Amɔsɩ 8:5 - A SƐB-SÕW

⁵ Nyɩ mɩ́ yel'a: «Debor'a a cuw paala cuw na tɔl mɔ̃, tɩ tʋ̃ɔ́ kʋɔrɩ a tɩ bʋ̃-bie? Ɛ́ debor'a a pɩ̃ɛnʋ-bibir na dɩ yi tɩ tʋ̃ɔ́ yuo a tɩ bowe? Tɩ na siwr'ɩ a bʋ̃-mána ɛ́ dúori a daarʋ libie nʋɔr, tɩ na de nɩ bʋ̃-keri na bɛ tori a.

Amɔsɩ 8:5 ပူးပေါင်းရင်းမြစ်များ

2 Na-mɩnɛ 4:23

A sɩr tɩ sowr'ʋ na: «Bʋnʋ ƴãw n'a fʋ cere a ʋ zie a dɩ̃a? Cuw-paala cuw bibir bɛ n'ʋ ɛ, mɩ̀ bɛ lɛb ɩ pɩ̃ɛnʋ-bibir ɛ.» A pɔw sɔw: «Ta zɔrɛ dɛ̃bɩ̃ɛ ɩ!»

Eziptɩ tẽw yib 31:13

«A nɛ-ƴãwnɩ n'ɩ à á ŋá fʋ na na tɩ yel kʋ̀ a Ɩsɩrayɛl nɩbɛ a: Nyɩ na maal'a tɛr a pɩ̃ɛnʋ-bibie, bʋ̃ʋ n'ʋ vɛ̃, a pɩ̃ɛnʋ-bibir na ɩ n bãwfʋ kʋralɛ mãa nɩ a nyɩɩm cara pʋɔ. Ʋ na sɩ̃wnɛ nɩ a nyɩ tɩ́ɛrʋ kɛ́ mãa n'ɩ a Sore na mɩ́ ɩ kɛ̀ nyɩ ɩ son a.

Zʋkpaɩ 11:1

A Sore bɛ nɔnɛ a bʋ̃-kera na bɛ tori a ɩ, ɛcɛ ʋ nɔnɛ nɩ tɩbrʋ bʋ̃-mána na tu sɔ́r a.

Zʋkpaɩ 16:11

A Sore bɔbr'a k'aa bʋ̃-keri tori, ɛ́ ʋlɛ n'ʋ ƴãw a lɛ a tɩbrʋ bʋ̃-mánɩ za na ɩ a.

Zʋkpaɩ 20:23

A Sore bɛ nɔnɛ a tɩbrʋ bʋ̃-mánɩ na bɛ tori a ɩ. Bome bʋ̃-keri na bɛ tori a, a bɛ vɩɛl ɛ.

Ɩzayi 1:13

Nyɩ ta cãà waar'ɩ de-kʋ̀b bome wa kʋ̀rɛ mɛ̃ zawlalɛ ɩ! A zʋ̀ʋ́r a, ɩ̃ bɛ nɔnɛ a towtow ɛ. Nyɩ ta cãà maalɛ a nyɩ cuw-paalɛ cuwr, a nyɩ pɩ̃ɛnʋ-bibie nɩ a nyɩ cuw-bɛrɛ ɩ, ɩ̃ bɛ sàwr puoru na lãwnɩ ɩ-faar a ɩ.

Ɩzayi 58:13

A Sore yere na: «Fʋ̃ʋ wa bɛr a fʋ zi-ceni a pɩ̃ɛnʋ-bibir a, fʋ̃ʋ wa bɛr a fʋ yele zie kaafʋ a ɩ̃ bibi-sõw bibir a, fʋ̃ʋ wa bʋɔlɛ a pɩ̃ɛnʋ-bibir “Nʋ̃ɔ̀”, a Sore bibir “Bibi-ƴãwna”, ɛ́ sɩrɩ ƴãwnɛ ʋ, mɩ́ bɛr a zi-ceni, a yele zie kaafʋ, a nɔkpɛn na bɛ tɛr baarʋ a,

A naaŋmɩn-ƴèr-manɛ Oze sɛbɛ 12:7

«A na ɩ à ŋá a, a fʋ̃ʋ a, fʋ na lɛb'a wa a fʋ Naaŋmɩn zie, taa lɛbr pùor ɛ, cere dẽdẽ, ɛ́ ƴãw a fʋ tɩɛrʋ a fʋ Naaŋmɩn ƴãw kʋralɛ.»

A naaŋmɩn-ƴèr-manɛ Oze sɛbɛ 12:8

A Efarayim ŋmɛ̃ na mɛ̃ a Kanãa tẽw dem na tɛr nyãnyu-bʋ̃-kera a nũú a. Bɛ nɔnɛ nɩ a zub.

Levitɩ mɩnɛ 19:36

Nyɩ mɩ́ tɛr bʋ̃-keri na tori a, tɩbrʋ bʋ̃-mánɩ na tori a, nɩ wogo bʋ̃-mánɩ na tori a. Mãa n'ɩ a Sore nyɩ Naaŋmɩn na ɩ nyɩ yi a Eziptɩ tẽw pʋɔ a.»

Zakari 5:6

Ɩ̃ tɩ sowr'ʋ na: «Bʋ̃ʋ n'ʋ?» Ʋ sɔw: «Zãkpa na ƴãw a tẽw za yel-bebe a n'ʋ.»

Zakari 5:8

A malkɩ tɩ yel mɛ̃ na: «A Faalʋ n'ɩ a pɔw ŋa.» Al pùorí, ʋ lɛb nɛ̃ ʋ ƴãw a zãkpa pʋɔ, ɛ́ lɛb de a pàwra pàw.

Malasɩ 1:13

Nyɩ mɩ̀ mɩ́ yere na: “Nyɛ̃ niw-sʋba a!” Nyɩ bɛ bʋɔlɛ mɛ̃ nɩr ɛ, a mãa, a Sore Kpɛnʋ-za-sob! Nyɩ mɩ́ wa n nɩ dʋ̃-zuri, dʋn na cɛwrɛ a, bɩɩ dʋ̃-bàalbɛ kɛ́ nyɩ wa kʋ̀ m. Ŋmɩŋmɩn n'a ɩ̃ na tʋ̃ɔ́ sàw de a de-kʋ̀b bome á ŋá taabɛ a nyɩ nũú? Nyɩmɛ nɛbɛ ɩ̃ sowre.

Sɔr-nɛ́ɛ 10:10

A nʋ̃ɔ̀, a cuw-bɛrɛ nɩ a cuw-paala bibie pʋɔ a, nyɩ na pɛbl'ɩ a wɩɩr ƴãw a nyɩ nyɩw-a-za-bagɛ nɩ a nyɩ lãw-taa bagɛ ƴãw. A na mɩ́ ɩ n à ŋá, ɩ̃ lɛb bãwnɩ nyɩ. Mãa n'ɩ a Sore nyɩ Naaŋmɩn.»

Kɔlɔsɩ 2:16

A na ɩ à ŋá a, nyɩ ta sàw nɩr za tɛrɛ nɩ nyɩ ƴɛ̀rʋ bʋ̃-dɩra bɩɩ bʋ̃-nyúura kãw ƴãw ɛ, cuw kãw ƴãw, cuw-paala ƴãw bɩɩ pɩ̃ɛnʋ-bibir ƴãw ɛ.

1 Samɩɛl 20:5

A Daviir tɩ sɔw ʋ na: «Nyɛ̃, bio n'a a cuw-paala cuw dɩrɛ, a na fɛr k'ɩ̃ɩ zɩ̃ kɔw a nãà dɩ. Ɛcɛ kʋ̀ m sɔ́r, ɩ̃ na cen na tɩ sɔwlɩ a wɩ̀ɛ pʋɔ tɩ ta a zaanʋɔra.