Amɔsɩ 8:14 - A SƐB-SÕW

¹⁴ Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»

Amɔsɩ 8:14 ပူးပေါင်းရင်းမြစ်များ

1 Na-mɩnɛ 12:32

Ʋ tɩ ƴãw nɩ cuw ʋ be a cuwr ani sob bibie pie nɩ anũu daar, cuw na ŋmɛ̃ taa nɩ a ʋl na mɩ́ tɩ maalɩ a Zuda tẽw a, ɛ́ a ʋl mɩŋa tɩ maalɩ bagɛ a bàwr-maal-kuur zu. À ŋá n'a ʋ tɩ ɩ a Betɛl, maalɩ bagɛ kʋ̀ a nadɛli ʋ na tɩ maalɩ a. Ʋ mɩ̀ tɩ ƴãw nɩ a bàwr-maalbɛ ʋ na kaa ír a maalʋ-ziir ƴãw a, a be.

1 Na-mɩnɛ 14:16

A Sore na jɛ bɛ na bɛr, a Zerobowam na maalɩ a yel-bier, ɛ́ ƴãw a Ɩsɩrayɛl nɩbɛ mɩ̀ maalɩ a ƴãw.»

1 Na-mɩnɛ 16:24

Al pùorí ʋ cen tɩ páw Semɛɛr, dà a Samaari tãw a ʋ zie, salm-pla libie túr ayʋɔb (6 000). Ʋ tɩ ŋmãa nɩ tẽ-kpɛ̃ɛ a be, por a yúor Samaari, ʋ tu a Semɛɛr, na dãw so a tãw a, yúor.

2 Na-mɩnɛ 10:29

Ɛcɛ ʋ bɛ tɩ bɛr a Nevatɩ bidɛb, Zerobowam, yel-bebe maalʋ ɛ. Bʋ̃ʋ n'ʋ vɛ̃, a Zerobowam n'ʋ tɩ ƴãw a Ɩsɩrayɛl nɩbɛ maalɩ a yel-bier, puori a Betɛl nɩ a Dan salm-zɩɛ náli.

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Sɛb-sõw yielu 140:10

A bɛlɩ dem na ŋmãa jil mɛ̃ a ɩrɛ nɩ pʋr-ɩb. Bɛ tɩ bɔbr'a kɛ́ faa páw mɛ̃. A faa ŋa, ʋ páw a bɛl tɛɛ za. Tɛw-àrʋ

Sɛb-sõw yielu 36:12

A pɔ̀lʋ sob, ʋ taa tarɛ mɛ̃ ɩ, ɛ́ a nɩ-faar taa ɩrɛ k'ɩ̃ zɔrɛ ɩ!

Zʋkpaɩ 24:16

A nɩ-mɩŋa na tʋ̃ɔ́ na lo ta gb'a ayopõi, ʋʋ na mɩ́ lɛb'a ìr, ɛcɛ a kpɩɛrʋ mɩ́ ɩ n a nɩ-faar bɛ lo.

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Ɩzayi 24:20

Ʋ dẽdere na mɛ̃ dã-kuole a, ʋ damnɛ na mɛ̃ sɛw sɛsɛb na fure damnɛ a. A ʋ yel-bier tɩbrɛ nɩ a ʋ zu, ʋ lo ɛ kʋ̃ lɛb tʋ̃ɔ́ ìr ɛ.

Ɩzayi 43:17

Ʋ tɩ ɩ na zɛbr-torkori nɩ wie yi, zɛbr-nɩbɛ nɩ a gãdaar. Bɛ lo na ɛ́ kʋ̃ lɛb ìr ɛ. Bɛ kpi na, bɛ baar'a mɛ̃ fɩ̃tɩlɛ pɛn a.

Zeremi 25:27

A Sore tɩ ƴãw na ɩ̃ yel bɛ: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ nyúur, nyɩ kuole, nyɩ tire, nyɩ lore taa lɛbr ìre ɩ, nyɩ na na nyɛ̃ a alɩ bome nɛ za ɩ̃ na na sãw a nyɩ sɔgɔ a.»

Zeremi 51:64

ɛ́ yel à ŋá: “À ŋá n'a a Babɩlɔn mɩ̀ na bɔr. Ʋ kʋ̃ lɛb ìr a kpɩɛrʋ a Sore na na ɩ a páw ʋ a pùorí ɛ.”» «A nɩ-bʋʋrɛ bàlɛ nɩ bɛ tʋɔra»: a Zeremi ƴɛ̀rʋ nʋɔr kʋb zie n'ɩ a ka.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 13:2

A ƴɛrɛŋa mɩ̀ a, bɛ cãà na maalɛ a yel-bier: bɛ nyɩlɛ nɩ salm-zɩɛ maalɛ nɩ bome, bɛ nyɩlɛ nɩ salm-zɩɛ maalɛ nɩ tɩbɛ, nɩ a bɛ bãwfʋ, nɩsaal bʋ̃-maalɩ n'ɩ à á ŋá za. Ɛcɛ a al ƴãw n'a bɛ mɩ́ yel: «A fɛr'a kɛ́ tɩ maalɩ bàwr kʋ̀ a!» Nɩsaalbɛ pãa mɩ́ wa nyɔw nadeli kɔ́rɛ mɔwrɛ, nyɩ maal'a ŋmɛ ɛ!

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

Amɔsɩ 5:1

Ɩsɩrayɛl yir nɩbɛ ɛ, nyɩ bɛrɛ wone a ƴɛ̀r-bir ŋa, a lãw-mʋɔlɛ ŋa ɩ̃ na kone a nyɩ ƴãw a.

Amɔsɩ 5:2

Ʋ lo na, a Ɩsɩrayɛl na ɩ mɛ̃ pɔwsɩrale a lo na ɛ́ kʋ̃ lɛb ìr ɛ. Ʋlɛ n'ɩ ŋan gã a ʋl mɩŋa tẽsɔw zu ɛ́ nɩr bɛ ka be na nyɔw ʋ ʋ ìr ɛ.

Amɔsɩ 5:5

Ɛcɛ nyɩ ta bɔbr mɛ̃ a Betɛl tẽw puoru yir pʋɔ ɩ, nyɩ taa kpɩɛr Gilgal tẽw puoru yir bɔbr mɛ̃ ɩ, nyɩ taa cere Bɛɛr-Seva a ɩ̃ ƴãw ɛ. Bʋ̃ʋ n'ʋ vɛ̃, bɛ na diw nɩ a Gilgal nɩbɛ cen nɩ tẽ-yũo, ɛ́ a Betɛl na ɩ a Naaŋmɩn yir a lɩɛbɩ faalʋ yir.»

Mise 1:5

A Zakɔb bʋʋrɛ bɛ-wonu, a Ɩsɩrayɛl yir dem yel-bebe n'a so à á ŋá za. Ãa n'ʋ so a Zakɔb bʋʋrɛ bɛ-wonu? A Samaari tẽw bɛ n'ʋ ɛ? Ãa n'ʋ so a Zuda nɩbɛ na ƴãwnɛ a tɩbɛ a? A Zerizalɛm tẽw bɛ n'ʋ ɛ?

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Nɩ-toni 18:25

Ʋ tɩ bãw nɩ a Sore sɔ́r yele ɛ́ tʋlɛ a ƴãw, hiere wule a nɩbɛ a Yeezu yele. A ʋ wulu tɩ tori na, ɛcɛ, a Zã suob yõ n'ʋ ʋ tɩ bãw.

Nɩ-toni 19:23

A vuo nɛ pʋɔ n'a a Efɛɛzɩ tɩ dam yaga yaga a Sore sɔ́r yele ƴãw.

Nɩ-toni 19:9

Ɛcɛ bɛ mɩnɛ tɩ kpãa nɩ tobr, ɛ́ zawrɩ a ƴɛ̀rʋ sàw deb ɛ́ sãwnɛ a Sore sɔ́r yúor a nɩbɛ pʋɔ. Lɛ so a Pol tɩ bɛr bɛ, ɛ́ bibir za, ʋ mɩ́ tɛr a po-tuurbɛ tɛwr kpɛ n a Tɩranɔsɩ nakol-yir tɩ kanɛ nɩ bɛ.

Nɩ-toni 24:14

Bom nɛ ɩ̃ na bãw k'ɩ̃ɩ ɩ na a n'ɩ ŋa: ɩ̃ tu n a Sɔr-paala, tone a tɩ sãàkʋm-kore Naaŋmɩn tome. A sɔ́r ŋa n'ʋ bɛl bʋɔlɛ kɛ́ lãw na bɛ sɛw a. Ɩ̃ sàw na de a yele al za na sɛb ƴãw a Naaŋmɩn wulu sɛbɛ pʋɔ nɩ a naaŋmɩn-ƴɛ̀r-manbɛ sɛbr pʋɔ a.

Nɩ-toni 9:2

ɛ́ ƴãw ʋ kʋ̀ ʋ sɛb-tʋɔlɩ a Damasɩ tẽw puoru-diru nɩ-bɛrɛ ƴãw, kɛ́ ʋlɛ wa tɩ nyɛ̃ nɩbɛ, dɛbr bɩɩ pɔwbɛ, bɛ tuur a Yeezu sɔ́r a, ʋʋ nyɔw bɛ ƴãw bamɛ wa n a Zerizalɛm.

Wulu-ayi-sob 33:11

Sore e, maalɩ bɛ a bɛ kanyir dɩb pʋɔ, ɛ́ sàw de a bɛ tome za. Ŋmɛ a bɛ dɔ̃ dem sɩɩr wɛl! A bɛlɩ dem na hɩ̃ɛn bɛ a, bɛ taa lɛb ìre towtow ɛ!»

Wulu-ayi-sob 9:21

Ɩ̃ tɩ ɓáw nɩ a nále nyɩ na tɩ maalɩ a, a nyɩ yel-bier bom, lɔb ƴãw vũumí. Al pùorí, ɩ̃ ŋmɛ ŋmɛ ʋ ŋmɛr, ƴɛ́r ʋ bàalɛ ɩ̃ lɔb ƴãw a fʋɔla na yi a tãw zu siwr a pʋɔ.