Amɔsɩ 8:2 - A SƐB-SÕW

² Ʋ tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Tɩ-wɔmɛ nɩ pèlé n'a ɩ̃ nyɛ̃, a tɩ-wɔmɛ daar na ta baarʋ a.» Lɛ n'a a Sore tɩ yel mɛ̃: «A ɩ̃ nɩ-bʋʋrɛ Ɩsɩrayɛl baarʋ ta na, ɩ̃ kʋ̃ lɛb bɛr a bɛ sãwna kãw za ɩ.

Amɔsɩ 8:2 ပူးပေါင်းရင်းမြစ်များ

Yele-za-pɛr-tib 6:13

Lɛ n'a a Naaŋmɩn tɩ yel a Nowe: «Mãa zie a, a nɩsaalbɛ yele baar'a. Bɛlɛ nɛbɛ so a po-to-fãw-ɩb paalɩ a tẽ-daa. A na ɩ lɛ a, ɩ̃ na sãw bɛ na bɛr lãwnɩ a tẽw.

Ɩzayi 28:4

A tɩ-puur-varsɩ ʋ na pɩ̃ɛ nɩ ʋ tʋɔra vla za a tãw na jɩ́rɛ a fʋɔla na pʋ̃ɔ ʋ za a zu a, bɛ na ƴɛ́r a na ŋmɛr. A Samaari tẽw ɩ na mɛ̃ kãkãw wɔ̃-dãw na mʋ̃ɔ ɛ́ a daar bɛ ta sɛr a. Nɩr wa nyɛrɛ ʋ wa báarɛ a, ʋ pɔr ʋ na, ɛ́ daadaalɛ ʋ vɔl.

Zeremi 40:10

A mãa a, ɩ be n a Misɩpa ka, k'ɩ̃ɩ tʋ̃ɔ́ mɩ́ ƴɛ̀r a Babɩlɔn tẽw dem na mɩ́ waar a tɩ zie a, a nyɩ yúor ƴãw. Ɛcɛ a nyɩɩm a, nyɩ dier a divɛ̃ tɩɩr wɔmɛ, a tɩ-wɔmɛ nɩ a kãá. Nyɩ mɩ́ maal bin a nyɩ bʋ̃-dieri, ɛ́ kpɩɛr a tẽ-bɛrɛ al nyɩ na be a pʋɔ.»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

A Lãw-mʋɔlɛ 4:18

Bɛ piwre nɩ a tɩ gbɛ-ceni: tɩ kʋ̃ tʋ̃ɔ́ lɛb cen a tɩ nɩ-yaga tuor-taa ziir ɛ. A tɩ baarʋ tarɛ na, a tɩ nyɔ-vʋʋrʋ baar'a, a baarʋ n'a.

Ezekɩɛl 12:23

A na ɩ à ŋá a, yel kʋ̀ a Ɩsɩrayɛl nɩbɛ k'aa mãa Sore Naaŋmɩn yere na k'ɩ̃ɩ kʋ̃ lɛb bɛr bɛ lɔb a zʋkpar ŋa ɩ, bɛ kʋ̃ lɛb lɔb ʋ a Ɩsɩrayɛl tẽw pʋɔ ɩ. Ɛcɛ yel kʋ̀ bɛ: “A daar ta na a yel-nyɛrɩ za na na tu a.”

Ezekɩɛl 29:8

Lɛ so a mãa Sore Naaŋmɩn yere à ŋá: Ɩ̃ na ɩ n zɛbr lo a fʋ zu, ɛ́ ɩ a fʋ tẽw nɩbɛ nɩ a dʋn kpi.

Ezekɩɛl 3:10

Ʋ tɩ cow na: «A fʋ̃ʋ, nɩsaal bie, yuo a fʋ socir ɛ́ ƴãw tobr vla a ɩ̃ ƴɛ̀rʋ ƴãw, ɛ́ maal tɛr a vla.

Ezekɩɛl 3:7

Ɛcɛ a Ɩsɩrayɛl nɩbɛ bɛl a, bɛ kʋ̃ bɔbr kɛ́ bɛ bɛr wo b ɛ, bʋ̃ʋ n'ʋ vɛ̃, bɛ bɛ bɔbr a ɩ̃ bɛr-wob ɛ. Sɩza n'a, bɛ ko n zuru ɛ́ kpawlɩ socie.

Ezekɩɛl 7:6

A baar'a: a kpɩɛrʋ pɛ-baara waar'a, ʋ na lo n a nyɩ zu, ʋ ta na!

Ezekɩɛl 8:12

A Naaŋmɩn tɩ sowri mɛ̃ na: «A fʋ̃ʋ nɩsaal bie, fʋ nyɛ̃ nɩ a lɛ a Ɩsɩrayɛl nɩbɛ nɩ-kore na sɔwlɛ ɩrɛ, ŋa za a ʋ beba zie a ʋ ŋmɩn-bɛlɛbɛlɛ niŋé a? Bɛ yere na: “A Sore kʋ̃ tʋ̃ɔ́ nyɛ̃ tɩ ɛ, ʋ zawr'ɩ a tẽw bɛr.”»

Ezekɩɛl 8:17

A Naaŋmɩn tɩ sowri mɛ̃ na: «A fʋ̃ʋ nɩsaal bie, fʋ nyɛ̃ a na a? A Zuda nɩbɛ bɛ ŋa bɛ ɩrɛ a ɩb na bɛ maal'ɩ wob a tɛwr a ka ɩ. Bɛ paal'ɩ a tẽw nɩ po-to-fãw-ɩb mɩ̀, ɛ́ bɔbr tuotuo kɛ́ bɛ ɩ a ɩ̃ suur ìr. Bɛ wule nɩ a bɛ fãw nɩ suur.

Ezekɩɛl 8:6

Ʋ tɩ yel'a ƴãw pʋɔ: «A fʋ̃ʋ nɩsaal bie, fʋ nyɛ̃ nɩ a lɛ bɛ na ɩrɛ a a? A ka a, a Ɩsɩrayɛl nɩbɛ ɩrɛ nɩ ɩb na bɛ maal'ɩ wob a, kɛ́ bɛ tʋ̃ɔ́ ɩ k'ɩ̃ taw zãá nɩ a ɩ̃ zi-sõw. Fʋ na cãà na nyɛ̃ yele a mɩnɛ mɩ̀ na bɛ maal'ɩ wob a.»

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Amɔsɩ 7:8

A Sore tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Dacin miw-máná n'ʋ!» A Sore yel mɛ̃: «Mãa n'ɩ ŋan waar'ɩ dacin miw-máná k'ɩ̃ɩ wa man nɩ nyɛ̃ a ɩ̃ nɩ-bʋʋrɛ Ɩsɩrayɛl ɩ-ɩrɩ tori na a. Ɩ̃ bɛ lɛb bɛrɛ a tɔlɛ ɩ.

Amɔsɩ 8:1

Bom ŋa n'ʋ a Sore ɩ̃ Naaŋmɩn tɩ ɩ ɩ̃ lɛb nyɛ̃: tɩ-wɔmɛ nɩ pèlé n'a. A tɩ-wɔmɛ baarʋ daar tɩ n'a.

Mise 7:1

'Woi! Mãa baw-bi-nɩr! Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a, mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a: ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ, ʋ bɛ nyɛrɛ kãkãw wɔ̃-dãw been za a vʋla na tɩ kpɩɛr ʋ a ɩ.

Zakari 5:2

A malkɩ tɩ sowri mɛ̃ na: «Bʋ̃ʋ n'ʋ fʋ nyɛ̃?» Ɩ̃ sɔw: «Ɩ̃ nyɛ̃ nɩ sɛbɛ na pili pili a, ʋ ƴaw cere. A ʋ wogo ɩ n mɛtɩr pie, ɛ́ a yɛ̀lʋ ɩ anũu.»