Amɔsɩ 9:11 - A SƐB-SÕW

¹¹ «A ʋlɩ bibir nɛ a, ɩ̃ na lɛb'a mɛ a Daviir gùr na lo a, ɩ̃ na fɔb'ɩ a vɛɛ, ɩ̃ na lɛb'a libri a ʋ deboru, ɩ̃ na ɩ na ʋ ìr àr mɛ̃ a dãwdãw a.

Amɔsɩ 9:11 ပူးပေါင်းရင်းမြစ်များ

A Zɔb sɛbɛ 1:10

Fʋ bɛ tʋ̃ɔ́ piw ʋ tɛr mɛ̃ dacin bɛ na ŋmãa viiri pàw ʋlɛ nɩ a ʋ yir dem nɩ a ʋ bʋ̃-tɛrɩ za a ɩ? Fʋ maal'ɩ a ʋ tome a cere vla, ɛ́ a ʋ dʋn bʋwlɩ pàw a tẽw.

Sɛb-sõw yielu 143:5

Ɩ̃ lɛb'a bãwnɩ a koro za, ɩ̃ tɩɛrɛ nɩ a ɩb za fʋ na ɩ a, ɩ̃ tɛr'ɩ a fʋ nuru tome za tɩɛrɛ.

Sɛb-sõw yielu 80:12

Ʋ zɔ n gbɛ́ɛ bɛr a tɩ tɔ a kʋ̃ɔ-kpɛ̃ɛ, ɛ́ a wuli-tɔm-paalɛ tɩ tɔ a Efaratɩ man.

Sɛb-sõw yielu 89:40

A wõ-taa fʋ na tɩ maal'ɩ a fʋ tõ-tõ-bie a, fʋ zawr'ʋ na bɛr, fʋ lɔb'ɩ a ʋ naalʋ-kpawʋɔ bɛr tẽw, dɛw ʋ bɛr.

Ɩzayi 16:5

a lɛn daar a, a fʋ nɔ̃wfʋ zũú a, naalʋ-dà-kɔw na kpɛmɛ ɛ́ cɛlɛ a na be n be a Daviir bʋʋrɛ ƴãw. Ʋ na zɩ̃ na mɛ̃ ƴɛ̀r-dɩrɛ a, a ʋ tɩ́ɛrʋ za ƴãw a yel na-tu-sɔr-a ƴãw, ʋʋ tʋlɛ a mɩnʋ ƴãw.»

Ɩzayi 5:5

Ƴɛrɛŋa a, ɩ̃ na yel'ɩ ʋlɩ bom nɛ ɩ̃ na na ɩ a ɩ̃ divɛ̃ tɩɩr púo a kʋ̀ nyɩ: ɩ̃ na ír'ɩ a dàbáw bɛr a dʋn 'wɔb a tɩɩr váar. Ɩ̃ na dáa nɩ a dacin na viiri koli ʋ a lɔb, a sɔr-tɔlbɛ nɛb ʋ.

Ɩzayi 58:12

Lɛ n'a fʋ na lɛb libri a debo-kore, fʋ na lɛb mɛ a dacĩ-pɛ́ɛ bɛ na bɛr koro za a zu. Bɛ na bʋɔlɛ fʋ nɩ «Nɩ-bʋʋrɛ na fɔbr dacine vɛɛ ɛ́ maalɛ a tẽ-kpɛ̃ɛ sɛ́ɛ ƴãwn a».

Ɩzayi 63:11

Lɛ n'a a ʋ nɩbɛ tɩ lɛb tɩɛrɩ a Moyiir daar: «Nyɩnɛ n'a a sob nɛ na ɩ a ʋ nɩbɛ bɛ yi a kʋ̃ɔ-kpɛ̃ɛ pʋɔ lɛb do a be? Nyɩnɛ n'a a ʋ dʋn lãwnɩ a cɩ̃ɩnbɛ be? Nyɩnɛ n'a a sob nɛ na ƴãw a ʋ Vʋʋrʋ Sõw a tɩ sɔgɔ a be?

Ɩzayi 65:9

Ɩ̃ na kʋ̀ n bʋʋrɛ a Zakɔb nɩbɛ, a Zuda dɔwlʋ nɩbɛ. Bɛ na so nɩ a ɩ̃ tan. A bɛlɩ dem ɩ̃ na kaa ír a na so a na, a bɛlɩ dem na tone a ɩ̃ tome a na kpɩɛr'ɩ a be.

Zeremi 18:9

A mɩnɛ kãw, ɩ̃ mɩ́ ƴɛ̀rɛ nɩ mɛb nɩ sɛlʋ ƴɛ̀rʋ nɩ-bʋʋr-yoru kãw bɩɩ naalʋ-tẽw kãw ƴãw.

Zeremi 30:9

Ɛcɛ bɛ na tone nɩ a ɩ̃ tome, a mãa bɛ Naaŋmɩn. Bɛ na tone nɩ a Daviir yir nɩr ʋl, a bɛ nãà, ɩ̃ na na ɩ ʋ lɛb be be a, tome.»

Zeremi 46:26

Ɩ̃ na de bɛ na ƴãw a bɛlɩ dem na bɔbr a bɛ kʋb a nuru pʋɔ: a Babɩlɔn tẽw nãà, Nabikodonozɔɔr, nɩ a ʋ sojarɩ. Ɛcɛ, a pùorí a, nɩbɛ na lɛb'a wa, wa kpɩɛr a Eziptɩ tẽw pʋɔ mɛ̃ a dãwdãw a.» A Sore n'ʋ yel.

A Lãw-mʋɔlɛ 5:21

Sore e, ɩ tɩ lɛb wa a fʋ zie, ɛ́ tɩ na sɩrɩ na lɛb wa. Ɩ a tɩ nyɔ-vʋʋrʋ ʋ lɛb ɩ paala ŋmɛ̃ mɛ̃ a koro kãw za dem a.

Ezekɩɛl 17:24

Lɛ n'a a mʋ̃ɔ pʋɔ tɩɩr za na bãw kɛ́ mãa n'ɩ a Sore. Ɩ̃ mɩ́ siwr'ɩ a tɩɩr al na kɛrɩ a, ɛ́ ɩ a al na ɩ cãpili a, a kɛrɩ. Ɩ̃ mɩ́ ɩ n a tɩ-ɓaar a ko, ɛ́ ɩ a al na ko a, a tɛr puuru. A mãa Sore n'ʋ yel ɛ́ mɩ́ ɩ a lɛ ɩ̃ na yel a.»

Ezekɩɛl 36:11

A ziir za a, a nɩbɛ nɩ a dʋn na lɛb'a yãwmɛ. Nyɩ na tɛr'ɩ bibiir, nyɩ na yãwmɛ na. A tẽw na lɛb'a tɛr nɩbɛ mɛ̃ a koro za a, ɛ́ a nyɩ tɛra na zuo nɩ a dãwdãw dem. Lɛ n'a nyɩ na bãw kɛ́ mãa n'ɩ a Sore.

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Abɩdɩasɩ 1:17

Lɛ n'a a nɩbɛ na cɩ̃ɛ a na nyɛ̃ sɔwlʋ zie a Sɩyɔ̃ tãw na na lɛb lɩɛbɩ tã-sõw a zu. A Zakɔb bʋʋrɛ na lɛb'a de a bɛ tẽw, a bɛlɩ dem na tɩ faa ʋ a zie.

Mise 5:2

A Sore na jɛ n a ʋ nɩ-bʋʋrɛ bɛr, ɛ́ gùre a daar nɛ a pɔw, a na fɛr k'ʋʋ dɔw a, nãà wa dɔw a. Lɛ n'a a bɛlɩ dem na na cãà vʋʋrɛ a gbãgbaalʋ pʋɔ, a diw-cenu pùorí a, na lɛb wa wa páw a Ɩsɩrayɛl nɩbɛ ŋmaarɛ.

Mise 7:11

A bibir waar'a bɛ na na lɛb mɛ a nyɩ tẽ-kpɛ̃ɛ dacine a. A ʋlɩ bibir nɛ a, bɛ na taw nɩ a nyɩ tẽw tʋr-bɔwrɩ tɔl'ɩ nidaa.

Mise 7:14

Sore e, cɩ̃ɩnɛ a nɩbɛ fʋ na so a, nɩ a fʋ na-cɩ̃ɩn-da-kʋra. Bɛ àr'ɩ bɛ yõ zie wɛ-kar pʋɔ tɩ-wɔnɩ zaadɛ̃ na jil koli a. Cɩ̃ɩnɩ bɛ mɛ̃ a dãwdãw a, cen nɩ a Basan tẽw nɩ a Galaadɩ tẽw dʋn mʋ̃ɔ 'wɔbrʋ zie.

Mise 7:8

Alɛ! Nyɩɩm tɩ dɔ̃ dem i! Nyɩ ta laar tɩ ɛ! Tɩmɛ saa lo a, tɩ na lɛb'a ìr. Tɩmɛ saa be lige pʋɔ a, a Sore n'ɩ a tɩ cãà!

Zakari 12:7

A Sore na de nɩ niwn faa a Zuda yie nɩbɛ, k'aa Daviir bʋʋrɛ nɩ a Zerizalɛm tẽw dem taa tɩ́ɛrɛ kɛ́ bɛ gãw nɩ a Zuda nɩbɛ ŋmaarɛ ɩ.

Zakari 14:10

A vuo ʋl za na viiri koli a Zerizalɛm a na lɩɛb'ɩ zi-tɩ̃tal, yi a Geva na be a saa-pɛrɩ́-gʋba-lowr a, ɛ́ tɩ ta a Irimon a saa-pɛrɩ́-dʋrʋ-lowr. A Zerizalɛm na do na gãw a zie na jil koli ʋ a, ɛ́ a tẽw na yi n a Bɛ̃zamɛ dɩ̃dɔr ƴãw ɛ́ cen tɩ tɔ a Dacĩ-gõgon dɩ̃dɔr, a be a dɩ̃dɔr kʋra na tɩ be a, ɛ́ lɛb yi a Hananeyɛl yir-cõcowla ƴãw, ɛ́ cen tɩ ta a nãà divɛ̃ tɩɩr wɔmɛ nɛbrʋ ziir.

Zakari 6:12

ɛ́ yel ʋ: “À ŋá n'a a Sore, a Kpɛnʋ-za-sob, yere: Nɩr be n a ka, a yúor dɩ kɛ́ “Bʋ̃-bul”, a nyɔ-vʋʋrʋ na búle nɩ a ʋ gbɛ́ɛ bɔwrɩ pʋɔ, ɛ́ ʋlɛ n'ʋ na lɛb mɛ a ɩ̃ yir-kpɛ̃ɛ,

Sɔr-nɛ́ɛ 24:18

Ʋ mɩ̀ zɛb'a de a Seyiir, a ʋ dɔ̃ dem, Edɔm tẽw nɩbɛ, tẽw. A Ɩsɩrayɛl nɩbɛ zɛb'a tʋ̃ɔ́.