Amɔsɩ 9:15 - A SƐB-SÕW

¹⁵ Ɩ̃ na lɛb'a ƴãw a ɩ̃ nɩ-bʋʋrɛ a bɛ tẽw pʋɔ, ɛ́ nɩr kʋ̃ lɛb ír bɛ bɛr a bɛ tẽw zu ɛ, a tẽw ʋl ɩ̃ na na kʋ̀ bɛ a. A mãa Sore fʋ Naaŋmɩn n'ʋ yere.»

Amɔsɩ 9:15 ပူးပေါင်းရင်းမြစ်များ

Sɛb-sõw yielu 44:2

Naaŋmɩn i, tɩ wõ n nɩ tobr, a tɩ sãà mɩnɛ manɩ kʋ̀ tɩ a tome fʋ na tõ a bɛ daar a koro koro za a.

Sɛb-sõw yielu 80:8

Naaŋmɩn-kpɛnʋ-za-sob i, ɩ tɩ lɛb wa, tɛr nĩw-vla a tɩ ƴãw, ɛ́ tɩ na nyɛ̃ nɩ a faafʋ.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Zeremi 16:15

Ɛcɛ bɛ na nɩ̃ɛ na mɩ́ yel: “Ɩ̃ pɔ n nɩ a Sore na vʋʋrɛ a, na ɩ a Ɩsɩrayɛl nɩbɛ yi a tẽw saa-pɛrɩ́-gʋba-lowr nɩ a ten al za pʋɔ ʋ na diw bɛ yaarɩ a!” Sɩza n'a, ɩ̃ na lɛb'a tɛr bɛ wa n a tẽsɔw ʋl ɩ̃ na tɩ kʋ̀ a bɛ sãàkʋm-kore a pʋɔ.»

Zeremi 23:8

Ɛcɛ bɛ na mɩ́ yel'a: “Ɩ̃ pɔrɛ nɩ nɩ a Sore na vʋʋrɛ a, ʋl na ɩ a Ɩsɩrayɛl nɩbɛ yi a saa-pɛrɩ́-gʋba-lowr ten nɩ a ziir al za ʋ na diw bɛ yaarɩ a, lɛb wa zɩ̃ a bɛ tẽw pʋɔ a!”»

Zeremi 24:6

Ɩ̃ jɩ́rɛ bɛ na nɩ nɔ̃wfʋ, ɩ̃ɩ na lɛb'a tɛr bɛ wa n a tẽw ŋa pʋɔ. Ɩ̃ na lɛb'a mɛ bɛ, ɩ̃ kʋ̃ lɛb da bɛ lɔb ɛ. Ɩ̃ na lɛb'a sɛl bɛ, ɩ̃ bɛ lɛb vɔnɛ bɛ bɛrɛ ɩ.

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 32:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “A tẽw ŋa pʋɔ a, a nɩbɛ na lɛb'a dàar yie, póru nɩ divɛ̃ tɩɩr póru.”»

Zeremi 32:37

Ɩ̃ tɩ nyɛ̃ nɩ nɩ a ʋ nɩbɛ suur faa faa. Lɛ n'a ɩ̃ tɩ diw bɛ yaarɩ ziir za, tẽ-yaga pʋɔ. Ɛcɛ, ɩ̃ na lɛb'a ɓã bɛ taa, ɩ̃ na lɛb'a tɛr bɛ wa n a ka, wa ɩ bɛ ɓãa ƴãw kpɩɛr.

Zeremi 32:41

A ɩ̃ nʋ̃ɔ̀ n'ɩ ɩ̃ na na paalɩ bɛ nɩ yel-vɩɛlɩ a. Nɩ yel-mɩŋa, ɩ̃ na ɩ na bɛ tɛ nyɩgɛ a tẽw ŋa pʋɔ. Ɩ̃ na ɩ n a lɛ nɩ a ɩ̃ socir za, nɩ a ɩ̃ sɩ́ɛ za.»

Zeremi 33:7

Ɩ̃ na lɛb'a maalɩ a Zuda nɩ a Ɩsɩrayɛl nɩbɛ yele ƴãw, ɩ̃ɩ na lɛb'a ɩ bɛ ŋmɛ̃ a bɛ dãwdãw ŋmɛ̃a.

Ezekɩɛl 34:28

A sãanbɛ kʋ̃ lɛb fa bɛ ɩ, a wɛ-dʋn kʋ̃ lɛb 'wɔb bɛ ɩ. Bɛ na vʋʋrɛ nɩ nɩ ƴã-ɓaarʋ, ɛ́ nɩr za kʋ̃ lɛb ɩ bɛ bɛ maw ɛ.

Ezekɩɛl 37:21

Al pùorí, yel kʋ̀ bɛ a lɛ a mãa Sore Naaŋmɩn na yere a: Ɩsɩrayɛl nɩbɛ ɛ, ɩ̃ na ír nyɩ nɩ a nɩ-bʋʋrɛ bɛl sɔgɔ nyɩ na cen a. Ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw.

Ezekɩɛl 37:25

Nyɩ na kpɩɛr'ɩ a tẽw ʋl ɩ̃ na kʋ̀ a ɩ̃ tõ-tõ-bie Zakɔb a pʋɔ, a be a nyɩ sãàkʋm-kore na kpɛ a. Nyɩ na kpɛ n a be tɩ kɔwrɩ, a nyɩɩm, a nyɩ bibiir nɩ a nyɩ yan. A ɩ̃ tõ-tõ-bie Daviir'ʋ na ɩ a nãà na dɩrɛ a naalʋ a nyɩ zu a kʋralɛ.

Mise 4:4

Ŋa za na mɩ́ ɓãá nɩ ƴãw kʋɔr a ʋ divɛ̃ tɩɩr púo nɩ a ʋ kãkã-tɩɩr, ɛ́ nɩr za bɛ damnɛ ʋ ɛ.» À à ŋá n'a a Sore Kpɛnʋ-za-sob yere.