɩrɛ à à ŋá, k'ɩ̃ɩ tʋ̃ɔ́ pʋɔ a ʋ maalʋ pʋɔ.

2 Korɛ̃tɩ 11:14

À á ŋá za dɛ bɛ ɩ nɔ-ɓãan ɛ: a Sɩtaana tɔr za mɩ́ bɛ̀lɩ na ɩ cãà malkɩ.

2 Korɛ̃tɩ 5:5

A sob nɛ na cɔbrɩ tɩ à á ŋá ƴãw a, ʋlɛ n'ɩ a Naaŋmɩn na kʋ̀ tɩ a Vʋʋrʋ Sõw, ʋ ɩ a maalʋ tɩ nãà páw a bãwfʋ a.

Efɛɛzɩ 1:11

Tɩ na lãw nɩ a Kɩrɩta a, tɩ páw nɩ a bom ʋl a Naaŋmɩn na ƴãw nʋɔr k'ʋʋ na kʋ̀ tɩ na a: bʋ̃ʋ n'ʋ vɛ̃, ʋ tɩ de nɩ niwn kaa ír tɩ a tu a lɛ ʋ na cɔbrɩ a yele bin a. Ɛ́ a Naaŋmɩn mɩ́ maal'ɩ a yele za mɛ̃ a lɛ ʋ na yel ɛ́ bɔbr a.

Efɛɛzɩ 1:18

Ʋ sàw caalɩ a nyɩ socie nɩ a ʋ cãà, nyɩ tʋ̃ɔ́ bãw a tɩɛrʋ ʋl a ʋ bʋɔlʋ na ɩ kɛ́ nyɩ tɛr a, nɩ a ʋ gbã-dɩ-bom na vɩɛl bɛ tɛr tɔ, ʋ na cɔbrɩ cɛlɛ nɩ a ʋ nɩ-sori a.

Efɛɛzɩ 2:18

Ɛ́ ʋlɛ n'ʋ so a tɩ bʋʋrɛ bɛ ŋa ayi mɩ́ tʋ̃ɔ́ taw pɩɛlɩ a Naaŋmɩn Sãà, a Vʋʋrʋ been yõ ƴãw.

Efɛɛzɩ 3:6

A Naaŋmɩn yel-sɔwla ʋl n'ɩ ŋa: a Yel-nʋ̃ɔ̀ zũú, a Yeezu Kɩrɩta pʋɔ, ʋ ɩ na a nɩ-bʋʋr-yoru mɩ̀ pʋɔ a gbã-dɩ-bʋ̃-been nɛ pʋɔ, bɛ pʋɔ a ƴã-gã-been nɛ pʋɔ, nɩ a nɔ-been nɛ ʋ na ƴãw a pʋɔ.

Efɛɛzɩ 4:6

Naaŋmɩn-been yõ na ɩ a bɛ za Sãà a, na so bɛ za a, na tone bɛ za zie, ɛ́ lãw nɩ bɛ za a.

Efɛɛzɩ 5:11

Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a.

Efɛɛzɩ 5:20

Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

Efɛɛzɩ 5:4

A mɩ̀ bɛ sɛw kɛ́ ƴɛ̀r-pɔmɛ bɩɩ dãbol-ƴɛ̀rʋ bɩɩ dɩ̃ɛnʋ ƴɛ̀r-faar yire a nyɩ nʋɔrɩ́ ɛ. Nyɩ mɩ́ vɛ̃ kɛ́ puore a Naaŋmɩn barka.

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

Kɔlɔsɩ 2:2

Ɩ̃ bɔbr'a k'ɩ̃ɩ ɩ à ŋá bɛ kpɛ socir yaga za, bɛ lãw taa nɔnɛ taa tʋ̃ɔ́ páw a yã za naalʋ kpɛ, tʋ̃ɔ́ bãw a Naaŋmɩn yel-sɔwla na ɩ a Kɩrɩta a.

Kɔlɔsɩ 3:15

A Kɩrɩta ƴã-ɓaarʋ, ʋ dɩ naalʋ a nyɩ socie pʋɔ, a ƴã-ɓaarʋ ŋa pʋɔ n'a ʋ bʋɔlɩ nyɩ kɛ́ nyɩ wa lãw taa mɛ̃ ƴãw-been a. Nyɩ tɛr barka puoru tɩɛrʋ a nyɩ nyɔ-vʋʋrʋ pʋɔ.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.

Ebre 3:1

Yɛbr kɩrɩta-nɩbɛ ɛ, a Naaŋmɩn so nyɩ, ʋl na bʋɔlɩ nyɩ a. A na ɩ lɛ a, nyɩ jɩ́rɛ a Yeezu na ɩ a naaŋmɩn-sàw-deb tɩ na hiere a nɩ-tona nɩ abàwr-maal-kara a.

Ebre 3:14

Bʋ̃ʋ n'ʋ vɛ̃, tɩ lɩɛb'ɩ a Kɩrɩta taabɛ, tɩmɛ wa tɛr a tɩ tɩɛrʋ kpɛ̃w za tɩ ta n a baarʋ daar a.

Zakɩ 3:9

Ʋlɛ n'ʋ tɩ mɩ́ danɛ nɩ a Sore tɩ Sãà, ɛ́ ʋlɛ n'ʋ tɩ mɩ́ ŋmɩɛr'ɩ ƴãwn a nɩsaalbɛ na ɩ a Naaŋmɩn ŋmɛ̃-ta-taabɛ a.

1 Pɩɛr 5:1

Mãa mɩ̀ na pʋɔ a nɩ-kore pʋɔ ɛ́ dɩ a Kɩrɩta tuo-wob dãsɩɛ a, mãa mɩ̀ na na páw a yúor-vɩɛlʋ-danʋ na waar na sãá a, ɩ̃ zɛlɛ nɩ a nɩ-kore na be a nyɩ pʋɔ a:

1 Zã 1:3

Bom nɛ tɩ na nyɛ̃ ɛ́ wõ a, tɩ yere ʋ na kʋ̀rɛ a nyɩɩm mɩ̀, kɛ́ nyɩ mɩ̀ tʋ̃ɔ́ lãw nɩ tɩ, ɛ́ a tɩ lãw-taa ɩ n lãw-taa na be tɩɩm nɩ a Naaŋmɩn Sãà cara pʋɔ, ɛ́ be tɩɩm nɩ a ʋ Bie Yeezu Kɩrɩta cara pʋɔ a.

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Yel-wula 22:14

Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.